Istanbul Boshkonsulxonasi

@istanbul2020Boshkonsulxona

Гео и язык канала: Узбекистан, Русский

Категория: Путешествия

O'zbekiston Respublikasining Istanbul shahridagi Bosh konsulxonasining rasmiy kanali
Ijtimoiy tarmoqlardagi sahifalarimiz:
https://uzconsulate.taplink.ws/
Telegramdagi bot: https://t.me/IstanbulBoshKonsulxonasiBot

Связанные каналы | Похожие каналы

Гео и язык канала

Узбекистан, Русский

Категория

Путешествия

Статистика

Избранное

Фильтр публикаций

Скрывать удаленные

Скрывать репосты

Istanbul Boshkonsulxonasi

22 Jan, 14:05

Ertaga 23 yanvar kuni soat 10:00 - 13:00 da “ADS Hukuk” advokati Erdem Atmaja Bosh konsulxona binosida vatandoshlarimiz uchun bepul yuridik maslahat beradi.

8.4k 1 9 30

Istanbul Boshkonsulxonasi

22 Jan, 09:06

Özbekistan Cumhuriyeti İstanbul Başkonsolosluğu:

Kartalkaya otelinde meydana gelen yangında çok sayıda Türk vatandaşının hayatını kaybettiğini büyük bir üzüntüyle öğrenmiş bulunmaktayız. Hayatını kaybedenlerin ailelerine ve yakınlarına en içten taziyelerimizi sunuyor, yaralılara acil şifalar diliyoruz.

Bu zor günlerde Özbek halkı kardeş Türk halkıyla dayanışma içindedir.

O‘zbekiston Respublikasining Istanbuldagi Bosh konsulxonasi:

Kartalkaya mehmonxonasida sodir bo‘lgan fojiaviy yong‘in tufayli ko‘plab turk fuqarolari hayotdan ko‘z yumgani haqidagi xabarni chuqur qayg‘u bilan eshitdik. Marhumlarning oila a’zolari va yaqinlariga chin qalbimizdan hamdardlik izhor qilamiz, jabrlanganlarning tezroq shifo topishini tilaymiz.

Bu og‘ir damlarda o‘zbek xalqi qardosh turk xalqi bilan birgadir.

3.1k 0 3 45

Istanbul Boshkonsulxonasi

21 Jan, 18:39

Репост из: Prezident matbuot kotibi | Sherzod Asadov

Туркиянинг Болу музофотидаги тоғ-чанғи курортида юз берган кучли ёнғин оқибатида кўплаб инсонлар қурбон бўлгани ва жиддий жароҳат олгани муносабати билан Ўзбекистон Президенти Шавкат Мирзиёев Туркия Президенти Режеп Таййип Эрдоғанга ҳамдардлик йўллади.

Қардош Туркия етакчиси ва халқига чуқур таъзия изҳор этиб, давлатимиз раҳбари марҳумларнинг оила аъзолари ва яқинларига сабр-тоқат ва бардамлик, жабрланганлар тез фурсатда соғайиб кетишини тилади.
—
Президент Узбекистана Шавкат Мирзиёев направил соболезнования Президенту Турции Реджепу Тайипу Эрдогану в связи с многочисленными человеческими жертвами и пострадавшими в результате сильного пожара на горнолыжном курорте в провинции Болу.

Выразив глубокие соболезнования лидеру и народу братской Турции, глава нашего государства пожелал родным и близким погибших стойкости и терпения, а пострадавшим – скорейшего выздоровления.

Facebook|Instagram|X

2.3k 0 8 29

Istanbul Boshkonsulxonasi

21 Jan, 17:52

Репост из: Özbekistan Büyükelçiliği

#Rasmiy_munosabat

Joriy yilning 21-yanvar kuni Turkiyaning Bolu viloyati Kartalkaya kurort maskanida joylashgan "Grand Kartal" mehmonxonasida mahalliy vaqt bilan soat 03:27 da yong'in sodir bo’lgan.

Turkiya Ichki ishlar vazirligi mazkur yong'in oqibatida 66 kishi vafot etganligini va 51 kishi tan jarohati olganligini ma’lum qildi.

Dastlabki ma'lumotlarga ko’ra, vafot etgan va jarohat olganlar orasida O'zbekiston Respublikasi fuqarolari mavjud emas.

1.9k 0 14 38

Istanbul Boshkonsulxonasi

19 Jan, 09:10

#Tezkor_xabar

O‘zbekiston Respublikasi va Turkiya Ichki ishlar vazirligi hamkorligida odam savdosi jinoyatini sodir etganlikda ayblanib, O‘zbekiston Respublikasi Ichki ishlar vazirligi tomonidan qidiruvda bo‘lgan, 1990-y.t., SALIYEVA O‘G‘ILXON Toshkent shahriga deportatsiya qilindi.

Mazkur fuqaro vatandoshimizni chet elda qonunga xilof ravishda ularning hujjatlarini olib qo‘ygan va shahvoniy maqsadlarda sotib yuborgan.

Ushbu shaxsning xatti-harakatlaridan jabr ko‘rgan fuqarolardan O‘zbekiston Respublikasining Istanbul shahridagi Bosh konsulxonasiga yoki O‘zbekiston Respublikasi Ichki ishlar vazirligi yoxud ichki ishlar organlarining quyi hududiy bo‘linmalariga murojaat qilish so‘raladi.

Jinoyat uchun jazoning muqarrarligini taʼminlash maqsadida Turkiya hududida hamkorlikdagi tadbirlar tizimli ravishda davom ettirilmoqda.

16.2k 7 123 104

Istanbul Boshkonsulxonasi

18 Jan, 12:04

#Rasmiy_xabar

2025-yil 17-yanvar kuni Turkiya hududida qalbaki spirtli ichimlik iste’mol qilish oqibatida yana 3 (uch) nafar O‘zbekiston fuqarosi (barchasi erkak) vafot etdi.

Joriy yil 18-yanvar holatiga ko‘ra, spirtli ichimlikdan zaharlanish sababli vafot etgan fuqarolarimizning umumiy soni 17 nafarga yetdi.

Bosh konsulxona tomonidan qalbaki spirtli mahsulotlarni iste’mol qilish natijasida vafot etgan vatandoshlarimizning jasadlarini O‘zbekistonga yuborish uchun zarur hujjatlar rasmiylashtirilmoqda hamda oila a’zolariga kerakli yordam ko‘rsatilmoqda.

Shu bilan birga, Istanbul hududidagi shifoxonalarning jonlantirish bo‘limlarida qalbaki spirtli ichimlikdan zaharlanib davolanayotgan fuqarolarimiz soni 5 nafarga yetdi. Konsulxona xodimlari ushbu vatandoshlarimizning holidan xabar olib, ularning yaqinlari va shifoxona ma’muriyati bilan doimiy aloqada bo‘lib turibdi.

Bosh konsulxona diplomatlari mazkur holat yuzasidan Istanbul hokimligi, sog‘liqni saqlash boshqarmasi, sud-tibbiy ekspertiza markazi hamda huquqni muhofaza qilish organlari bilan muntazam aloqada bo‘lib turibdi.

Ba’zi vatandoshlarimiz zaharlangan bo‘lsa-da, uy sharoitida davolanishga harakat qilib, shifoxonaga bormagan holatlar ham aniqlandi. Ularga murojaat qilinganda, shifoxonaga borish moddiy jihatdan qimmatga tushishi mumkinligini aytishdi. Biroq keyinchalik bunday qarorlar buyrak faoliyatining ishdan chiqishi, ko‘rish qobiliyatining yomonlashishi va nafas olishda muammolar yuzaga kelishiga olib kelmoqda.

Har qanday holatda ham zaharlanish alomatlari sezilganda 112 qisqa raqami orqali tez tibbiy yordam chaqirtirilishi hamda shifoxonaning “qizil hududi” (“kırmızı alan”) orqali qabul qilinishi lozim. Bu xizmat bepul ekanligini eslatib o‘tamiz.

Bosh konsulxona barcha fuqarolarimizni ehtiyot choralari ko‘rishga, shaxsiy xavfsizlikka rioya qilishga va zarur hollarda Bosh konsulxonaga murojaat qilishga chaqiradi.

Vatandoshlarimiz bilan uzluksiz aloqani ta’minlash maqsadida konsulxonaning quyidagi mobil aloqa raqami +90 553 541 17 17 (24/7 rejimida) ishlamoqda.

21.4k 8 112 22

Istanbul Boshkonsulxonasi

17 Jan, 11:24

#Rasmiy_xabar!

2025-yilning 16-yanvar kuni Turkiya hududida qalbaki spirtli ichimlik iste’moli oqibatida yana 4 nafar O‘zbekiston fuqarosi (barchasi erkak) vafot etdi.

Avvalroq, 14-yanvar kuni 6 nafar, 15-yanvar kuni esa 4 nafar vatandoshimizning zaharlanish oqibatida vafot etgani haqida xabar bergan edik. 17-yanvar holatiga ko‘ra, zaharlanish oqibatida vafot etgan fuqarolarimizning umumiy soni 14 nafarni tashkil qilmoqda.

Olingan ma’lumotlarga ko‘ra, joriy yilning 17-yanvar holatida qalbaki spirtli ichimlik iste’moli tashxisi bilan Turkiya bo‘ylab kasallanganlar soni 88 nafarni tashkil etib, shundan 37 nafari vafot etgan. Ushbu qurbonlar orasida mahalliy aholi vakillari va boshqa millat vakillari ham mavjud.

Istanbul hokimligi tomonidan taqdim etilgan ma’lumotga ko‘ra, mahalliy huquq-tartibot idoralari 2025-yil 16-yanvar kuni Istanbul shahrida 32 862 litr noqonuniy metil va etil spirtli ichimliklarni musodara qilgan.

Tadbirlar Sultangazi, Fatih, Bakırköy, Küçükçekmece, Çatalca, Esenyurt, Zeytinburnu va Beykoz tumanlarida o‘tkazilib, 9 nafar gumonlanuvchi qo‘lga olingan. Tekshiruvlar chog‘ida 227 shisha soxta ichimlik va distillash uskunasi ham topilgan. Qo‘lga olinganlardan 3 nafari politsiyadagi so‘roqlardan so‘ng qo‘yib yuborilgan bo‘lsa, 6 nafarining tergovi davom etmoqda.

Bosh konsulxona diplomatlari Istanbul shahridagi shifoxonalarning jonlantirish bo‘limlarida qalbaki spirtli ichimlikdan zaharlanish oqibatida davolanayotgan fuqarolarning holidan xabar oldilar.
Ularning 3 nafarining ahvoli og‘ir.

Bosh konsulxona barcha vafot etgan fuqarolarimizning yaqinlariga sabr, kasallarga shifo tilaydi.

Fursatdan foydalanib, Bosh konsulxona barcha fuqarolarimizni spirtli ichimliklardan tiyilishga va shaxsiy xavfsizlik qoidalariga qat’iy rioya qilishga chaqiradi.

Bizning telefon raqamimiz: +905535411717

94.3k 33 215 61

Istanbul Boshkonsulxonasi

16 Jan, 09:03

Istanbul morg idorasi tomonidan fuqarolar vafoti bo‘yicha taqdim etilgan ma’lumotlar yuzasidan aniqlik kiritish ishlari davom ettirilmoqda.

Spirtli ichimlikdan zaharlanish oqibatida vafot etganlar soni 10 nafarni tashkil etadi.

Qo‘shimcha ma’lumotlar uchun bosh konsullikning rasmiy sahifasini kuzatib boring.

20.8k 16 61 40

Istanbul Boshkonsulxonasi

16 Jan, 07:35

E’lon!

Joriy yilning 15-yanvar kuni Istanbul shahridagi Bosh konsulxonamizga to‘rt nafar fuqaromizning (barchasi erkak kishi) soxta spirtli ichimlik iste’mol qilish natijasida vafot etganligi bo‘yicha murojaatlar kelib tushdi.

14 yanvar kuni 6 nafar fuqaromiz vafot etgani haqida habar bergan edik.

Bosh konsulxona diplomatlari ushbu holat yuzasidan Istanbul sog‘liqni saqlash, sud-tibbiy ekspertiza boshqarmasi hamda huquqni muhofaza qilish organlari bilan doimiy aloqada bo’lib turibdi.

Shuningdek, konsulxonamizning telefon raqamlari orqali kelib tushayotgan savollarga javob berilmoqda.

Bosh konsulxona barcha fuqarolarimizni ehtiyot choralari ko‘rishga, shaxsiy xavfsizlikka rioya qilishga va zarur hollarda Bosh konsulxonaga murojaat qilishga chaqiradi.

Aloqa uchun:
+90 (553) 541-17-17

14.5k 12 66 24

Istanbul Boshkonsulxonasi

15 Jan, 11:26

Ertaga 16 yanvar kuni soat 10:00 - 13:00 da “ADS Hukuk” advokati Erdem Atmaja Bosh konsulxona binosida vatandoshlarimiz uchun bepul yuridik maslahat beradi.

12.5k 1 18 36

Istanbul Boshkonsulxonasi

14 Jan, 22:06

Qalbaki spirtli ichimliklarni tayyorlash hamda tarqatish bilan shugillanib kelgan ikki nafar Turkmaniston fuqarosi Istanbul shahrida qo’lga olindi.

Olingan ma’lumotlariga ko‘ra, so‘nggi sutka ichida Istanbul shahrida jami 38 kishi soxta spirtli ichimlik iste’moli oqibatida zaharlangan. Kasalxonaga murojaat qilganlarning 11 nafari hayotdan ko‘z yumgan.

Politsiya voqea yuzasidan keng qamrovli tergov ishlarini boshladi.

Ma’lum bo‘lishicha, shifoxonaga murojaat qilganlarning 26 nafari xorijliklardir.

Mazkur holatga aloqadorlikda ayblanib, 2 nafar Turkmaniston fuqarosi qo‘lga olingan va ularga nisbatan jinoyat ishi ochilgan.

Hozirga vaqtga ko’ra qalbaki spirtli ichimliklar oqibatida vafot etgan O’zbekiston fuqarolari soni 6 nafarga yetdi. Ulardan 5 erkak va 1 nafar ayolni kishini tashkil etmoqda.

27.1k 14 235 59

Istanbul Boshkonsulxonasi

14 Jan, 17:34

ISTANBULDA BIR KUNDA 5 FUQARO QALBAKI ALKOGOLDAN ZAHARLANIB VAFOT ETDI

2025-yil 14-yanvar kuni Istanbul shahridagi Bosh konsulxonaga qo‘lbola spirtli ichimlik iste’moli oqibatida zaharlanib vafot etgan 5 nafar yurtdoshlarimizning yaqin qarindoshlari murojaat qildi. Ushbu noxush holatlar Istanbul shahrining Aksaray tumanida sotib olingan spirtli ichimlik iste’moli oqibatida yuzaga kelgan.

Vafot etgan fuqarolarimiz asosan 35–40 yoshdagi erkaklar bo‘lib, ularning barchasi voyaga yetmagan farzandlarni yetim qoldirdi.

Shu munosabat bilan, Istanbul shahridagi Bosh konsulxona barcha fuqarolarni spirtli ichimliklardan tiyilishga va ehtiyotkorlikka chaqiradi.

Salomatlikka tahdid soluvchi har qanday vaziyatda zudlik bilan yaqin shifoxonaga murojaat qilishingiz va Bosh konsulxona bilan bog‘lanishingiz tavsiya etiladi.

Favqulodda holatlar yuzasidan quyidagi telefon raqamlariga murojaat qilishingiz mumkin:

📞 Bosh konsulxona: +905535411717

Sizning xavfsizligingiz va salomatligingiz biz uchun muhim!

21.7k 33 265 51

Istanbul Boshkonsulxonasi

13 Jan, 19:40

AVTOFIRIBGAR USHLANDI VA O‘ZBEKISTONGA YUBORILDI

Turkiya va O‘zbekiston Ichki ishlar vazirliklari hamkorligida o‘tkazilgan tezkor tadbir davomida Istanbul shahrida qo‘lga olingan, 2015 yildan buyon avtomobil oldi-sotdi sohasida ko‘plab firibgarlik jinoyatlarini sodir etganlikda ayblanib qidiruvda bo‘lgan, 1969 yilda tug’ilgan “I.U.B.” 2025 yil 11 yanvar kuni Bosh konsulxona xodimlari ishtirokida O‘zbekiston Respublikasiga deportatsiya qilindi.

Ushbu shaxsning hatti-harakatlaridan jabr ko‘rgan fuqarolardan O‘zbekiston Respublikasi Ichki ishlar vazirligi yoxud uning quyi tizimlariga murojaat qilish so‘raladi.

Jinoiy javobgarlikdan qochib xorijiy davlatlarda, shu jumladan Turkiyada yashirinib yurgan har bir shaxsga nisbatan jinoiy taʼqib izchil ravishda davom ettiriladi va jinoyat uchun javobgarlik prinsipi qatʼiy taʼminlanadi.

Shu bilan birga, keyingi vaqtlarda firibgarlik sodir etilishi holatlari yuzasidan Bosh konsulxonamizga kelayotgan murojaatlar soni ortganligini inobatga olib, fuqarolardan firibgarlarga aldanib qolishdan OGOH BO‘LISHLARINI SO‘RAYMIZ.

17.1k 10 66 44

Istanbul Boshkonsulxonasi

12 Jan, 14:45

Али Қушчининг ўғлига тегишли асар Ўзбекистонга тақдим этилди

Ўзбекистондаги Ислом цивилизацияси марказига буюк олим Али Қушчининг ўғли Қози Абдураҳмон қаламига мансуб "Равнақ-ул бўстон" асарининг факсимиле нусхаси олиб келинди. Ушбу асарнинг асл нусхаси Аё София кутубхонасида сақланмоқда.

Китоб Марказга Истанбул университети профессори Эмек Ушенмез томонидан тақдим этилди.

"Равнақ-ул бўстон" боғдорчиликка бағишланган бўлиб, унда меваларни етиштириш, сақлаш ва ниҳолларни парваришлаш бўйича қимматли тавсиялар берилган.

Асарни ўзбек тилига таржима қилиш ишлари ўзбекистонлик олимлар томонидан амалга оширилмоқда.

23.5k 3 65 45

Istanbul Boshkonsulxonasi

12 Jan, 13:56

02:28

Болалар уйига жойлаштирилган ватандошимиз Ватанга қайтарилди

Ўзбекистоннинг Истанбул шаҳридаги Бош консулхонасига 66 ёшли Я.Х. невараси 2009 й.т. Я.А.ни Туркиянинг Текирдағ вилоятидаги Болалар уйидан Ўзбекистонга олиб кетиш юзасидан ёрдам сўраб мурожаат қилди.

Фуқаро Я.Х. 2022 йилдан буён турли маъмурий-ҳуқуқий тўсиқлар сабабли набирасини Ўзбекистонга олиб кета олмай, оғир шароитга тушиб қолган.

Маълум бўлишича, 2024 йилнинг сентярь ойида Туркия суди томонидан Х.Я. набирасини қарамоғига олиш ҳамда Ўзбекистонга олиб кетиш ҳуқуқини берувчи қарор чиқарилган. Бироқ, қарор кучга киргунга қадар А.Я. Болалар уйидан қочгани сабабли унга нисбатан қидирув эълон қилиниб, Болалар уйи маъмуриятининг тақдимномасига кўра Адлия органи томонидан бувиси Я.Х.га нисбатан “набирасини қочишини ташкиллаштирганлиги” юзасидан айб эълон қилинган.

Бош консулхона, Ташқи миграция агентлиги вакиллари, “Аёллар ҳуқуқларини ҳимоя қилиш жамияти” ҳамкорлигида юқоридаги айбловларни рад этиш ҳамда Я.А.ни Ўзбекистонга қайтариш юзасидан келишувга эришилди.

Жорий йилнинг 12 январь куни Я.А. бувиси ҳамроҳлигида Ўзбекистонга қайтарилди.
Истанбулдаги Бош консулхона ватандошларимизни Ўзбекистонга юборишда яқиндан ёрдам берган ЎМИ Тошкент шаҳар вакиллигига ўз миннатдорчилигини билдиради ҳамда фуқароларимизни вояга етмаган фарзандларини хорижда назоратсиз қолдирмасликка чақиради.

8.5k 6 19 35

Istanbul Boshkonsulxonasi

11 Jan, 19:33

Bosh konsulxona tashabbusi bilan mamlakatimizga yuborilgan Turkiya investorlari Farg’ona, Namangan viloyati, Samarqand viloyati Urgut tumani hokimiyatlarida, shuningdek, Tashqi savdo, investitsiya, Sog’liqni saqlash vazirliklari hamda Savdo sanoat palatalarida hamkorlik o’rnatish boyicha muzokaralar otkazdilar va qo’shma loyihalarni amalga oshirish bo’yicha kelishuvga erishdilar.

5.2k 4 8 35

Istanbul Boshkonsulxonasi

9 Jan, 12:26

00:53

Turkiyada O’zbekiston fuqarosi qamoqxonadan ozod qilindi

2024-yilning dekabr oyida O’zbekiston fuqarosi S.R. Turkiya Respublikasining mahalliy huquq-tartibot idora xodimlar tomonidan yashash joyidan ushlanib Maltepa qamoqxonasiga olib ketilgan.

Bu haqida fuqaroning yaqinlari O’zbekistonning Istanbuldagi Bosh konsulxonasiga murojaat qilishdi. Diplomatik vakolatxona xodimlari “ADS Hukuk” firmasi advokatlarini jalb etgan holda Maltepa qamoqxonasiga borib fuqaro ahvolidan xabar olishdi hamda voqeaning to’liq tafsilotlari o’rganildi.

Ma’lum bo’lishicha, S.R. bir shaxsdan telefon sotib olgan va u nosoz bo‘lib chiqqanidan so‘ng pulini qaytarib berishni talab qilgan hamda o’zaro tortishuv bo’lgan. Shundan so’ng, O‘zbekiston fuqarosi S.R. keyinroq o‘zi joylashgan mehmonxonaga kelgan bir nechta shaxs tomonidan kaltaklangan va ular tomonidan tan jarohati yetkazishga urinib ko‘rilgan. Ushbu voqea paytida bir kishi pichoq bilan jarohatlangani ma’lum bo‘lgan. Shundan so’ng, S.R. qo‘lga olinib, Maltepe qamoqxonasiga olib ketilgan (tafsiloti yuqoridagi videoda).

Vatandoshimizga Bosh konsulxona va “ADS hukuk” tomonidan huquqiy yordam ko’rsatish natijasida S.R. qamoqxonadan qo‘yib yuborilishiga erishildi. Hozirda fuqaro oilasining bag’rida.
Sud jarayoni esa davom etmoqda.

24.2k 8 67 56

Istanbul Boshkonsulxonasi

8 Jan, 20:33

Ertaga 9 yanvar kuni soat 10:00 - 13:00 da “ADS Hukuk” advokati Erdem Atmaja Bosh konsulxona binosida vatandoshlarimiz uchun bepul yuridik maslahat beradi.