"ISHTIXON OVOZI"

Оила ва жамият аёллар, муҳтарама опа-сингилларимиз билан гўзалдир

Аёл оила ва жамият устуни, ҳаётимиз файзи ва кўркидир. Хотин-қизлари эъзозланган, қадрланган юртнинг бугуни ва эртаси фаровон.

Чунки аёл меҳнати билан жамият тўлақонли ривожланади, тараққиёт этади...


Batafsil...👉👉 Ishtixon ovozida

✅@ishtixonovozi 🌐Instagram
✅Facebook 📹Youtube
🌐Sayt

Навоийда боғча директори ЙТҲга учраб вафот этди

Ушбу ЙТҲда марҳум билан бирга бўлган 3 нафар боғча мудираси турли даражадаги тан жароҳати олган. Улар Навоий Мактабгача ва мактаб таълими бошқармасининг йил якунларига бағишланган йиғилишида иштирок этиш учун кетаётган бўлишган.

✅@ishtixonovozi 🌐Instagram
✅Facebook 📹Youtube
🌐Sayt

⚡️Россия вазиятни яширишга уринди — Илҳом Алиев

29 декабрь куни Озарбайжон Республикаси Президенти Илҳом Алиев мамлакат телевидениеси учун Актауда содир бўлган авиаҳалокат юзасидан интервю берди. Бу ҳақда Озарбайжон президенти матбуот хизмати хабар берди.

Хабарга кўра, Озарбайжон фуқаролик самолёти Россия ҳудуди устида, Грозний шаҳри яқинида ташқаридан шикастланган ва бошқарувни деярли йўқотган. Электрон уруш воситалари самолётни назоратдан чиқарган ҳамда бу унга биринчи зарба бўлган. 

"Самолётдаги тешик-тешик излар қушлар тўдасига урилганлик ҳақидаги назарияларни инкор қилади. Эҳтимол, самолётда урилиш содир бўлиб шикастланганда учувчи буни қушлар билан тўқнашув сифатида қабул қилган бўлиши мумкин. Чунки бизнинг самолётимиз бизга дўст бўлган давлат устидан учиб ўтаётганда ердан ўқ узилиши ҳеч кимнинг хаёлига келмаган бўлса керак" — дейди Алиев.

"Россия бу назарияни илгари суришни афзал кўрдилар. Биз учун яна бир афсусланарли ва ҳайратланарли лаҳза Россиянинг расмий идоралари самолёт бортида газ баллони портлаши ҳақидаги назарияларни илгари сургани бўлди.

Бошқача айтганда, бу Россия томонининг, албатта, масалани яширмоқчи эканлигини яққол кўрсатди. Албатта, бу ерда қасддан террор акти ҳақида гап бўлиши мумкин эмас. Лекин Озарбайжондан ўз вақтида кечирим сўраш, бу ҳақда жамоатчиликни хабардор қилиш – булар кўрилиши керак бўлган чора ва қадамлар эди" — дея эътироз билдирган Озарбайжон президенти.

Шунингдек, барчаси адолатли бўлиши учун воқеанинг тўлиқ тафсилотини ўрганиш учун фақат халқаро экспертлардан иборат ишчи гуруҳ тузилишини таъкидлади.

✅@ishtixonovozi 🌐Instagram
✅Facebook 📹Youtube
🌐Sayt

АҚШнинг 39-президенти Жимми Картер 100 ёшида вафот этди. У шундай кекса ёшгача ҳаёт кечирган АҚШнинг ягона собиқ президенти эди

Сиёсатчи Вьетнам урушидан «қочганлар» учун амнистия эълон қилгани ва Исроил ва Миср ўртасидаги Кэмп-Дэвид келишувларини тузиш жараёнида иштирок этгани, шунингдек, СССР билан стратегик қуролларни чеклаш тўғрисидаги шартнома имзолагани билан машҳур эди.

Картер 2002 йилда «дунёдаги можароларни тинч йўл билан ҳал қилишга қаратилган саъй-ҳаракатлари учун» тинчлик бўйича Нобель мукофотига сазовор бўлган.

✅@ishtixonovozi 🌐Instagram
✅Facebook 📹Youtube
🌐Sayt

#Bugungi_kun_hikmati

Har bir kishiga kun davomida eng kamida o'n martda hayotini o'zgartirishga imkoniyat beriladi. Omad esa o'sha imkoniyatni ishlata olganga kulib boqadi.

✍ Andrea Morua.

✅@ishtixonovozi 🌐Instagram
✅Facebook 📹Youtube
🌐Sayt

Украинадаги уруш эртага тугайди

Украиналик журналист Дмитрий Гордоннинг маълум қилишича, эртага урушни якунлаши мумкин бўлган тарихий учрашув бўлади.

“Маълумотим 90-95 фоизга аниқ” деб ёзган журналист.

✅@ishtixonovozi 🌐Instagram
✅Facebook 📹Youtube
🌐Sayt

Шахмат: Самарқандлик Афруза Ҳамдамова жаҳон чемпионатида 6-ўринни эгаллади

АҚШнинг Нью-Йорк шаҳрида шахмат бўйича рапид ва блиц йўналишлари бўйича жаҳон чемпионати бўлиб ўтди.

Аёллар ўртасидаги дунё биринчилигида ягона вакиламиз Афруза Ҳамдамова юртимиз шарафини ҳимоя қилди. Ёшлар ўртасида икки карра жаҳон чемпиони бўлган Афруза тарихий натижа қайд этди. У 11 имкониятдан 8 очко жамғариб, қўшимча кўрсаткичларга кўра 6-ўринни эгаллади.

Кеча ўтказилган 3 та партиядан 2 тасида ғалаба, 1 тасида дуранг қайд этди. Турнирда 83-рақам остида таснифланган Ҳамдамова учун бу тарихий натижа.

Саида Мирзиёева ўз саҳифасида Афрўза Ҳамдамовани рапид бўйича жаҳон чемпионатида эришган ютуғи билан табриклади.

“Атиги 15 ёшида у мусобақанинг ҳақиқий сенсациясига айланди, дунё рейтингининг "Топ-20" талигига кирди ва иқтидор ҳамда меҳнатнинг чегараси йўқлигини исботлади. Баракалла, Афрўза! Сен халқимизнинг фахрисан!”, деб ёзади Президент ёрдамчиси ўз табригида.

✅@ishtixonovozi 🌐Instagram
✅Facebook 📹Youtube
🌐Sayt

⚡️Мусулмонлар идораси тўйлардаги исрофгарчилик ва дабдаба ҳақида фикр билдирди

Ўзбекистон мусулмонлар идораси тўйлар, оилавий тантаналар, марҳумлар хотираси, ҳаж ва умрага бориб-келувчиларни кутиб олишга бағишланган йиғинлар тўғричида баёнот берди.

"Таассуфки, тўйлар, оилавий тантаналар, марҳумлар хотираси, ҳаж ва умрага бориб-келувчиларни кутиб олишга бағишланган йиғинлар, улардаги бир-биридан ўтиб тушадиган, кимўзарга, риёга, исрофга тўла ишлар халқимизнинг жиддий муаммоларидан бири бўлиб келмоқда" — дейди Ўзбекистон мусулмонлари идораси Уламолар Кенгаши раиси, муфтий Шайх Нуриддин Холиқназар.

Шу сабаб, зиёлилар, ёши кекса отахону онахонлар, нуронийларни биргаликда аҳолига исрофгарчилик ва дабдаба қилаётганларга тушунтириш ишларини кўпайтиришга, бу каби иллатларга биргаликда барҳам беришга чорлади.

"Аллоҳ таоло ато этган мол-дунёни исроф қилиш – катта гуноҳ, эканини уқтирайлик! Бунинг ўрнига топганларимизни савобли ишларга сарфлаб, бева-бечора, ночор, муҳтожларга ёрдам берайлик, ана шунда улкан савобга эга бўламиз, иншоааллоҳ!" — дейди муфтий.

✅@ishtixonovozi 🌐Instagram
✅Facebook 📹Youtube
🌐Sayt

⚡️ Шаҳрам Ғиёсов айиқ билан "кураш тушгани" юзасидан Экология вазирлиги муносабат билдирди

Ижтимоий тармоқларда боксчи Шаҳрам Ғиёсов айиқ билан машғулот ўтказгани акс этган видео тарқалди. Ҳолат юзасидан Экология вазирлиги расмий муносабат билдирди.

"Айни дамда Экология, атроф-муҳитни муҳофаза қилиш ва иқлим ўзгариши вазирлиги томонидан ҳолат ўрганилмоқда ва натижаларига кўра батафсил маълумот берилади ҳамда ҳуқуқбузарларга нисбатан қонуний тартибда чора кўрилади.

Экология вазирлиги ҳайвонларга нисбатан ҳар қандай шафқациз муносабатни қоралайди", дейилади хабарда.

Маълумот учун, Ўзбекистон Республикаси Вазирлар Маҳкамасининг "Ёввойи ҳайвонларни сақлаш тартибини такомиллаштириш чора-тадбирлари тўғрисида"ги қарорига кўра, 2025 йил 1 январдан жисмоний шахслар томонидан ярим эркин шароитларда, сунъий яратилган яшаш муҳитида ёки тутқунликда сақланиши талю таъқиқланган ёввойи ҳайвонлар рўйхати тасдиқланган. Ушбу рўйхатга айиқларнинг барча тури киритилган. Яъни бошқа ҳайвонлар қатори айиқларни ҳам давлат ва мобил циркларида (шапитолар) сақлаш ҳамда улардан цирк томошаларини ўтказиш мақсадларида фойдаланиш таъқиқланади.

✅@ishtixonovozi 🌐Instagram
✅Facebook 📹Youtube
🌐Sayt

#Bugungi_kun_hikmati

Agar siz itga suyak bersangiz, bu siz saxovat qildingiz degani emas. Agar siz o‘sha it kabi och bo‘lganingizda suyakni u bilan bo‘lishsangiz, ana o‘shanda saxovat ko‘rsatgan bo‘lasiz.

✍ JekLondon.

✅@ishtixonovozi 🌐Instagram
✅Facebook 📹Youtube
🌐Sayt

*Бугун Ўзбекистон халқ шоири Эркин Воҳидов таваллуд топган кун

Ўзбек Навоийни ўқимай қўйса…

Ўзбек Навоийни ўқимай қўйса,
Олтин бошнинг калла бўлгани шудир.
Бедил қолиб Демьян Беднийни суйса,
Қора сочнинг малла бўлгани шудир.

Ўзбек Навоийни ўқимай қўйса,
Дод демоққа палла бўлгани шудир.
Маърифатдан айру ўйнаса, кулса,
Аза чоғи ялла бўлгани шудир.

Ўзбек Навоийни ўқимай қўйса,
Алдангани, алла бўлгани шудир.
Юлғич азиз бўлиб, билгич хор бўлса,
Пайтаванинг салла бўлгани шудир.

Эл комил бўлмаса юрт эмас улуғ,
Беқадр маҳалла бўлгани шудир.
Қалб тўла нур халқнинг ризқи ҳам тўлуғ,
Омбор тўла ғалла бўлгани шудир.

Ўзбек ўзлигини англаса бекам,
Унинг «Баракалла» бўлгани шудир.
Оламга Навоий наслиман деган
Овози баралла бўлгани шудир.

✅@ishtixonovozi 🌐Instagram
✅Facebook 📹Youtube
🌐Sayt

Путин Озарбайжон президентидан Актауда содир бўлган ҳалокат юзасидан узр сўради

28 декабрь куни Россия Федерацияси президенти Владимир Путин Озарбайжон Республикаси президенти Илҳом Алиевдан телефон орқали узр сўради. Бу ҳақда Кремль нашри хабар берди.

Хабарга кўра, 25 декабрь куни Қозоғистоннинг Актау шаҳри яқинида Озарбайжон ҳаво йўллари йўловчи самолётининг ҳалокатга учраши Россия ҳаво ҳудудида содир бўлганлиги сабабли узр сўраган ва ҳалок бўлганларнинг оила аъзоларига яна бир бор чуқур ва самимий ҳамдардлик билдирган.

Шунингдек, қатъий жадвал бўйича парвоз қилаётган Озарбайжон йўловчи самолёти Грозний аэропортига бир неча бор қўнишга урингани таъкидланган.

Келтирилишича, бу вақтда Грозний, Моздок ва Владикавказ Украина жанговар учувчисиз учиш аппаратлари томонидан ҳужумга учраган ва Россия ҳаво мудофаа тизимлари бу ҳужумларни қайтарган.

Россия Тергов қўмитаси 1-модда бўйича жиноий иш қўзғатилган. Бирламчи тергов ҳаракатлари олиб борилмоқда, фуқаролик ва ҳарбий мутахассислар сўроқ қилинмоқда, дейилади хабарда.

✅@ishtixonovozi 🌐Instagram
✅Facebook 📹Youtube
🌐Sayt

YANGI ORZULAR BAYRAMI

Yurtimizda bayram shukuhi. Yangi yil bayramini ayniqsa bolajonlar o`zgacha bir zavq bilan nishonlaydilar. Shu kunlarda bolajonlar davrasida shodu xurramliklar avjida...

Batafsil... 👉👉Ishtixon ovozida

✅@ishtixonovozi 🌐Instagram
✅Facebook 📹Youtube
🌐Sayt

#Bugungi_kun_hikmati

Men muvaffaqiyatsizlikka uchramadim. Men faqat 10.000 ishlamaydigan usullarni topdim holos!

✍️ Tomas Edison.

✅@ishtixonovozi 🌐Instagram
✅Facebook 📹Youtube
🌐Sayt