Yurist Iroda Qahhorova

❗️ОЛИНГАН КРЕДИТНИ ҚАЙТАРИШ МАЖБУРИЯТИНИ БОШҚА ШАХСГА ЎТКАЗСА БЎЛАДИМИ?

⚡️САВОЛ;
Банкдан олган кредитимни тўлаш мажбуриятини бошқа шахсга ўтказсам бўладими ?

⚡️ЖАВОБ;
Фуқаролик кодексининг 322-моддасига асосан, қарздорнинг ўз қарзини бошқа шахсга ўтказиш мумкин, фақат бунга кредитор (Кредит берган банк)нинг розилиги билан йўл қўйилади.

✅ Янги қарздор кредитор билан дастлабки қарздор ўртасидаги муносабатларга асосланган барча эътирозларни кредитор талабига қарши қўйишга ҳақли. (✏️ Яъни, банкдан кредит олган шахс унга кредит берган банкка қандай эътироз билдириши мумкин бўлса, уни қарзини тўлашни бўйнига олаётган иккинчи шахс хам шундай ҳуқуққа эга бўлади)

✅ Агар кафил ёки гаровга қўювчи шахслар янги қарздор учун жавоб беришга рози бўлмаса, қарз бошқа шахсга ўтказилиши билан кафиллик ёки учинчи шахс томонидан белгиланган гаров бекор бўлади. (✏️ Яъни, мен биринчи кредит олган шахсга кафил эдим. Шартнома ўзгарганидан кейинги кредит тўловчини мен танимайман ва унга кафил бўлишни истамайман деб ўртадаги кафил ўйиндан чиқиши хам мумкин дегани бу)

✏️ Демак, агар банк бунга рози бўлса кредит олган шахс ўз кредитини тўлаш мажбуриятини бошқа шахсга ўтказиши мумкин. Рози бўлмаса йўқ.


Бу тўғрисида видео ҳам қилганман ( медиадан қидириб кўринг)

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

Ногиронлиги бўлган шахслар учун давлат божини тўлашда қандай имтиёзлар мавжуд?
✅ “Давлат божи тўғрисида”ги Қонунга кўра:
📑кексалар ва ногиронлиги бўлган шахслар учун интернат уйларида яшовчи кексалар ва ногиронлиги бўлган шахслар доимий яшаш ва вақтинча турган жойи бўйича рўйхатдан ўтказганлик учун;
🤹И ва ИИ гуруҳ ногиронлиги бўлган шахслар концерт-томоша фаолиятини амалга ошириш ҳуқуқи учун давлат божи тўлашдан озод қилинади.
🔆Ижтимоий ҳимоя ягона реестрида рўйхатга олинган шахсларга, шунингдек И ва ИИ гуруҳ ногиронлиги бўлган шахсларга давлат хизматлари марказлари ва (ёки) Ўзбекистон Республикасининг Ягона интерактив давлат хизматлари портали орқали давлат хизматларини кўрсатиш чоғида қонунчилик ҳужжатларида белгиланган давлат божлари, йиғимлар ва бошқа ҳар қандай тўловлар бўйича 50% чегирма қўлланилади, бундан тадбиркорлик фаолияти мақсадларида ёки юридик шахснинг вакили сифатида мурожаат қилиш ҳоллари мустасно.
🔰Шунингдек, “Давлат божи тўғрисида”ги Қонуннинг 8-9-10-моддаси тегишли бандларига кўра ногиронлиги бўлган шахсларнинг жамоат бирлашмалари, шунингдек уларнинг муассасалари, ўқув-ишлаб чиқариш корхоналари ва бирлашмалари — барча даъволар юзасидан фуқаролик ва иқтисодий судларда, шунингдек маъмурий судларда ва барча нотариал ҳаракатларни амалга оширишда давлат божидан озод этилган.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

Кадастр паспортини тайёрлаш ва кадастр ҳужжатларини расмийлаштиришда қуйидаги ҳолатларда пул ундирилмайди

а) кадастр паспортини расмийлаштиришда:

👉 кўчмас мулк объекти бўйича бирламчи кадастр йиғмажилди (паспорти) мавжуд бўлиб, бегоналаштирилганда ёки объектда ўзгаришлар (реконструкция, қўшимча ва алоҳида қурилиш) мавжуд бўлмаганда;
👉 кўчмас мулк объектининг бир қисми бегоналаштирилганда объектнинг қолган қисмига;
👉 реконструкциясиз тоифаси ўзгарганда;
👉 кадастр йиғмажилди (паспорти) йўқолганда (яроқсиз ҳолга келганда ва кўчмас мулк объекти кўрсаткичлари ўзгартирилмасдан);
👉 қонунчилик ҳужжатларига мувофиқ аҳоли пунктларининг номланиши ва чегаралари ўзгарганда, шу жумладан бир ҳудуддан бошқа ҳудудга ўтказилганда (турар ёки нотурар кўчмас мулк объектида реконструкция, қўшимча ва алоҳида қурилиш мавжуд бўлган ҳоллар бундан мустасно);

б) кўчмас мулкка бўлган ҳуқуқларни давлат рўйхатидан ўтказишда:

👉 фуқаронинг фамилияси, исми ва отасининг исми ўзгарганда;
👉 аввал давлат рўйхатидан ўтказилиб, амалда бўлган кўчмас мулкка бўлган ҳуқуқлар (давлат рўйхатидан ўтказилганлиги тўғрисида гувоҳнома берилган ёки ҳуқуқни белгиловчи ҳужжатга устхат ёзиш йўли билан тасдиқланган) тўғрисидаги маълумотларни электрон тарзда давлат реестрига киритиш ва реестрдан кўчирма бериш;
👉 қонунчилик ҳужжатларига мувофиқ аҳоли пунктларининг номланиши ва чегаралари ўзгарганда, шу жумладан, бир ҳудуддан бошқа ҳудудга ўтказилганда (турар ёки нотурар кўчмас мулк объектида реконструкция, қўшимча ва алоҳида қурилиш мавжуд бўлган ҳамда ҳуқуқ бошқа шахсга ўтган ҳоллар бундан мустасно);
👉 тадбиркорлик субъекти — юридик шахснинг ташкилий-ҳуқуқий шакли ва (ёки) фирма номи ўзгарганда.

Ўзбекистон Республикаси Вазирлар Маҳкамасининг қарори, 10.07.2014 йилдаги 186-сон.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

#2024_йил_1_июндан

✅ Қонунчиликка кўра, меҳнат миграциясидан қайтган шахсларни ишга қабул қилган иш берувчиларга ҳар бир ишга олинган ходим учун 12 ой давомида ойига 500 минг сўмдан субсидия тўланади.

❕Бундан бюджет ташкилотлари, давлат корхоналари, устав капиталида давлат улуши 50 фоиз ва ундан ортиқ бўлган юридик шахслар мустасно.

🔘Бунда:

🔹субсидия 2024 йил 1 июндан 2026 йил 1 январга қадар ишга қабул қилинган шахсларга нисбатан тўланади;

🔹меҳнат миграциясидан қайтиб келган шахс билан тузилган ва Ягона миллий меҳнат тизимида рўйхатдан ўтказилган меҳнат шартномаси субсидия тўлаш учун асос бўлиб ҳисобланади;

🔹меҳнат миграциясидан қайтиб келган шахслар деб хорижда 3 ва ундан ортиқ ой мобайнида меҳнат фаолияти билан шуғулланиб, яшаш манзилига қайтиб келганлигига бир йилдан кўп вақт бўлмаган шахслар тушунилади.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

Bugun va ertaga Toshkent shahrida transport vositalari harakati cheklanadi

26-27-may kunlari Toshkent shahrida keng miqyosdagi xalqaro tadbirlar oʻtkazilishi hamda ayrim koʻchalarda obodonlashtirish va qurilish-montaj ishlari davom etayotganligi munosabati bilan transport vositalari harakati vaqtincha cheklanadi. Shu sababli Yoʻl harakati xavfsizligi xizmati haydovchilarga zarurat boʻlmaganda shaharda harakatlanmaslikni tavsiya qildi.

Shuningdek, 26-27-may kunlari Toshkent shahriga kirish taqiqlanishi, Qamchiq dovonida harakat cheklanishi haqida tarqalgan xabarlar hech qanday asosga ega emasligi maʼlum qilindi.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

#Билармидингиз

Ҳозирги кунда Ўзбекистон ҳудудида:

🔵 меҳнатга ҳақ тўлашнинг энг кам миқдори – 1 050 000 сўм;

🔵 базавий ҳисоблаш миқдори – 340 000 сўм;

🔵 пенсияни ҳисоблашнинг базавий миқдори – 372 000 сўм;

🔵 ёшга доир энг кам пенсия – 725 000 сўм;

🔵 ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 800 000 сўм;

🔵 меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 800 000 сўм;

🔵 белгиланган ёшга доир энг кам пенсия миқдоридан (725 000 сўмдан) 800 000 сўмгача пенсия олувчиларнинг ёшга доир пенсиялари – 800 000 сўм;

🔵 зарур иш стажига эга бўлмаган кекса ёшдаги фуқароларга бериладиган нафақа – 621 000 сўм;

🔵 иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 621 000 сўм.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

#qonunbilan Pensioner vafot etgan oy uchun olinmay qolgan pensiya puli ko‘rsatib o‘tilgan oila a’zolariga ushbu oy uchun to‘liq to‘lanadi.

Masalan, pensioner 1-may kuni vafot etdi. Hali may oyi pensiyasini olmagan. 1-may sanasida vafot etgan pensionerning may oyi pensiyasi oila a’zolariga to’liq toʼlab beriladi.

Pensioner vafot etgan taqdirda uning oilasiga yoki pensionerning dafn marosimini o‘tkazgan shaxsga pensiyani hisoblash bazaviy miqdorining to‘rt barobari miqdorida dafn etish nafaqasi to‘lanadi.

Bugungi kunda pensiyani hisoblash bazaviy miqdori 372 ming so’m. Shunda 372 ming*4=1 million 488 ming so’m “dafn puli” to’lab beriladi. Soliq kodeksi 369-moddasi 1-qismi 7-bandiga ko’ra, davlat pensiyalari, qonun hujjatlarida belgilangan nafaqalar, bundan vaqtincha mehnatga layoqatsizlik nafaqasi (oilaning betob a’zosini parvarish qilish bo‘yicha nafaqa) mustasno jami daromad tarkibiga kiritilmaydi.

Ya’ni sodda qilib aytganda, “dafn puli” to’liq qo’lga tegadi, unga soliq solinmaydi.

✅ Ko‘rsatib o‘tilgan pullar, ularni olish uchun pensioner vafot etganidan keyin 60 kun ichida murojaat etilgan taqdirda to‘lanadi.

❌ Ya’ni 60 kundan keyin murojaat qilingan boʼlsa, yuqorida ko‘rsatib o‘tilgan pullar ya’ni pensiya va “dafn puli” to’lanmaydi.

Asos: “Fuqarolarning davlat pensiya ta’minoti to‘g‘risida”gi Qonun 63-moddasi.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

⚡️2024 йил 1 майдан Ёлғиз кексалар ва ногиронлиги бўлган шахсларга ҳар ойда моддий ёрдам берилади

Қонунчиликка мувофиқ, реестрга киритилган ёлғиз кексалар ва ногиронлиги бўлган шахсларга ҳар ойлик уй-жой коммунал хизматлар ҳақини тўлаш бўйича компенсация ҳамда озиқ-овқат маҳсулотлари ва шахсий гигиена товарлари учун ҳар ойда қўшимча пул тўловлари ўрнига ёлғиз кексалар ва ногиронлиги бўлган шахслар учун ҳар ойда минимал истеъмол харажатлари миқдорида моддий ёрдам жорий этилади.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot

#Кадровик

Дам олиш кунларида ва ишланмайдиган байрам кунларида ходимларни ишга жалб қилиш билан боғлиқ масалалар.

Умумий қоидага кўра, Дам олиш кунларида ва ишланмайдиган байрам кунларида ишлаш тақиқланади. (МК-209-моддаси)

Аммо баъзида шошилинч ва бажарилиши мажбурий бўлган вазмят бўлиши мумкин. Шундай ҳолларда ўша ишларни бажариш зарур бўлган ходимларни дам олиш кунлари ва ишланмайдиган байрам кунлари ишга жалб этиш уларнинг ёзма розилиги билан амалга оширилади. (МК-209-моддаси) Яъни иш берувчи хар қандай вазиятда байрам кунлари ходимни ишга жалб қилмоқчи бўлса, унинг ёзма розилигини олиши шарт.

Қуйидаги ҳолларда ходим байрам кунлари ишга жалб қилиниши мумкин

Ишланмайдиган байрам кунларида ишлаб чиқариш-техник шароитларга кўра (узлуксиз ишлайдиган ташкилотлар) тўхтатиб туриш имкони бўлмаган ишларни (хизматларни), аҳолига хизмат кўрсатиш зарурати юзага келтирадиган ишларни, шунингдек кечиктириб бўлмайдиган таъмирлаш ва юк ортиш-тушириш ишларини амалга оширишга йўл қўйилади. (МК-209-моддаси)

Ҳомиладор аёллар, ўн тўрт ёшга тўлмаган боланинг (ўн олти ёшга тўлмаган ногиронлиги бўлган боланинг) ота-онасидан бири (ота-онасининг ўрнини босувчи шахс) фақат ўз ёзма розилиги билан дам олиш кунларидаги ва ишланмайдиган байрам кунларидаги ишларга жалб қилиниши мумкин. Бунда иш берувчи мазкур ходимларни дам олиш кунларидаги ва ишланмайдиган байрам кунларидаги ишлардан воз кечиш борасидаги ҳуқуқи тўғрисида хабардор қилиши шарт. (МК-396-моддаси)

Бу қоида ҳаммагами ёки истисно борми?

Ҳа)

Ўн саккиз ёшгача бўлган ходимларни дам олиш кунларидаги ва ишланмайдиган байрам кунларидаги ишларга жалб қилиш тақиқланади. (МК-417-моддаси)

Ногирон ходимларгачи? Ногиронлиги бўлган ходимларни хизмат сафарига юборишга, дам олиш ва ишланмайдиган байрам кунларидаги ишларга жалб қилишга фақат уларнинг розилиги билан, агар ушбу ходимлар учун бундай ишлар тиббий-ижтимоий эксперт комиссияси тавсияларида тақиқланмаган бўлса, йўл қўйилади. (МК-428-модда)

Тўлов масаласи қандай бўлади?

Дам олиш кунларидаги ёки ишланмайдиган байрам кунларидаги иш учун қуйидагиларга камида икки ҳисса миқдорида ҳақ тўланади:

ишбай ишловчиларга — камида икки ҳиссали ишбай баҳолар бўйича;
меҳнатига кунбай ва соатбай тариф ставкалари бўйича ҳақ тўланадиган ходимларга — кунбай ёки соатбай тариф ставкасининг камида икки ҳиссаси миқдорида;
маош оладиган ходимларга — ҳар бир ишланган кун ёки соат учун маошдан ташқари кунбай ёки соатбай ставкасининг камида бир ҳиссаси миқдорида. (МК - 263-моддаси)

Ходимлар: эслаб қолинг!

Ходимларни дам олиш куни ёки ишланмайдиган байрам куни ишга жалб этиш иш берувчининг буйруғи билан расмийлаштирилади. (МК-212-моддаси)

Ҳурматли иш берувчилар ходимларни байрам кунлари ишга жалб қилишда юқоридаги меҳнат кодекси қоидаларига риоя қилган ҳолатда жалб қилсангиз, ўз фаолиятингизни тўғри қонуний амалга оширган бўласиз. Ва албатта ходим ҳам бундан манфаатдор бўлади.

Бизни ижтимоий тармоқларда кузатиб боринг 👇

Telegram | Youtube@yuristmaslaxati01' rel='nofollow'> |@yuristmaslaxati01' rel='nofollow'> Instagram | Tik Tok

Савол бериш учун 👇

@Iroda_yuristdan_javob_bot