Biz qanday yashadik?
Yashamadik, yo?!
Umr aravasi borar gʻildirab.
Zaminni koʻtarib yurgan biz goʻyo,
Goʻyo biz turibmiz osmonni tirab!
Biz qanday yashadik?!
Yelib, yugurib,
Yiqqan-terganimiz bir oʻt olarlik.
Ne bor, olib ketsak hamyonga solib,
Ne bor, qabrimizda biz-la qolarlik?!
Biz qanday yashadik?!
Toshib, koʻpirib,
Bir mushfiq koʻngilga boʻlmayin malham.
Kimga kekirdakni choʻzdik kerilib,
Kimni salom berdik soyasiga ham.
Biz qanday yashadik...
Bugun yo erta,
Soʻngi tadorakni koʻrmoqlik oni.
Keyin topurmizmi loaqal bir marta,
Oʻsha biz toʻymagan yorugʻ dunyoni.
Biz qanday yashadik,
Tinib-tinchimay,
Goho hasad qildik, gohida havas.
Faqat insonlikni yoʻqotib qoʻymay,
Faqat odamdayin yakun topsak bas.
©
Malika Salimova@iqtiboslarimiz