Иқтибослар |©️

Alloh huzurida Qur’ondan ustun shafoatchi yoʻqdir:
Na paygʻambarlar, na farishtalar va na boshqalar.

Tabaroniy
#tarjima

Яхшилик ва тақво йўлида ҳамкорлик қилинг. Гуноҳ ва душманлик йўлида ҳамкорлик қилманг.
Моида сураси 2-оят.

Рамазондан кейинги биринчи ҳафтада айниқса, эҳтиёт бўлинг. Бу ҳафта шайтоннинг сизга қарши бор кучи билан, макр-ҳийлалар ишлатиб жанга киришган ҳафтасидир. У айёр юришлар қилиб сизни фарз намозларини кечиктиришга, жамоатдан тўсишга, нафл ибодатларни тарк қилиш ёки озайтиришга, Қуръон тиловатларини тўхтатиб қўйиш ёки файсалга солиб кечиктиришга, бомдод намозидан ухлашга, чақиради. Рамазонда роса ибодат қилдинг, савобни ҳам йиғиб олдинг, толиқдинг ҳам, энди бироз дам олсанг бўлади, деб аврайди. Бунга кўнсангиз, мағлибият мана шу ердан бошланади. Банда шайтоннинг мазкур ҳийлаларига алданса, ҳолати кўп вақт ўтмасдан Рамазондан олдинги ҳолатга қайтиб қолади.
Аллоҳ таолодан собитқадамлик сўранг. Ирода кўрсатинг, ғайрат қилинг. Солиҳ кишилардан узоқлашманг. Қуръон ва намозни эътиқодингизнинг қизил чизиғи деб билинг. Уларни тарк қилишни, улардан бўшашишни муҳокамага ҳам қўйманг. Ёдингизда сақланг, амалларнинг қабул бўлганининг аломати ўша амалларда мавсум сўнгида ҳам бардавом бўлишдир.

Аллоҳ таоло бизларни Ўзи рози бўладиган амадларда собитқадам қилсин. Омин!

Икром Шариф

Муборак Рамазон ҳайитининг суннатлари

1. Ғусл қилиш.

2. Энг яхши кийимларни кийиш.

3. Намозга чиқишдан олдин тоқ ададда хурмо ейиш.

4. Ҳайитни намозгоҳда (ёки масжидда) адо этиш.

5. Намозга юриб бориш ва қайтишда бошқа йўлдан келиш.

6. Ҳайит билан бошқаларни муборакбод этиш, табриклаш.

7. Ҳайит кечасидан бошлаб, имом ҳайит намозини адо этишга чиққунига қадар такбир лафзларини айтиб юриш.

8. Фитр закоти (садақасини) чиқариш. Ҳайит намозидан олдин чиқариш вожибдир.

Abu Umoma rodiyallohu anhudan rivoyat qilinadi: “Nabiy sollallohu alayhi vasallam:
"Kimki ikki iyd kechasini savob talab qilgan holatda bedor o‘tkazsa, qalblar o‘ladigan kunda uning qalbi o‘lmaydi”, dedilar” (Ibn Moja rivoyati).

Пул учун истаган гапини гапираверадиган кимсалардан эҳтиёт бўлиш керак. Бундайлар пулни деб ватанни ҳам сотиб юбориши мумкин!

Зиёвуддин Раҳим

УЗР
(Узр Ғазоликлар)
Масофамиз бир хил эмас. Ҳеч қачон сизга тенглаша олмасам керак. Мен уйимда юмшоқ тўшак устида қандайдир пост билан ёки намоздаги дуойим билан ўзимча сизга таянч бўлмоқчиман. Сизлар эса уйсиз, ерсиз ва қочоқ бўлсангизда заминингизни қутқариш, ватанни озод қилиш учун Аллоҳнинг душманлари билан жанг қилмоқдасиз.
Менинг атрофимда оилам, дўстларим ва муҳибларим бор. Сизлар эса ҳамма нарсангизни йўқотдингиз.
Мен душман маҳсулотини бойкот қилиш учун икки марта ўйлаб оламан. Олсамми, олмасамми? Сизда эса ҳатто ичишга оддий сув йўқ.
Мен танамда оғриқ сезсам додлаб ҳаммани безовта қиламан. Мени оғриқ қолдирувчи дорилар билан тинчлантиришади. Сизни эса ҳатто наркозсиз амалиёт қилишмоқда.
Мен юмшоқ тўшагим устида мазза қилиб ётибман. Сизлар эса ўликларингизни кафанлашга ҳатто бир парча мато тополмаяпсиз.

Биз битта масофада эмасмиз. Шунинг учун мени маъзур тутинг. Мусибатингизда ожизлигим туфайли ёнингизда тура олмадим. Аммо Аллоҳга қасамки, сизни ёрдамсиз ташлаб қўйишни ҳеч қачон ният қилмаганман. Аммо ожизман. Сизларни жаннат аҳлидан бўлишингизни умид қиламан. Роббим бизни ҳам Ўз фазли ва карами ила жаннат аҳлидан қилсин. Ишонинг , бу гапни минг хижолат билан ёзмоқдаман...

Ишонинг , мен имконим даражасида ҳаракат қилдим. Сизни охиратда сиддиқлар, шаҳидлар ва солиҳлар билан бирга қилишини сўраб қоламан!

Abdulqodir Polvonov

Ё Аллоҳ,

Қадр кечасини холис ният билан Ўзинг рози бўладиган тарзда тоат-ибодат билан ўтказишимизга муваффақ қилгин. Барчамизни Лайлатул Қадрни топганлардан ва савобини олганлардан қил! Бу кечада қилган дуоларимизни ижобат қил!

(c)

Уммул мўминийн Оиша розияллоҳу анҳо: "Қадр кечаси қайси кеча эканини билганимда, Аллоҳдан унда фақат офиятни сўраган бўлардим", дедилар.

Ибн Абу Шайбанинг "Мусаннаф"идан.

Влогерлар томонидан бойлар ҳаёти, бизнеси ҳамда топкан ва ишлатадиган пули ҳақида сўзлайдиган видео-кўрсатувлар кўпайиб кетди. Пулни ҳалолдан топиб, ҳалолга сарфлаётган ва халққа манфаати тегаётган тадбиркор ҳақида бир нарса демоқчи эмасман. Аммо монополия-ю, коррупция орқали қўлга киритилган бизнеслари ва зебу-зийнатлари ҳақида оғиз кўпиртириб мақтанаётганларни оммага олиб чиқиш тўғри иш эмас. Ҳатто мафиоз ё кўча болаларини ҳам кўкларга кўтаришяпти. Бу билан бор бахт бойликда деган тушунчани ёшлар онгига сингдиришяпти.

Илгари биз кўрсатувларда кўриб катта бўлганимиз ўқитувчи ё адибнинг ҳаётини ҳеч ким намуна ўлароқ тарғиб қилмаяпти. Агар кўрсатса ҳам, уларникидек миллионлаб эмас, балки бир-икки минггина "просмотр" бўлса керак.

Ўйлаб кўрсам, қадимда бузғунчи бойлар отахони - Қоруннинг ҳаёти ҳам қолганлар учун қизиқарли бўлган экан. Бу ҳақда Қуръон шундай ҳикоя қилади:

"Бас, у (Қорун) қавми ҳузурига зебу зийнати ила чиқди. Ҳаёти дунёни хоҳлайдиганлар: «Қани энди бизга ҳам Қорунга берилган нарсадан бўлса эди. Ҳақиқатда у улуғ насиба эгасидир», дедилар. (Молу дунёсига ишониб мутакаббирлик билан ғурурга кетган, дунёда бузғунчилик қилишга уринган, ношукр одамга фақат ҳаёти дунёни ўйлайдиган кишиларгина ҳавас қилиши мумкин. Ушбу дунёнинг беш кунлик матоҳига эришишдан бошқа мақсади йўқларгина ўша туғёнкор, бузғунчига ўхшаган бўлишни орзу қилиши мумкин. Ана ўшаларгина ғурурга кетган мазкур мутакаббирни «улуғ насиба эгаси, дейиши мумкин.) ("Қасас" сураси, 79-оят).

Ҳолбуки Қоруннинг оқибати яхши бўлмади:

"Бас, Биз уни ва унинг ҳовли-жойини ерга ютдирдик. Унга Аллоҳ (азоби)дан ёрдам берадиган гуруҳ ҳам бўлмади, унинг ўзи нусратга эришгувчилардан ҳам бўлмади. (Ҳаммаси оддийгина тугади. Қорунни ҳам, ҳовли-жойини ҳам ер ютди-қўйди. Қорун ҳам, унинг бойликлари ҳам, кибру ҳавоси ҳам йўқ бўлди-кетди. Қорунга Аллоҳнинг азоби келганида унга ёрдам берувчи топилмади. Унинг ўзи ҳам илми ила, молу дунёси ила ўзини қутқариб қола олмади.)". ("Қасас" сураёи, 81-оят).

Кимга ҳавас қилиб, кимнинг изидан юришга эътиборли бўлайлик.

Mubashshir Ahmad

Эй Роббим!
Солиҳлар амаллари билан мендан ўзиб кетишди. Мен эса Сен томон оқсоқ қалбим билан секин бормоқдаман...
Эй Роббим!
Бошқа бандаларинг Сенга амалларини шафоатчи қилиб сажда қилишаяпти. Мени эса шафоатга муносиб қиладиган тузукроқ амалим ҳам йўқ...
Эй Роббим!
Аммо мен Сенинг эшигингдан кетмайман. Ҳеч қаерга қимирламайман. Сендан амалимни эмас, раҳмат ва фазлингни сўрайман!

Abdulqodir Polvonov