"RASMIY BEKORCHI"Afrikadagi qabilalarning birida bitta g'alati bir qoida mavjud. Bu qabilada ma'lum bir mavqega ega odam bor. Lavozimning nomi ham qiziq — "Rasmiy Bekorchi".
Bu mansabdagi insonga biron-bir jismoniy ish bilan shug'ullanishning hojati yo'q: bor-yo'q qiladigan ishi - hech narsa qilmaslikdir. Bundan tashqari, u har qanday kulbaga kirib, o'zi istagan narsani tortib olishi, qabila ixtiyoridagi taomlardan xohlagancha yeyishi yoki istasa umumiy qozonga tupurishiyam mumkin. "Kattakon" ko'ngli tusasa har qaysi qabiladoshining peshonasiga solib qolishi, tepishi, xullas, nima xohlasa o'shani qilishiga ruxsat berilgan, ammo unga javob qaytarish qat'iyan taqiqlanadi.
Aslida, bu "Rasmiy dangasa" hech qanday xayrli ish qilmaydi va shu bilan birga ixtiyoriy ravishda yomon ishlarni bajarishdan ham yiroqda yuradi.
Bilasizmi nima uchun? Sababi bu lavozim har bir kishiga atigi bir yil muddatga beriladi. Bir yilga saylanadigan "bekorchi" lavozimdan tushgach, sodir etgan qilmishlari qanday oqibatlarga olib kelishi haqida o'ylaydi: mabodo kelasi yili u xafa qilgan qabiladoshlaridan biri uning o'rniga "Rasmiy dangasa"ga aylanishi, istasa, uni har kuni kaltaklashi mumkinda! Natijada barcha "Rasmiy dangasalar" iloji boricha boshqalarni xabar qilmaslikka harakat qiladilar. Chunki kelgusi yilda ular "taqdir bumerang"iga duch kelishidan cho'chiydilar.
Ko'rib turganingizdek, buning natijasida repressiv va zamonaviy boshqaruv apparatlari bo'lmagan holda qabila o'z ichki tartib-intizomini to'liq ta'minlaydi.
Yana biz ularni yovvoyilar deymiza...
Manba:
@adu_arm
