Бешик қучиб аллалар айтган,
Ҳар туққанда ўлимдан қайтган,
Гул ифорли нозик гулбадан,
Сен дунёга кераксан АЁЛ.
Сен бўлмасанг эркаклар хароб,
Орзу, умид, эртаклар сароб,
Майли баъзан берсанг хам азоб,
Сен дунёга кераксан АЁЛ.
Қорасанми ёки оқ, сариқ,
Семизсанми ё ўрта, ориқ,
Бўлсин майли товонинг ёрик,
Сен дунёга кераксан АЁЛ.
Хар бир миллат яшнаши учун,
Қўркмай қадам ташлаши учун,
Ҳар замонда, хар кеча, хар кун,
Сен дунёга кераксан АЁЛ.
Сен қуёшсан мехрга тўлган,
Сен бир гулсан қаровсиз сўлган,
Опа, сингил, она, қиз бўлган,
Сен дунёга кераксан АЁЛ.
Сахродаю чаман боғда хам,
Яхши кунда, юрак доғда хам,
Сочинга оқ тушган чоғда хам,
Сен дунёга кераксан АЁЛ.
Аёлларни эзозланг қадрига етинг азиз эркаклар
©
@IntellectSoftUZ 2015-2018