Inom Raximov | Blog

Tongim bekor ketsa, kun bo‘yi ishlarga ulgura olmayman.

Tong yutilsa, kunni yutish osonlashadi.

Umr bilan yam shunday.

Yoshlikda ulgurib qolmaganlar, keyin ham qila olmaydilar.

Buni o‘qib kimdur bekorchilikni tashlar.

Kimdur esa afsus qilishi mumkin.

Afsus qiladiganlar uchun eslatma:

O‘zbekiston Respublikasi qonunchiligida 31 ga kirmaganlar yosh hisoblanadilar…

© Aziz Rahimov

@inomraximov

Ey Allohga qarshi yigit, osiy sag‘ir, 
Gunohkorning jazosi ne, bilasanmi? 
Osiylarning joyi — sa’ir yonar o‘zi,
Shiddatli o‘t ichra pishar go‘zal yuzi.

Mayli, o‘tda yonay desang, Haqni unut.
Yo o‘zingni gunohlardan uzoqda tut. 
Allohingga qarshi gunoh qilgan bo‘lsang,
Tavba qilki, garovdagi oddiy qulsan!

© Mukoshafatul Qulub | Hasan Basriy

@inomraximov

Zerikish — Yangi G‘oyalar Kaliti!

Ijtimoiy tarmoqlar bilan shunchalik band bo‘lganmizki, 10 daqiqa zerikish ham qiyindek tuyuladi.

Ozgina bo‘sh vaqtimiz paydo bo‘ldi deguncha telefon qo‘lga olinadi. Telefoningizni bir tekshiring, kuniga necha soat ekranga tikilar ekansiz. Ko‘pchilikda 6-8 soat bo‘lib chiqar ekan.

Oxirgi marta qachon, qancha vaqtga telefon va odamlarsiz yolg‘iz qoldingiz? Javobi ko‘pchilikda ancha oldin va qisqa vaqtga.

Miya doim nima bilandir band bo‘lgisi keladi. Muammolarni hal qilish, g‘oyalar o‘ylash, xayol surish, ilm o‘rganish, maqsadlaringizni amalga oshirish.

Yengil dofamindan qochib zerikishni boshlasangiz albatta yuqoridagilarni biri bilan shug‘ullangingiz kelib qoladi.

Miyamizni turli bo‘lar-bo‘lmas ma’lumotlarga to‘ldirib tashlaganmiz. Vaholanki bizga yangi ma’lumotlar emas 2-3 oydan beri qalashib yotgan ishlarimizni qilish muhimroq.

Shuning uchun zerikib turing. O‘zingizni tanib olasiz. Aslida kerakli ishlarni qilishga xohish paydo bo‘ladi.

@inomraximov

«Baxt = reallik - kutilma». Mehnatni ko‘proq qil, kutilmani esa kamroq. Baxtsizlik kamayadi!

Yillarimiz o‘zi o‘zgarib qolaveradi

Yangi yildan hamma narsa boshqacha bo‘ladi. Bugun dangasa, lekin yangi yildan intizom paydo bo‘b qolishiga ishoniladi.

Eng ko‘p sportzal abonementlari sotilishi yanvar oyiga to‘g‘ri keladi.

Har ikkinchi odam pul yig‘ishni boshlashni o‘ziga va’da beradi.

Vaqtni tejash, yomon odatlarni tashlash, til o‘rganish kabi maqsadlar yoziladi. Va’dalar beriladi.

Fevralga borib quvvat kamayadi va yozilgan 80% maqsadlar bajarilmay qoladi. Yozda va’dalar unutiladi, kuzda “hayot shu ekan” deb keyingi yil kutib qo‘ya qolinadi.

O‘zgarishimiz uchun yil o‘zgarishini kutsak, yillar yetmaydi. Umr o‘taveradi. “Bir kuning har kuningga teng” degandi 2500 yil avval Geraklit.

Katta maqsadlar kunlik kichik ishlardan tashkil topgan. Har bir g‘ishtni tekis terishga fokus qilinsa oxirida chiroyli bino qad ko‘taradi.

Kunimizni o‘zgartiraylik. Yillarimiz o‘zi o‘zgarib qolaveradi.

@inomraximov

Mehmonni hurmati uch kun. Agar mehmon o‘qishdan qaytdan student bo‘lsa hurmati bir uxlab turguncha :)

@inomraximov #hazil

Blogdagi postlar mundarijasi ⚡️

1. Boshladik! Hammaga salom!
2. Istagan narsangga erishish
3. Insoniyat, holat, munosabat
4. Uylanishdagi bir holat haqida
5. O‘g‘irlashni foydalari haqida
6. Inson ongli mavjudod emas(mi?)
7. Qiyinchilikga qiynalma, rivojlanish
8. Meni birodarim dangasalik
9. Miya afsonasi, miflarni buzamiz
10. Miya va Ong, hayot va hayol

11. Kimga qanday, hayolni yig‘ishtir
12. Tafakkur, eng muhim savollar!
13. Pul baxt keltiradimi?
14. Bahslashish va tortishish
15. To‘ydan oldin uchrashib yurish
16. Kerakli ishni o‘zimizga qildirish
17. Atrofimizdagi g‘alati holatlar
18. Boshqacha bo‘lishi kerakmasmi?
19. Asalning ham ozi shirin
20. Ikkilanish va qaror qilish usuli

21. Eng yaxshi o‘rgatish usuli
22. Bahonalarni yig‘ishtir, qimirla
23. Eng muhimi - savol berish
24. Aqlsiz bosh oyoqqa dam bermaydi
25. Eng yomon odat, kech qolma!
26. Haqiqiy muxlis, futboldan keyin
27. Afsuslanma, boridan foydalan
28. Eski va yangi do‘stlarni farqi bormi?
29. O‘zingiz bilan qayta tanishing
30. Nega maslahatga amal qilmaymiz?

31. Eng kuchli inson mindseti
32. Ichimizdagi yomonlik haqida
33. Eng muhimi, o‘zingizga ishoning!
34. Xozirgi zamon tendensiyasi
35. Tishlarga qo‘yiladigan briket
36. Million $! Aslida baxt shu yerdami?
37. Inson vs AI – 0:1, Sun’iy Intellekt
38. Bariga travmalar aybdor(mi?)
39. Pomodoro‘ning asl siri nimada?
40. Asosiy Uchlik: Uxla, Ye, Yashna!

41. Soniyalar ichidagi muvaffaqiyat
42. 20 kunlik chellange e’loni
43. Parkinson qonuni haqida
44. Jismoniy Mashqlar va Miya
45. “Qachon uylanasan”ga javob!
46. Omad vs mehnat!
47. Miyaning yashirin qaramliklari
48. Kelajakdagi o‘zingni yaxshi ko‘r
49. Obunachilarni oshirishga 7 qadam
50. Hamma narsa o‘zi keladi, agar...

51. Solishtirishning ayanchli oqibati
52. Ishqalansang yaltiraysan
53. Qulaylikmi yoki qaramlik?
54. O‘rganish = o‘zgarish
55. Havas seni o‘stiradi
56. Gapirsang kamayishi mumkin
57. Ish ko‘p umr qisqa
58. Xohlamasang qilolmaysan
59. Bobongni gapiga quloq sol!
60. Tanlovda aldanib qolmang

61. Qaraganimizni ko‘ramiz xolos
62. 20 kunlik chellenge hisoboti
63. Boshi sustkashlikning oxiri qiyin
64. Atrofimizdagi niqobli odamlar
65. Mehnat va Talant: Qaysi muhimroq?
66. Sun’iy intellekt tanbeh beradi
67. Tanamiz uchun eng muhim narsa
68. Yillarimiz o‘zi o‘zgarib qolaveradi


Uyqu haqidagi postlar mundarijasi:
1. E’lon! Uyqu haqida gaplashamiz!
2. Nega uxlash kerak o‘zi?
3. Uyqu me’yorini qanday aniqlayman?
4. Ideal oraliqqa qanday tushaman?
5. Uxlash uchun ideal muhit qanday?
6. Kechasi uyqu kelmasligi haqida!


*Qisqa fikrlar - [1], [2], [3], [4], [5], [6], [7], [8], [9], [10], [11], [12]. *Qisqa hazillar - [1], [2], [3]. *Iqtiboslar - [1], [2], [3]

Endi osonroq topasiz, o‘qing, manfaat oling, ulashing, xatolari bo‘lsa ayting!

P.S. Yangi post qo‘shilgani sari mundarija yangilab boriladi.

Tanamiz uchun eng muhim narsa

Bu Sport! Uni foydasini biladiganlar ko‘p, lekin davomiy qiladiganlar sanoqli ekan. Sport biz uchun muhim bo‘lgan yuqori energiya, yaxshi kayfiyat, stressga chidamlilik va kuchli immunitetga to‘g‘ridan-to‘g‘ri javob beradi.

Tajribali insonlardan o‘rgangan va qo‘llagan usullarim orqali bugun 1212-mashg‘ulotimni ham tugatib oldim. Bu bir kun ham qoldirmasdan salkam 3 yil-u 4 oydan beri davomiy shug‘ullanish degani. Dastlab kuniga 5 dona отжимания bilan boshlangan bu ish hozirda marafonlarga ulanib ketdi. Bu esa oxirgi 6 oylik 'https://t.me/inomraximov/398?comment=1418' rel='nofollow'>statistika ⚡️

Davomiy sport bilan shug‘ullanish albatta qiyin, agar u odatga aylantirilmasa. Quyida uni boshlash va odat shakllantirish haqida gaplashamiz:

1. Nimadan boshlay? Kichik qadamdan boshlash muhim, chunki ortiqcha qiynalsak tashlab qo‘yamiz, tabiatimiz shunaqa. Har kun qila oladigan va sizni qiynamaydigan miqdorni toping. Aniqlashga “Men hoziroq turib nima qila olaman?” savoli yordam beradi. Bu 2 dona отжимания yoki 5 kilometr yugurish bo‘lishi mumkin, o‘zingizga xolis baho bering.

Shu miqdor rivojlantirishimiz uchun dastlabki nuqta bo‘ladi. Muhim: Asosiysi bugun bor kuchni ishlatish emas, asosiysi erta uchun ham ishtiyoqni saqlab qolish bo‘lsa uzoqroqqa boramiz.

2. Belgilab boring! Kalendar olib, har kun mashg‘ulotni tugatib sana ustiga chizib boring yoki boshqa narsa o‘ylab topsangiz bo‘ladi. Har kuni qiloladigan miqdorni tanlagandan keyin uni unutmaslik va jarayonni qiziqarliroq qilish uchun belgilash ajoyib yechim.

Muhim: Siz bir oylik belgilashdan keyin kalendarda qilgan mehnatingizni ko‘rasiz va endi rejimni buzish o‘zingizga xiyonat qilishdek tuyiladi.

3. Maqsad qo‘ying! Manzil bo‘lsa yo‘l topiladi. Sportda ham o‘zingizga biror maqsad qo‘yish muhim. Masalan 8 kilogramm vazn olish yoki yarim marafon yugurib o‘tish. Maqsad bizni doim harakatga undan turadi.

Muhim: Aniq maqsad bilan harakat qilayotgan odamda shunchaki qilayotgan odamga qaraganda energiya va natija ko‘proq bo‘ladi.

4. Oxirgi ish: Sport odati shakllanganini uni qilish kerak vaqtda turib bemalol qila olishingizdan bilsa bo‘ladi. Men bu holatni bir yildan keyin sezishni boshlaganman. Endigi ish sportni hayot tarziga aylantirish. Sport har kuni ertalab qilinadigan nonushtadek bo‘lishi kerak. Ya’ni mushkul ish emas odatiy hol. Qilinishi kerak bo‘lgan narsadek.

Xulosa o‘rnida Antimativatsiya: Agar siz pozitiv kayfiyatli, energiyaga to‘la, stresslarga chidamli va sog‘lom bo‘lishni istamasangiz sport bilan shug‘ullanmang!

@inomraximov

ChatGPT ishlatayotganlar bo‘lsa unga quyidagi so‘rovni yuborib ko‘ring. Eski yozishmalaringizga asoslanib bir chimchilab beradi sizni.

Roast me as hard as you can based on everything you know about me. Don’t hold back even a little bit. I can take it all. In Uzbek.

Kutilmagan javob berishi aniq, keyin izohga fikrlaringizni yozishingiz mumkin*

@inomraximov #ChatGPT

“Ha, bo‘laverar” yoki “Bir gap bo‘lar” yondashuvi bilan qilingan ish katta ehtimol yomon natija bilan tugarkan.

#QisqaFikr @inomraximov

Mehnat va Talant: Qaysi biri muhimroq?

Men hamma narsaga mehnatim orqali erisha olamanmi, yoki yuqori natijalar ko‘rsatganlar shunchaki talantlilarmi?  Shu kabi savollar quloqqa tez-tez chalinib turadi.

Qisqasi, mehnat boshida kattaroq ahamiyatga ega. Siz ko‘proq mehnat qilish orqali 95% odamdan o‘tib ketishingiz mumkin. Chunki ko‘pchilik dangasa, ozgina iroda bilan ularni ortda qoldira olasiz.

Lekinnn, qolgan top 5% odam bilan raqobatga kirishishda talant o‘rni sezilishni boshlaydi.

Misol: Shaxmatni qunt qilib o‘rgandingiz, yillar o‘tib tajribangiz oshdi, harakatingiz orqali  99% odamni yutyapsiz va top 1% kuchli o‘yinchilar, chempionlar bilan raqobatga kirishdingiz. Endi qanchalik mehnat qilganingiz, qancha partiya o‘ynaganingiz muhim emas. Chunki topdagilarning hammasi yetarlicha ko‘p bu jihatlarga ega.

Shu joyga talant rolga kiradi. Sizga o‘xshab katta tajribaga ega raqibingizning miyasida neyronlar orasidagi elektr o‘tishi 1 nanosekundga tezroq bo‘lsa ham siz uni yuta olmaysiz. Sizlar bir-xil mehnat qilgansiz, lekin u tug‘ma kuchliroq bo‘lib tug‘ilgan va bu narsa insonni qo‘lida emas. Lekin mehnat doim muhimligicha qoladi, mehnatsiz talant yuzaga chiqmaydi.

Xulosa: Ko‘p sohalarda 90-95% odamlardan shunchaki mehnat va tirishqoqligingiz bilan o‘tib keta olasiz. Lekin TOPdagilar ichida zo‘ri bo‘lish uchun tirishqoq bo‘lish bilan birga tug‘ma talantliroq bo‘lishingiz kerak.

P.S. Endi ko‘pchilikdan o‘tib ketish yo‘lini bilasiz. Hammadan zo‘ri bo‘lish uchun esa xudo bergan talantingizni topishga harakat qilsa bo‘ladi.

@inomraximov

Kechasi uxlolmaslikdan qanday qutulay?

Miyadagi notinchlik uyqusizlikning eng asosiy sabablaridan biri. Tugatilmagan ishlar, qabul qilinmagan qarorlar, ertaga qilinadigan ishlar va notinch hissiyotlar jamlanib uyquni qochiraveradi.

Bu muammo va oqibati lanjlik, bosh og‘riqlari va ertangi kunni yomon o‘tishi bilan seziladi. Buni to‘g‘irlash uchun ba’zi usullarni ko‘rib o‘tamiz:

1. Xayollarni qog‘ozga to‘king: Uxlashdan oldin qog‘ozga ertaga qiladigan ishlaringiz, sizni chalg‘itayotgan narsalar hammasini yozing. Tugatilmagan ishlar miyamizdan chiqib ketmaydi va energiyamizni kamaytiradi. Birinchi kun qiyinroq bo‘lishi mumkin, lekin keyinchalik bu ishni tez va oson qilishni boshlaysiz.

2. Nafas mashqlari: Uxlashdan olsin nafas mashqlarini qiling, 4 soniya nafas oling, 6 soniya ushlab turing, 8 soniya davomida chiqarib yuboring yoki boshqa nafas mashqlarini sinab ko‘ring, biroz bosh aylanadi lekin bu tabiiy, o‘tib ketadi. Mashq orqali tanada stress kamayadi, tinchlanadi va kislorodga to‘yinadi.

3. Adrenalinni yoqib yuboring: Yotgan holda barcha mushaklar taranglashtiriladi va har chuqur nafas olib chiqarilganda bitta tana a’zosi bo‘shashtirilib boriladi. Nafas chiqarish va tanini bo‘shashtirishga e’tibor bering. Bu mashq tanani tinchlantiradi va bizni tetik saqlovchi adrenalinni yoqib yuboradi.

4. Ekranlardan uzoqlashing: Tadqiqotlarga ko‘ra telefon va kompyuter ekranlaridan chiqqan ko‘k nur melatonin ishlab chiqarilishini kamaytiradi. Yotishdan kamida 1 soat oldin ekranlardan uzoqlashing. Telefonni uyg‘otkich qo‘yib uzoqroqqa qo‘ygan ma’qul.

Xayollarni tartibga solsangiz oson uxlab erta uyg‘onasiz, ertangi kun bugungi uyqudan boshlanadi ⚡️

@inomraximov

Uxlash uchun ideal muhit qanday?

Tinch va sifatli uyqu nafaqat quvvatimizni qayta tiklaydi, balki sog‘lig‘imizga ham ijobiy ta’sir qiladi. Uxlashda qulay muhit yaratish esa juda muhim, quyidagi omillarga e’tibor bering:

Xona harorati: Xona harorati 16–20°C oralig‘ida bo‘lgani ma’qul. Shunda tana harorati pasayib, tezroq uxlab qolish mumkin. Buni pechka haroratini to‘g‘rilash, derazani ochib qo‘yish bilan qilish mumkin.

Xonadagi namlik: Ertalab tomog‘ingiz achishib uyg‘onmaslik uchun havoning namligi 40–60% atrofida bo‘lishi lozim. Bemalol oddiy idishga suv qo‘yish yoki namlantirgichni ishlatish mumkin.

Xonadagi yorug‘lik: Uyqu kelishi uchun melatonin, melatonin uchun esa qorong‘ilik kerak. Xonani maksimal qorong‘i qiling, uxlashdan oldin ekranlarga qaramang, hech bo‘lmasa ekranda uyqu rejimini yoqib qo‘yib ishlating.

Toza havo muhim: Xonada yetarlicha kislorod bo‘lishi kerak, negaligini o‘zingiz bilasiz. Buning uchun shunchaki uxlashdan oldin derazani 10 daqiqa ochib qo‘ying, tashqarini biroz sayr qilish ham mumkin.

Xulosa: Bu oddiy tavsiyalar, lekin shularga amal qilib 6 soat uxlash va amal qilmay 6 soat uxlash orasida katta farq bo‘lishi mumkin. Sog‘lom uyqu bizni baxtli qiladi ⚡️

@inomraximov

Ideal oraliqqa qanday tushib olsam bo‘ladi?

Tungi soat 22:00 dan ertalabki 6:00 gacha bo‘lgan uyqu tananing tabiiy biologik ritmiga mos keladi. Ya’ni shu vaqt uxlab, uyqudan maksimal foydani olasiz.  Unga qanday o‘tish mumkin?

1. Hozirgi holatingizni aniqlab oling. Uxlash va uyg‘onish vaqtlaringizni taxminan belgilab oling.

2. Sekin o‘zgartirish. Har kuniga uyqu vaqtini 10-20 daqiqa ertaga suring. Masalan bugun 00:00 da uxlasangiz ertaga 23:50 da uxlang. Shunda organizm sekin moslashib rejimga tushib oladi.

3. Jarayonni belgilab boring: Esdan chiqmasligi va tashlab qo‘ymasligingiz uchun jarayonni jadvalga belgilab boring. Buni oddiy daftarda qilishingiz yoki izohdagi jadvaldan foydalanishingiz mumkin.

Shu orqali yarim kechagacha telefonda o‘tirib, абетga yaqin turadiganlar ham sekin-sekin yangi rejimga o‘tib olishi mumkin.

Ishni kichik o‘zgarishlardan boshlang va har kuni jarayonni belgilab boring. 10-15 kunda tanangiz yangi rejimga moslashib oladi. Keyin erta uxlash va uyg‘onish oldingiday qiyin bo‘lmaydi. To‘g‘ri uxlang, sog‘lom bo‘lasiz.

@inomraximov

Dushanba qiyinligi yakshanba osonligidan.

© Inom Raximov

@inomraximov #QisqaFikr

Intizom rivojlanishda kerak, tuyg‘ular esa yashashda.

Ikkalasini ham unutmang va bir-biriga halaqit bermasin.

@inomraximov #QisqaFikr