Muhammad Yusuf nomidagi ijod maktabi

@ima_myim

Гео и язык канала: Узбекистан, Узбекский

Категория: Образование

Veb-sayt: www.mymaktab.uz
Facebook: https://www.facebook.com/muhammadyusuf.ijodmaktabi
Instagram:
https://instagram.com/m_yusuf_ijod_maktabi
Telegram: @ima_myim

Связанные каналы | Похожие каналы

Гео и язык канала

Узбекистан, Узбекский

Категория

Образование

Статистика

Избранное

Фильтр публикаций

Скрывать удаленные

Скрывать репосты

Muhammad Yusuf nomidagi ijod maktabi

10 Jan, 07:03

⏳⏳⏳⏳

10-yanvar – Oʻzbekiston xalq yozuvchisi Oybek tavallud topgan kun

Shoir, adib va jamoat arbobi Muso Toshmuhammad oʻgʻli Oybek 1905-yilning 10-yanvarida Toshkentda tugʻilgan. O‘rta Osiyo davlat universitetining ijtimoiy fanlar fakultetini tamomlagan.

Oybek adabiyotga 1926-yili chop etilgan “Tuyg‘ular” she’riy to‘plami bilan kirib kelgan. Shoirning “Dilbar - davr qizi” (1931), “O‘ch” (1932), “Baxtigul va Sog‘indik” (1933), “Temirchi Jo‘ra”(1933) dostonlari o‘z davrining eng go‘zal she’riy solnomalaridir. Oybek tarixiy va zamonaviy mavzularda yigirmaga yaqin dostonlar yaratgan.

O‘zbek xalqining 1916-yilgi milliy ozodlik qo‘zg‘oloni yozuvchining “Qutlug‘ qon” (1940) romanida zo‘r mahorat bilan realistik ifodalangan bo‘lsa, “Navoiy” (1944) romanida o‘zbek adabiyotida birinchi bo‘lib, ulug‘ shoir va mutafakkir Alisher Navoiy obrazini yaratdi. Uning “Oltin vodiydan shabadalar” (1949) asarida xalqimizning urushdan so‘ngi davr yaratuvchilik mehnati, “Quyosh qoraymas” (1958) romanida ikkinchi jahon urushi fojealari o‘z ifodasini topgan.

Adibning avtobiografik qissasi “Bolalik” 1963-yilda yaratilgan. Qissaning bosh qahramoni yosh Muso, ya’ni Oybekning o‘zidir. O‘zbek kitobxoni Pushkinning “Yevgeniy Onegin” she’riy romani, Lermontovning “Maskarad”, “Molyerning “Tartuf” dramasi, shuningdek, antik adabiyoti namunalarini Oybek tarjimasida o‘qishga muyassar bo‘lgan.

Oybek 1968-yil 1-iyul kuni 63 yoshida vafot etgan. Vafotidan so‘ng uning 20 jildlik to‘la asarlari majmuasi nashr etilgan. Uning xotirasiga Toshkent metropoliteni stansiyasi nomlangan. Shuningdek, yozuvchining uy-muzeyi faoliyat yuritib keladi.

Jadid.uz | Telegram | Facebook | Instagram | YouTube

203 0 1 8

Muhammad Yusuf nomidagi ijod maktabi

9 Jan, 20:56

Репост из: Ixtisoslashtirilgan ta'lim muassasalari agentligi

#OAVda_biz

✅ “...Donishmandlar “Agar bir yil farovon yashashni istasangiz, bugʻdoy eking. Oʻn yillik toʻkinlik tilasangiz, daraxt oʻtqazing. Yuz yillik taraqqiyotni koʻzlayotgan boʻlsangiz, farzandlaringizga taʼlim-tarbiya bering”, deya uqtirgan. Shu maʼnoda, bugun yangi Oʻzbekiston taʼlim tizimidagi ishlar yuz yillar davomida samara berishiga ishonamiz...”

➖ Maktabgacha va maktab taʼlimi vaziri Hilola Umarovaning “Yangi Oʻzbekiston” gazetasining 2025-yil 9-yanvar 5-sonida chop etilgan “Taʼlim tizimidagi bugungi islohotlar mamlakat ravnaqiga xizmat qiladi” sarlavhali maqolasidan.

📍Maqolaning toʻliq matni bilan quyida tanishishingiz mumkin.

———

👉 Vazir Hilola Umarovaning “Правда востока” gazetasining 2025-yil 9-yanvar 5-sonida chop etilgan “Реформы в системе образования создают прочный фундамент для будущих поколений” sarlavhali maqolasi bilan quyida tanishasiz.

Bizni kuzating

❤ Telegram 🌐 Facebook
🌐 Youtube 🌐 Instagram
🔎 Veb-sayt 😄 Linkedin

218 0 0 3

Muhammad Yusuf nomidagi ijod maktabi

9 Jan, 20:54

Репост из: Ixtisoslashtirilgan ta'lim muassasalari agentligi

#seminar_trening
#ijod_maktablari

IJOD MAKTABLARI UCHUN SEMINAR-TRENING

Agentlik tizimidagi ijod maktablarida 2024-yil 23-25-dekabr kunlari ona tili, adabiyot, tarix, ingliz tili, matematika va biologiya fanlaridan ChSB sinovlari oʻtkazilgan edi.

ChSB sinovlari natijalarini tahlil qilish hamda metodik tavsiyalar berish maqsadida Agentlik tomonidan ijod maktablari pedagogik jamoalari ishtirokida "Natijaga asoslangan yondashuv: tahlil va tavsiyalar" nomli onlayn seminar-trening oʻtkazilmoqda.

Seminarda trener sifatida oʻquvchilari yuqori natija koʻrsatgan fan oʻqituvchilari biriktirilgan boʻlib, Agentlik masʼul xodimlari tomonidan ZOOM platformasi orqali olib borilmoqda.

Onlayn seminar-trening joriy yilning 10-yanvariga qadar davom etadi.

Telegram | Facebook | Instagram | YouTube

219 0 0 2

Muhammad Yusuf nomidagi ijod maktabi

9 Jan, 14:14

Amir Temur qanday kitobxon bo‘lgan?

Temur saroyida kotib bo‘lgan va uning hayot yo‘lini chuqur o‘rgangan tarixchi Hafizi Abro‘ bunday yozgan: “Amir Sohibqiron maktabda o‘z tengqurlaridan saboqda o‘zib ketardi.

Batafsil: https://oyina.uz/uz/article/3376

Rasmiy sahifalarimiz👇
@ima_myim

322 0 0 8

Muhammad Yusuf nomidagi ijod maktabi

8 Jan, 18:19

8-yanvar O‘zbekiston xalq shoiri Anvar Obidjon tavallud topgan sana

Yaxshi qiz

Yashil rangli ro‘molcham
Kirlab qolibdi biram.
Ozgina suv qaynatay -
Ro‘mol bo‘lsin oynaday.

Kir qilay-u men doim,
Yuvib bersinmi oyim.
Yo‘q, qilmayman ovora,
Qani sovun, tog‘ora?

Muzbaldoqlar

Turar gogo osilib
Tomda - tarnov og‘zida.
Novdalarning shoxiga
Pilik taqar gohida.

Tom chetida - "muzburun",
Tol shoxida - "muzbaldoq"...
Qush-u hayvonlar uchun
Bular balki muzqaymoq.

Maymoq

Bilaman, qo‘ng‘ir ayiq,
Nega oyog‘ing maymoq.
Chunki o‘sding o‘rmonda
Bebotinka, bepaypoq,
Shunga oyog‘ing maymoq.

Vaqting bekor o‘tkazma,
Tentirab yurma sayoq.
Botinka tik qunt bilan,
Bolangga to‘qi paypoq,
U ham bo‘lmasin maymoq.

✍Anvar Obidjon
O‘zbekiston xalq shoiri

👇Bizni kuzatishda davom eting!
👉@ima_myim

404 0 2 15

Muhammad Yusuf nomidagi ijod maktabi

7 Jan, 20:02

O‘quvchilar ijodidan

Dunyo

Toʻrt faslimni bahor deya aldading,
Koʻlmaklarni anhor deya aldading,
Men shoʻrlikni hohlagancha avrading,
Ay dunyo-ya!..
Ay dunyo.

Boshlarimni toshlar yorsa toshmas deding,
Koʻzlarimdan yoshlar oqsa yoshmas deding,
Toʻrt faslim qahratondir, qishmas deding,
Vah dunyo-ya!..
Vah dunyo

Neni desang koʻnib-koʻnib ketayapman,
Yuragimga ming azobni bitayapman,
Endi taxtmas, bir baxtimni kutayapman,
Ay dunyo-ya!..
Vay dunyo-ya!..
Hay dunyo-ya!...

✍Mehriddin Sobirjonov
Muhammad Yusuf nomidagi ijod maktabi 9-sinf o‘quvchisi

👇Bizni kuzatishda davom eting!
👉@ima_myim

415 0 8 57

Muhammad Yusuf nomidagi ijod maktabi

7 Jan, 17:33

Fanlar majmuasi 2025_2026.pdf

228.0Кб

‼️Yangilangan fanlar majmuasi tasdiqlandi
#abituriyent

2025/2026-o‘quv yili uchun bakalavriat ta’lim yo‘nalishlari va ularga mos test sinovi (kasbiy (ijodiy) imtihon) topshiriladigan fanlar majmuasi tasdiqlandi.

Fanlar majmuasida 218 ta yo'nalish ro'yxati tasdiqlangan.

❗️Eslatma: 2025/2026-o‘quv yili qabul parametrlari tasdiqlanganda, yangi tashkil etilgan ta’lim yo‘nalishlari uchun fan majmualari qo‘shimcha tasdiqlanadi.

Shuningdek, taʼlim yoʻnalishlarini optimallashtirish natijasiga koʻra yoʻnalishlar nomi oʻzgarganda yoki yangi yoʻnalishlar tashkil etilganda mos ravishda tegishli oʻzgartirishlar kiritilishi mumkin.

407 0 3 4

Muhammad Yusuf nomidagi ijod maktabi

7 Jan, 14:52

Репост из: Fan olimpiadalari markazi (FOM)

👍👍👍👍👍

FAN OLIMPIADALARI MARKAZIGA MUROJAAT VA TAKLIFLAR TELEGRAM-BOTI YARATILDI

✅Fan olimpiadalari markaziga taklif va tavsiyalar telegram-boti ishga tushirildi.

🔵Endilikda siz oʻz murojaat va takliflaringizni toʻgʻridan-toʻgʻri soha vakillariga ushbu telegram-bot orqali yoʻllashingiz mumkin.

🦠Har bir murojaat va taklif roʻyxatga olinib, oʻrnatilgan tartibda koʻrib chiqiladi.

❗️Zero sizning fikringiz biz uchun muhim

BOT bilan tanishish:👇
@FOM_murojaat_taklif_bot

🕊 Telegram 📱 Instagram 📱 Facebook 📺YouTUBE

370 0 0 6

Muhammad Yusuf nomidagi ijod maktabi

7 Jan, 13:48

Репост из: Yoshlar ishlari agentligi

“Mard o‘g‘lon” davlat mukofotining 2025-yilgi saralash bosqichiga start berildi!

Mazkur mukofot jamiyatimizning turli sohalarida yuqori natijalarga erishgan, mardlik, jasorat, qatʼiyatlilik, halollik, vatanparvarlik kabi yuksak fazilatlari bilan ajralib turgan yoshlarni qo‘llab-quvvatlash maqsadida taʼsis etilgan.

✅Kimlar ariza topshirishi mumkin?

🟢Respublika va xalqaro miqyosdagi musobaqalar, loyihalar va tanlovlarda g‘olib bo‘lgan;
🟢O‘z sohasida chuqur bilim, tashabbuskorlik va ishbilarmonlikni namoyon etgan;
🟢14 yoshdan 30 yoshgacha bo‘lgan iqtidorli yigitlar.

📄 Hujjatlarni topshirish muddati:
Joriy yilning 1-martiga qadar, arizalarni yashash manzilingiz bo‘yicha Yoshlar ishlari agentligining tuman (shahar) bo‘limlariga topshirishingiz mumkin.

🗂 Qo‘shimcha maʼlumot uchun nizom bilan tanishishingiz mumkin:
👉 Nizomni ko‘rish

Jamiyat rivojiga o‘z hissasini qo‘shayotgan iqtidorli yoshlarni eʼtirof etish va rag‘batlantirish bizning burchimiz. Mukofot uchun daʼvogarlik qilayotgan barcha nomzodlarga muvaffaqiyatlar tilaymiz!

#MardOʻgʻlon #MardlikVaJasorat

Bizning sahifalarimiz:
🕊Telegram 📱Instagram 📱Facebook 📺YouTube

372 0 4 9

Muhammad Yusuf nomidagi ijod maktabi

6 Jan, 14:21

🔰Muhammad Yusuf nomidagi ijod maktabida fan o‘qituvchilarining uchinchi chorak boshlanishi oldidan maktabda 2025-o‘quv yilida belgilangan maqsadli ko‘rsatkichlari yuzasidan hisobot taqdimoti o‘tkazildi.

✅Taqdimot jarayonida har bir pedagog hodim ijod maktabida amalga oshirgan ishlari, yaratgan ijodiy loyihalari, erishgan yutuqlari bo‘yicha hisobot berdi.

❇️Ijod maktabi direktori Shohistaxon Nurmatova taqdimot qatnashchilarining har biriga o‘z natijalariga qarab kerakli tahliliy- tanqidiy mulohazalarini bildirdi. Yil davomida yaxshi natijalarga erishgan ustozlarga kelgusi o‘quv yilidagi faoliyatini olib borishida ulkan zafarlar tiladi.

👇Bizni kuzatishda davom eting!
👉@ima_myim

485 0 1 28

Muhammad Yusuf nomidagi ijod maktabi

5 Jan, 09:03

Репост из: Ixtisoslashtirilgan ta'lim muassasalari agentligi

#biz_haqimizda
#qisqacha

🤩 AGENTLIK TIZIMIDA HOZIRGI KUNDA:
➖ 14 ta Prezident maktabi;
➖ 9 ta ijod maktabi;
➖ 2 ta sport maktabi;
➖ 185 ta ixtisoslashtirilgan maktab va maktab-internatlari;
➖ Pedagogik mahorat va xalqaro baholash ilmiy-amaliy markazi;
➖ Fan olimpiadalari markazi;
➖ “Yangi Oʻzbekiston” universiteti;
➖"Renessans" sogʻlomlashtirish oromgohi faoliyat yuritmoqda.

🗣Mazkur ta’lim muassasalarida 70 mingga yaqin o‘quvchi tahsil olib, ularga 8 mingdan ortiq o‘qituvchi ta’lim berib kelmoqda.

Telegram | Facebook | Instagram | YouTube

484 0 2 13

Muhammad Yusuf nomidagi ijod maktabi

5 Jan, 08:07

Zebojon — Tohir Mahkamov

03:32

#retro

🎼Zebojon
✍Muhammad Yusuf
🎙Tohir Mahkamov

👇Bizni kuzatishda davom eting
👉@ima_myim

520 0 1 9

Muhammad Yusuf nomidagi ijod maktabi

5 Jan, 08:04

TO‘Y KECHASI

Yuzga upa surmasdan,
To‘lin bo‘ldi Zebojon.
O‘n sakkizga kirmasdan,
Kelin bo‘ldi Zebojon.

Men ne derdim, nima dey –
Olov edik, sho‘x edik.
Zebi bilan erinmay
O‘n yil birga o‘qidik.

Eski maktab, alvido,
Xonalari tor edi.
O‘rtamizda bir Xudo,
Bir siyohdon bor edi.

Men lapashang, albatta,
So‘ramadim ko‘nglini.
O‘n yil o‘qib, bir marta
Ushlolmadim qo‘lini...

O‘ltiribman endi jim,
Keksa onam oldida.
To‘yga men ham borardim,
Yomg‘ir yog‘ib qoldi-da!

✍ Muhammad Yusuf
O‘zbekiston xalq shoiri

👇Bizni kuzatishda davom eting!
👉@ima_myim

544 0 1 11

Muhammad Yusuf nomidagi ijod maktabi

4 Jan, 14:19

#iqtibos

"Agar siz farzandingizga dang‘illama uy qurib bersangiz - vaqti soati kelib, u eskirishi mumkin.

Agar eng zo‘r mashina olib bersangiz - uyam tez orada eskirishi mumkin. Agar unga moddiy boylik, pul qoldirsangiz - uyam bir kun sarf bo‘lib tugashi mumkin.

Ammo dunyoda hech qachon eskirmaydigan, yo‘qolmaydigan bebaho bir boylik borki, u ham bo`lsa farzandingizga bergan bilim va hunardir. Lekin bilim va ma’rifatni qaerdan, nimadan olish mumkin? Avvalo, kitob degan xazinadan".

✍ Shavkat Mirziyoev

👇Bizni kuzatishda davom eting!
👉@ima_myim

564 0 2 16

Muhammad Yusuf nomidagi ijod maktabi

4 Jan, 11:36

#diqqat_tanlov

Muhammad Yusuf nomidagi ijod maktabida yo‘lga qo‘yilgan "Ijod ustaxonasi" tomonidan 14-yanvar "Vatan himoyachilari kuni" munosabati bilan ijod maktabi direktori sovrini uchun "Posboningman muqaddas Vatan" nomli sheʼrlar va hikoyalar tanlovini eʼlon qiladi.

Ushbu tanlovda Muhammad Yusuf nomidagi ijod maktabida tahsil olayotgan o‘quvchilar o‘zlarining vatanparvarlik, shu jumladan, harbiy-vatanparvarlik, yuksak ma’naviy-axloqiy qadriyatlar ruhida tarbiyalash, ularning ongiga tinchlik va totuvlikni ko‘z qorachig‘idek asrab-avaylash zarurligini chuqur singdirilgan ijod namunlari bilan ishtirok etishlari mumkin.

Har bir ishrokchi bitta she'ri yoki hikoyasi bilan 2025-yilning 11-yanvarigacha @sardor_sirojiddin telegram pochtasiga elektron tartibda yuborishlari kerak.

Tanlov g‘oliblari 14-yanvar "Vatan himoyachilari kuni" munosabati bilan ijod maktabida o‘tkaziladigan tantanali tadbirda maktab direktori tomonidan taqdirlandi.

👇Bizni kuzatishda davom eting!
👉@ima_myim