ilyosbek ☕️

Тилаб олинмайди садоқат, вафо!
Не фойда тиланиб эришганингни,
Қаерда кўргансан тиламчиларга,
Қимматбахо нарса беришганини...

Oila instituti

Yuqoridagi video jamiyatdagi bir katta muammoni eslatarkan. Gap shundaki, bizda mustahkam oila tushunchasi zaiflashgan. Ko‘plab odamlar boshqalar fikrini o‘z oilasidan yuqori qo‘yib keladi.

Xotinimga shirin so‘z aytsam, ulfatim nima deydi? Ular bilan oshga emas, rafiqam bilan biror restoranga borsam, falonchi nima deydi? Nimadir o'ziga opkebersam, kimdir nima deydi? Va hokazo.

Yo‘q. Qanday yashashni o‘rgatmoqchimasmanu, lekin oila instituti mustahkam bo‘lgan mamlakatlar baxtlilik indeksida ham yuqori o‘rinlarda turishadi: Daniya, Finlandiya, Norvegiya masalan.

Krug bugun bor, ertaga pulsiz qolsangiz, xudo biladi. Tanishlar, urug‘lar, do‘stlar umuman hech biri oiladan ustun turmasligi kerak va ularning bir tiyinga qimmat fikrlari siz va oilangiz o‘rtasidagi munosabatni o‘zgartirmasligi shart.

To‘g‘ri, hozir ancha yaxshilanyapti. Lekin hamon borda "qahramonlar". Ular masalan yuqoridagi videoda xotiniga "asalim" degan erkakniyam hozir yomonlashsa kerak.

Pulingiz, mehringiz, e’tiboringiz, hammasi butun umr hayotini siz bilan bog‘lashni tanlagan ayolga bo‘lishini xohlagan bo‘lardim.

Gaplarim xato bo‘lsa, kechirasiz.

Davlat yoki xususiy sektor?

Hozir bitta post o‘qidim. Davlat ishida ishlab jentra+malibu olibdi. Gap yo‘q. Lekin endi yoppasiga xususiy sektor "usti yaltiroq, ichi qaltiroq" deyishlari noto'g'ri.

Quyida ushbu mulohazadagi tanganing ikkinchi tomonini yozaman.

Umuman postdagi fikrlarga qisman qo‘shilaman. Lekin bu o‘ta keng masala va juda ko‘p real kontr argumentlar ham topiladi. Buyog'i, matematika.

Foizda taqqoslash farqni ko‘rsatadi. Erkin ish grafikli xususiy sektorda qancha odam ishlayapti va ularni nechi foizi kamida birlamchi ehtiyojlarini qondira oladigan darajaga yetdi va bunga qancha umr sarfladi? Xuddi shu savol davlat sektoriga ham. Huquq tizimiga ham.

Ikkinchi savol, moddiyat tamg'asi bo'lgan tog'oralarni bank yordamida olish qaysi sektor hissasiga ko'proq to'g'ri kelmoqda?

Keyingisi, xarajat masalasi. Taxminan $50 ming dollar ishlab topish uchun, yoki shuncha miqdorda kredit olish uchun qaysi sektor vakili qancha umrini, resurslarini, energiya, sog'lig'i va pulini sarflayapti? Qaysi birida raqamlar ko'proq?

To'rtinchisi, ingliz va rus tillarini bilish, tanish bilish shart emasligi, salohiyatli kadr kriteriyalariga to'g'ri kelib o'zi xohlagan joyni egallay olganlar qaysi sektorda foizga nisbatan ko'proq?

Shundan so‘ng romantizatsiya aslida qaysi birida ekanligini bilsa bo'ladi.

Qisqasi, xususiy sektor rivojlanishidan hamma yutadi, davlat ham, siz va men ham. Hatto hayitda dadasiga malibu sovg'a qilgan diplomat ham. (Kamida raqobatchilari kamayadi).

Lekin bunday misollar bilan xususiy sektorni misqollab yig'ayotgan obro'siga putur yetkazish notog'ri. Blogerlar va boshqalar qatnashayotgan tendensiya esa juda foydali. Filtrlanib, oxiri balanslashadi.

Streotiplar zo'rg'a sinyapti va bu ularga ishonadiganlar uchun aslida yaxshi. Boshqalarga qayg'urmay, dalshe bosiladigan payt, soqqani ham.

Dardlarimga yechim bo'ladigan ikki og'iz so'z:

"O'zbekiston respublikasining oila kodeksiga muvofiq..."

Ilk tanishganimizda bir-birimizga ko'proq mehribon bo'lganmiz, deb o'ylardim. Lekin bunday emas.

Qiziqish chiroyli boshlanadi lekin butun umrga cho'zilmaydi. U so'nadi, yo'qoladi. Shundan keyin mehr katta sahnaga chiqishi kerak.

Muhabbat vaqt o'tgani sari mustahkamlanadigan o'ta go'zal tuyg'u. U ko'nikishni, qabul qilishni, vujudining ikkinchi yarmidek his qilishni o'rgatadi, majbur qiladi.

Shaxsiy chegaralaring torayadi. Faqat o'zim bilsam yetarli, degan sirlarni ham ayta boshlaysan. Uyalmaysan. Bareer deyarli qolmaydi.

Bu lahzani na to'y, na nikoh, na aloqa — yuzaga chiqara olmagan taqdirlar ham bor. Muhabbat — juda katta kuch.

Munosabatlar borasida maslahat beradigan darajada emasmanu, lekin bir narsani tushunib yetganimga ancha bo'lgan.

Ba'zi narsalarga ko'z yumish kerak. Ikkala tomon ham.

Hamma narsa mukammal va sen xohlagandek bo'lishi mumkin emas, hatto kerak ham emas.

Yashirmayman, juda perfectionist bo'lganman. Bunday yashash qiyin edi. Har bir sekund, har bir nuqta, har bir qarich, har bir holat — sen xohlagandek bo'lmaydi.

Ikkala tomonda ham o'zining birlamchi majburiyatlari bor va shu asos. Qolgani o'zgaruvchan hamda shu chegaradan chiqmagan holatda bo'lsa yetarli. Boshqasini qabul qilishni o'rganish kerak. Shunchaki boricha barini qabul qilish.

Boshida qiyin bo'ladi, lekin yelkadan tog' ag'darilgandek yengil hayot tuhfa qiladi.

Asosiy vazifa — baxtli bo'lish.

Bu og'riq beradigan darajada go'zal satr aslida. Bir qiz bilan qilmagan ishing qolmagan va hozir ayrilgansan, endi esa kimdir uni yagonam deb erkalab yuribdi. Daxshat.

Bu achinish hissi paydo qiladi, da, bor gap. Lekin ayni vaqtda kimdir senga ham achinayotgani haqida o'ylash aql bovar qilmaydigan darajada qo'rqinchli.

Zamonamizning yangi qizlari meni bu fikrim uchun ham konservatizmda ayblab, buni normal deb o'ylashsa kerak...

Kunila yaxshi o'tdimi? ✨

Umid Gafurov molodets! Bunday inson bilan birga ishlash man uchun faxr! Prinspial, adolatparvar, ziyoli shaxs.