Alhamdulillah!!! Salkam 27 yoshga kirib, nihoyat ilk avtomobilimni sotib oldim! 🥹😇
Bundan 5 yil avval juda ogʻir baxtsiz hodisadan keyin oyogʻimdan anchayin jiddiy jarohat olgandim. Shundan soʻng avtomobilni boshqarish armon boʻlsa kerak deb oʻylagandim. Shunchaki yugurish va futbol oʻynash uyoqda tursin hatto oddiygina qadam bosib yura olish ham katta baxtdek edi men uchun. Oxirgi ikki yil esa juda omadli boʻldi. Qaysidir maʼnoda hayotga qaytadan qadam qoʻydim, oʻzim uchun mutlaqo begona boʻlgan shaharga keldim, yangidan hayot boshladim, oʻsdim, rivojlandim. Qiyinchiliklar boʻldi, jamiyat qarshisiga tubsizlikdan chiqib borib yuzlanish oson boʻlmadi. Hamon jarohatlardan qolgan asoratlar bor, ammo endi chekinishning umuman iloji yoʻq!
Yana bir bor shu narsaga amin boʻldimki, oʻsha mashhur sevimli filmimda aytilganidek, agar inson biror nimani chin dildan niyat qilsa butun koinot uni albatta ana shu orzusiga yetishtirish payida boʻlarkan! Muhimi yaxshi niyat qilish, chin dildan soʻrash va tinmay harakat qilaverish kerak ekan! 🥲
Filmning hali davomi bor...
P.S. “Lacetti Gentra” baribir Top mashina-da! 😅 Oʻzi umuman avtomobil aslida uzoqni yaqin qiladigan oddiy bir transport ulovi. Ammo, bizning jamiyatimizda bu shunchaki oddiy temir matoh emas, balki bu, sohibiga kattagina status berib, birmuncha oliy darajaga olib chiquvchi vositadir! Ashnaqa! Chunki, bu biz... 😎🤪👉 @IkromRuzimurodov ☑️