IJTIMOIY HIMOYA

❗️❗️❗️“Ijtimoiy himoya yagona reestri”ga kiritilgan fuqarolar 12% keshbekka ega bo'ladi

Bilasizmi, davlat tomonidan ijtimoiy himoyaga muhtojlarga alohida e‘tibor qilinadi va “Soliq” mobil ilovasi orqali ijtimoiy keshbek olish huquqi berilgan.

Demak, ijtimoiy keshbek olish uchun “Ijtimoiy himoya yagona reestri”ga kiritilgan jismoniy shaxslar chakana savdo obyektlaridan ayrim tovarlarni sotib olganda xarid summasidan 1% miqdordagi keshbek oʻrniga, 12% QQS summasini qaytarib olishlari mumkin.

2024-yildan ro'yxatga yana 4 turdagi mahsulotlar qo'shildi.
Bugungi kunda QQS qaytariladigan mahsulotlar ro'yxati:

1. Qo'y go'shti
2. Parranda go'shti
3. Mol go'shti
4. Tuxum
5.O'simlik yog'i
6. Un
7. Shakar
8. Dori vositalari
9. Tibbiy xizmatlar
PQ-113, 05.04.2023-yil

QQS summasini qaytarish uchun "Ijtimoiy himoya yagona reyestri"ga kiritilgan iste'molchi Soliq ilovasini yuklab olib, Face ID yordamida ro'yxatdan o'tadi va ilovada xarid chekining QR-kodini skanerlashi kerak. "Ijtimoiy keshbek"ni "Keshbek va imtiyozlar" bo'limida kuzatib borish mumkin.

QQS qaytarishda quyidagilar hisobga olinadi:
🔴 xarid qilingan tovar QQS qaytariladigan mahsulotlar ro'yxatiga kiritilganligi;
🔴 xaridor "Ijtimoiy himoya yagona reyestri"ga kiritilganligi;
🔴 tadbirkor QQS to'lovchisi sifatida ro'yxatdan o'tganligi.

❗️QQS summasini chek roʻyxatdan oʻtkazilgan oydan keyin oyning 25-sanasidan so‘ng Soliq mobil ilovasi orqali qaytarib olish mumkin.


https://t.me/ijtimoiyhimoya1

❗️❗️❗️"ЁШЛАР ДАФТАРИ"ГА КИРИТИЛГАНЛАРНИНГ КОНТРАКТ ТЎЛОВИНИ 18 750 000 СЎМГАЧА БЎЛГАН ҚИСМИ ТЎЛАБ БЕРИЛАДИ

Ҳукуматнинг 312-сонли қарори билан тасдиқланган Низомга асосан;

➖ "Ёшлар дафтари"га киритилган, Республикамиздаги профессионал таълим ташкилотларида таълим олаётган, шунингдек, Ўзбекистон Республикасида фаолият кўрсатаётган барча олий таълим ташкилотларида (давлат, нодавлат олий таълим ташкилотлари, Ўзбекистон Республикаси ҳудудидаги хорижий олий таълим ташкилотлари ва хорижий олий таълим ташкилотларининг филиалларида) бакалавриатнинг кундузги, сиртқи ва кечки шаклида, магистратуранинг кундузги йўналишида таълим олаётган ўқувчи-талабаларга тўлов-контракт асосида ўқиш бўйича йиллик харажатларининг бир қисми қоплаб берилади.

❗️ Бунда ёшлар етакчисининг ижобий тавсияси билан контрактнинг 50 фоизигача, бироқ БҲМнинг 50 баравари (18 750 000 сўм)дан ошмаган қисми тўлаб берилади.


https://t.me/ijtimoiyhimoya1

❗️❗️❗️МИГРАНТЛАРНИНГ ОИЛА АЪЗОЛАРИГА 750 000 СЎМДАН БИР МАРТАЛИК МОДДИЙ ЁРДАМ ПУЛИ БЕРИЛАДИ . 

01.03.2022 йилдаги ПҚ-149-сон Президент қарорига кўра,
ҳар йили ҳоким ёрдамчиларининг ёзма тавсияномасига асосан:

➖ боқувчиси хорижга меҳнат миграциясига чиқиб кетган ва “Ижтимоий ҳимоя ягона реестри” ахборот тизимида рўйхатда бўлган оилаларга БҲМнинг 2 баравари (750 000 сўм) миқдорида бир марталик моддий ёрдам пули берилиши белгиланган.

https://t.me/ijtimoiyhimoya1

❗️❗️❗️КИМЛАР БОЛАГА БОҒЧА ПУЛИ ТЎЛАШДАН ОЗОД ҚИЛИНАДИ?

Мазкур масала "Мактабгача таълим муассасалари ва мактаб-интернатлардаги болалар таъминотига ҳақ тўлаш тартиби тўғрисидаги низом"га асосан тартибга солинади. Низомга кўра, боғчада болалар умумий сонининг 15 фоизи (боғчада 100 нафар бола бўлса шулардан 15 нафари озод қилиниши мумкин) доирасида кам таъминланган оилалар фарзандлари тўловдан озод қилинади.

📌Боғча тўловидан биринчи навбатда қандай оилалар фарзандлари озод қилиниши керак?

✅Тўловдан биринчи навбатда ота-оналаридан бири ёки иккаласи I ёхуд II гуруҳ ногиронлиги бўлган кам таъминланган оила фарзандларига, шунингдек ўртача ойлик жами даромади энг паст даражада бўлган кам таъминланган оила фарзандларига имтиёз берилади.

📌 Ўша 15 фоизлик рўйхатни ким тузади?

  ✅ Тўловдан озод қилинадиган кам таъминланган оила фарзандлари рўйхати маҳалла томонидан берилган оиланинг мулкий аҳволи тўғрисида маълумотномага ва тегишли боғча ота-оналар қўмитасининг хулосасига асосан аниқланади ва шакллантирилади.

📌 Бу рўйхат қачон тузилади?

  ✅Тўловдан озод қилинадиган кам таъминланган оила фарзандлари рўйхати ҳар ўқув йилининг 25 сентябрь кунига қадар тасдиқланади.

📌Рўйхатга кирмай қолганлар нима бўлади?

✅Рўйхатга кирмай қолган, шунингдек йил давомида аниқланган кам таъминланган оилалар фарзандлари ҳисобидан захира шакллантирилади хамда тўловдан озод қилинган болаларнинг боғчага қатнаши тўхтатилиши натижасида бўшаб қолган ўринлар мазкур заҳирадан тўлдириб борилади.


https://t.me/ijtimoiyhimoya1

❗️❗️Yoshlar daftariga kirish uchun  ariza topshirish yoʻllarimm

1.  https://yoshlardaftari.uz/ sayti orqali oddiygina ariza to'ldirish;
2. 1093 "Call markazi" telefon qilib, murojaat qilish;
3. Mahalladagi yoshlar yetakchisiga ariza bilan murojaat qilish.

https://t.me/ijtimoiyhimoya1

❗️❗️❗️АЁЛЛАР ДАФТАРИГА КИРИТИЛГАНЛАРГА ҚАНДАЙ ЁРДАМ КЎРСАТИЛАДИ ?

Ҳукуматнинг 145-сон қарори билан тасдиқланган низомга асосан, «Аёллар дафтари»га киритилган хотин-қизларни қўллаб-қувватлаш қуйидаги йўналишларда амалга оширилади:

1) ишсиз хотин-қизлар учун — уларни бандлигини таъминлаш;

2) тадбиркорлик қилиш истагида бўлган эҳтиёжманд хотин-қизлар учун —- тадбиркорликни йўлга қўйишга кўмаклашиш;

3) боқувчиси бўлмаган эҳтиёжманд хотин-қизлар учун — бир марталик моддий ёрдам бериш, зарур ҳолларда уларни уй-жойини таъмирлаш;

4) ижтимоий ёрдамга муҳтож I ва II гуруҳ ногиронлиги бўлган, шунингдек, тезкор тиббий муолажага муҳтож эҳтиёжманд хотин-қизлар учун — тиббий ёрдамлар кўрсатиш;

5) уй-жойга муҳтож эҳтиёжманд хотин-қизлар учун — ижара компенсациясини тўлаш, ижтимоий уйларга жойлаштириш, уй-жой билан таъминлаш;

6) қарамоғида ногиронлиги бўлган фарзанди мавжуд эҳтиёжманд хотин-қизлар учун — бир марталик моддий ёрдам бериш, зарур ҳолларда, сектор раҳбари хулосаси асосида томорқадан ва деҳқончиликдан даромад манбаи сифатида фойдаланиш учун кўмаклашиш.

❗️Аёллар дафтарига киритилаётганингизда Сизни қайси йўналиш бўйича рўйхатга олаётганига эътиборли бўлинг! Сабаби Сиз уй-жойга мухтож бўлсангизу, лекин аёллар дафтарига Сизни тиббий ёрдамга мухтож деб киритган бўлса, уй-жой томонлама ишингиз битиши қийинроқ бўлади.

https://t.me/ijtimoiyhimoya1

❗️❗️❗️Ногиронлиги бўлган шахсларга берилган айрим имтиёзлар...

✔️ Ногиронлиги бўлган шахслар учун ОТМда давлат гранти асосида қўшимча қабул квотаси ажратилади.

✔️ Ногиронлиги бўлган шахсларнинг автотранспорт воситалари учун ажратилган тўхтаб туриш жойларидан фойдаланганлик учун ҳақ олинмайди.

✔️ I ва II гуруҳ ногиронлиги бўлган шахсларга ДХМ ва (ёки) ЯИДХП орқали хизмат кўрсатишда 50 фоиз миқдорида чегирма қўлланилади.

✔️ Ногиронлиги бўлган шахслар жамоат бирлашмалари рамзларини давлат рўйхатидан (қайта рўйхатдан) ўтказиш учун давлат божи ундирилмайди.

✔️ Ногиронлиги бўлган 18 ёшгача болаларга ҳамда I ёки II гуруҳ ногиронлиги бўлган шахсларга ногиронлик нафақасини тайинлашда давлат хизматлари бепул кўрсатилади.

✔️ I ва II гуруҳ ногиронлиги бўлган шахслар болаларини давлат мактабгача таълим муассасаларига қабул қилишда имтиёзли рўйхатга киритилган.

✔️ Тегишли тиббий хулоса асосида муҳтож шахсларга протез-ортопедия мосламалари ва реабилитация қилишнинг техник воситалари берилади.

✔️ Ногиронлиги бўлган шахслар санаторий-курортда бепул соғломлаштириш ҳуқуқига эга.

✔️ I ва II гуруҳ ногиронлиги бўлган шахсларнинг мулкида бўлган мол-мулк 60 квадрат метр доирасида солиқ солишдан озод қилинади.

✔️ Меҳмонхоналарда ногиронлиги бўлган шахслар учун алоҳида шароитга эга хона ташкил этилади.

✔️ Хизмат турар жойларида яшаётган I ва II гуруҳ ногиронлари хизмат уйидан бошқа турар жой берган ҳолда кўчирилади.

✔️ Ногиронлиги бўлган ёшларга БҲМнинг 50 бараваригача (17 млн сўмгача) субсидия ажратилади.

✔️ I ва II гуруҳ ногиронлиги бўлган шахслар ер солиғидан озод қилинади.

✔️ Бюджет маблағлари ҳисобига молиялаштириладиган бассейнларда шуғулланиш ва улардан фойдаланиш учун ногиронлиги бўлган болалар тўловдан озод этилади.

✔️ Болаликдан ногирон бўлганлар, шунингдек I ва II гуруҳ ногиронларининг МҲТЭКМнинг 3 баравари (3 млн 150 минг сўм) миқдоридаги маблағлари даромад солиғига тортилмайди.

https://t.me/ijtimoiyhimoya1

❗️❗️❗️ДАРОМАД ХИСОБЛАНИШИ

Вазирлар Маҳкамасининг 654-сон қарори билан тасдиқланган Низомда, оиланинг бир аъзосига тўғри келадиган бир ойлик ўртача даромад болалар нафақаси ёки моддий ёрдам олиш учун мурожаат қилинган ойдан олдинги ойГАЧА бўлган охирги уч ойи учун ҳисоблаб чиқилган барча оила аъзоларининг даромади суммасини оила таркибига киритиладиган оила аъзолари сонига ва учга бўлиш орқали аниқланади деб кўрсатилган.

✏️ Яъни, болалар нафақаси чиқиши учун даромад хисоблашда Сиз қайси ойда ариза берган бўлсангиз ўша ойдан 4 ой орқага қайтилади ва ўша 4 ойдан биринчи уч ой олинади. Масалан, шу сентябрь ойида ариза берсангиз август ойи хисобланмайдида ундай олдинги 3 ой, яъни июль, июнь хамда май ойларидаги даромадингиз хисобланади.

✏️ Шу тартибда хисобланган даромадингиз оила аъзоларингиз сонига бўлинганида киши бошига 648 минг сўмдан ошиб кетмаса мезонга тўғри келасиз. Ошиб кетса йўқ.

https://t.me/ijtimoiyhimoya1

❗️❗️❗️ Уйни таъмирлаш учун 120 млн сўм паст фоизли кредит бериш юзасидан батафсил маълумотлар.

❗️Кредит кимларга берилади?
Уй-жой шароитини яхшилашга мухтож бўлган шахсларга кберилади яъни – Вазирлар Маҳкамасининг 2021 йил 21 октябрдаги 654-сон қарори билан тасдиқланган Кам таъминланган оилаларни "Ижтимоий ҳимоя ягона реестри" ахборот тизими орқали аниқлаш, уларга кам таъминланган оилалар болалари учун нафақа ва моддий ёрдам тайинлаш ва тўлаш тартиби тўғрисидаги низомга асосан кам таъминланган деб эътироф этилган оиланинг уй-жой шароитини яхшилашга муҳтож аъзоларига.

❗️Кимнинг тавсияси билан берилади?
"Маҳалла еттилиги" тавсияси билан яъни – маҳалла фуқаролари йиғини раиси, ҳоким ёрдамчиси, ёшлар етакчиси, хотин-қизлар фаоли, профилактика инспектори, ижтимоий ходим, солиқ инспекторидан иборат жамоа.

❗️Қайси мақсадларда берилади?
Якка тартибдаги уй-жойни қуриш учун, якка тартибдаги уй-жойни таъмирлаш учун, якка тартибдаги уй-жойни таъмирлаш учун.

❗️Талабгор қайси мезонларга мос бўлиши керак?
➖ 18 ёшга тўлган ва 60 ёшдан ошмаган Ўзбекистон Республикаси фуқароси бўлиши;
➖кредит бўйича ҳисобланган фоизларни ва асосий қарзни тўлов жадвалига мувофик ҳар ойда тўлаш учун етарли ҳамда қонунчилик ҳужжатларида тақиқланмаган даромад манбаига, шу жумладан, шахсий ёрдамчи ёки деҳқон хўжалигидан ёхуд якка тартибдаги тадбиркорлик фаолиятидан даромадга эга бўлиши;
➖ қарз юки кўрсаткичи қарз олувчининг барча кредитлари ва микроқарзлари бўйича ўртача ойлик тўловларининг ушбу қарз олувчининг тасдиқланган ўртача ойлик даромадларининг 60 фоизидан юқори бўлмаслиги;
➖кредит ажратишни кўриб чиқиш вақтида қарз олувчининг кредит ташкилотларидан аввал олинган кредитлар бўйича муддати ўтган карздорлиги мавжуд бўлмаслиги;
➖ илгари бозор тамойилларига асосланган ипотека кредитлари орқали аҳолини уй-жой билан таъминлаш дастури доирасида ипотека кредитларидан ва ипотека кредитлари бўйича субсидиялардан фойдаланмаган бўлиши;
➖ реконструкция килинадиган ва таъмирланадиган якка тартибдаги уй-жой ёки якка тартибдаги уй-жой қуриладиган ер участкаси қарз олувчининг ўзига ёки у билан биргаликда яшовчи яқин қариндошларидан бирига тегишли эканлиги ва қарз олувчи мазкур манзилда камида 6 ой давомида доимий рўйхатда турган бўлиши.

Қарз юки кўрсаткичини ҳисоб-китоб қилишда қарз олувчининг ўртача ойлик даромадлари миқдори унинг охирги 12 ой мобайнида олган даромадлари миқдорининг ўртача арифметик қийматидан келиб чиқиб аниқланади.


https://t.me/ijtimoiyhimoya1

⚡️⚡️Уй ремонти учун 120 млн сўмгача ипотека кредити бериш бошланди.

Фоиз ставкаси — 17,5 фоиз. Муддати — 20 йилгача. Кредит учун субсидия ҳам олса бўлади.
Мазкур кредитдан фойдаланиш истагини билдирган фуқаролар скоринг тизими орқали (электрон) баҳоланади.

➖ талабгорнинг 6 ой давомида пропискаси ўзгармаганлиги.
➖ талабгорнинг муқаддам кредитдан фойдаланмаганлиги.
➖ талабгор камбағаллик реестрида мавжудлиги кўриб чиқилади.

Юқоридаги учта мезонга мос талабгорлар "маҳалла еттилиги" томонидан тавсиянома олиши мумкин бўлади.

Ушбу ипотека кредитини олиш учун online-mahalla.uz платформасида ариза қолдириш керак. Бунда ариза берувчи уйини таъмирлашга мухтожлигини кўрсатиб бериши зарур бўлади.

Бу ипотека кредити учун дастлабки тўлов ва фоиз харажатларининг бир қисмини қоплаш бўйича субсидиялар “subsidyplatform.mf.uz” платформаси орқали ажратилади.

https://t.me/ijtimoiyhimoya1

❗️❗️❗️БУГУНГИ КУН ҲОЛАТИГА ЎЗБЕКИСТОН ҲУДУДИДА:

📌меҳнатга ҳақ тўлашнинг энг кам миқдори – 1 155 000 сўм;

📌базавий ҳисоблаш миқдори – 375 000 сўм;

📌пенсияни ҳисоблашнинг базавий миқдори – 428 000 сўм;

📌ёшга доир энг кам пенсия – 834 000 сўм;

📌ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 000 сўм;

📌меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 000 сўм;

📌белгиланган ёшга доир энг кам пенсия миқдоридан (834 000 сўмдан) 920 000 сўмгача пенсия олувчиларнинг ёшга доир пенсиялари – 920 000 сўм;

📌 зарур иш стажига эга бўлмаган кекса ёшдаги фуқароларга бериладиган нафақа – 745 000 сўм;

📌иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 000 сўм.

https://t.me/ijtimoiyhimoya1

❗️❗️❗️ Ijtimoiy himoya milliy agentligi o‘zgalar parvarishiga muhtoj shaxslarga uyda Tibbiy-ijtimoiy-reabilitatsiya xizmatlarni ko‘rsatish uchun xususiy klinikalarni taklif etadi

📌 Loyiha doirasida Toshkent shahrining Mirzo Ulug‘bek, Yunusobod, Shayhontohur, Sergeli tumanlaridagi o‘zgalar parvarishiga muhtoj shaxslarga uyda tibbiy va parvarishlash xizmatlari ko‘rsatiladi.

Tibbiy xizmatlarni ko‘rsatish quyidagilarni o‘z ichiga oladi:

📌hayotiy zarur ko‘rsatkichlarni o‘lchash va monitoring qilish;
📌sog‘lomlashtiruvchi va faollikni oshiruvchi, jumladan motorikani rivojlantiruvchi mashqlar qildirish;
📌 yotoq yaralar profilaktikasi va parvarishi;
📌tibbiy muolajalar yaralarni bog‘lash, dori darmon qabul qilishga ko‘maklashish;
📌oila a’zolari yoki assistentga parvarishda e’tibor talab etiladigan jihatlarni o‘rgatish;
📌o‘z-o‘ziga xizmat qilish ko‘nikmalariga o‘rgatish.

Parvarishlash xizmatlarini ko‘rsatish quyidagilarni o‘z ichiga oladi:
✔️ ovqat tayyorlash (mijozni yoshi, tabiati va allergik xususiyatlarini inobatga olgan xolda) va yarim tayyor maxsulotlarni tayyorlab muzlatgichda saqlab qo‘yish;
✔️kiyim-kechaklarni yuvish;
✔️ gigiyena tadbirlarini amalga oshirish;
✔️supurish-yig‘ishtirish (xonadondagi mijoz foydalanishi zarur bo‘lgan barcha xonalarni va jixozlarni tozalash);
✔️ zarur oziq-ovqat mahsulotlari va dori-darmonlarni uyga yetkazib berish;
✔️ xonadondagi santexnika jihozlarini ta’mirlashda (uy-joyni boshqaruvchi tashkilotlar va boshqaruvchilarni jalb qilish) ko‘maklashish;
✔️ sartaroshlik xizmatidan foydalanishda ko‘maklashish;
✔️ qarindosh va do‘stlar bilan yozishmalarda ko‘maklashish.

❗️Xususiy tibbiyot klinikalarini ushbu loyihada faol ishtirok etishga taklif etamiz.

Aloqa uchun:
📞: +998 93-379-20-22


https://t.me/ijtimoiyhimoya1

❗️❗️❗️Эр-хотин бир-бирига алимент тўлаш мажбурияти. Муҳим 5 жиҳат

1⃣ Эр-хотин ажрашмаган тақдирда ҳам бир-бирига моддий ёрдам бериши шарт
Эр-хотин ажрашмаган тақдирда ҳам бир-бирига моддий ёрдам бериши шарт. Ёрдам беришдан бош тортилган тақдирда, иккинчи томон суд орқали алимент олиши мумкин.

☑️ Хўш, алимент кимларга берилади? Оила кодексига кўра, қуйидаги шахслар алимент сўраши мумкин:
✔️ёрдамга муҳтож, меҳнатга лаёқатсиз эр ёки хотин;
✔️хотин ҳомиладорлик даврида ва ўртада бола туғилган кундан эътиборан 3 йил давомида;
✔️ўртадаги ногиронлиги бўлган болани у 18 ёшга тўлгунига қадар парваришлашни ёки болаликдан I гуруҳ ногиронлиги бўлган ўртадаги болани парваришлашни амалга оширган, ёрдамга муҳтож бўлган эр (хотин).

❗️Аммо ҳар доим ҳам эмас – алимент тўлаши сўралаётган томон моддий ёрдам беришга имконияти бўлиши керак.

Бу ҳар бир ҳолатда суд томонидан алоҳида ҳал қилинади.

2⃣ Никоҳдан ажралганидан кейин собиқ эр (хотин)нинг таъминот олиш ҳуқуқи
Етарли маблағга эга бўлган собиқ эр (хотин)дан:
✔️собиқ хотин ҳомиладорлик даврида ва ўртада бола туғилган кундан бошлаб 3 йил давомида;
✔️ўртадаги ногиронлиги бўлган болани у 18 ёшга тўлгунига қадар парваришлашни ёки болаликдан I гуруҳ ногиронлиги бўлган болани парваришлашни амалга оширган, ёрдамга муҳтож бўлган собиқ хотин (эр);
✔️никоҳдан ажралгунга қадар ёки никоҳдан ажралган пайтдан бошлаб бир йил давомида меҳнатга лаёқатсиз бўлиб қолган ёрдамга муҳтож собиқ хотин (эр);
✔️никоҳдан ажралган пайтдан бошлаб беш йил ичида пенсия ёшига етган ёрдамга муҳтож хотин (эр), агар эр-хотин узоқ вақт никоҳда туришган бўлса, суд тартибида алимент талаб қилиш ҳуқуқига эга.
✔️Никоҳдан ажралгандан кейин собиқ эр ёки хотинга тўланадиган алимент миқдори ва уни тўлаш тартиби собиқ эр-хотин ўртасидаги келишув билан белгиланиши мумкин.

3⃣ Алимент миқдори
Эр-хотин ўртасида алимент тўлаш тўғрисида келишув бўлмаса, эр ёки хотинга суд тартибида ундириб бериладиган алимент миқдори суд томонидан эр ёки хотиннинг моддий ва оилавий аҳволини ҳамда тарафларнинг эътиборга лойиқ бошқа манфаатларини эътиборга олиб, ҳар ойда пул билан тўланадиган қатъий суммада белгиланади.
❗️Алимент миқдори меҳнатга ҳақ тўлаш энг кам миқдори 11,75 фоизидан кам бўлмаслиги керак (бунги кунда 135 минг сўм).

4⃣ Алимент тўлаш тўхтатиши/чекланаши
Суд қуйидаги ҳолларда:
✔️агар эр-хотин никоҳда қисқа вақт мобайнида бўлган бўлса;
✔️агар ўз таъминоти учун маблағ тўланишини талаб қилаётган эр ёки хотиннинг нолойиқ хулқ-атвори туфайли никоҳдан ажратилган бўлса;
✔️агар ёрдамга муҳтож эр ёки хотиннинг меҳнатга лаёқатсиз бўлиб қолиши унинг спиртли ичимликларни, гиёҳвандлик воситаларини, психотроп моддаларни суиистеъмол қилиши ёки қасддан жиноят содир этиши оқибатида юз берган бўлса, эр (хотин)ни ёрдамга муҳтож меҳнатга лаёқатсиз хотин (эр)га таъминот бериш мажбуриятидан озод қилиши ёхуд бу мажбуриятни муайян муддат билан чеклаб қўйиши мумкин.

5⃣ Алимент олиш ҳуқуқининг тугаши
Эр-хотиннинг бир-биридан таъминот олиш ҳуқуқи асос бўлган шартлар тугаган тақдирда, шунингдек никоҳдан ажралган ёрдамга муҳтож, меҳнатга лаёқатсиз эр ёки хотин янги никоҳга кирганда тугайди.

Бундай ҳолларда, агар таъминот учун маблағ суднинг ҳал қилув қарорига биноан ундирилган бўлса, уни тўлаши шарт бўлган эр (хотин) бундан буён алимент тўлашдан озод этиш ҳақидаги талаб билан судга мурожаат қилишга ҳақли.


https://t.me/ijtimoiyhimoya1