Введите текст для поиска
Расширенный поиск каналов

Inside Ads

Автоматическая монетизация каналов и чатов
img
реклама

вдохновляющие истории

вместе исследуем красивые уголки Канады и не только.
img
реклама

Залью подписчика по 3 рубля

В любую тематику, с мелких регионов. 5% за работу.
img
реклама

🌸ИЖОД СЕҲРИ 🌸 Феруза Салходжаева (Феруза Баҳодир қизи)

@ijod_sehri21
Гео и язык канала: Узбекистан, Узбекский
Категория: не указана

"Халқ таълими аълочиси", олий тоифали устоз, Қозоғистон Республикаси
" Дўстлик" медали соҳиби ёзувчи Феруза Салходжаева Баҳодир қизининг ижодий, маърифий, адабий канали
Мактублар учун: @Salxodjayeva_bot

Связанные каналы  |  Похожие каналы
Гео и язык канала
Узбекистан, Узбекский
Категория
не указана
Статистика
Это ваш канал? Подтвердить Канал в реестре блогеров РКН? Подтвердить История канала
Фильтр публикаций

🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 19:46

Открыть в Telegram Поделиться Пожаловаться
#ТУҒИЛГАНКУН
БУГУН АЖОЙИБ МУАЛЛИМА, НАФИС ВА ИБРАТЛИ ҲИКОЯЛАР УСТАСИ, ҚАЛБИ ГЎЗАЛ ВА САМИМИЙ СИНГИЛЖОНИМ Феруза Салходжаева ТАВАЛЛУД ТОПГАН КУН! ФЕРУЗАНИНГ НИҲОЯТДА ЧИРОЙЛИ ҚАЛБИ БОР. МАКТАБДА ДАРС БЕРАР ЭКАН,УНИНГ ДАРСЛАРИ НИНГ ҲАР БИРИ УЛКАН ИБРАТХОНА, ДЕГИМ КЕЛАДИ. МЕН УНИНГ МАКТАБИГА БОРИБ, ЎҚУВЧИЛАРИ БИЛАН СУҲБАТЛАШИБ, БУНГА АМИН БЎЛГАНМАН. ЭНГ МУҲИМИ, ФЕРУЗАХОННИНГ ҲАВАС ҚИЛСА АРЗИГУЛИК ҚАЛАМИ ҲАМ БОР. УНИНГ "ИЖОД СЕҲРИ" ТЕЛЕГРАМ КАНАЛИ МУХЛИСЛАРИ ШУНЧАЛАР КЎПКИ, ҲАМИША АДАБИЁТ ВА СЎЗ САНЪАТИНИ СЕВГУВЧИЛАР БИЛАН ГАВЖУМ. ЯҚИНДА СЕВИМЛИ АДИБАМИЗНИНГ БИР НЕЧТА КИТОБЛАРИ ЧОП ЭТИЛДИ. КИТОБЛАРИНГИЗ ҲАМ МУХЛИСЛАР ТОМОНИДАН СЕВИБ ЎҚИЛМОҚДА. ФЕРУЗАЖОН, АЗИЗ СИНГЛИМ! ТУҒИЛГАН КУНИНГИЗ ҚУТЛУҒ БЎЛСИН. ЭРИШГАН ЮТУҚЛАРИНГИЗ СОНИ КЎПАЯВЕРСИН. АЛЛОҲИМДАН СИЗГА СОҒЛИК, ТИНЧЛИК ВА БАРЧА ОРЗУЛАРИНГИЗ ИЖОБАТИНИ ТИЛАЙМАН. ИЖОДИНГИЗ ҲАМИША ГУЛЛАБ-ЯШНАЙВЕРСИН!

P. S.ЮЗЛАРИ НУРЛИ, ФЕРУЗАХОНИМ, ИЛОҲИМ УМРИНГИЗ УЗОҚ, РИЗҚИНГИЗ ЗИЁДА БЎЛСИН, АЗИЗ СИНГЛИМ!

Гуландом Тоғаева

П/С: Фейсбукни унча тушунмайман. Табрикни энди кўрибман. Катта раҳмат, устозам
Жудаям хурсанд бўлдим
@ijod_sehri21

https://t.me/ijod_sehri21
1.8k 0 1 6 93
🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 11:46

Открыть в Telegram Поделиться Пожаловаться
3.3k 0 13 53 32
🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 11:42

Открыть в Telegram Поделиться Пожаловаться
Найсон ёмғири

8—қисм

—Бегим, қанисиз? Ёлқин акааа! Овозимнинг борича бақириб кетар эканман, ортимдан уй бекаси югуриб чиқди.
Нимадир айтмоқчи бўлгандек тараддудланди, лекин бўғзидан биргина сўз чиқди.

—Сўрлимай...

Ортимдан отлар кишнаб қолди.
Машина ичида занжирбанд ҳолда кетар эканман, Ёлқин қаёққа ғойиб бўлганини билмаётган эдим...

Азоблар, қийноқлар бошланди.
—Шеригинг қани? Қачондан бери наркотик сотасан? Кимга ишлайсан?
Қани энди бу саволларнинг жавобини билсам. Мен жиноятчи эмас, лақма, анқов, довдир эдим. На буларнинг тилини биламан, на гапимга ишонтира оламан. Ортимдан излагувчим ҳам йўқ. Ном-нишонсиз йўқолсам ҳам биров сезмайдиган одам эдим.
Ҳар куни сўроққа олиб чиқадилар. Ҳар куни бир хил савол. Бошида йиғлаб жавоб берардим.
—Худо ҳаққи билмайман!!! Сумкамда нима борлигини ҳам билмаганман. Паспортимга муҳр босилмай бошқа мамлакатга ўтган бир аҳмоқ эдим.
—Қайси йўлдан келдинг
—Билмайман!
—Ким билан келдинг?
—Билмайман?!
Сўроқлар, қийноқлар шу даражада жонимга тегдики, ишим тезроқ бир ёқли бўлишни хоҳлай бошладим.
—Қамаса қамасин, қўйиб юборса, қўйиб юборсин! Шу аросатдан қутулсам бўлди.
Қоронғу, заҳ каталакда ўтирар эканман нима учун бу куйга тушганимни ўйлар эдим. Болалигим, диплом оламан деб пойтахтга келиб қолганим, яхши яшаш умидида тинимсиз ишлаганим... Ёлқинни учратганим. Кўзларига боқиб, битта ишорасига маҳтал бўлганим, битта табассуми учун жонимни нисор қилишга тайёр бўлганим...

Ич-ичимдан эрим мени излаб топишига, бу зиндондан қутқариб олиб кетишига умид қилардим. Ишонардим. Севардим уни... Севгандим!
Оғриқ азобида заҳ ерда букчайиб ётар эканман озодликдаги ишлаб, чарчаб юрган кунларим чексиз бахт бўлганини тушуниб етардим.
Кўп нарсаларни мушоҳада қилдим. Худойим менга шу кунларга тушмаслигим учун белги берган, ўзим хулоса қилмагандим.
Биринчи ишора — Ёлқинни кўрганимда қаттиқ қўрққаним. Иккинчи ишора— тушимда аён бўлганди, ёнғоқлар орасида илғаганим ўша қўрқинчли нигоҳлар ҳам эримники эди.
Учинчи ишора— бу одамдан менга фарзанд бермагани эди...
Ҳеч бирини тан олмадим, кўзим кўр, қулоғим кар эди. Қари қиз деган тавқи лаънатдан кўра танимаган, билмаган одамимга турмушга чиқишим аҳмоқликдан ўзга нарса эмасди, аммо пешона, тақдир деган нарсалар ҳам бор...Одамзот ўзи истама ҳам қутула олмайдиган қисмат деган ёзуғлар бор!

Бу сафарги сўроққа ўзбек таржимон ҳам чақиртирилибди.
Ёши каттароқ, ўзбек мактабида дарс берадиган ўқитувчи экан.
—Синглим, —деб гап бошлаганидан йиғладим, ҳеч ўзимни тўхтата олмасам.
Кейин бор дардимни тўкиб солдим. Кекса ўқитувчи индамай эшитди.
—Амаки, менинг қисматим нима бўлади? Хабарингиз йўқми?
—Билмасам, қизим. Сизга нимадир ёрдам берайми? У айбдордек кўзимга тикилди.
—Амаки, халтамда бир аёлнинг телефон номери бор. Исми Санобар. Санобар опа. Илтимос, шу одамга қўнғироқ қилиб менинг қаердалигимни айтинг. Ота-онамга хабар берсинлар, —дедим. Амаки ваъда берди.
—Юнус алайҳиссалом дуосини биласизми? —деб сўради у
Йўқ, ишорасини қилдим. Дуо уёқда турсин, калима келтиришни билмасдим.
Ўкиниб йиғлай бошладим.
—Йиғламанг, сиз учун ўзим ўқийман. Сиз дуо қилинг, мазлум билан Аллоҳнинг ўртасида парда бўлмайди. Иншааллоҳ, ҳаммаси яхши бўлади.

Амаки яна бир-икки кун келди. Бу орада суд куни белгиланди. Охирги келганида кўзида ёш бор эди.
—Амаки, Санобар опамни топдингизми?
Санобар опани нима қиламан?
Ким ҳам мени бу гадойтопмас жойларга излаб келарди. Кимга ҳам керагим бор. Майлида, лоақал изсиз йўқолганим сабабини билишар...

—Эртага Тошкентга кетяпман, хавотир олманг, айтган одамингизни излаб топаман.
—Амаки, эртага судим бўларкан. Нима жазо беришар экан, хабарингиз бўлмадими?
У ерга қаради.
—Сизга давлатга хиёнат қилишда айблови ҳам қўйилган экан, сўрашга қўрқяпман.
Шунда ўзимда бир куч, қандайдир шижоат топиб сўрадим.
—Айтаверинг, амаки, мен кўндим...
—Ўлим жазоси берилса керак...
Бошимга биров гурзи билан ургандек бўлди. У ёғини эслолмайман. Заҳ, тор, қоронғу хонада кўзимни очдим. Демак, қисматимга шу ерларда ўлиб кетиш ёзилган экан-да...

Давоми бор

Феруз Салходжаева

Лайк босиб кетинг, илҳом учун

https://t.me/ijod_sehri21
3.4k 0 10 87 663
🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 11:42

Открыть в Telegram Поделиться Пожаловаться
Найсон ёмғири

7—қисм

Оқиш, эски, шалоқ "Ауди" маркали машинага ўтирар эканман Ёлқин аллақандай безовталаниб қолди.
—Мен ҳозир келаман, —деганча тез-тез юриб эски будкалар ортига ўтиб кетди. Машинанинг яғири чиққан ўриндиғида ўтирганча одамларга тикилдим.
Ҳамма қаёққадир югуради. Бировнинг биров билан иши йўқ. Ярим соатдан кўпроқ вақт ўтирдим чоғи машина эгаси бўлса керак ҳайдовчи ўриндиғига тўладан келган, тепакал бир киши келиб ўтирди.
Машинани ўт олдирди. Қарасам, юриб кетяпди
—Вой-вой тўхтанг, қаерга олиб кетяпсиз? Менинг хўжайиним бор.Тўхтатинг! Жон ҳолатда қичқира бошладим. Тушиб қоламан.
—Байинг казир жўлдан шиғади. Айхайлайберме, басимди ауритиб!
Ҳайдовчи машинани амаллаб катта йўлга олиб чиқди. Юрагимни ҳовучлаб ўтирар эканман, паст-баланд, тартибсиз қурилган дўконлар орасидан Ёлқин кўринди. Хайрият! Кўнглим ўрнига тушди. У машинанинг олд эшигини очиб тез жойлашиб олди.
—Кетдик!
Кўнглим бир ёмонликни сезгандек ғаш бўла бошлади. Ёнғоқзор оралаб кетаётган тушим ёдимга тушди. "Ўзинг асра, худойим!"
Биз кенг далаларни ортда қолдириб кетиб борардик. Яшилликка бурканган адирлар, от уюрлари, сигир-бузоқлар, қўй-қўзилар ўтлаб юрган ўтлоқлар ортда қолиб кетар, машинанинг ярим очиқ ойнасидан шамолнинг шовқинли овози келарди. Машинада бор-йўғи уч киши эдик. Ҳамма жим кетар, кўнглим бўронда учиб кетаётган барг мисоли чирпирак бўлаётган эди. Ҳаво тунд, баланд тепаликлар ортидан қоп-қора булутлар сузиб келаётган эди.
Журъат қилиб сўрадим.
—Бегим, қачон қайтамиз. Ёлқин индамади. Эшитмади деб ўйладим. Ҳайдовчи томоқ қириб қўйди.
Биз беш соатлар чамаси юриб, аллақандай шаҳарчага кириб келгандик. Бу ерда ранглар ҳам бошқача эди. Тўқ кўк, тўқ яшил, тўқ қизил...
Бир уйга кирдик. Кўк рангга бўялган дарвозадан кираверишда олма дарахти гулини тўкиб ётар, уй гир айлана пастқам иморатдан иборат эди. Ўртада ҳовли. Ҳовлида қандайдир саришталик бор эди. Ҳовлининг орқасидан отнинг кишнаган овози эшитилди. Кейин оғил томондан бўлса керак, тапир-тупур овоз келди.
Овоз келган томондан бир киши чиқиб кела бошлади.
Салом бердик.
—Саламатсизба? У Ёлқин билан қўл бериб кўришди. Кейин уйга қараб чақирди
—Ақэрке, қара, мийман келди.
Ичкаридан устига қўнғиртоб кўйлак кийиб, бошига орқасидан рўмол ўраган аёл чиқиб келди.
Салом бердим. У худди ўзбекларга ўхшаб елка қоқиб кўришди, кейин мени ичкарига чорлади. Отлар ҳамон кишнаб турарди.
Биз келган оила меҳмондўст эди. Дастурхонни бўғирсоқ, қанд, қўлбола сариёғ, гўшт, тандирда ёпилган катта-катта нонлар билан тўлдириб ташлади. Онамнинг нонларини соғингандим. Бир бурда нонни қўлимга олдим. Нон маромига етиб пишган, жудаям тотли эди. Ақэрке косада сут олиб кирди. Ажаб оқлик муздек эди. Ёлқин шу вақт ичида энди тилга кирди.
—Ол, ич, қимиз. Эҳтиёт бўл, маст бўлиб қолма.
Қўрқа-писа ҳўпладим. Илк бор қимиз татиб кўраётгандим. Ичимлик хушхўр, майин, аллақандай ёқимли эди. Ақэрке яна бир коса қуйиб узатди
Оч қоринга ичганимгами бошим айлангандек бўлди.
Кўзим юмилиб кета бошлади...
Аллақандай ғала-ғовурдан уйғониб кетдим. Кимдир мени тургизмоқчи бўлар, кўзимни очолмасдим. Қаерда эканлигимни эслолмадим. Отлар безовта кишнай бошлади.
"Айтганча, Қозоғистондаман-ку!"
Кўзим билан Ёлқинни қидира бошладим. Ақэрке девор тагида ранги оқариб турар, эрим йўқ эди. Бири махсус кийимдаги, бири оддий костюм шим кийган икки киши ва яна эшик олдида турган харбийларникига ўхшаган либос кийган ёшроқ йигит менга қараб турарди.
Фуқаро либосидаги одам сумкамни оча бошлади.
—Бу—менинг сумкам, —дедим.
У индамай йўлхалтамни ағдарди. Ичидаги нарсаларни битта-битта оларкан елим халтага ўралган нарса чиқди.
"Бу қаёқдан келди? Ким солиб қўйди буни?" Ҳеч ақлим етмаётганди.
—Бу меники эмас! —дедим. Аммо, назаримда ҳеч ким эшитмади.
Фуқаро кийимидаги одам эшик тагидаги йигитга ишора қилди.
—Ал минани!
Ҳушимни йиғмасимдан қўлимга кишан урилди. Додлаб юбордим.
Шу чоқ кўзим уй бекасига тушди.
Кўзи жиққа ёш эди унинг. Ёлқин йўқ эди. Ер ютганми?
Ўзимни ҳар томонга отиб қўйворишларини сўрай бошладим.

Давоми бор

Феруза Салходжаева

https://t.me/ijod_sehri21
3.1k 0 7 5 191
🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 11:41

Открыть в Telegram Поделиться Пожаловаться
Феруза Салходжаевадан янги ҳикоя

Найсон ёмғири

@ijod_sehri21

https://t.me/ijod_sehri21
3k 0 2 53
🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 03:22

Открыть в Telegram Поделиться Пожаловаться
Репост из: 🌸ИЖОД СЕҲРИ 🌸 Феруза Салходжаева (Феруза Баҳодир қизи)
АССАЛОМУ АЛАЙКУМ

Сешанба тонги муборак!

Ташқарида қандай об-ҳаво бўлишидан қатъий назар Қалбингиз Қуёши доим чарақлаб турсин!

✨Сизнинг меҳрга тўла қалбингизни илиқлик ва нурли юзингизни табассум тарк этмасин!

✨Яна бир кунга сихат саломат етдик АЛҲАМДУЛИЛЛАҲ!

🕊🤲•Аллоҳим барчамизга:
Бомдод намози ила бошланиб, таҳажжуд намози ила тугайдиган кунларни насиб этсин!

🕊🤲•Бисмиллоҳ ила бошланиб, Алҳамдулиллаҳ ила якунланадиган, дунё ва охиратимизни саодатга боғлайдиган хайрли амалларни насиб этсин!

🕊🤲•Кўнгил поклиги, қалб ва руҳ хотиржамлиги, ақл соғломлиги, тану-жон омонлиги доимий ҳамроҳимиз бўлишлиги насиб этсин!

🕊🤲•Ҳамиша, ҳар ерда ва ҳар ишда омад ёр, Яратган эгам ўзи мададкор бўлсин Ин шаа Аллоҳ!

🕊🤲•Қалбимизда, дуоларимизда яшаётган жондан азиз инсонларимизни Аллоҳим паноҳида асрасин!

Отаётган тонгимиз хайрли ва барокатли бўлсин.... Кунимиз меҳр ила бошланиб, яна меҳр ила якунланиб, ҳаётимиз янада гўзал бўлсин!
👇👇
@ijod_sehri21

https://t.me/ijod_sehri21
3.6k 0 203 11 88
🌸ИЖОД СЕҲРИ 🌸 Феруза Салходжаева (Феруза Баҳодир қизи)

22 Apr, 03:20

Открыть в Telegram Поделиться Пожаловаться
بِسْـــــــــــمِ اللهِ الرَّحْمَنِ الرَّحِـــــــــــيم
22.Aprel.25y. 24.Shavvol.1446y
Seshanba.Toshkent vaqti bilan.
Sollallohu 'alayka yaa Rosulalloh!
                                                   
04:07  TONG Saharlik tugashi.

04:50  BOMDOD.

05:33  QUYOSH.

12:27  PESHIN.

17:11  ASR.

19:14  SHOM   Iftorlik vaqti.

20:34 XUFTON.


Masjidlarda jamoat namoziga takbir turli xil vaqtlarda tushiriladi.

  @Namoz_vaqti
3.7k 0 4 28
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 19:57

Открыть в Telegram Поделиться Пожаловаться
Ассалому алайкум.
Ҳар йили 21-апрель санаси шундай ўтади. Ёқимли, ҳузурбахш.
Эътибор марказида бўлиш яхши-да, барибир😊😂 Бу сенинг шахсий байраминг, Аллоҳ ёруғ,мўъжизавий дунёни тақдим этган, ўзининг мусаввирлигини кўришинг учун, шукрона келтиришинг учун берилган бир имконият. Алҳамдулиллаҳ.
Кўплаб табрикларга жавоб ёздим, улгурганимча...

Энг самимий, чиройли табриклар эгаси сиз азизларга кўп, раҳмат.
Бугун тонгдан барча қутловларни ўқиб чиқдим. Ҳаяжон, ғурур, миннатдорчилик  билан. Ташаккурларим.
Азиз, опа-сингилларим, ярим асрлик умримга боқиб, бу дунёда топганларим ичида сиз кузатувчиларим ҳам борлигини юрак-юрагимдан ҳис қилдим. Балки уч юздан ошиқ қутловнинг барчасига жавоб бера олмагандирман, демак, олдингизда қарздорман, ва худо хоҳласа,  сиздан олган чиройли энергия билан яхши асарлар ҳадя этишга ҳаракат қиламан.
Аллоҳ, барчамизни ўз паноҳида асрасин. Дунё аёлларининг ҳаммаси  фарзандлари ардоғида юрсин

Меҳрингиз,  эътиборингиз учун, раҳмат

Сизнинг Феруза Салходжаевангиз

@ijod_sehri21
3.9k 0 10 20 256
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 17:24

Открыть в Telegram Поделиться Пожаловаться
Ассалому алайкум.
Гулбаҳор Рахматуллаева каналини кузатиб борар эдим. Кумушбиби деб номланган кичик хикоя берилган экан. Келинчак қайнона ойисини кўргани келади.

''...—Ойижон, яхши туш кўрдим,

—Хайрли бўлсин, болам, муборак бўлсин,  —дедим.

—  Бу тушни кўрган одам муборак зиёратга борар экан

—Илойим, ўғлим билан етаклашиб    Маккага боринглар, омин, Аллоҳим байтига чақирсин!—деб дуо қилсам, ихлос билан нозик қўлларини юзига босдилар.
Кейин жилмайиб
—Мана, келдим—ку муқаддас зиёратга, Маккайи мукаррамамни олдида турибман, дея менга ишора қилдилар...

Ўзимнинг Кумушбибим. "
Келин олиш арафасида эдим. Юрагим бир орзиқиб тушди. Муаллиф Феруза Салходжаева. Яна шу каналда шу муаллиф номи билан кичик хикояларни ўқидим. Бир куни Феруза Салходжаева канал линки турибди ку!!!!! Дарров уландим, ўқияпман ўқияпман ўқияпман...бир тоза чашма бир тоза булоқ,  бир чаманзор унда соғинч бор - Сўздан сизиб чиқаётган Улкан Соғинч бор эди....Қалбда йиғилиб кейин Сўзларга хам сиғмай тошаётган Илҳом бор эди...ўқияпман йиғлайман, йиғлайман ўқийман.Менинг хам хокисоргина,  фақат араб харфларини биладиган лекин бизни олий маълумотли қилиб 47 ёшида вафот этиб кетган Дадам бор эдилар...Уйларимизни китобга тўлдирган, ишдан келгач соатлаб математикамизни ишлаб берадиган, бизнинг ўрнимизга меҳнат дарсимиз учун кўйлакчалар тикиб берадиган иқтисодчи бўлсалар да жахон адабиётининг мухлиси бўлган 56 ёшларида ўтиб кетган Онам бор эдилар...Феруза опанинг асарларида шу битмайдиган яраларимга малхам бор эди, шикаста, самимий юпатгучи нимадир бор эди.
    Феруза опа қандоқ фариштали, қандоқ нурли аёл экансиз, асарларингиз менга ўхшаб қанчадан қанча дилларини тозаришига, юмшашига, сабр қилишликка, яхшиланишига яхшиликка ишонишликка сабаб бўлмоқда.
   Феруза опа илоҳим жудддаям узоқ умр кўринг, ҳеч ҳам касал бўлманг, касал бўлсангиз ҳам тез тузалиб кетинг, илоҳим хаётингизнинг ҳар дақиқаси қувончларга, янги орзуларга тўла бўлсин. Сизга беадад илҳом тилайман.

Зулфия Носирова

https://t.me/ijod_sehri21
3.9k 0 8 22 297
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 16:41

Открыть в Telegram Поделиться Пожаловаться
Видео недоступно для предпросмотра
Смотреть в Telegram
Муҳтарама Хурриятхон онажонга ва севимли адибам Феруза Салходжаевага чексиз меҳр мухаббат билан.

https://t.me/ijod_sehri21
3.8k 0 12 11 138
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 09:22

Открыть в Telegram Поделиться Пожаловаться
Лайк босиб кетинг, бўмаса, пўм бўламан.
4.1k 0 0 53 1k
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 09:20

Открыть в Telegram Поделиться Пожаловаться
Найсон ёмғири

6-қисм

Кейин эса йўлкира учун ҳам ундан ялиниб пул сўрардим. У жуда кам кулар, тунд қиёфаси сира очилмас, аммо пул олган чоғида яхши одамга айланиб қоларди. Унинг бир-икки соатлик хурсандчилиги учун ҳам жон-жаҳдим билан ҳаракат қилардим. У ҳафталаб йўқ бўлиб кетган кунлари шунчалар соғинар эдимки, ўзимни қўярга жой тополмай қолардим. Келганида эса қувончдан юрагим ҳапқириб кетар, унинг уюлган қовоқларини очиш, тунд чеҳрасига табассум қўндириш учун ўлиб-тирилиб ҳаракат қилардим. Бу севгимиди, ёки оиламни сақлаб қолишга уринишмиди, билмадим.

Мана уч кун бўлди. У яна ўйчан бўлиб қолди. Яхши гапирдим, кулдирмоқчи бўлдим, сира чиройи очилмади. Эртаси куни эса менга шунчаки буйруқ берди.
—Энг зарур кийимларингни тайёрлаб қўй, сафарга чиқамиз!
Хайрон бўлдим.
—Қаерга?
—Қўшни мамлакатга! Қўрқма! Яқин. Қозоғистонга бориб келамиз!
—Мен нима қиламан у ерда?
У ўша мен қўрқадиган нигоҳларини кўзларимга қадади.
—Бир умр шу аҳволда яшамаймиз-ку! Пул ишлаб келамиз. Тилла олиб келамиз. Қозоғистоннинг тилласи тоза, бунинг устига бизникидан анча арзон.
—Мен, менинг қўлимдан келмайди...
— Борасан! —деди у. Кейин сал юмшади. Бирга борамиз.
Майли, қаерда бўлсам ҳам эрим билан бирга бўлсам бўлди . У яхши ҳаёт ваъда қилар, энди  ўзимнинг ҳам қўшни мамлакатни кўргим келаётганди.
Ўша куни ишга эрта бордим. Негадир Санобар опа билан гаплашгим келарди. Опа эшикдан кириши билан
—Рангинг бунча оқариб кетди, Басима, соғлиғинг йўқми? —деди.
—Яхшиман, опа, —дедим салом бергач, кейин бирдан ёрилдим
—Санобар опа, Қозоғистонга кетяпман.
—Нега? Тинчликми? Опанинг кўзлари хайратдан катта-катта очилиб кетди.
—Эрим айланиб келамиз деяпди. Тилла олиб келар эканмиз.
—Майлику, негадир мантиққа тўғри келмаяпди. Қозоғистондан тилла олиб келиб сотган одамлар ҳақида эшитмаган эканман. Нархлар бир хил бўлса керак менимча...

Иш куни тугаганда бошлиқдан ўн кунга рухсат олдим. Санобар опа билан хайрлашар эканман опа
— Басима, ҳар эҳтимолга қарши телефон номеримни эслаб қол, —деди. Сўнг дуо қилди
—Аллоҳнинг паноҳида бўл, қизгинам!

Ёлқиннинг кайфияти кўтарилиб қолди.
—Қайтганимизда "Мерседес"  машина оламиз, уйни беш хоналик қиламиз... Унинг орзуларга бой нутқи хуш ёқарди. Сабаби шундай лаҳзаларда ундан қўрқмай қўярдим. Аммо мен буларнинг барчасидан ҳам кўра она бўлишни кўпроқ истаётгандим.

Йўлхалтам тайёр бўлди. Ёлқин айтганидек фақат керакли нарсаларни олдим. Кечаси халтамни кўтариб кўрсам енгилгина. Ҳа буюм кўпайтирмаганим яхши бўлди.
Тонг қоронғусида йўлга тушдик. Елкамга осиб олган халтам оғирлашиб қолгандек эди. Чегара постига етиб келганимизда кун ёришай деб қолганди. Мана ўша маҳобатли чегара пости, олисдан қуббасимон гумбази кўриниб турибди. Тумонат одам чумолидек саф тизиб, чегаранинг очилишини кутиб турибди.
Аммо биз бошқа йўлдан юрдик.
—Чегара бу ёқда қолди-ку, —дедим эримга.
—Кўп гапирма! —қовоқлари уюлди унинг.
—Айланма йўлдан ўтамиз!
Айланма йўли нимаси экан? Нега тўғри йўл қолиб, айланишимиз керак? Бизни оддий кийинган бир йигит бошлаб кетарди. Ўн чоғлик одам аввал иккита одамнинг ҳовлисидан ўтдик. Ҳар бири учун уй эгаларига йўл ҳақи тўладик. Кейин қандайдир очиқ жойга чиқиб қолдик. Ундан ҳам ўтиб яна бировнинг ҳовлисига кирдик. Унисига ҳаи пул тўладик. Кейин яна очиқ жой. Ҳамма жудаям тез, деярли югуриб кетарди. Юра-юра аллақандай ариқ ёқалаб қўлбола кўприк устидан жонимизни ҳовучлаб ўтдик. Сўнг очиқ адирлар бошланди. Тез-тез, югуриб-югуриб аллақандай жойдан чиқдик. Шу жойдан дўконлар бошланганди.
—Бўлди, Қозоғистонга ўтдик, —деди кимдир.
Одам кўп эди. Йўлхалта осган эркаклар, тўрва кўтарган аёллар, бола етаклаган жувонлар. Ёлқин енгил тортди. Кайфияти кўтарилиб ҳазил-ҳузул қилиб қолди. Ўша ердаги тартибсиз қурилган қинғир-қийшиқ дўконлар, ивирисиган будкалар орасидан ўтиб кичиккина емакхонага кирдик.
—Бизга иккитадан шашлик, битта кўк чой беринг.
Кейин кабоб пишишини кутиб ўтирдик.Кўнглим ғалати бўлиб турар, негадир бу жойлардан қочиб кетгим келарди. Индамай овқатландик.
Кейин аллақандай чет эл машиналари турган жойга бордик.

Давоми бор

Феруза Салходжаева

https://t.me/ijod_sehri21
🌸ИЖОД СЕҲРИ 🌸 Феруза Салходжаева (Феруза Баҳодир қизи)
"Халқ таълими аълочиси", олий тоифали устоз, Қозоғистон Республикаси " Дўстлик" медали соҳиби ёзувчи Феруза Салходжаева Баҳодир қизининг ижодий, маърифий, адабий канали Мактублар учун: @Salxodjayeva_bot
4.2k 0 23 43 704
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 09:20

Открыть в Telegram Поделиться Пожаловаться
Найсон ёмғири

5—қисм


Биз Ёлқин билан тенгдош эдик. У ҳам ўзим сингари олис қишлоқдан омадини излаб келган, мендан фарқли равишда унинг ўз уйи бор эди. Шаҳарнинг чекка ҳудудидан харид қилгани ўша икки хона уй учун ҳам унга турмушга чиқишга рози эдим. Умрим эса ўтиб борарди. Кеча сездим, ўн саккиз ёшдаги суратим билан ҳозирги ўттиз ёшимда анча фарқ бор эди. Мен қариб бораётгандим. Бу даҳшатли ҳақиқат ҳам ўзим танимаган билмаган шу одам билан тезроқ оила қуришим лозимлигини эслатиб турарди.

Ўша куни ишдан ишдан чиқишимни кутиб турган Ёлқин менга яна гулдаста келтирди. Ўзим севган оппоқ атиргуллар. Биз шаҳарнинг шовқини тинмаган кўчаларидан оҳиста юриб кетдим.
—Басима, таклифимни ўйлаб кўрдингизми?
—Ҳа, —дедим оҳиста, ноз қиладиган ёшдан ўтган эдим ахир.
— Совчилар қаерга келади? Қишлоққами? Шу ергами?
—Совчилар келиши шартми, Басима?
Кўнглим ғалати бўлди.
—Ахир ота-онамга нима дейман? Ўзи шундоқ ҳам ҳамма йигит аввал уйланмаганми деб сўраяпди, —дедим оҳиста.
—Уйланмаганим аниқ, аммо... У бир лаҳза жим қолди, кейин бир қарорга келди чоғи
—Ҳа майли, оилангиздагиларни Тошкентга чақиринг, мен ҳам амакимларни олиб келаман.О та-онам оламдан ўтган...

Биз келишиб олдик. Кичиккина тўй қиладиган бўлдик. Ота-онам бир эмас, уч қизи узатилаётгани учун ҳам саросимага тушиб қолди, бунинг устига энди мендан уларга фойда йўқ эди.
—Майли, ўз сепингни ўзинг эпласанг бўлди, биз амаллаймиз, бахтли бўлсанг бўлди, болам.
Ёлқиннинг совчилари келди, нон ушатилди, тўй куни белгиланди. Аввал менинг, сўнг сингилларимнинг тўйи ўтадиган бўлди.
Дадам Ёлқинни куёвнавкарда кўрди. Негадир ўйчан эдилар.
Тўй куни эса
—Қизим, куёвни яхшилаб суриштирмадик-да! Сингилларинг синашта одамларга тушди, негадир кўнглимда сендан хавотир бор, —деди.
Кейин бошим эгилиб қолди чоғи қўшиб қўшиб қўйди.
—Худо хоҳласа, бахтли бўласан, болам.
Мен баҳоли қудрат тўлдирганим Ёлқиннинг икки хоналик уйига келин бўлдим. Ётоқ мебелини куёвнинг ўзи олди. Идиш-товоқлар, кўрпа-ёстиқ, чойшаб, сочиқлар, уч-тўртта янги либослар — бор-йўқ келинлик сепим эди.
Тўйхона ҳам, асосан, биз томондан келган меҳмонлар билан тўлди...

Уйимиз баҳаво масканда жойлашган эди. Баланд, кўркам дарахтлар, болалар майдончаси, ҳар ер, ҳар ерга ўрнатилган ҳарраклар ва уларда эртадан кечгача ўтирадиган рус, татар кампирлар...
Ишимга анча узоқ, аммо битта транспорт билан бориб келганим учун унча қийналмасдим. Автобусга ўтираману атрофни томоша қилиб кетавераман. Қайтишда ҳам шу. Баъзан ухлаб қоламан.
Ёлқин нима иш қилишини айтмас, баъзан ҳафталаб уйдан эшикка чиқмас, баъзан ҳафталаб йўқ бўлиб кетарди. Сўрасам, жавоб бермас, қаттиқ бақирар, нигоҳларидан қўрқардим. Куним шу тахлит бир хил ўтар, рўзғор ҳам деярли ўзимнинг бўйнимда эди, аммо баъзан унинг жуда кўп пулни олдига тўкиб ҳисоблаётганини кўриб қолардим. Ўзи ҳеч нарса айтмагани учун мен ҳам индамасдим. Эрим жуда ҳам сирли эди. Баъзида у жуда меҳрибон бўлиб қолар, иккимиз шаҳар кўчаларини айланар, яхшигина емакхонада овқатланардик. Турмуш қурганимизга бир йил бўлаётган бўлсада бизда янгилик йўқ эди. Фарзанд кўришни истаётгандим.
Ёлқин сирларини айтмаса ҳам, на оиласи, на ўзи ҳақида бирор маълумот айтмаса ҳам мен ўзимча бахтли эдим. Бошпанам бор. Ва ҳар ой бир умид бор. Эҳтимол, шу сафар бир янгилик бўлиб қолар...
—Басима, пул керак, —деди у бир куни.
— Нимага? Тинчликми? Сўрадим шунчаки.
—Сўрасанг, яхшиси бермай қўя қол. У жаҳл қилиб, аразлаб олди.
—Шунчаки сўрадим. Бироз йиққаним бор, қишлоққа жўнатсамми деётгандим, — тўғрисини айтдим
—Басима, —деди у ҳамиша мени чўчитадиган нигоҳларини кўзимга қадам. Энди сенинг оиланг—шу! Тушундингми? Ота-онангдан пул талаб қилмаяпсан, бўлди-да! Топганимиз ўртада бўлиши керак. Яқинда машина оламиз. Уйни кенгайтирамиз. Кейин болаларимиз туғилади... У бошимни бағрига босди. Биргина шу илтифот учун ҳам барча йиққан пулларимни олиб чиқиб бердим. Кейин ҳар куни пул сўрайдиган бўлди. У мени шунчалар авраб қўярдики, топганимни ўзим қўшқўллаб топширардим. Аразлаб қолмаса, бўлгани.

Феруза Салходжаева

https://t.me/ijod_sehri21
3.9k 0 19 2 265
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 09:18

Открыть в Telegram Поделиться Пожаловаться
Феруза Салходжаевадан янги ҳикоя

Найсон ёмғири

https://t.me/ijod_sehri21
3.8k 0 3 1 103
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 04:59

Открыть в Telegram Поделиться Пожаловаться
4k 0 91 25 56
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 04:52

Открыть в Telegram Поделиться Пожаловаться
— Опа, бугун рўмол ўрган аммам келадиларми? — дея сўрадим тандирдан иссиққина нонларни узаётган онамдан.

Онам бир оз жилмайиб, кўзларида ним табассум билан:

— Ҳа, келадилар. Сан бор, пиёлада сув олиб чиқ қизим, — дедилар.

Бу гаплар билан бирга юрагимда бир ширин ҳаяжон, шууримда эса чиройли хотиралар жонланди. Турбатга келишингизни эшитганимда қалбимда ёруғлик пайдо бўлганди. Ҳаммаси ҳозиргидек ёдимда… Ҳаммаси жуда оддий, ҳаммаси самимий. Шу самимийлик юрагимнинг энг чуқур қатламларида ўчмас из қолдирди.
Феруза амма… Раҳматли бобом билан бирга ойимлани кўриш учун Тошкентдан қишлоққа келишингиз учун ҳаётнинг ўзига хос синовлари, муаммолари йўлга тўсиқ бўларди. Лекин масофа муҳаббатга тўсиқ бўлолмади. Сиздан таралган меҳр, сиздан сезилган ота-онага бўлган чексиз ҳурмат,бизнинг қишлоғимизгача етиб келарди.

Баҳор кунлари аммаларим бизникига келишганди. Қиш ортда қолган, дарахтлар янги куртак очган, шаббода эса баҳорнинг илк нафаси билан кўнгилни эркалаб юрган эди.Бизнинг уйимизда ҳам, бошқа
қишлоқ аҳли уйидек, “орқа тараф” деб атаган жойимиз бор эди — молхона. Опам Муаззам билан тез-тез у ерда ўйнардик. Қишдан қолган кўмирлар орасида юриб, бир парчасини олиб, қизиққон болаларча еб кўрганим эсимда. Қанчалик қизиқ туюлмасин, ўша кўмирнинг мазаси ҳам, ҳидиям, кўнглимда алоҳида из қолдирган.
Хонага кирганимда ажабланиб сўрагансиз

— Ҳой, Нозхоним, нима егансан?

— Комийй едим, — деганман бетўхтов.

Шу гапимни эслаб яна-яна кулиб, мени “кўмир еб қўйган қизим” деб меҳр билан эркалатганингиз ҳали қулогиъм остида жаранглайди.Сизнинг бу оддий, лекин меҳрли сўзларингиз юрагимни илитган, болалигимни гулга буркаган. Ҳар гал онамга озгина меҳнатлари учун дуо қилиб мақтаб қўйишингиздан доимо шод бўламан.
Болалигимда бугун қайси аммен билан ухлисан? —деган саволингизга ҳеч иккиланмай
—Сиз билан дея бақирган, ўз ётоғи бўлсада сизни қучоғингизда ухлаган қизалоқ тунлари айтган эртакларингизни қўмсаб, соғиниб яшайди.
Сиз ҳаётимда нур, самимият ва тарбия манбаи бўлдингиз. Оддий хотиралар ичида ётган улкан қадриятларни, сўзсиз сабоқларни сиздан олдим. Энди бу сўзлар менинг дилимда нақш, ҳаётимда эса йўл чироқ.

Ҳозирги олиб борадиган “Ижод сеҳри” номли 14 минга яқин обуначиси бор шахсий каналингиз учун бирор лавҳа таёрлаб берасанми десангиз қувнаб кетаман. Бир ажойиб хислатингизни жуда қаттиқ яхши кўраман.
“-Нозхоним бунинг яхши, лекин ман тўғрисини этаман биласан, шу ерини тўғирлаб қўй қизим.”
Ҳар қандай ҳолатда ҳам тўғри йўл кўрсатганингиз учун раҳмат.
“Ўзинг яхши, олам яхши” деган шоирингиз билан яшай бошладим. Ҳар бир инсон, қиз учун мана шундай ўрнак бўла оладиган, ҳар қандай вазиятда қўллаб турадиган сиздек аммалар бўлса, олам гулистон. Мен ҳам худди сиздек амма бўлишни ният қилиб қўйдим.

Аммажоним, шукрона кунингиз муборак бўлсин. Аллоҳим икки дунёда саодатли қилсин. Қалам тебратиб ёзган ҳар бир меҳнатингиз “Ифор”, “Кўк терагим” “Гўзал мерос” каби юксаклардан кўринсин. Доимо бахтимизга омон бўлин. Энг муҳими касал бўлманг. Уйимиздан кулгуларингиз доимо жаранглаб турсин. Сиз учун ёпадиган сомсаларни онам кўп йиллар давомида тайёрласинлар. Сизни жудаям яҳши кўраман💕

Жиянингиз, қизингиз: Баҳодирова Нозимахон✍🏻

https://t.me/ijod_sehri21
4.2k 0 13 31 255
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 04:25

Открыть в Telegram Поделиться Пожаловаться
Oyijonimga!

Bu dunyoda eng go‘zal, eng pokiza, eng mehribon inson bu Sizsiz OYIJON! Har bir so‘zingizda duoning iliqligi, har bir qarashingizda mehringizning jilosini ko‘raman. Siz hayotimizning quyoshisiz,  bizni doim nurga yetaklagan, yo‘ldan adashmasligimiz uchun qalbi bilan yo‘l ko‘rsatgan yagonamsiz.
Muhabbatga tòla qalbingiz, sabr, mehnat va cheksiz mehringiz tufayli shunday yuksak marralarga erishib butun xalqimiz insonlarining qalbiga kirib bordingiz. Duogòyim, kamchiliklarimizga kòz yumib, oddiy bir kichik xizmatimizni uzundan uzoq duolar bilan siyladingiz. Sizdek mehribonim borligiga Allohimga cheksiz shukronalar aytaman.
Qancha yillar o‘tsa-da, sizning mehringiz o‘zgarmasdir. Meni har doim qòllab quvatladingiz, yangi kelinchaklik paytlarim hech yodimdan chiqmaydi, doim òqish va ishlar bilan band bòlib tuzukroq ovqat tayyorlashni ham bilmas edim, shunda ham barchasini oğrinmay òrgatganingiz uchun rahmat. Siz — bizning ilhom manbayimizsiz, dunyoni gòzal sòzlar bilan kòrsatdingiz. Sizning yaratuvchanlik bilan to‘la asarlaringiz qalblarni to‘lqinlantiradi. Har bir so‘zingiz  yurakdan chiqib, boshqa yuraklarga yo‘l topadi. Siz yozgan satrlar go‘yo hayotning o‘zi — unda iztirob ham, orzu ham, muhabbat ham birdek mujassam. Men ba'zida sizning asarlaringizni o‘qib, o‘zimni bolalikdagi eng pok tuyg‘ular orasidagidek his qilaman, xuddi siz meni qòlimdan ushlab, hayotning sirli, ammo mehr bilan to‘la yo‘llaridan yurayotgandek. Mening eng sevimli asarlarimdan biri Òtkir Hoshimovning "Dunyoning ishlari " asari. Sizni asarlaringizni o‘qirkanman, O‘tkir Hoshimovning ona haqida yozgan bitiklari yodimga tushadi. Uning “Ona yuragi”da yozilganidek:
“Ona – u yurak. U urib turguncha biz yashaymiz. U to‘xtasa, dunyo jim bo‘ladi.”
Siz ham — yuragimizsiz, quvonchimizsiz, baxtimizsiz. Hayotimizdagi har bir muvaffaqiyat, har bir yutuq ortida sizning mehringiz, sabringiz va tinimsiz duolaringiz turibdi.
Bilasizmi men ham sizning chin muxlisingizman, lekin hamma muxlislaringiz ichida eng omadlisiman. Chunki men siz bilan yashayman, asarlaringizni hammadan birinchi bilib olaman, òqiyman, voqealar rivojini siz bilan his qilaman.
Sizning nurli chehrangiz, sokin nigohingiz, mehrga to‘la ovozingiz hayotimizdagi eng muqaddas boyligimiz. Men har doim faxrlanaman: mening oyijonim — Feruza Salxodjayeva, nafaqat mehribon ayol, balki ko‘ngillarni zabt etadigan san’atkor, ijodkor, chin yurakdan yozuvchi inson!
Baxtimizga kòp yashang, sizga ruhning yengilligi, ko‘ngilning pokligi va umr yo‘lingizda faqat ezguliklar hamrohingiz bo‘lishini tilayman. Sizning duongiz bilan yashayotgan har bir kunimiz uchun sizga ta’zimdamiz.
Hurmat va ehtirom ila kelin qizingiz Munisa...❤️❤️❤️

https://t.me/ijod_sehri21
4.2k 0 21 61 154
🌸ИЖОД СЕҲРИ 🌸 Феруза Салходжаева (Феруза Баҳодир қизи)

21 Apr, 04:24

Открыть в Telegram Поделиться Пожаловаться
Assalamu alaykum

Mehribon, duogoy va ijodkor oyijonimga!

Tug‘ilgan kuningiz bilan chin yurakdan tabriklayman! Siz nafaqat ajoyib ona va mehribon buvi, balki butun oilamizga ilhom beruvchi, sabr-toqatli, dono va duogòy insonsiz. Har bir so‘zingizda – donolik, har bir ishingizda – go‘zallik va baraka mujassam.

Sizning mehringiz, mehribonlik bilan o‘rgatgan saboqlaringiz biz uchun bebaho ne’mat. Yaratganning o‘zi sizga uzun umr, mustahkam sog‘lik, cheksiz baxt va dilingizdagi barcha ezgu niyatlarning ijobatini ato etsin!

Ijodingiz – ko‘ngillarni yoritadi, duolaringiz – yuraklarga taskin beradi. Sizni bilgan har bir inson qalbida sizga nisbatan cheksiz hurmat va mehr uyg‘onadi.

Sizni kuzatib, sizdan saboq olib, hayotga boshqacha nazar bilan qarashni o‘rgandim. Hamma ishni yaxshi tomonini kòrish, yaxshi gumonda bòlishni òrgandim. Ijodingizga yanada yuksaklik, umringizga va rizqingizga baraka tilayman!

Tug‘ilgan kuningiz muborak bo‘lsin, aziz oyijonim!

Nozima kelin qizingiz

https://t.me/ijod_sehri21
4k 0 14 7 142
🌸ИЖОД СЕҲРИ 🌸 Феруза Салходжаева (Феруза Баҳодир қизи)

20 Apr, 08:19

Открыть в Telegram Поделиться Пожаловаться
Бу—ҳикоянинг боши.

Лайк босиб кетинг, илҳом учун
4.7k 0 0 29 938
🌸ИЖОД СЕҲРИ 🌸 Феруза Салходжаева (Феруза Баҳодир қизи)

20 Apr, 08:18

Открыть в Telegram Поделиться Пожаловаться
Найсон ёмғири

4-қисм

Фақат кўзлари бошқача. Кўнглим ғаш тортди.
—Гулларни оласизми? Оқ атиргулларни яхши кўрасизку!
Олинг энди.
У мен ҳақимдаги ҳамма маълумотни биларди.
Гулдастага қўл узатдим. Беихтиёр димоғимга олиб бордим. Хушбўй эди улар. Ифори ўткир, ёқимли эди.
—Бу ҳам сизга! У икки дона шоколад узатди.

Уйга бирга кетдик. Исми Ёлқин экан. Маъносига тушунмадим.
—Оташин, дегани олов йигитманда ўзи. Ўтман!
У ўзига ишонган, шу билан бирга аллақандай сирли эди. Подъездга кирмоқчи эди, тўхтатдим.
—Тўғриси, қўрқиб қолдим. Илтимос, кирманг, икки кундан бери ухламаяпман. Кета қолинг.

Йигит орқасига тисарила-тисарила кетди. Қўли билан хайр ишорасини қилди.Қадрдон зиналардан тепага кўтарилдим. Кўнглим тинчиган , энди ортимдан келса ҳам қўрқмаслигимни сезиб турардим.
Гулдоним йўқ, уч литрлик шиша банкага сув тўлдириб,, гулларни солдим. Кейин човгумни тўлдириб газга қўйдим. Ярим кеча бўлса ҳам чой дамладим. Йигит берган ширинликдан бирининг қоғозини очдим. Ичидан икки дона, ичига кокос қириндиси солинган конфет чиқди. Бу ўзим севган шоколад эди. Битта тишладиму ютолмай қолдим. Бўғзимни йиғи куйдириб кела бошлади. Ҳиқиллаб йиғлаганча шоколад ердим. Ёшим ўттизга яқинлашиб, биринчи марта совға олишим эди. Умримда илк бор гул олишим эди. Шу чоққача ҳаммага совға улашибман, топганимни ташибман, аммо ҳеч ким менга бирор нарса илинмабди. Етим қиздек эътиборсиз қолибман.
Эътибор яхши нарса экан. Ўша куни кечаси неча марта уйғониб кетсам, шунча марта бориб гулларни томоша қилиб, ҳидлаб келдим. Тонг отганда руҳимда бир енгиллик бор эди.
Ишга отландим.

Санобар опа ишга чиқмабди. Бошқа яқин одамим йўқ. Негадир Ёлқинни кутаётгандим. Кечагина қўрқаётган одамим биттагина гул, бир жуфт ширинлик билан ўзини ёдга соладиган қилиб кетганди. Ўша куни у келмади. Уйга бора боргунча ортимга қараб бордим.
Эртасига ҳам кутдим уни. Индинига эса...

Ўша куни мижозлар кўп бўлди. Чарчадим. Кўчага чиқсам, ёмғир ёғаётган экан. Ёмғирпўш олмагандим. Ҳечқиси йўқ. Ёмғирда сайр қилишни яхши кўраман. Бошимни кўтариб, юзларимни оби раҳмат сувига тутдим. Муздек, ёқимли, майин томчилар хуш ёқа бошлади. Кўзларимни юмдим. Бунчалар ёқимли! Бирдан ёмғир тушмай қўйди. Кўзимни очсам, бошим устида соябон турибди. Шундоқ ёнгинамда эса Ёлқин турарди!
—Ассалому алайкум!
—Маза қилаётган эдингиз-а? Оромингизни ўғирладимми?
—Ҳа, —дедим секин. У чиндан ҳам оромимни ўғирлаган эди. Икки кундан бери!
Ёлқин ёмғирпўшни ёпди.
—Мана бўлмаса! Кетдикми? Юринг, кузатиб қўяман!
Биз оҳиста юриб кетдик. Ёлқин йўлдан музқаймоқ сотиб олди. Мен яхши кўрадиган зарқоғозли музқаймоқ.

Ижара уйимнинг ҳовлисида кўп қаватли уйимиздан ҳам баланд ўсган азамат чинор бор. Қалин ўсган шохларидан, ям-яшил баргларидан ёмғир ўтмаётган эди. Музқаймоқ еб анча туриб қолдик.
—Басима, чарчадингиз-а? Борақолинг, —деди у.
—Яхши дам олинг, —дедим. Аслида, сира айрилгим келмаётганди.
Шу чоқ чақмоқ чақди. Осмон гумбурлаб кетди.
—Ҳозир ёмғир қуяди, уйга кириб ола қолинг..
—Майли, сиз ҳам яхши етиб олинг...
Йўлакка киришим билан осмон яна бир ёришди-ю сўнг шатирлаб ёмғир ёға бошлади.
Чақмоқ! У чақмоқдек ёниб исмидек бир нарса билан қалбимга кириб келганди. Ўттиз ёшимда муҳаббатнинг сеҳрли оламига кириб қолгандим.
Уйга киришим билан эшикни қулфлаб, айвонга чопдим. Ёмғир шаррос қуяр, ора-орада чақмоқ чақиб, осмон ёришиб кетар, у эса йўқ эди.
У мен ҳақимда ҳамма нарсани биларди. Хатто қайси музқаймоқни яхши кўришимгача. Мен эса унинг исмидан бошқа ҳеч нарсадан хабардор эмасдим.
Тўртинчи қаватдан туриб ёмғирни томоша қилар эканман неон чироқлар ёруғида рақсга тушаётган сув томчилари дарахтлардаги ғуборларни ювгани сингари кўнглимдаги минг йиллик андуҳларни ҳам тозалаб кетаётгандек эди...
Қайноққина қаҳва дамлаб, севимли жойимга— лиқилдоқ курсимга жойлашиб олганча анча вақт ёмғирни кузатиб ўтирдим.
Уйқуга ётар эканман, дераза ортида тонг бўзариб келарди.

Қишлоқдан хабар келди. Учинчи синглимни фотиҳа қилишибди. Тўртинчи синглимга ҳам совчилар келаётганмиш. Тўйга атаганим бўлса, бериб юборар эканман.

(давоми бор)

Феруза Салходжаева

https://t.me/ijod_sehri21
4.8k 0 22 25 573
Показано 20 последних публикаций.