IHMA Xorazm viloyati

👨‍🦽Nogironligi bo‘lgan shaxslarga havo yo‘llarida harakatlanish uchun chipta kassalarida qanday imtiyozlar mavjud?

🖋 2022-yil 31-avgustdagi 213-sonli Prezident farmoniga ko‘ra, 2022-yil 15-sentabrdan boshlab Qoraqalpog‘iston Respublikasi va Xorazm viloyatida istiqomat qilayotgan nogironligi bo‘lgan shaxslar aviachiptalarni olishda 50 foizlik chegirmali tarifdan foydalanishi belgilab qo‘yilgan.

Shuningdek, har bir havo transporti kompaniyalari o‘zining imkoniyatidan kelib chiqib qo‘shimcha imtiyozlar joriy etishi mumkin.

✅ “O‘zbekiston havo yo‘llari” kompaniyasi har yilgi kelishuvga ko‘ra, 100 foizlik chegirmani quyidagi shaxslarga joriy etgan:

🟢II jahon urushi nogironlariga, nogironlik guvohnomasi va havo transporti uchun berilgan ikkita talon (joriy yil va oldingi yil uchun yoki joriy va keyingi yil uchun) asosida.

🟢II jahon urushi 3-guruh nogironlariga, II jahon urushi 3-guruh nogironi guvohnomasi va havo transporti uchun berilgan ikkita talon asosida.

🟢II jahon urushi qatnashchilari va ularga tenglashtirilgan shaxslarga, tegishli guvohnoma va havo transporti uchun berilgan ikkita talon asosida.

🟢II jahon urushi 1-guruh nogironini kuzatib borish uchun kuzatuvchiga, II jahon urushi 1-guruh nogironlariga ularning kuzatib boruvchilari uchun berilgan tegishli guvohnoma va havo transporti uchun berilgan ikkita talon (joriy yil va oldingi yil uchun yoki joriy va keyingi yil uchun) asosida.

💻 instagram 🎞 youtube
📝 telegram 🎖 www.ihma.uz
📝 facebook

Para velosportchilarimiz ketma-ket ikkinchi bor Osiyoda tengsiz bo‘lishdi!

🚴 Tailandda para velosportning shosse yo‘nalishi bo‘yicha o‘tkazilgan Osiyo chempionatida individual vaqt poygasi bo‘yicha bellashuvlar o‘tkazildi. Unda ishtirok etgan O‘zbekiston terma jamoasi a’zolari 7 ta oltin, 4 ta kumush va 2 ta bronza medallariga ega chiqishdi.

Oltin medallar bilan

🥇Bunyod Hayitmuhammedov (S1)
🥇Og‘abek Xudoyberganov (S3)
🥇Aziza Qosimova (S4)
🥇Ruxshona Yoqubova (S3)
🥇Aziz Ataxo‘jayev (T1)
🥇Fotima Saipova (T1)
🥇Odina Hamdamova (T2) taqdirlandilar.

Kumush medallar bilan

🥈Shahnoza Hakimova (S5)
🥈Jasur Ilhomov (T2)
🥈Marjona Pardaboyeva (T1)
🥈Fotima Haydarova (T2) taqdirlandilar.

Bronza medallar bilan

🥉Saidjabbor Dadaxonov (T1)
🥉To‘lqin Ravshanov (T2) taqdirlandilar.

💻 instagram 🎞 youtube
📝 telegram 🎖 www.ihma.uz
📝 facebook

❗️ MASHINA MINIB YURGANLARNING BOLALARIGA "BOLA PULI" BERILMAYDIMI ?

⚡️SAVOL:

Bizni avtomashinamiz boshqa bir odamni nomida, lekin shunday bo‘lsa ham o‘sha avtomashina sababli bizga "bolalar puli" berilmasligini aytishmoqda. Avtomashinasi boshqa odamni nomida bo‘lganlar ham endi bola puli ololmaydimi ?

✅ JAVOB:

Vazirlar Mahkamasining 10.11.2023-yildagi 596-son qarori bilan 654-son qarori asosida tasdiqlangan Nizomga bir-qancha o‘zgartirishlar kiritilgan.

🖋 Kiritilgan o‘zgartirishlardan biri sifatida 2024-yil 1-martdan boshlab — bolalar nafaqasi yoki moddiy yordam olayotgan oilaning nomiga rasmiylashtirilmagan biroq foydalanuvida bo‘lgan avtotransport vositalari mavjud yoki mavjud emaslik holati mas’ul etib belgilangan ijrochilar tomonidan joyiga chiqqan holda o‘rganilishi, o‘rganish natijalari bo‘yicha shunday holatlar aniqlangan taqdirda ularga bolalar nafaqasi va moddiy yordam pullari berilishi rad qilinishi nazarda tutilgan.

💻 instagram 🎞 youtube
📝 telegram 🎖 www.ihma.uz
📝 facebook

Agentlik direktori o'rinbosari Urganch shahridagi “Voyaga yetmaganlarga ijtimoiy-huquqiy yordam ko’rsatish markazi”da ham bo’ldi. Bu yerdagi qarovsiz, nazoratsiz qolgan, ijtimoiy jihatdan xavfli ahvolda yashayotgan, ota-ona qaramog’idan mahrum bo’lgan voyaga yetmaganlarga yaratilgan sharoit sharoit va qilingan ishlar bilan tanishdi.

🟢 O'tgan yili Ijtimoiy himoya milliy agentligi direktori Mansurbek Olloyorov ushbu markaz faoliyati bilan yaqindan tanishib, bir qator takliflar, tashabbuslarni ilgari surgan edi. Shundan kelib chiqib, endilikda “Voyaga yetmaganlarga ijtimoiy-huquqiy yordam ko’rsatish markazi”da qizlarga bevosita pazandalik hamda qizlar sartaroshligi yo'nalishida hunar o'rgatish faoliyati yo'lga qo'yildi. Ko'rib turganingizdek ustozlar jalb etilib haftada 3 marta qizlarning qiziqishlari doirasida ularga kasb o'rgatilyapti.

Markazda voyaga yetmaganlar 48 soatdan 30 kungacha bo’ladi. Shu kunlar davomida ular bu yerda to’liq ta’lim oladilar, bo’sh vaqtlarini mazmunli o’tkazishga barcha sharoitlar yaratilgan. Sport bilan shug’ullanish, kutubxona, qo’shimcha to’garaklarning barchasi mavjud. Ijodkor og’il - qizlar uchun ijodiy jarayonlar ham tashkil etiladi.

💻 instagram 🎞 youtube
📝 telegram 🎖 www.ihma.uz
📝 facebook

#kambagallikdan_farovonlik_sari

Hamid Olimjon mahallasi ham O‘zbekistondagi eng og‘ir ahvoldagi 1000 ta mahallalardan biri sifatida tanlangan. Mahalla viloyat markazidan 10 km uzoqda joylashgan.
Bu yerdagi oilalarning 117 tasi ijtimoiy himoya yagona reyestriga kiritilgan bo'lib, 65 ta oila kambag'al oila sifatida tanlab olingan.

Agentlik direktorining o‘rinbosari J.Abruyev Hamid Olimjon mahallasidagi kambag'al oilalar ahvoli va ularga ko'rsatilayotgan xizmatlar bilan tanishdi.

Yusupovlar oilasida yetti jon yashaydi. Ota salomatligi sababli, ishlamaydi. Ijtimoiy xodim tomonidan o'tkazilgan xatlov natijasida oilaning ahvoli to'liq o'rganilib, keys menejment instrumenti orqali ijtimoiy xizmatlar belgilangan. Xususan, oilaga tibbiy xizmatlar ko'rsatilib kelinmoqda. Endilikda asosiy vazifa oilaning daromadini oshirish. Ya'ni kambag'allikda olib chiqish.

🟢 Agentlik direktori o'rinbosari oila bilan yaqindan suhbatlashdi va ularning qiziqishlarini o'rgandi. Oiladagi katta o'g'ilning qo'lidan oshpazlik, kelinidan esa tikuvchilik kelar ekan. Mahalla yettili birgalikda shularni inobatga olib ishlarni tashkil etadi. Aniq maqsad va reja bilan Yusupovlarning ijtimoiy ahvolini yaxshilash vazifasi belgilandi.

💻 instagram 🎞 youtube
📝 telegram 🎖 www.ihma.uz
📝 facebook

#kambagallikdan_farovonlik_sari

Bugun oilalarni kambag'allikdan chiqarish eng ustuvor vazifa hisoblanadi. Mahallalarda kambag‘al oilani aniqlash, uni Kambag‘al oilalar reyestriga kiritish, kambag‘allikdan chiqarishga qaratilgan choralarni ko‘rish, reyestrdan chiqarish jarayonlari “mahalla yettiligi” tomonidan hamkorlik asosida shakllantirib, Oilalarni kambag‘allikdan chiqarish bo‘yicha individual rejaning samaradorligi va natijadorligi sezilishi lozim.

Shu yuzadan Xorazm viloyatida qilinayotgan ishlar bilan tanishish maqsadida O‘zbekiston Respublikasi Prezidenti huzuridagi ijtimoiy himoya milliy agentligi direktorining o‘rinbosari Abruyev Jamshid Ismoilovich Respublika miqyosida tanlab olingan 1000 ta eng og‘ir ahvoldagi mahallalar ro'yxatidagi Urganch tumanidagi mahallalarda bo'ldi.

🟢 Oq-ariklar mahallasida bugungi kunda besh yarim mingga yaqin aholi yashaydi. Oilalar soni bir yarim mingdan ziyod. Kambag'al deb e'tirof etilgan oilalar soni 56 ta bo'lib, ularga ko‘mak choralari ko'rsatilish rejalari ishlab chiqilgan. Agentlik direktori o'rinbosari mahalla binosi, u yerdagi sharoit va ijtimoiy xodimning oilalarni o'rganishi holati bilan yaqindan tanishdi.

"Biz ushbu 56 oilaga doimiy e'tiborimizni qaratishimiz kerak, oldimizga qo'ygan muhim vazifamiz shu, oilalarni kambag'allikdan chiqarish yo'lida birgalikda harakat qilamiz. Qanday qilsak ularga yordam bera olamiz, oilasiga daromad kirita olamiz shu haqda muntazam o'ylashimiz va bor kuchimiz bilan ishlashimiz kerak" - dedi, Jamshid Ismoilovich.

🟢 Shuningdek, tumandagi Mergan ovul mahallasidagi 41 ta oila kambag'al oila sifatida reyestrga kiritilgan. Eng og'ir deb belgilangan 5 ta oila shaxsan tuman "Inson" markazi direktorining shaxsan o'ziga biriktirilgan. Va bugungi kunda ularni oilaviy holatini yaxshilash choralari ko'rilishi ishlari boshlangan. Ishga va ta'limga jalb etishga erishilgan. mahallada 60 nafar nogironligi bor bo'lgan shaxslar bor va ularning jamiyatga ijtimoiylashuvi yuzasidan ham amaliy ishlar bajarilib kelinmoqda.

💻 instagram 🎞 youtube
📝 telegram 🎖 www.ihma.uz
📝 facebook