IHMA Sirdaryo viloyati

E’LON

Ijtimoiy himoya milliy agentligi Sirdaryo viloyati boshqarmasi autsorsing shartlari asosida xizmat ko'rsatuvchi tadbirkorlik subyektlarini hamkorlikka chorlaydi.

"Kambag'al oilalar reyestri" va "Ijtimoiy himoya yagona reyestri"ga kiritilgan oilalarning o'zgalar parvarishiga muhtoj a'zolari uchun kunduzgi qatnov asosida qarab turish xizmati yo‘lga qo‘yilmoqda.

Xizmatni ko'rsatish davomida quyidagi tadbirlar amalga oshiriladi:
✅ shaxsga qarab turish (yiqilish va jarohatlanishlarning oldini olish);
✅ shaxsni parvarishlash (ovqatlantirish, gigiyenik tadbirlarni amalga oshirish);
✅ shaxs bilan muloqot qilish;
✅ shaxsni o'z-o'ziga xizmat qilishga o'rgatish.

Xizmat ko'rsatuvchi tomonidan xizmat ko'rsatish jarayoniga xizmatdan foydalanuvchi bilan kelishuviga muvofiq boshqa xizmatlarni ham ko'rsatishi mumkin.

Xizmatdan foydalanish istagida bo'lgan shaxslar yoki uning vakillari "Inson" markaziga o'zi kelgan holda yoki o'zi yashaydigan hududda faoliyat yurituvchi mahalladagi ijtimoiy xodimga murojaat qilishlari mumkin.

Hujjatlarni taqdim etish uchun maxsus axborot portal manzili:
Yangiyer shahar ↗️ https://etender.uzex.uz/lot/416961
Sirdaryo tumani ↗️ https://etender.uzex.uz/lot/416993

Murojaat uchun: 95 818-88-20

📝@IHMA_Sirdaryoviloyati

#OAV
#UzA

Eʼtibor va g‘amxo‘rlik maskani (+video)

Mamlakatimizda “Muruvvat” uylarida yashovchi shaxslarga tibbiy-ijtimoiy va maishiy xizmatlar ko‘rsatishning yangilangan tizimi joriy etilib, ularni davlat tomonidan qo‘llab-quvvatlash choralari yana-da kuchaytirildi.

Buni Sirdaryo viloyati Yangiyer shahridagi nogironligi bo‘lgan ayollar uchun “Muruvvat”  uyi misolida ham ko‘rish mumkin.

Batafsil: https://uza.uz/uz/posts/etibor-va-gamxorlik-maskani-video_693074

📝@IHMA_Sirdaryoviloyati

#Ijtimoiy_axborot

🥹 Nogironligi bo‘lgan shaxslarning odil sudlovdan foydalanishga bo‘lgan huquqlarini taʼminlash uchun qo‘shimcha sharoitlar yaratiladi

🖋 Prezident tomonidan imzolangan Qonun (O‘RQ-955-son, 05.09.2024 y.) bilan “Nogironligi bo‘lgan shaxslarning huquqlari to‘g‘risida”gi Qonunga qo‘shimcha va o‘zgartirishlar kiritildi

Unga ko‘ra:

✅ Davlat nogironligi bo‘lgan shaxslar uchun boshqalar bilan teng ravishda odil sudlovdan foydalanish imkoniyatini taʼminlaydi, shu jumladan sud protsessining barcha bosqichlarida, shuningdek surishtiruv va dastlabki tergov bosqichlarida nogironligi bo‘lgan shaxslarning qonunda belgilangan tartibda bevosita yoki bilvosita ishtirok etishini taʼminlashga qaratilgan choralarni ko‘radi.

✅ Nogironligi bo‘lgan shaxslarning mamlakat ijtimoiy-siyosiy hayotida bevosita yoki o‘z vakillari orqali ishtirok etishi, shu jumladan qonunda belgilangan tartibda saylash va saylanish, referendumlarda ishtirok etish huquqi taʼminlanadi.

✅ Davlat saylov uchastkalarida (referendum uchastkalarida) nogironligi bo‘lgan shaxslarning barcha toifalari, shu jumladan eshitish, ko‘rish bo‘yicha nogironligi bo‘lgan, o‘rindiqli aravachalardan foydalanuvchi shaxslar ovoz berishi uchun zarur shart-sharoitlar yaratilishini taʼminlaydi.

✅ Ilgari bunday normalar mavjud emas edi.

Bundan tashqari, Qonun nogironligi bo‘lgan shaxslar bilan muloqot qilish uchun qulay muloqot shakllarini, shuningdek ijtimoiy infratuzilma obyektlarini nogironligi bo‘lgan shaxslarning ularga moneliksiz kirishi uchun moslashtirish asoslarini belgilovchi normalar bilan to‘ldirilmoqda.

📝 @ihma_sirdaryoviloyati

#kouching
#Mirzaobod

"Xalqqa yordam - oliy qadriyat" shiori ostidagi navbatdagi seminar-kouching Mirzaobod tumani Navbahor mahallasida o‘tkazildi.

Unda fuqarolarning ijtimoiy himoya ko‘lamini kengaytirish va ijtimoiy xizmatlardan foydalanishda aholi uchun qulayliklarni oshirish borasidagi fikr-mulohazalari va takliflari tinglandi.

Shuningdek, ijtimoiy, maishiy xizmatlar va yordamlar yuzasidan tayyorlangan maxsus roliklar ishtirokchilar eʼtiboriga havola etildi. Mutaxassislar tomonidan har bir xizmat bo‘yicha atroflicha tushunchalar berildi.

📝@IHMA_Sirdaryoviloyati

#OAV_biz_haqimizda
#gazeta

«Guliston hayoti» gazetasining 3-sonida...

Guliston tumani hokimligi muassisligidagi gazetaning 2025-yil 22-fevral kungi 3-soni 2-sahifasida Guliston tumani Hamid Olimjon nomli mahallada kompleks ijtimoiy xizmatlar ko‘rsatuvchi xodim Surayyo Yunusaliyeva faoliyatiga oid "Savobli kasbdaman" sarlavhasi bilan maqola chop etildi.

Unda mahalla, aholiga ko‘rsatilayotgan ijtimoiy xizmat va yordamlar xususida so‘z borgan.

📝@IHMA_Sirdaryoviloyati

❗️ BILASIZMI?

Bolalar nafaqasi olmoqchi bo‘lgan oila kam taʼminlangan oila bo‘lishi kerak!

⚠️ SAVOL:

Bolalar nafaqasini kam taʼminlanmagan oilalar ham olishi mumkinmi?

✅ JAVOB:

Vazirlar Mahkamasining 2021-yil 21-oktabrdagi 654-son qarori bilan tasdiqlangan Nizomga asosan,

➖ Bolalar nafaqasi va moddiy yordam mazkur Nizomda belgilangan tartibda oila aʼzolarining taqdim etgan arizalariga asosan «Yagona reyestr» AT orqali kam taʼminlangan oila deb eʼtirof etilgandan so‘ng tayinlanadi deb ko‘rsatilgan.

🖋 Yaʼni, bolalar nafaqasi va moddiy yordam olish uchun ariza bergan oilaning ijtimoiy holati yuqoridagi Nizom talablari asosida elektron axborot tizimi orqali o‘rganilganida o‘sha oila kam taʼminlangan deb topilsagina ularga bolalar nafaqasi va moddiy yordam to‘lovlari tayinlanishi mumkin.

📝 @IHMA_Sirdaryoviloyati