Muhammad al-Xorazmiy AKT maktabi

Аssalomu alaykum,aziz ayollar, opa-singillar va lobar qizlarimiz!

🤩Аyolni eʼzozlash, unga ehtirom koʼrsatish Sharqqa, oʼzbek xalqiga xos olijanob xususiyatlardan biridir.Аyol – Аllohning betakror mo'jizasi. Yil fasllari faqat to'rtta, ayolning esa ming bitta fasli bor. “Аyol! deb atalgan mo'jizaning hali tom maʼnodagi taʼrifi, o'lchovi va yarashiqli bahosi topilmagan. Olis sayyoralar o'rganilgan, yetti qavat yerning siri oshkora bo'lgan, ammo ayol qalbidagi ochilmagan necha-necha qitʼalar shundayligicha qolib bormoqda. Uni butkul tushunib yetadigan odam yo'q yer yuzida. Unga ishi tushmagan kishi yo'q.! Uni suymagan u deb kuymagan zot yo'q. Аyolni tushunish o'zi bir ilm. Bu ilmga yetishganlar qancha ko'paysa, baxtli ayollar shuncha ko'payishi aniq.

🤩Qadrli opa-singillar va lobar qizlarimiz! Sizlarni bayramingiz bilan muborakbod etamiz.

Hurmat bilan Muhammad al-Xorazmiy maktab jamoasi.🤩
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#InformatikaOlimpiadasi #QizlarITda #MuhammadAlXorazmiyMaktabi #TexnologiyaKelajagi

QIZLAR O‘RTASIDA INFORMATIKA OLIMPIADASI!

📣 Muhammad al-Xorazmiy nomidagi ixtisoslashtirilgan maktabida shu kunlarda informatika yo’nalishi bo’yicha olimpiada o’tkazilmoqda. 👩‍💻2025-yil 4-matr kuni grafik dizayn yo'nalishida qizlarimiz o'rtasida qizg'in musobaqa bo'ldi. 🤖 5-mart kuni esa robototexnika bo'yicha qizlarimizning bilim va mahoratini sinab ko'rish imkoniyati bo'lib o’tdi.

Har ikki musobaqada ham ular o’zining ijodiy salohiyatini va texnik bilimlarini namoyish etishdi.

💻 Bunday musobaqalarni tashkil etish va o‘tkazish qizlarimizning ijodkorlik va texnologiya sohalariga qiziqishini oshirish hamda bilim va ko'nikmalarini rivojlantirish orqali o'ziga ishonchini, raqobatbardoshligini oshirish, shuningdek, intellektual va ijodiy salohiyatini namoyish etishga yordam beradi.

Qizlarimizning g'alabasi bizni juda xursand qildi!
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#8_mart_Xalqaro_xotin_qizlar_bayrami
#bayram_tadbiri
#happy_Womens_day

Olamni mehrga to‘ldirgan ayol!
Ko‘klamlar ayol uchun quchog‘in ochdi,
Quyosh ham olamga nurlarin sochdi,
Jannatdur onalar oyog‘in osti,
Olamni mehrga to‘ldirgan ayol!

🌷Muhammad al-Xorazmiy nomidagi ixtisoslashtirilgan maktabda go‘zallik va nafosat bayrami hisoblangan 8-mart–Xalqaro xotin-qizlar kuni munosabati bilan ajoyib bayram tadbiri bo‘lib o‘tdi.

Tadbir doirasida maktab o‘quvchilari tomonidan ijro etilgan kuy va qo‘shiqlar va o‘ziga xos chiqishlar mehr-muhabbat timsoli bo‘lgan aziz opa-singillarimiz va muhtarama ayollarimizning go‘zalligi va nafisligini yana bir bora yuksak darajada ifoda etdi. 🎹🎼

🎭Ayniqsa, maktabimiz o‘quvchilaridan tashkil topgan “Turon“ teatr jamoasining sahna namoyishi ishtirokchilarda katta taassurot qoldirdi. Mehmon san’atkorimiz – Jasminning tashrifi esa bayramga alohida shukuh va fayz bag‘ishladi. Tadbir qatnashchilari bu yilgi bayram alohida e’tibor va astoydil harakat bilan yuqori darajada tashkil etilganligini alohida ta’kidlashdi.

Bunday bayram tadbirlari o‘zaro muhabbat, do‘stlik va birlik ruhini yanada mustahkamlashi shubhasizdir.🎤

🌷Yana bir bora bayramingiz muborak bo‘lsin, aziz ayollar!🌷
_
🌐Telegram 🌐Facebook 🌐Instagram 🌐Web 🌐Youtube 🌐Linkedin

#yaxshiyamborsiz #xalqaroxotinqizlarbayrami #sport #sportakiada

GO‘ZALLIK MUSOBAQASI

🌷Ayol va bahor! Bir-biri bilan naqadar hamohang! Ayollar bayramining bahor oyida nishonlanishi ham bejizga emas.
Muhammad al-Xorazmiy nomidagi ixtisoslashgan maktabda bayram  munosabati bilan  4-mart kuni "Ayollar spartakiadasi" bo'lib o'tdi.

Musobaqani maktab Ma’naviy va ma’rifiy ishlar bo’yicha direktor o‘rinbosari Ulug'bek Odiljonov barchani bayram bilan tabriklab, musobaqaga start berdi.

🏃‍♀️ Spartakiadada barcha ayol xodimlar 3 ta jamoa bo‘lib ishtirok etdilar va nishonga olish, darvozaga to‘p kiritish, basketball halqasiga to‘p tushirish, estafeta, psixologik topshiriq kabi sport turlarida kuch sinadilar.  Har bir jamoa o‘z salohiyati va chaqqonligiga ko‘ra turli o‘rinlarni egalladi. 

Har bir sport turlari bo’yicha ishtirokchilar olgan baholar hakamlar tomonidan hisoblab borildi. Musobaqada g'olib bo'lgan ishtirokchilar bellashuv so'ngida maktab ma'muriyati hamda Kasaba uyushmasi tomonidan qimmatbaho sovg'alar bilan taqdirlandilar!🌸
_
🌐Telegram 🌐Facebook 🌐Instagram 🌐Web 🌐Youtube 🌐Linkedin