Huquqiy axborot | Lotin

#Qonunchilikdagi_yangiliklar

❗️“Xalqaro shartnomani tasdiqlash to'g'risida”gi Prezident qarori (PQ-442-son, 17.12.2024 y.) qabul qilindi

⚡️ Qarorga ko'ra, O'zbekiston va Rossiya Federatsiyasi Hukumatlari o'rtasida O'zbekistonga metrologiya sohasida texnik ko'mak ko'rsatish to'g'risidagi Bitim tasdiqlandi.

🗓 Bitim 2024-yil 27-may kuni Toshkent shahrida imzolangan.

🏢 O'zbekiston texnik jihatdan tartibga solish agentligi ushbu xalqaro shartnomani amalga oshirish uchun mas'ul bo'lgan vakolatli organ etib belgilandi.

📁 Vazirlar Mahkamasi hamda tegishli vazirlik va idoralarning rahbarlari mazkur xalqaro shartnoma kuchga kirganidan keyin belgilangan tartibda uning qoidalarini amalga oshirish ustidan nazoratni ta'minlaydi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Surxondaryoda zamonaviy turistik markazlar tashkil etiladi

“Surxondaryo viloyatining tog'li-rekreatsion hududlarida turizm infratuzilmasini yaxshilash hamda zamonaviy xizmat ko'rsatish va turizm obyektlarini barpo etish chora-tadbirlari to'g'risida”gi Prezident qarori (PQ-439-son, 16.12.2024 y.) qabul qilindi

🔰 Qarorga ko'ra, quyidagilar tashkil etiladi:

🔹Boysun tumani hududidagi umumiy maydoni 220,5 gektar bo'lgan yer uchastkasida “Omonxona” turistik markazi;

🔹Sariosiyo tumani hududidagi umumiy maydoni 615 gektar bo'lgan yer uchastkasida “Sangardak” turistik markazi;

🔹Jarqo'rg'on tumani Obihayot mahallasidagi “Oqtepa” suv omborining qirg'oq bo'yi hududidagi 110 gektar yer uchastkasida “Obihayot” turistik markazi;

🔹“Omonxona”, “Sangardak” va “Obihayot” turistik markazlarini rivojlantirish va boshqarish uchun davlat muassasasi shaklida Surxondaryo viloyatida turizm infratuzilmasini rivojlantirish va boshqarish direksiyasi.

🖥 Turistik markazlar hududlarida tadbirkorlik va shaharsozlik faoliyatini amalga oshirish uchun mo'ljallangan bo'sh yer uchastkalari mulk huquqi yoki ijara huquqi asosida elektron onlayn auksion orqali realizatsiya qilinadi.

✅ Xususiy investitsiyalarni jalb qilgan holda 2025–2027-yillarda mehmonxonalar, oilaviy mehmon uylari, xizmat ko'rsatish majmualari va dam olish maskanlarini qurish maqsadida bo'sh yer uchastkalari 10 yil muddatda teng ulushlarda bo'lib-bo'lib to'lash sharti bilan elektron onlayn auksion savdolariga chiqariladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Ichki audit xizmati xodimlarining faoliyati samaradorligini baholash tartibi belgilandi

"Davlat organlari va tashkilotlarining ichki audit xizmati xodimlarining faoliyati samaradorligini baholash tartibi to'g'risidagi" nizom Adliya vazirligida davlat ro'yxatidan o'tkazildi (ro'yxat raqami 3583, 12.12.2024 y.)

🔰Nizom ichki audit xizmati tashkil etilgan vazirlik va idoralar, Qoraqalpog'iston Respublikasi Vazirlar Kengashi, viloyatlar va Toshkent shahri hokimliklarining ichki audit xizmatlari rahbari va xodimi faoliyatining samaradorligini eng muhim ko'rsatkichlar asosida baholash, ularni rag'batlantirish va reytingini yuritish tartibini belgilaydi.

📋 Nizom talablari davlat organlari va tashkilotlarining ichki audit xizmatlari rahbari va xodimi faoliyatining samaradorligini xodimlarga yuklatilgan eng muhim samaradorlik ko'rsatkichlarga erishishdagi hamda vazifa va funksiyalarni bajarilishidagi hissasini baholashga nisbatan tatbiq etiladi.

✅ Ichki audit xizmatlari xodimi faoliyatining samaradorligini baholash ichki audit xizmati rahbari tomonidan har chorakda amalga oshiriladi hamda u baholash bilan bog'liq ma'lumotlarning to'g'riligi va xolisligiga javobgar hisoblanadi.

📁 Xodim faoliyatining eng muhim samaradorlik ko'rsatkichlari quyidagilar hisoblanadi:

🔹byudjet to'g'risidagi qonunchilik buzilishi holatlarining oldini olishdagi natijalar;

🔹masofaviy nazoratni amalga oshirishdagi natijalar;

🔹ichki audit yillik rejasida xodim mas'ul bo'lgan ichki audit tadbirlarining o'tkazilishi;

🔹xodim tomonidan berilgan taklif va tavsiyalarning ichki audit obyektlari tomonidan bajarilishi.

📜 Ichki audit xizmati rahbari va xodimining faoliyati samaradorligi reytingi xodim faoliyatining samaradorligi yig'ma ko'rsatkichlarini kamayib borish tartibida joylashtirish asosida shakllantiriladi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Hafta davomida qabul qilingan qonunchilikdagi yangiliklar bilan tanishing:

🔹Qarshi davlat texnika universiteti tashkil etiladi ➖ Manba: (PQ-428-son, 10.12.2024 yil);

🔹YAngidan tashkil qilingan tadbirkorlar rivojlanishini baholash ko'rsatkichlari maqbullashtiriladi ➖ Manba: (PF-214-son, 10.12.2024 y.);

🔹O'zbekistonning Rossiya Federatsiyasidagi Elchixonasining faoliyati samaradorligi oshiriladi ➖ Manba: (PQ-434-son, 13.12.2024 y.);

🔹Ayrim qishloq xo'jaligi texnikalari bojxona boji va utilizatsiya yig'imidan ozod qilinadi ➖ Manba: (PQ-431-son, 12.12.2024 y.);

🔹Agrotexnik xizmatlarni ko'rsatuvchilar yer solig'i va mol-mulk solig'ini kamaytirilgan holda to'laydi ➖ Manba: (PQ-431-son, 12.12.2024 y.).

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Agrotexnik xizmatlarni ko'rsatuvchilar yer solig'i va mol-mulk solig'ini kamaytirilgan holda to'laydi

🔰 Qarorga ko'ra, qishloq xo'jaligi texnikalariga xizmat ko'rsatuvchi tadbirkorlarning buyurtmasi (talabi) bo'yicha aholi bandligiga ko'maklashish markazlari yo'llanmasiga asosan ishsiz yoshlarni zamonaviy qishloq xo'jaligi texnikalariga xizmat ko'rsatuvchi mutaxassis sifatida va ushbu texnikalarni boshqaruvchi operatorlikka (traktorchi-mashinist) o'qitish va qayta tayyorlash xarajatlari Bandlikka ko'maklashish davlat jamg'armasi hisobidan qoplab beriladi.

🗓 2025-yil 1-yanvardan 2028-yil 1-yanvargacha qishloq xo'jaligi texnikalarini ta'mirlash, agrotexnik xizmatlar ko'rsatish, shu jumladan, ekin maydonlarini lazerli yer tekislagich yordamida tekislash, g'o'zani chilpish (chekanka) va defoliatsiyalash xizmatlarini ko'rsatuvchi tadbirkorlarga (bundan klasterlar mustasno) yuridik shaxslardan olinadigan yer solig'i va yuridik shaxslarning mol-mulkiga solinadigan soliq stavkalari 50 foizga kamaytiriladi.

☑️ Qishloq xo'jaligi texnikalari ishlab chiqaruvchi mahalliy korxonalar tomonidan o'z ehtiyoji uchun o'rnatilgan tartibda shakllantiriladigan ro'yxat bo'yicha xorijdan olib kelinadigan qishloq xo'jaligi texnikalarining butlovchi va ehtiyot qismlari 2028-yil 1-yanvargacha bojxona bojidan ozod qilinadi.

Kanalga ulanish👇👇👇
https://t.me/huquqiyaxborot_lotin

#Qonunchilikdagi_yangiliklar

❗️Ayrim qishloq xo'jaligi texnikalari bojxona boji va utilizatsiya yig'imidan ozod qilinadi

“Qishloq xo'jaligini mexanizatsiyalash darajasini yanada oshirish chora-tadbirlari to'g'risida”gi Prezident qarori (PQ-431-son, 12.12.2024 y.) qabul qilindi

⚡️Qarorga ko'ra, 2025-yil 1-yanvardan, qishloq xo'jaligi texnikalari yetkazib berishda amaldagi qonunchilikka muvofiq qo'llaniladigan imtiyozlar (subsidiya, soliq va bojxona imtiyozlari va moliyaviy yordamlar) faqat mahalliy ishlab chiqaruvchilar va dilerlar orqali muomalaga chiqariladigan qishloq xo'jaligi texnikalariga nisbatan tatbiq etiladi.

🗓 2027-yil 1-yanvargacha quyidagilar bojxona bojidan va utilizatsiya yig'imidan ozod qilinadi:

🔹belgilangan talablarga javob beradigan paxta terish kombaynlari, o'ziyurar ozuqa yig'uvchi va bog'dorchilik kombaynlari, ko'chat ko'mish va ochish texnikalari;

🔹mahalliy ishlab chiqaruvchilar va dilerlik xizmati tomonidan xorijdan olib kelinadigan yangi paxta terish kombaynlari, o'ziyurar ozuqa yig'uvchi va bog'dorchilik kombaynlari, ko'chat ko'mish va ochish texnikalari.

✅ 2025-yil 1-martdan imtiyozlardan foydalangan holda xarid qilingan, shu jumladan, respublikada ishlab chiqarilgan va import qilingan yangi traktorlar va kombaynlarni ularga GPS qurilmasini o'rnatmagan holda davlat ro'yxatidan o'tkazish va ulardan foydalanish taqiqlanadi.

✔️ 2028-yil 1-yanvardan asosiy paxta va g'alla hosili uchun paxta chigiti va bug'doyni ekishda aniq donalab ekmaydigan seyalkalardan foydalanish taqiqlanadi.

Kanalga ulanish👇👇👇
https://t.me/huquqiyaxborot_lotin