HUQUQ INFO || HUQUQIY BLOG

⚡️DIQQAT

❗️AVTOMASHINASIDA TIBBIYOT QUTISI BO‘LMAGAN HAYDOVCHILAR JARIMAGA TORTILADI !!!

📃 Ma’muriy javobgarlik to‘g‘risidagi kodeksning 125-moddasiga asosan,

➖ Haydovchilar tomonidan tibbiyot qutisi bo‘lmagan holda transport vositasini boshqarishi ularga nisbatan bazaviy hisoblash miqdori (Hozirgi kunda 375 000 so‘m)ning ikkidan bir qismi miqdorida jarima solishga sabab bo‘ladi .


Kanalga ulanish 👇
https://t.me/huquqiy_info

❗️AYRIM YOSHLARGA TIL O‘RGANGANLIGI UCHUN PUL BERILADI

📄 Prezidentning 27.06.2024 yil kungi PQ-239-son qaroriga asosan,

➖imtihon topshirish xarajati qoplanadigan xalqaro imtihon tizimlari bo‘yicha ingliz, nemis, fransuz, koreys, xitoy va yapon tillaridan kamida C1 yoki unga tenglashtirilgan mos darajadagi sertifikat olgan yoshlarni imtihon topshirish xarajatlarini kompensatsiya qilishga qo‘shimcha ravishda o‘qish xarajatlarini qoplash uchun BHMning 3 baravari (1 mln 125 ming so‘m) miqdorida bir martalik moddiy rag‘batlantirish tizimi joriy etilishi belgilangan.

➖2024 yil 1 sentyabrdan 2027 yil 1 yanvargacha yoshlarning nemis, fransuz, koreys, xitoy va yapon tillari bo‘yicha xalqaro imtihon tizimlarida imtihon topshirish xarajatlari qoplab berilishi uchun ular tomonidan to‘planishi lozim bo‘lgan ballning (sertifikat darajasining) minimal ko‘rsatkichi bir pog‘ona pasaytiriladi.

✅ Shuningdek, umumiy o‘rta ta’lim muassasalarining sinf xonalarini ta’lim jarayonidan bo‘sh vaqtda kasb-hunar va xorijiy tillarni o‘qitish faoliyatini amalga oshirish uchun to‘g‘ridan-to‘g‘ri shartnomalar asosida tekin foydalanish huquqi bilan xususiy o‘quv markazlariga berishga ruxsat etiladi.

➖ Bunda tegishli umumiy o‘rta ta’lim muassasalarining ro‘yxati Maktabgacha va maktab ta’limi vazirligi tomonidan tasdiqlanadi.


Kanalga ulanish 👇
https://t.me/huquqiy_info

❗️OTA-ONA FARZANDLARINING KONTRAKT TO‘LOVI UCHUN TO‘LAGAN PULLARIDAN DAROMAD SOLIGʻI USHLANMAYDI

📄 Soliq kodeksining 378-moddasiga asosan,

✅ Ota-ona O‘zbekistondagi professional va oliy ta’lim muassasalarida tahsil olayotgan farzandlarining kontrakti uchun to‘lagan pullaridan daromad solig‘i undirilmaydi

❗️Bundan tashqari, ushbu imtiyozdan quyidagilar xam foydalanishi mumkin:

✔️ fuqaro o‘zining kontraktini to‘laganida;

✔️ er-xotinlar 26 yoshga to‘lmagan turmush o‘rtog‘i kontraktini to‘laganida.

❗️Shuningdek, mazkur imtiyoz soliq to‘lovchining professional va oliy ta’lim tashkilotlarida o‘qish uchun tijorat banklari tomonidan ajratilgan ta’lim kreditlarini (foizlari bilan qo‘shgan holda) qoplashga yo‘naltirilgan daromadlariga nisbatan ham qoʻllaniladi.


Kanalga ulanish 👇
https://t.me/huquqiy_info

❗️ER-XOTIN NIKOHDAN AJRATILAYOTGANIDA SUD TOMONIDAN QANDAY MASALALAR HAL ETILISHI KERAK ?

📄Oila kodeksining 44-moddasiga asosan,

⚡️ Er-xotin nikohdan sud tartibida ajratilayotganda sud:

▪️nikohdan ajratilgandan keyin voyaga yetmagan bolalar ota-onasining qaysi biri bilan yashashini aniqlashi;

▪️voyaga yetmagan bolalarga ta’minot berish uchun ota-onaning qaysi biridan va qancha miqdorda aliment undirilishini aniqlashi;

▪️er va xotinning (ulardan birining) talabiga ko‘ra ularning birgalikdagi mulki bo‘lgan mol-mulkni bo‘lishi;

▪️er (xotin)dan ta’minot olishga haqli bo‘lgan xotin (er)ning talabiga ko‘ra ana shu ta’minot miqdorini belgilashi shart.

✔️ Mol-mulkni bo‘lish uchinchi shaxslarning manfaatiga daxldor bo‘lgan hollarda sud mol-mulkni bo‘lish talabini alohida ish yuritish uchun ajratadi.

❗️Nikohdan ajratish to‘g‘risidagi ish ko‘rib chiqilayotganida to‘yni o‘tkazishga ketgan sarf-xarajatlarni undirish haqidagi talablar qanoatlantirilmaydi.


Kanalga ulanish 👇
https://t.me/huquqiy_info

#bilasizmi

Qisqarishga tushib mehnat shartnomasini bekor qilish muddati kelgan xodimlarga eslatma!

Ko‘plab hududlarda qisqarishga tushgan xodimlarning mehnat shartnomalari bekor qilinish vaqti kelgan. Shu sababli ish beruvchilar ular bilan mehnat shartnomalarini bekor qilishni boshlab yuborishgan. Shunday bo‘lsa-da, sizlarga mehnat kodeksida belgilangan huquqlaringizni eslatib o‘tmoqchiman.

Mehnat kodeksining 173-moddasida 2-qismi 1-bandga asosan ish beruvchining tashabbusiga ko‘ra, bekor qilinganda ishdan bo‘shatish nafaqasi to‘lanishi belgilangan.

Ishdan bo‘shatish nafaqasining miqdori mazkur ish beruvchidagi ish stajiga bog‘liq bo‘ladi va u:
👉 uch yilgacha ish stajiga ega bo‘lgan xodimlar uchun — o‘rtacha oylik ish haqining ellik foizidan;
👉 uch yildan besh yilgacha ish stajiga ega bo‘lgan xodimlar uchun — o‘rtacha oylik ish haqining yetmish besh foizidan;
👉 besh yildan o‘n yilgacha ish stajiga ega bo‘lgan xodimlar uchun — o‘rtacha oylik ish haqining yuz foizidan;
👉o‘n yildan o‘n besh yilgacha ish stajiga ega bo‘lgan xodimlar uchun — o‘rtacha oylik ish haqining bir yuz ellik foizidan;
👉 o‘n besh yildan ortiq ish stajiga ega bo‘lgan xodimlar uchun — o‘rtacha oylik ish haqining ikki yuz foizidan kam bo‘lishi mumkin emas.

Yana bir muhim qoida agar siz mehnat shartnomasi bekor qilinganidan keyin o‘ttiz kalendar kun ichida mahalliy mehnat organida ish qidirayotgan shaxslar sifatida ro‘yxatdan o‘tsangiz mahalliy mehnat organi tomonidan berilgan ma’lumotnoma bo‘yicha uchinchi oy uchun ham avvalgi ish joyidan o‘rtacha oylik ish haqini olish huquqiga ega bo‘lasiz. (MK 100-modda 4-qism)


Kanalga ulanish 👇
https://t.me/huquqiy_info

#Bilasizmi

❗️Intizomiy jazoning amal qilish muddati u qo‘llanilgan kundan e’tiboran 1 yildan oshmasligi kerak.

Agar intizomiy jazo berilgan kundan e’tiboran 1 yil ichida xodimga yangi intizomiy jazo qo‘llanilmasa, u intizomiy jazoga tortilmagan deb hisoblanadi. Bunda intizomiy jazo ish beruvchining buyrug‘i chiqmasidan avtomatik tarzda tugallanadi.

Ish beruvchi intizomiy jazoni o‘z tashabbusiga ko‘ra, xodimning bevosita rahbarining, kasaba uyushmasi qo‘mitasining iltimosnomasiga, shuningdek xodimning iltimosiga ko‘ra, 1 yil o‘tguniga qadar muddatidan oldin olib tashlash huquqiga ega.

✅Intizomiy jazoni muddatidan oldin olib tashlash ish beruvchining buyrug‘i bilan rasmiylashtiriladi.


Kanalga ulanish 👇
https://t.me/huquqiy_info

❗️VIDJON ERKINLIGI NIMA?

📃 O‘zbekiston Respublikasining "Vijdon erkinligi va diniy tashkilotlar to‘g‘risida"gi Qonuniga asosan,

✔️ Vijdon erkinligi — bu fuqarolarning xohlagan dinga e’tiqod qilish yoki hech qaysi dinga e’tiqod qilmaslik bo‘yicha kafolatlangan konstitutsiyaviy huquqidir.

➖ Fuqaro dinga, dinga e’tiqod qilishga yoki e’tiqod qilmaslikka, ibodatlarda, diniy rasm-rusumlar va marosimlarda ishtirok etishga yoki ishtirok etmaslikka, diniy ta’lim olishga nisbatan o‘z munosabatini belgilayotganda uni u yoki bu tarzda majburlashga yo‘l qo‘yilmaydi.

➖ Voyaga yetmaganlarni ularning xohish-irodasiga, ota-onasining yoki qonuniy vakillarining xohish-irodasiga zid tarzda diniy tashkilotlarga jalb etishga yo‘l qo‘yilmaydi.


Kanalga ulanish 👇
https://t.me/huquqiy_info

❗️BUGUNGI KUN HOLATIGA BOLALAR NAFAQASI VA MODDIY YORDAMNING ANIQ MIQDORLARI

📃 Prezidentning  11.08.2021 yil kungi PF–6277-son farmoniga ko‘ra,

❗️ Bolalar nafaqasi va moddiy yordamning har oylik miqdori:

🟢 250 000 so‘m – 3 yoshdan 18 yoshgacha bo‘lgan bitta farzand uchun,

🟢 325 000 so‘m – yoshi 3 yoshgacha bo‘lgan bitta kichik farzand uchun;

🟢 150 000 so‘m – oilaning ikkinchi farzandi uchun qo‘shimcha;

🟢 100 000 so‘mdan – oilaning uchinchi va undan keyingi har bir farzandi uchun;

❗️ Kam ta’minlangan oilalar uchun moddiy yordamning oylik miqdori – 380 000 so‘m.


Kanalga ulanish 👇
https://t.me/huquqiy_info

✅Nogironligi bor shaxslarning aliment tulovlari sud tomonidan kamaytirilishi mumkin!

❗️Oila kodeksining 105-moddasiga asosan, Aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.


Kanalga ulanish 👇
https://t.me/huquqiy_info

⚡️MUHIM

❗️Endilikda onkologik kasalikka chalingan ayollar bepul davolanadi

📃 “Ayollar orasida onkologik kasalliklarni nazorat qilish tizimini takomillashtirish chora-tadbirlari to‘g‘risida”gi Prezident qarori qabul qilingan

➖ Qarorga ko‘ra, tibbiyotning birlamchi bo‘g‘inida 30–65 yoshdagi ayollarning elektron ro‘yxati shakllantiriladi, ularni tibbiy ko‘rikka taklif qilish tizimi yaratiladi.

✅ Har yili 30–50 yoshdagi ayollarda bachadon bo‘yni saratoni skriningi odam papillomasi virusini polimeraza zanjirli reaksiya tekshiruvi usuli orqali aniqlash hamda suyuqlik sitologiyasi usulida tekshirish yo‘li bilan amalga oshiriladi.

➖ 30–65 yoshdagi ayollar har 2 yilda bir marotaba tibbiyot xodimlari tomonidan birlamchi saralashdan o‘tkaziladi.

❗️Skrining natijasida onkologik kasallikka chalinganligi aniqlangan bemorlarni tashxislash va davolash bilan bog‘liq xarajatlar byudjet hisobidan moliyalashtiriladi.


Kanalga ulanish 👇
https://t.me/huquqiy_info

🔰 Prezident qarori: “Cyber university” davlat universiteti tashkil etiladi

“Cyber university” davlat universitetini tashkil etish to‘g‘risida” O‘zbekiston Respublikasi Prezidentining 2025-yil 20-yanvardagi PQ-14-son qarori qabul qilindi.

⚡️Qarorga ko‘ra, Universitetning asosiy vazifalari etib quyidagilar belgilanmoqda:

– axborotni himoyalash, axborot va kiberxavfsizlik, raqamli texnologiyalar va raqamli iqtisodiyot, sun’iy intellektga asoslangan avtomatlashtirilgan axborot-taxdiliy tizimlarni yaratish, robototexnika va boshqa turdosh sohalar bo‘yicha kadrlar tayyorlash;

– raqamli texnologiyalar sohasida mutaxassislarni qayta tayyorlash va malakasini oshirish;

– o‘quv jarayonini ilg‘or xorijiy tajriba va zamonaviy ta’lim texnologiyalari asosida tashkil etish hamda ochiq axborot-ta’lim muhitining rivojlanishiga ko‘maklashish;

– yoshlarning bilim olishi va kasb egallashiga qo‘shimcha shart- sharoitlar yaratish, davlat organlari, korxonalari hamda boshqa tashkilotlarni kadrlar bilan ta’minlashda saralash va qamrovni kengaytirish;

– o‘quv va ilmiy loyihalarni amalga oshirishda yetakchi respublika va xorijiy oliy ta’lim hamda ilmiy-tadqiqot tashkilotlari, raqamli texnologiyalar ishlab chiquvchilari va iste’molchilari, boshqa sohaviy korxonalar bilan hamkorlik qilish;

– tegishli ta’lim yo‘nalishlari va mutaxassisliklari bo‘yicha o‘quv- metodik adabiyotlarni yaratish, talabalar va mutaxassislarni jalb qilgan holda fundamental, ilmiy va amaliy tadqiqotlar olib borish.

Kanalga ulanish 👇
https://t.me/huquqiy_info

#savol

⁉️ 7 oylik homilador xodimni majburiy dekret ta’tiliga chiqarib yuborish mumkinmi?

Assalomu alaykum men maktabga oʻqituvchi vazifasiga ishlayman 7 oylik xomilador xodimni majboʻriy dekret taʼtiliga chiqarib yuborish mumkinmi? Agarda xodim ishlashga layoqatli boʻlsa 8 oylikgacha ihshlab oylik olsa uning dekret tatilidan kamaytirib berishi va dekret pulini toʻliq toʻlab bermasligi mumkinmi?
‼️ Mehnat kodeksining 404-moddasiga binoan ayolga tug‘ruqqacha yetmish kalendar kun hamda tug‘ruqdan keyin ellik olti kalendar kun (tug‘ish qiyin kechgan yoxud ikki yoki undan ortiq bola tug‘ilgan taqdirda yetmish kalendar kun) homiladorlik va tug‘ish ta’tili berilib, qonunchilikda belgilangan, lekin o‘rtacha oylik ish haqining yetmish besh foizidan kam bo‘lmagan miqdorda nafaqa to‘lanadi.

Endi qarang! Mehnatga layoqatsizlik varaqalarini berish tartibi to‘g‘risidagi yo‘riqnomaning (ro‘yxat raqami 2667, 17.04.2015-y.) 27-bandiga ko‘ra homiladorlik va tug‘ish bo‘yicha mehnatga layoqatsizlik varaqasi homiladorlikning o‘ttizinchi haftasidan boshlab hududiy ambulator-poliklinikalarning, akusher-ginekolog (umumiy amaliyot shifokori) tomonidan bosh shifokor o‘rinbosari bilan birgalikda bir yo‘la bir yuz yigirma olti kalendar kuniga beriladi.

✅ Aynan shu qoidaga ko‘ra siz ham homiladorlikning 30 haftasidan keyin homiladorlik va tug‘ish ta’tiliga chiqishingiz lozim.

❗️Shunday ekan rahbariyatning talabi huquqiy asosga ega.


Kanalga ulanish 👇
https://t.me/huquqiy_info

Tizimdagi xatolikni deb oliy toifali o‘qituvchining toifasini mutaxassisga tushirib tashlanishi to‘g‘rimi?


Vazirlar Mahkamasining 2021-yil 17-sentyabrdagi 572-son qarori bilan tasdiqlangan "Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida"gi nizom 6-bandiga ko‘ra ta’lim tashkilotlarida 15 yillik uzluksiz ish stajiga ega bo‘lgan oliy malaka toifali (bosh o‘qituvchi lavozimidagi) pedagog kadrlar majburiy attestatsiyaga jalb etilmasligi belgilangan edi.

Ushbu bandga Vazirlar Mahkamasining 2022 yil 2 avgustdagi 425-sonli qarori bilan kiritilgan o‘zgarishga ko‘ra oliy malaka toifa (bosh o‘qituvchi lavozimi)ga ega bo‘lganidan so‘ng oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlar majburiy attestatsiyaga jalb qilinmaydi. Ularning toifasi saqlanadi.
Mazkur o‘zgarish 2022 yil 2 avgustdan kiritilgan.

Normativ-huquqiy hujjatlar to‘g‘risidagi qonun 41-moddasiga ko‘ra normativ-huquqiy hujjatlar orqaga qaytish kuchiga ega emas va ular amalga kiritilganidan keyin yuzaga kelgan ijtimoiy munosabatlarga nisbatan qo‘llaniladi.

Qoidaning mazmuniga ko‘ra pedagog xodim oliy toifani olgandan so‘ng uni 3 marta himoya qilgan bo‘lsa (bu 15 yilga teng), uning toifasi saqlanadi.

Bu haqida vazirlik ham alohida ko‘rsatma xat bilan chiqqan. Uning mazmunida ham VM 425-son qaror bilan kirgan o‘zgarish 2022 yil 2 avgustdan boshlab kuchga kirishi belgilangan.

✅ Shunday ekan 2022 yil 2 avgustga qadar bo‘lgan davrda 15 yillik uzluksiz pedagogik ish stajiga hamda oliy toifaga ega bo‘lgan xodimlar toifangiz saqlanadi.

Bunda Nizomning 32-bandiga ko‘ra imtiyozga ega pedagog kadrlar har yili 1 yanvardan 31 dekabrga qadar to‘g‘ridan-to‘g‘ri attestatsiyadan o‘tkazilmasdan malaka toifasi (lavozim) sertifikatini olish uchun bevosita davlat xizmatlari markazlari orqali yoki Yagona interaktiv davlat xizmatlari portali yoxud vakolatli vazirliklarning rasmiy veb-saytida ro‘yxatdan o‘tgan holda murojaat qiladilar.


Kanalga ulanish 👇
https://t.me/huquqiy_info

⚡️1-sinf o‘quvchilari uchun fevral oyida qo‘shimcha bir haftalik ta’til beriladi

O‘zbekiston Respublikasi Vazirlar Mahkamasining 2017 yil 15 martdagi 140-sonli qarori bilan tacdiqlangan Nizomda umumiy o‘rta ta’lim maktablarida 1-sinf o‘quvchilariga ko‘shimcha ta’til belgilanishi nazarda tutilgan.

Nizomga ko‘ra, 1-sinf o‘quvchilari uchun fevral oyi davomida qo‘shimcha bir haftalik ta’til belgilanadi.

Ta’til muddati maktabning pedagogik kengash qarori asosida belgilanadi.


Kanalga ulanish 👇
https://t.me/huquqiy_info

#savol

⁉️ Turar joy olish uchun ajratiladigan subsidiya berilishi qanday hollarda rad qilinishi mumkin ?

‼️ Vazirlar Mahkamasining 182-son qarori bilan tasdiqlangan Nizomga asosan, quyidagi hollarda ariza beruvchiga subsidiya ajratish rad etiladi:

❌ taqdim etilgan arizada ko‘rsatilgan ma’lumotlar ijtimoiy mezonlarga mos kelmaganda;

❌ taqdim etilgan ma’lumotlar noto‘g‘ri yoki soxta bo‘lganda;

❌ ilgari shahar va qishloq joylarda arzon uy-joy qurish dasturlari doirasida imtiyozli ipoteka kreditlaridan foydalangan holda kvartira yoki yakka tartibdagi uy-joy hamda subsidiya olgan oila a’zolari takroriy murojaat etganda;

❌ joriy yilda hudud uchun ajratiladigan subsidiya soni tugaganda;

❌ ariza beruvchi va oilaning o‘rtacha oylik daromadi belgilangan normadan kam yoki ko‘p bo‘lganida (Yodingizda bo‘lsa bu norma qancha ekanligini oldinroq gaplashgan edik)

❗️Yuqorida ko‘rsatilmagan boshqa asoslar bo‘yicha subsidiya ajratish rad etilishiga yo‘l qo‘yilmaydi.


Kanalga ulanish 👇
https://t.me/huquqiy_info

Ko‘p yillik ish staji uchun beriladigan har yilgi qo‘shimcha mehnat ta’tili qanday xodimlarga beriladi?

Bu masalada amaliyotda juda ko‘plab sovallar kelmoqda. Mehnat kodeksining 220-moddasida Xodimga u bitta tashkilotda yoki tarmoqda ishlagan har besh yil uchun davomiyligi ikki kalendar kun bo‘lgan, biroq jami sakkiz kalendar kundan ko‘p bo‘lmagan har yilgi qo‘shimcha mehnat ta’tili beriladi deb yozilgan ya’ni bu yerda aynan xodim uzliksiz bitta tashkilotda yoki tashkilotning tarmoqlarida ishlasin degan qoida mavjud emas. Masalan, xodim 10 yil bir tashkilotda ishlab nojoya xatti xarakati sababli ishdan bo‘shadi, biroq 2 yildan so‘ng yana shu ishxonaga yoki ishxonaning biron tarmog‘iga ishga kirdi va bu xodimga ham bemalol MKning 220-moddasini qo‘llagan holada 4 kunlik sataj uchun uzaytirilgan ta’til berilishi to‘g‘ri.

Mehnat kodeksining 226-moddasiga asosan Har yilgi mehnat ta’tilini olish huquqini beradigan ish stajini hisoblab chiqarish tartibi belgilangan. Unga ko‘ra, Har yilgi asosiy mehnat ta’tilini olish huquqini beradigan ish staji jumlasiga quyidagilar kiritilmaydi:
👉 xodim uzrli sabablarsiz ishda bo‘lmagan vaqt;
👉 xodim ishdan chetlashtirilgan davrlar, bundan ushbu modda birinchi qismining to‘rtinchi, beshinchi va oltinchi xatboshilarida nazarda tutilgan hollar mustasno;
👉 ushbu Kodeks 405-moddasining birinchi va ikkinchi qismlarida nazarda tutilgan bolani parvarishlash uchun beriladigan ta’tillar vaqti.
👉 Zararli va (yoki) xavfli mehnat sharoitlaridagi, shuningdek noqulay tabiiy-iqlim sharoitlaridagi ish uchun har yilgi qo‘shimcha mehnat ta’tillarini olish huquqini beradigan ish stajiga faqat mazkur sharoitlarda haqiqatda ishlab berilgan vaqt kiritiladi.

Masalan, Xodim tashkilotda 3 yil ishladi va 2 yil bola parvarishlash ta’tilida bo‘ldi. Bu xodimga qo‘shimcha 2 kunlik ta’til berib bo‘lmaydi chunki, MKning 226-moddasida bolani parvarishlash uchun beriladigan ta’tillar vaqti mehnat ta’tilini olish huquqini beradigan ish staji jumlasiga kiritilmagan.


Kanalga ulanish 👇
https://t.me/huquqiy_info

Qanday toifadagi o‘qituvchilar majburiy attestatsiyaga jalb qilinmaydi?

O‘zbekiston Respublikasi Vazirlar Mahkamasining 2023 yil 29 dekabrdagi 692-sonli qarori va O‘zbekiston Respublikasi Vazirlar Mahkamasining 2022 yil 2 avgustdagi 425-sonli qarori bilan attestatsiya jarayonlariga birqancha o‘zgartirishlar kritildi. Jumaladan, majburiy attestatsiyaga jalb qilinmaydigan pedagoglar toifasi kengaygan.

Quyidagilar navbatdagi majburiy attestatsiyaga jalb etilmaydi:

👉 fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega bo‘lgan pedagog kadrlar;

👉 oliy malaka toifa (bosh o‘qituvchi lavozimi)ga ega bo‘lganidan so‘ng oliy malaka toifani 15 yil davomida saqlab kelgan va uzluksiz ish stajiga ega bo‘lgan pedagog kadrlar;

👉 pedagogik faoliyat bo‘yicha 25 yil va undan ko‘p ish stajiga ega bo‘lgan pedagog xodimlar;

👉 yoshga doir pensiyaga chiqishi uchun 5 yildan ko‘p bo‘lmagan vaqt qolgan pedagog xodimlar;

👉 pedagogik faoliyat bilan shug‘ullanayotgan pensiya yoshiga to‘lgan pedagog kadrlar;

👉 pedagogik faoliyat bo‘yicha uch yildan kam bo‘lgan ish stajiga ega pedagog kadrlar;

👉 homilador ayollar, ular homilador bo‘lgan davrda hamda ishga chiqqanidan keyin bir yil davomida;

👉 homiladorlik va tug‘ish hamda bolani parvarish qilish ta’tillarida bo‘lgan ayollar, ular ta’tilda bo‘lgan davrda hamda ishga chiqqanidan keyin bir yil davomida;

👉 pedagogik faoliyat bilan shug‘ullanayotgan uch yoshgacha bolalari bor ayollar;

👉 uzoq (uch oydan ortiq vaqt mobaynida) davolanishni o‘tayotgan pedagog kadrlar, ular davolanayotgan davrda hamda ishga chiqqanidan keyin olti oy davomida;

👉 mazkur Nizomning 8 va 9-bandlarida ko‘rsatilgan pedagog kadrlar, ularga malaka toifasi to‘g‘ridan-to‘g‘ri berilgan yoki bir pog‘ona oshirilgan vaqtdan boshlab keyingi besh yil davomida;
Nizomning 8 va 9-bandlari bu yerda

👉 respublika va chet el davlatlariga o‘qishga, qayta tayyorlash va malaka oshirish kurslariga yuborilgan pedagog kadrlar;

👉 ijtimoiy muhofazaga muhtoj, ish topishda qiynalayotgan va mehnat bozorida teng shartlar asosida raqobatlasha olmaydigan shaxslar uchun eng kam miqdordagi ish o‘rinlariga zaxiraga olib ishga joylashtirilgan pedagog kadrlar, bu ish joylariga qabul qilingan kundan boshlab uch yil davomida.


Kanalga ulanish 👇
https://t.me/huquqiy_info

#yodda_tuting

Ish vaqti tushunchasi

Xodim ichki mehnat tartib qoidalariga, smenalarga bo‘linib ishlash (ish) jadvallariga, boshqa ichki hujjatlarga yoki mehnat shartnomasi shartlariga muvofiq mehnat majburiyatlarini qaysi vaqt mobaynida bajarishi kerak bo‘lsa, o‘sha vaqt ish vaqtidir.

❕Ish vaqtiga quyidagilar kiradi:

👉 xodim mehnat majburiyatlarini haqiqatda bajargan vaqt;

👉 MKda nazarda tutilgan vaqt davrlari (xodimning aybisiz bekor turib qolingan vaqt;

👉 texnologiya hamda ishlab chiqarish va mehnatni tashkil etish bilan bog‘liq bo‘lgan tanaffuslar, bolani ovqatlantirish uchun tanaffuslar va boshqalar);

👉 mehnat to‘g‘risidagi qonunchilikda hamda mehnat haqidagi boshqa huquqiy hujjatlarda nazarda tutilgan boshqa vaqt davrlari;

👉 asosiy va tayyorgarlik-yakuniy ishlarni bajarish vaqti (kiyim, materiallar, asbob-uskunalar olish, texnika, hujjatlar bilan tanishish, ish o‘rnini tayyorlash va tozalash, tayyor mahsulotni topshirish va boshqalar).

❕Ish vaqtining turlari quyidagilardan iboratdir:

👉 ish vaqtining normal davomiyligi;

👉 ish vaqtining qisqartirilgan davomiyligi;

👉 to‘liqsiz ish vaqti.

Yangi tahrirdagi Mehnat kodeksi 181-modda



Kanalga ulanish 👇
https://t.me/huquqiy_info

#savol

⁉️ O‘rindoshlikda 1 stavka ishlash mumkinmi?

Assalomu alekum men maktab internatida tarbiyachi bo’lib 0,5 stafkada ishliman qo’shimcha davlat boxchasiga 1 stafkaga logoped bo’lib ishga kirmoqchiman asosiy ish joyim qaysi biri bo’ladi manga pensiya uchun turdavoy ikkala ish joyimdanam yuradimi?

‼️ O‘rindoshlikda 0.5 stavkadan ortiq ishlay olmaysiz. Qonunan bunga cheklov qo‘yilgan.

Yangi tahrirdagi Mehnat kodeksining 432-moddasida xodimning o‘zining asosiy ishidan tashqari alohida mehnat shartnomasi shartlari bo‘yicha asosiy ishidan bo‘sh vaqtida boshqa muntazam haq to‘lanadigan ishni bajarishi o‘rindoshlik asosida ishlash sanalishi belgilangan.

Yuqoridagi moddaning uchinchi qismiga ko‘ra o‘rindoshning asosiy ish joyi, ushbu ish to‘liq yoki to‘liqsiz ish vaqti shartlari asosida bajarilishidan qat’i nazar, xodimning mehnat daftarchasi yuritilayotgan ish beruvchidagi ishidir.

Demak, sizdagi holatda hozir 0.5 stavka ishlayotgan joyigingiz sizning asosiy ish joyingiz sanaladi. Ushbu kodeks 437-moddasi hamda VM 297-son qaroriga muvofiq o‘rindoshlik asosida ishlash chog‘ida o‘rindoshlik asosida ishlashning davomiyligi xodimlarning mazkur toifasi uchun belgilangan ish vaqti normasining yarmidan ortiq bo‘lishi mumkin emas.

✅ Demak, o‘rindoshlikda jami 0.5 stavka ishlashingiz mumkin bo‘lmoqda. Bu holatda sizga o‘rindoshlikda ishlamoqchi bo‘lgan joyingizni asosiy qilib, hozir asosiy ish joyingizni o‘rindoshlikka o‘zgartirishni masalat beramiz.


Kanalga ulanish 👇
https://t.me/huquqiy_info

📢Attestatsiyadan o‘ta olmagan o‘qituvchilar ishdan bo‘shatilishi kerak(mi)

📍Ishdan bo‘shatilishi mumkin, lekin shart emas

Maktabgacha, umumiy o‘rta, o‘rta maxsus, professional va maktabdan tashqari ta’lim tashkilotlari pedagog kadrlarini attestatsiyadan o‘tkazish tartibi to‘g‘risida NIZOMning 44-bandiga asosan, mutaxassis (oliy ma’lumotli o‘qituvchi) lavozimidagi pedagog kadrlar navbatdagi majburiy attestatsiyadan o‘ta olmagan taqdirda, ish beruvchi xodimning malakasi yetarli bo‘lmaganligi sababli u bilan tuzilgan mehnat shartnomasini mehnat to‘g‘risidagi qonunchilik hujjatlarida belgilangan tartibda bekor qilish huquqiga ega.

Ya’ni bekor qilishi shart emas. Direktorlar mehnat shartnomasini bekor qilmasligi mumkin

Kanalga ulanish 👇
https://t.me/huquqiy_info