Huqıqıy málimleme QR ️️

#Нызамшылықтағы_жаңалықлар

❗️Ҳайўанат дүнясын қорғаў бойынша биотехникалық илажлар өткериў тәртиби белгиленди

Ҳүкимет қарары (31-санлы, 22.01.2025-ж.) менен "Ҳайўанат дүнясын қорғаў ҳәм оннан ақылға сай пайдаланыў бойынша биотехникалық илажларды өткериў тәртиби ҳаққында"ғы реже тастыйықланды

⚡️️Нызам ҳайўанат дүнясын қорғаў ҳәм оннан ақылға сай пайдаланыў бойынша биотехникалық илажларды өткериў тәртибин белгилейди.

📜Буннан тысқары, реже биотехникалық илажлар шеңберинде төмендегилерди нәзерде тутады:

➖ өткериў мақсети ҳәм усыллары;

➖ режесин ислеп шығыў, келисиў ҳәм тастыйықлаў тәртиби;

➖ өткерилетуғын аймақлар ҳәм де оларды өткериў бойынша талаплар;

➖ өткериў жуўмақларын мониторинг етиў ҳәм олардың нәтийжелери ҳаққындағы мағлыўматнаманы рәсмийлестириў;

➖ финансластырыў тәртиби.

📋 Сондай-ақ, ҳайўанат дүнясын қорғаў ҳәм оннан ақылға сай пайдаланыў бойынша биотехникалық илажлар белгиленген схемаға муўапық өткериледи.

📱Telegram |📱Facebook|🌐Website
📱Telegram |📱YouTube |📱 Instagram

#Нызамшылықтағы_жаңалықлар

❗️ Радиация ҳәм ядро қәўипсизлиги илимий-техникалық орайының тийкарғы жумыс бағдарлары белгиленди

"Өзбекстан Республикасы Министрлер Кабинети жанындағы Санаат, радиация ҳәм ядро қәўипсизлиги комитети жанындағы "Радиация ҳәм ядро қәўипсизлиги илимий-техникалық орайы" мәмлекетлик мәкемесиниң жумысын жолға қойыў илажлары ҳаққында"ғы Ҳүкимет қарары (27-санлы, 21.01.2025-ж.) қабыл етилди

⚡Оған көре, төмендегилер "Радиация ҳәм ядро қәўипсизлиги илимий-техникалық орайы" мәмлекетлик мәкемесиниң жумысының тийкарғы бағдарлары етип белгиленди:

🔹радиация ҳәм ядро қәўипсизлиги тараўында мәмлекетлик сиясатты жүргизиў ҳәм тәртипке салыў бойынша илимий изертлеўлер ҳәм илимий-техникалық жумыслар тийкарында усыныслар ислеп шығыў;

🔹атом энергиясынан пайдаланыў объектлериниң ҳәм (яки) атом энергиясынан пайдаланыў тараўындағы жумыстың қәўипсизлигин тийкарлаў бойынша экспертиза өткериў;

🔹атом энергиясынан пайдаланыў тараўында радиация ҳәм ядро қәўипсизлиги бойынша норматив базаны раўажландырыў ҳәм жетилистириў;

🔹радиация ҳәм ядро қәўипсизлиги мәселелери бойынша мәмлекетлик бағдарламалар, халықаралық жойбарлар ҳәм бағдарламаларды ислеп шығыўда, сондай-ақ, қадағалаў ҳәм лицензиялаў жумысын техникалық, аналитикалық ҳәм экспериментал қоллап-қуўатлаўда қатнасыў;

🔹радиация ҳәм ядро қәўипсизлиги тараўында алдынғы технологиялардан пайдаланған ҳалда илимий тийкарланған қәўипсизлик, моделлестириў ҳәм есаплаў анализин өткериў;

🔹радиация ҳәм ядро қәўипсизлигин тәртипке салыў тараўында мағлыўматлар базаларын ислеп шығыў, жаратыў, қәлиплестириў ҳәм сақлаў;

🔹өз ўәкиллиги шеңберинде халықаралық бирге ислесиўди әмелге асырыў.

📱Telegram |📱Facebook|🌐Website
📱Telegram |📱YouTube |📱 Instagram

#Нызамшылықтағы_жаңалықлар

❗️Қәўипли ислеп шығарыў объектлеринен пайдаланыўшы шөлкемлердиң хызметкерлерин аттестациядан өткериў тәртиби белгиленди

Ҳүкимет қарары (26.01.2025-жыл) менен "Қәўипли ислеп шығарыў объектлеринен пайдаланыўшы шөлкемлердиң басшы ҳәм инженер-техникалық хызметкерлерин таярлаў, қайта таярлаў, олардың маманлығын арттырыў ҳәм аттестациядан өткериў тәртиби ҳаққында"ғы реже тастыйықланды

🔰Реже төмендегилерди нәзерде тутады:

🔹қәўипли ислеп шығарыў объектлеринен пайдаланыўшы шөлкемлердиң басшы ҳәм инженер-техник хызметкерлерин таярлаў, қайта таярлаў, олардың маманлығын арттырыў тәртиби, мүддетлери ҳәм оларды әмелге асырыўшы шөлкемлер;

🔹қәўипли ислеп шығарыў объектлеринен пайдаланыўшы шөлкемлердиң басшы ҳәм инженер-техник хызметкерлерин аттестациядан өткериў тәртиби, мүддетлери, аттестация түрлери ҳәм де аттестациядан өткерилетуғын хызметкерлердиң категориялары;

🔹аттестация комиссиясының қурамын қәлиплестириў ҳәм искерлигин шөлкемлестириў;

🔹аттестация нәтийжелери бойынша апелляция бериў ҳәм оны көрип шығыў қағыйдалары.

🔍 Хызметкерлер дәўирлик аттестациядан төмендеги мүддетлерде өткериледи:

▪️қәўипли ислеп шығарыў объектинен пайдаланыўшы шөлкемлердиң басшы хызметкерлери, олардың орайлық аттестация комиссиялары баслықлары ҳәм баслықтың орынбасарлары - бес жылда бир мәрте;

▪️инженер-техник хызметкерлер, сондай-ақ, аттестация комиссиялары ағзалары - үш жылда бир мәрте;

▪️қәўипли ислеп шығарыў объектинен пайдаланыўшы шөлкемлерде жумыс алып барыўшы басқа жумысшы-хызметкерлер - бир жылда бир мәрте.

📱Telegram |📱Facebook|🌐Website
📱Telegram |📱YouTube |📱 Instagram

#Нызамшылықтағы_жаңалықлар

❗️Электротехника санааты және де раўажландырылады

"Электротехника санаатын раўажландырыўды жаңа басқышқа алып шығыўға байланыслы қосымша илажлар ҳаққында"ғы Президент қарары (ПҚ-20-санлы, 22.01.2025-ж.) қабыл етилди

⚡️ Қарарға көре, Электротехника санаатын 2025-2027-жылларда раўажландырыў ҳәм жаңа басқышқа алып шығыўдың тийкарғы бағдарлары белгиленди.

🗓 2025-жыл 1-февральдан төмендеги қоллап-қуўатлаў илажлары енгизиледи:

🔹бажыхана аймағында қайта ислеў режиминде таярланған өнимлерди кейинги ислеп шығарыўшылар тәрепинен санаат кооперациясы тәртибинде қайта ислеў ушын бажыхана аймағында қайта ислеў режимине жайластырыўға рухсат бериледи;

🔹 кәрханалардың раўажланыў ҳәм изертлеў орайларының жумысын жолға қойыў ушын белгиленген тәртипте қәлиплестирилетуғын дизимлер бойынша өз мүтәжликлери ушын алып келинетуғын, Өзбекстанда ислеп шығарылмайтуғын лаборатория әсбап-үскенелери 2028-жыл 1-февральға шекем бажыхана бажысынан азат етиледи;

🔹 устав фондында мәмлекет үлеси 50 пайыздан артық болған юридикалық шахслардың ҳәм мәмлекетлик уйымлардың ҳәкимшилик имарат-объектлерин, сондай-ақ социаллық тараў объектлерин қурыў бойынша сатып алыў ҳүжжетлерине төмендеги талаплар киргизиледи:

➖жумысты бөлип алып ислеўшилер зәрүр товарларды Ислеп шығарыўшылар экосистемасы ҳәм Электрон кооперация порталындағы жергиликли ислеп шығарыўшылардан сатып алады;

➖зәрүр товарлар порталларда болмаса, тастыйықлаўшы мағлыўматнамалар тийкарында оларды басқа электрон порталлардан сатып алыўға рухсат етиледи;

🔹 Ислеп шығарыўшылар экосистемасында саўдалар мәмлекетлик буйыртпашылары ҳәм ислеп шығарыўшылар арасында электрон дүкан тәртип-қағыйдалары тийкарында, шәртнама баҳасы менен байланыслы шеклеўлерсиз өткериледи, бунда оферталар жергиликли ислеп шығарылған товар ҳаққындағы сертификат мағлыўматлары тийкарында қәлиплестириледи.

📱Telegram |📱Facebook|🌐Website
📱Telegram |📱YouTube |📱 Instagram