"HUDUDGAZ ANDIJON" gaz ta'minoti filiali

“Manfaatlar toʻqnashuvi toʻgʻrisida”gi qonunning mazmun-mohiyati va ahamiyati boʻyicha seminar oʻtkazildi

“Hududgaztaʼminot” AJ markaziy apparatida 22-noyabr kuni boʻlib oʻtgan seminarda “Manfaatlar toʻqnashuvi toʻgʻrisida”gi qonun haqida asosiy tushunchalar, uning mazmun-mohiyati boʻyicha xodimlarga tushuntirishlar berildi.

Tadbirda Komplayens nazorat boshqarmasi mutaxassislari tomonidan tashkilot xodimlariga Oʻzbekiston Respublikasining 2024-yil 5-iyun sanasida qabul qilingan “Manfaatlar toʻqnashuvi toʻgʻrisida”gi qonun boʻyicha batafsil maʼlumot berildi.

💬Facebook | 👉Telegram |▶️ YouTube | 📷Instagram | 🌐 hududgaz.uz

Andijonda tabiiy gazdan noqonuniy foydalanishga chek qo‘yilmoqda

Andijon viloyatida tabiiy gaz nazorati va hisobining avtomatlashtirilgan tizimini joriy etish o‘z yakuniga yetkazilgan va bu dastur bugungi kunda o‘z samarasini bermoqda. Xususan, zamonaviy hisoblagichlarning inson omili taʼsirisiz isteʼmol qilinayotgan tabiiy gazni aniq hisob-kitob qilib borishi va noreal qarzdorlikni oldini olishi ham isteʼmolchi uchun ham taʼminotchi uchun foyda bo‘lmoqda. Shu bilan birga, hududdagi barcha xonadonlarga tabiiy gazni bir meʼyorda taqsimlashini taʼminlash bilan birga, texnologik yo‘qotishlarni kamaytirish va isteʼmolchilarning to‘lov madaniyatini oshirishga xizmat qilmoqda.

Ming afsuski, qarzdorlik bo‘yicha avtomatik tarzda tabiiy gaz berilishi to‘xtatilgandan so‘ng ayrim isteʼmolchilar tomonidan elektron gaz hisoblash uskunasi o‘zboshimchalik bilan yechib olinib, rezina shlanglar orqali tarmoqqa ulanib olish, tabiiy gazdan noqonuniy foydalanish holatlari ham uchrab turibdi.

“Hududgaz Andijon” gaz taʼminoti filiali mutaxassislari, filial komplayens nazorat tuzilmalari tomonidan aholi xonadonlarini xatlovdan o‘tkazish jarayonida yuqoridagi kabi salbiy holatlar qayd etildi. Xususan, joriy yilning 15-16-noyabr sanasida o‘tkazilgan tungi reyd tadbirlari davomida 50 dan ortiq holatda tabiiy gazdan noqonuniy va qonunbuzilish holatida foydalanish aniqlanib, tegishli tartibda dalolatnomalar tuzildi.

Misol uchun Andijon shahridagi “Forobiy” MFY o‘ramidagi ko‘chalar nazoratdan o‘tkazilganda, Xo‘jayev ko‘chasida istiqomat qiluvchi fuqaroning hisoblagichni o‘zboshimchalik bilan yechib olgan holda, rezina shlang orqali gazdan foydalanayotgani maʼlum bo‘ldi va tegishli tartibdagi dalolatnoma rasmiylashtirildi. “Gumbaz” MFYning Ahmad Donish ko‘chasidagi ayrim xonadonlarda ham aniqlangan mana shunday holatlar yuzasidan dalolatnomalar tuzildi. “Andijon” MFYning “Vosit Saʼdulla” ko‘chasi, Andijon tumani “Poloson” MFY “Poloson” ko‘chasidagi xonadon egalari ham rezina shlang orqali foydalanganliklari uchun qatʼiy ogohlantirildi. Barcha holatlar yuzasidan dalolatnoma tuzildi va qayta hisob-kitob amalga oshirilib, jarimalar belgilandi.

Viloyatning barcha tuman va shaharlarida yuqoridagi kabi noqonuniy holatlarni aniqlash bo‘yicha tungi reyd tadbirlari reja asosida davom ettirilmoqda.

“Hududgaz Andijon“ gaz taʼminoti filiali matbuot xizmati

Oʻzbekiston Respublikasi Prezidentining “A.N. Aripovni Oʻzbekiston Respublikasining Bosh vaziri lavozimiga tayinlash toʻgʻrisida”gi Farmoni
—
Указ Президента Республики Узбекистан «О назначении Арипова А.Н. на должность Премьер-министра Республики Узбекистан»

💬Facebook | 👉Telegram |▶️ YouTube | 📷Instagram | 🌐 hududgaz.uz