"HUDUDGAZ ANDIJON" gaz ta'minoti filiali

Buxoro viloyatida tabiiy gazdan noqonuniy foydalanish holatlari aniqlandi

“Hududgaz Buxoro” gaz taʼminoti filiali komplayens nazorat tuzilmalari, tuman gaz taʼminoti boʻlimi xodimlari va huquqni muhofaza qiluvchi organlar bilan hamkorlikda oʻtkazilgan reydlarda qator qonunbuzilish holatlari fosh etildi.

Kogon tumanining “Niyoz hoji” hududida joylashgan xonadon egasi elektron gaz hisoblash uskunasini (EGHU) yashirin ravishda chetlab oʻtib, yer osti gaz quvuriga ulanganligi aniqlandi. Holat boʻyicha qayta hisob-kitob amalga oshirildi va 54 million 992 ming soʻmlik zarar hisoblandi.

Shunga oʻxshash holat Gʻijduvon tumanidagi “Dilkusho” mahallasida istiqomat qiluvchi fuqaro N. I. Xonadonida ham kuzatildi va isteʼmolchiga nisbatan 11 mln soʻmlik jarima belgilandi.

Viloyatning olis hududi boʻlmish Qorovulbozor tumanida faoliyat olib borayotgan “K. K.” xususiy korxonasi tabiiy gazdan noqonuniy foydalanib, 15 mln 974 ming soʻm zarar keltirgan boʻlsa, tumanning “Choʻlquvar” MFYdagi fuqaro M. N. xonadonida 53 mln 392 ming soʻmlik tabiiy resursdan noqonuniy foydalanilgani aniqlandi.

Qorakoʻl tumanining “Eski qalʼa” MFYda joylashgan kutubxonada tabiiy gazdan noqonuniy foydalanilgani aniqlandi va 51 mln 891 ming soʻmlik zarar qayta hisob-kitob qilindi. Tumanning “Xoʻjalar” MFYda joylashgan “A. U. G.“ MJCHga qarashli umumiy ovqatlanish maskanida oʻzboshimchalik bilan hisoblagichning maksimal hisoblash chegarasidan ortiqcha, loyihadan tashqari gaz jihozlari oʻrnatilgani aniqlandi va 51 mln soʻmlik zarar qayta hisob-kitob qilindi. Tumandagi yana bir oshxonada xuddi shunday qoidabuzarlik aniqlanib, 40 mln soʻm miqdorida zarar yetkazilgani maʼlum boʻldi.

Barcha holatlar boʻyicha hujjatlar tegishli tartibda huquq-tartibot idoralariga topshirildi.

Batafsil: https://hududgaz.uz/ads?id=13367

💬Facebook | 👉Telegram |▶️ YouTube | 📷Instagram | 🌐 hududgaz.uz

#Diqqat

“Siyosiy ma’rifat soati”

Vazirlik va idoralar, Qoraqalpog‘iston Respublikasi Jo‘qorg‘i Kengesi, viloyatlar, Toshkent shahri, shuningdek, tuman, shahar hokimliklari rahbar va mas’ul xodimlari diqqatiga!

Bugungi kunning eng muhim va dolzarb mavzulari haqida ma’lumot berib boruvchi “Siyosiy ma’rifat soati” haftaning har juma kuni Respublika Ma’naviyat va ma’rifat markazi, Prezident huzuridagi Davlat xizmatini rivojlantirish agentligi hamda O‘zbekiston Mahallalari uyushmasi tomonidan taqdim qilinadi.

Navbatdagi o‘quvni YouTube’da tomosha qilishingiz mumkin.

💬Facebook | 👉Telegram |▶️ YouTube | 📷Instagram | 🌐 hududgaz.uz

Toshkent viloyatida 2,9 mlrd soʻmlik tabiiy gazdan oʻgʻrincha foydalangan issiqxona faoliyati fosh etildi

Respublikamizning barcha hududlarida tabiiy gazdan noqonuniy foydalanish holatlarini aniqlash va huquqbuzarliklarni oldini olishga qaratilgan tezkor tadbirlar davom ettirilmoqda.

“Hududgaz Toshkent” gaz taʼminoti filiali komplayens nazorat tuzilmalari, tuman gaz taʼminoti boʻlimi xodimlari va huquq-tartibot organlari hamkorligida Toshkent viloyatida oʻtkazilgan mana shunday reydlar vaqtida qonunbuzilish holatlari fosh etildi.

Ohangaron tumani “Alisher” MFYda joylashgan “A. I. B.” fermer xoʻjaligiga qarashli issiqxona xatlovdan oʻtkazilganda, isteʼmolchi bir martalik tamgʻa oʻrnatilgan zulfin va elektron gaz hisoblash uskunasini olib tashlab tabiiy gazdan noqonuniy foydalanib kelayotgani aniqlandi.

Holat yuzasidan dalolatnoma tuzilib, gaz sarfi qayta hisob-kitob qilindi va 2 milliard 955 million soʻmlik zarar aniqlandi.

Yana bir holat viloyatning Qibray tumanida qayd etildi. “Guliston” MFYda joylashgan xonadonda yashovchi fuqaro N. D. issiqxona tashkil qilib, tabiiy gaz tarmogʻiga hisoblagichdan oldin toʻgʻridan toʻgʻri ulanib, tabiiy boylikdan xoʻjasizlarcha foydalanib kelgan. Noqonuniy holat boʻyicha 49 million 673 ming soʻmlik tabiiy gaz hajmi qayta hisob-kitob qilindi.

Holatlar boʻyicha barcha hujjatlar huquqni muhofaza qiluvchi organlarga topshirildi.

Batafsil: https://hududgaz.uz/ads?id=13355

💬Facebook | 👉Telegram |▶️ YouTube | 📷Instagram | 🌐 hududgaz.uz