Hikmatlar

Mingan avtobusingiz shopiri kimligini bilmasangiz ham xotirjam ketasiz.

Mingan samolyotingiz piloti kimligini bilmasangiz ham xotirjam uchasiz.

Mingan kemangiz kapitani kimligini bilmasangiz ham xotirjam suzasiz.

Endi, butun hayotingiz boshqaruvi Allohning izmida ekanini bilgan holda nega xotirjam yashamaysiz?

Anasxon Mahmud

@hikmatlarimiz

2025-yil 1-yanvardan boshlab tugʻilgan bolalar yangi "beta avlod" vakillari boʻlishadi

Bu avlod boshqa avlodlardan sun'iy intellekt va avtomatlashtirish kundalik hayotiga kirib kelgan, ular bilan oʻsgan, ekologiyaga juda eʼtiborli avlod boʻladi. Bepul jamoat transporti, har kungi hayotda qoʻshimcha reallik texnologiyasidan foydalanadigan ilk avlod ham aynan Beta avlod boʻlishi mumkin.

Hozirgi demografik temp saqlangan holatda, Beta avlod 2039-yilga borib yer aholisining 16 foizini tashkil etadi. Qiziqarli tomoni, bu avlod asosan "X avlod" tomonidan boshqariladi.

O'zi avlodlarga bo'lish nimaga kerak degan savol paydo bo'lishi mumkin.

Bu demografiya, sotsiologiya va marketing (biznes) uchun muhim. Shundan kelib chiqib jamiyat tahlil qilinadi.

Biznes va marketing jihatidan kelib chiqsak, avlodlarning iste'mol madaniyati, ma'lumot qabul qilishi o'z davriga xos muammo va texnologiyalarga qarab o'zgarib borgan. Biznes ham o'z auditoriyasini segmentatsiya qilganda, marketing kanallarini auditoriyadan kelib chiqib tanlaydi. Deylik, Gen Z va Gen Alpha televizor deyarli ko'rmaydi. Mijozlari asosan shu avloddan iborat bo'lgan bizneslar e'tiborni ko'proq boshqa marketing kanallariga qaratishadi. Aksincha, mijozlari asosan yoshi kattalar (Baby Boomer, Gen X) bo'lganlar, marketingni instagram va inflyuanserlarga qaratishi deyarli foydasiz.

Sotsiologiya, demografiya va siyosatda ham aholini segmentlashtirish ularning madaniyati va kundalik hayotiga mos xulosalar olish va qarorlar berish imkonini beradi.

Firuz Allaev

@hikmatlarimiz

"Har qanday mushkul ish aql egalari tufayli isloh qilinur"

A.Zamaxshariy

P.S
Juma ayyomi barchamizga muborak bo'lsin!

@hikmatlarimiz

Tafakkur vaqti

"Qush tirik bo'lsa, chumolilarni yeydi." Qush o'lganda, chumolilar qushni yeydi.

Vaqt va sharoitlar har qanday vaqtda o'zgarishi mumkin.

Hayotda hech kimga zulm qilmang xatto xafa ham qilmang. Bugun siz kuchli bo'lishingiz mumkin, lekin vaqt sizdan kuchli ekanligini unutmang!

Bitta daraxtdan millionta gugurt tayoqchasi yasash mumkin, bitta gugurt esa millionta daraxtni yoqib yuborishi ham mumkin, shuning uchun bitta salbiy narsa hayotingizdagi millionlab ijobiy narsalarga ta'sir qilishiga yo'l qo'ymang...

Shunday ekan, yaxshi bo'ling va yaxshilik qilishda davom etavering..

Akmal Qurbon

@hikmatlarimiz

Alloh buyukdir

▪️Siz bilan bizni kim yaratdi?
▪️Yerni biz uchun kim qarorgoh qildi?
▪️Bizga go'zal ne'matlarni kim berdi?
▪️Bizni kim musulmon qildi?
▪️Kutilmagan joydan rizqimizni beruvchi kim?
▪️Bizga aql-idrok bergan zot kim?
▪️Gunohlarimizni kechiruvchi kim?
▪️Bizga ota-onamizdanda mehribon kim?
...

Ushbu matnlarni o'qishni taqdir qilgan kim?!
Albatta, shubhasiz Alloh taolodir!

P.S
Allohga o'zining buyukligicha hamd bo'lsin!

@hikmatlarimiz

Tavba nima?

Ruju qilish - pushaymon bo‘lish, banda Allohning amr va qaytariqlariga munosib hayot kechira boshlashi. Ya'ni, isyonni tark etib, itoatga kelishidir. Boshqacha ifoda bilan aytilsa, banda gunohlaridan nadomat chekib, Allohga yuz tutadi, ma'rifat qilishini so‘raydi. O'zining qilib yurgan ishlari gunoh ekanini anglaydi, Allohga haqiqiy pushaymonlik ila yuzlanib, avf tilaydi, yolg'iz O'zidan kechirim so‘raydi. Mana shu hol tavba qilish, deyiladi.

Bandaning tavbasi takror bo'lsa, Allohning qabuli ham takror bo'luvchidir.

"Alloh(g'azabi)dan faqat O‘ziga qochish bilan panoh topilishini bilishgandan so'ngra ular tavba qiluvchilardan bo'lishlari uchun Alloh tavbalarini qabul etdi. Albatta, Alloh Tavvob(tavbalarni qabul etuvchi) va Rahim(rahmli)dir".(Tavba surasi, 118-oyat)

@hikmatlarimiz