Hikmatlar Xazinasi 🍃

Ҳасан Басрий жанозадан сўнг сўради: "Агар маййитга қайта ҳаёт берилса, у нима қиларди"..?

Одамлар: "Тавба қиларди. Ҳаромдан қочиб, ибодатга киришарди".

Ҳасан Басрий: "У буни бой берди. Лекин сизда ҳали фурсат бор, қани боринглар, айтганларингизга ўзингиз амал қилинглар"!

🌾 @Hikmatlar _ Ҳикмат мўминнинг йўқотганидир, қаерда топса олишга ҳақли...

OGʻRIQ

Qancha kunlar qazo boʻldi,
Jonimizga jazo boʻldi.
Bizdan kimlar rizo boʻldi?
Egamizga nima deymiz?

Iymon azim daraxtdir xoʻb,
Yaprogʻidan mevasi koʻp,
Shoxlarini sindirdik xoʻp,
Egamizga nima deymiz?

Kapalakka qoʻl bermadik,
Chumoliga yoʻl bermadik,
Dil olmadik, dil bermadik,
Egamizga nima deymiz?

Uygʻongimiz kelmas sira,
Koʻzimizni bosgan shira,
Borgan sari koʻngil xira,
Egamizga nima deymiz?

Shayton buncha sohibjamol?!
Qonimizda topar kamol,
Hayotimiz – bitta savol:
Egamizga nima deymiz?

© Behzod Fazliddin


🌾 @Hikmatlar _ Hikmat mo‘minning yo‘qotganidir, qayerda topsa olishga haqli...

Али розияллоҳу анҳу:
"Эй илм таҳсил қилаётганлар, олган илмингизга амал қилинглар. Олимни ҳақиқийси амали биландир", деб айтдилар.

🌾 @Hikmatlar _ Ҳикмат мўминнинг йўқотганидир, қаерда топса олишга ҳақли...

#Zikr

Ko‘p gapirganingiz sayin xatolaringiz ko‘payaveradi, faqat Allohning zikri unday emas. Ko‘p zikr qilganingiz sayin xatolaringiz o‘chirilaveradi....

© Shayx Ahmad Iso Ma’saroviy

🌾 @Hikmatlar _ Hikmat mo‘minning yo‘qotganidir, qayerda topsa olishga haqli...

Dunyoda bayramlar kishilik jamoalarining birlamchi ehtiyojlaridan. Tasavvur qilib koʻring-a, dunyodagi inson hayoti bayramsiz, tantanasiz goʻyoki bir qaqroq, suvsiz choʻlga oʻxshab qoladi. Shu bois ham Alloh bayramlarni nishonlashni joiz qilib qoʻygan. Aslan, jamoaviylik, umumiylik asosida yashashga chaqiriq edi bu ham insoniyat uchun.
Lekin "Merry Christmas", "Yangi Yil" kabilar boshqacharoq paydo boʻldi. Barchasi zamonaviy bayram koʻrinishidagi aktual tushunchalardir. Aktual deganda dunyoning har yerida amalda boʻlgan bayramlar demoqchiman. Zamonaviy, jiddiy, ong asosida ish koʻradigan, hissiyotini yigʻishtirib yashaydigan, sekulyar, Xudo bilan aloqasini bir qadar uzgan insonning emotsional ehtiyojini, ruhiy-ma'naviy zaruriyatlarini qondirish uchun esa 18-19 asrlarda bayramlar "yaratib", uni ommaviylashtirishga ehtiyoj sezilgan edi. Ungacha bu kabi bayramlar mutlaqo ommaviy tarzda nishonlab kelinmagan. Islomdagi bayramlarda esa rivojlanishning, tadrijning oʻzi mavjud emas, zero, islomning avvalidan qaysi bayramlarni nishonlash joiz-u, qaysisi mumkin emas — hammasi belgilab berilgan edi. Istisnolar bor, albatta.
Aytmoqchimanki, bugun oʻzini ateist, deist, dunyoviy deb hisoblaydigan qatlamlar asli kelib chiqishi gʻirt diniy, g'aybiy – transsendental, paganist bayramlarni avj va shukuh bilan nishonlab yurishibdi. Nimadan dalolat bu? Fitratan uzila olmaslikdan, insoniy tabiatdan chekina olmaslikdan. Inson oʻzini Xudodan ming uzoqlatmasin, uning Oliy Xudo tomonidan yaratib qoʻyilgan fitriy xususiyatlari baribir yoʻqolmaydi. Aqli dunyo bilan boʻlgan inson ruhi va qalbi sakrallikka, muqaddasotga tortaveradi, garchi bu muqaddaslikni endi – Xudoni inkor etish bilan mengzash mumkin boʻlsa ham.

🌾 @Hikmatlar _ Hikmat mo‘minning yo‘qotganidir, qayerda topsa olishga haqli...

Намозда Фотиҳа сурасини ўқиганингиз тезлигичалик одамларга гапириб кўринг.

Улар сизни тушунармикин?

🌾 @Hikmatlar _ Ҳикмат мўминнинг йўқотганидир, қаерда топса олишга ҳақли...