ТЕРАКЗОРДА
Рад этилган ошиқ хаёлларида
Кезган умид каби оғир, дилозор,
Дунёнинг ўткинчи шамолларида
Сирли шовуллайди яшил теракзор.
Қайга чўзилди бу Заминнинг қўли?
Ҳавода баргларнинг оҳи, ўтинчи...
Наҳот, оқ баданлар болтанинг йўли,
Изида севгисиз, ғариб ўтинчи?
Шамол, қутулмоқнинг борми чораси,
Тераклар интилар не манзил сари?
Нечун чайқалмоқда, келмоқда саси,
Қалбим – хотирамнинг теракзорлари?
Нечун арз этмоққа сиғмасин ҳадди,
Қалбим қўзғолса бас! Тераклар ботир...
Хаёлга армонлар айтиб беради
Ҳали ўн саккизга кирмаган Хотир.
«Телба йигит, унут, – дея, – барини...»
Бағрига муҳаббат, меҳр мутлақ ёт,
Хотирамнинг яшил теракларини
Бир-бир кеса бошлар ўтинчи Ҳаёт.
Олислардан хабар олиб кел, хаёл,
Ёруғ дунёлардан эт мени огоҳ!
Шовуллаган қалби бўш, тиллари лол,
Мен – фақат кундадан иборат бир боғ.
Хаёл, сен бир имкон шартларини бер,
Менинг юрагимда йўқ зарра кадар.
Юрагимда Замин, юрагимда Ер,
Учиб кетгум келур осмонга қадар!
Икром ИСКАНДАР
@SherlarCom
Рад этилган ошиқ хаёлларида
Кезган умид каби оғир, дилозор,
Дунёнинг ўткинчи шамолларида
Сирли шовуллайди яшил теракзор.
Қайга чўзилди бу Заминнинг қўли?
Ҳавода баргларнинг оҳи, ўтинчи...
Наҳот, оқ баданлар болтанинг йўли,
Изида севгисиз, ғариб ўтинчи?
Шамол, қутулмоқнинг борми чораси,
Тераклар интилар не манзил сари?
Нечун чайқалмоқда, келмоқда саси,
Қалбим – хотирамнинг теракзорлари?
Нечун арз этмоққа сиғмасин ҳадди,
Қалбим қўзғолса бас! Тераклар ботир...
Хаёлга армонлар айтиб беради
Ҳали ўн саккизга кирмаган Хотир.
«Телба йигит, унут, – дея, – барини...»
Бағрига муҳаббат, меҳр мутлақ ёт,
Хотирамнинг яшил теракларини
Бир-бир кеса бошлар ўтинчи Ҳаёт.
Олислардан хабар олиб кел, хаёл,
Ёруғ дунёлардан эт мени огоҳ!
Шовуллаган қалби бўш, тиллари лол,
Мен – фақат кундадан иборат бир боғ.
Хаёл, сен бир имкон шартларини бер,
Менинг юрагимда йўқ зарра кадар.
Юрагимда Замин, юрагимда Ер,
Учиб кетгум келур осмонга қадар!
Икром ИСКАНДАР
@SherlarCom