Ҳасан ибн Собит Жоме Масжиди

АВТОМАТ ҚУРИЛМАЛАР ОРҚАЛИ САВДО ҚИЛИШ
#савдо

❓1539-CАВОЛ: Ҳозирги кунда айрим жойларда ўрнатилган автомат қурилмалар орқали савдо қилиш жоизми?

💬 ЖАВОБ: Бисмиллаҳир Роҳманир Роҳим. Ушбу савдо тури таотий савдоси (“сотдим” ва “сотиб олдим”, деган сўзлар ишлатилмасдан харидор товарнинг нархини бериши, сотувчи эса товарни топшириши)дир. Ушбу қурилмалар сотувчи томонидан жамоат жойларига ўрнатилади, ичига маҳсулотлар солиниб, қулфлаб қўйилади. Нархлар рўйхати илиб қўйилади. Ким ушбу қурилма ичидаги бирор нарсани сотиб олмоқчи бўлса, махсус жойга пул киритади. Қурилма автоматик равишда сўралган маҳсулотни чиқариб беради. Унинг жоизлигига уламолар иттифоқ қилишган. Унда қурилма пулни қабул қилиш ва маҳсулотни топширишда сотувчининг ўрнида бўлади. Харидор маҳсулотнинг пулини қўйганда, қурилма маҳсулотни чиқариб бериши –сотувчининг маҳсулотни беришидир. Шунда савдо таотий битими билан дуруст бўлади ("Фиқҳул буюъ" китоби). Валлоҳ аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

#саждаи_саҳв_масалалари
УЧ ОЯТ ЎҚИГАНДАН СЎНГ ИМОМ УНУТСА ВА ДАРҲОЛ РУКУЪГА КЕТСА
Агар имом бир узун оят ёки қисқа уч оят ўқигандан сўнг унутса ва рукуъга кетса, намоз бекароҳат дурустдир. Унга саждаи саҳв вожиб эмас. Агар бир рукн миқдорида ўйланиб туриб қолгандан сўнг рукуъга кетса, саждаи саҳв вожиб бўлади. («Ад-дуррул мухтор» маъа «Раддул муҳтор», 1-ж, 367-б.)

СУРАНИ БОШЛАБОҚ УНУТСА ВА БИР МУДДАТ ЎЙЛАНИБ ҚОЛСА
Агар имом Фотиҳа ўқигандан сўнг зам сурани бошлабоқ унутса ва уч тасбеҳ миқдорида ўйланиб туриб қолса, ундан сўнг бошқа сурани ўқиб рукуъ ва сажда қилса, саждаи саҳв вожиб бўлади. Уч тасбеҳдан оз миқдорда сукут сақласа, саждаи саҳв вожиб эмас. («Фатово Оламгирий», 1-ж, 126-б; «Таҳтовий», 258-б.)

ТАРТИБГА ХИЛОФ ТАРЗДА ЗАМ СУРА ЎҚИШ
Дейлик, бир киши иккинчи ракъатда аввалги ракъатга хилоф тартибда зам сура ўқиди. Масалан, аввалги ракъатда Кафирун сурасини, иккинчи ракъатда Фил сурасини қироат қилди. Агар бу ишни унутиб қилган бўлса, намози кароҳатсиз дуруст бўлади. Агар қасддан қилган бўлса, намози макруҳ бўлади. Бироқ иккала кўринишда ҳам саждаи саҳв вожиб эмас. («Фатово Оламгирий», 1-ж, 126-б.)

СЎНГ ЯНА ТАРТИБ БИЛАН ЎҚИШ
Бир киши иккинчи ракъатда унутиб тартибга хилоф равишда сура ўқишни бошласа, бошлаши биланоқ ёдига тушса, сўнг у сурани қўйиб, бошқа сурани тартибга риоя қилган ҳолда ўқиса, унинг ўқиган намози макруҳлик билан дуруст бўлади. Лекин унга саждаи саҳв вожиб бўлмайди. Чунки у учун бошлаган сурани тарк қилиб, бошқа сурани бошлаш яхши эмас. («Ад-дуррул мухтор» маъа «Раддул муҳтор», 1-ж, 367-б.)

СУРАНИНГ ЯРМИГА ЕТГАНДАН СЎНГ УНУТИБ ҚЎЙГАНИ САБАБЛИ БОШИДАН ИККИНЧИ МАРОТАБА ЎҚИШ
Имом аввалги ракъатда бирор зам сурани бошлаб, ярмини ўқигач унутса, сўнг икки ёки уч маротаба сурани бошидан қайтадан ўқиб, сурани мукаммал қилиб охирига етказса, намози дуруст бўлади ва унга саждаи саҳв вожиб эмас. («Раддул муҳтор», 1-ж, 506-б.)

ФАРЗ НАМОЗНИНГ ОХИРГИ ИККИ РАКЪАТИДА ҲЕЧ НАРСА ЎҚИМАСЛИК
Агар бир киши фарзнинг охирги икки ракъатида ҳеч нарса ўқимаса, яъни мутлақ сукут сақлаб турса, унинг намози дуруст ҳисобланади ва унга саждаи саҳв вожиб бўлмайди. («Фатово Оламгирий», 1-ж, 126-б.)

НАФЛ ЁКИ ВИТР НАМОЗИНИНГ ОХИРГИ ИККИ РАКЪАТИДА ФОТИҲА СУРАСИНИ ЎҚИМАСЛИК
Бир киши нафл намозда (унинг қайси ракъатида бўлишидан қатъи назар) Фотиҳа сурасини ўқимаса, унга саждаи саҳв вожиб бўлади. («Фатово Оламгирий», 1-ж, 72-б.)
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

ЖАННАТ КИМЛАРГА ВОЖИБ БЎЛАДИ?

Абу Саид розияллоҳу анҳу шундай ривоят қилади: Ҳазрат Пайғамбаримиз соллаллоҳу алайҳи васаллам шундай марҳамат қиладилар: "Ким Рабби сифатида Аллоҳни, дини дея Исломни, Расули дея ҳазрат Муҳаммад соллаллоҳу алайҳи васалламни танладим (ва улардан мамнун бўлдим)”, деса, жаннат унга вожиб бўлади" (Абу Довуд ривояти). Уқба ибн Амир розияллоҳу анҳу шундай ривоят қилади: Зиммамизга туяларни ўтлатиш вазифаси юклатилган эди. Буни навбати билан бажарар эдик. Бир куни туяларни ўтлатиш навбати менга келди. Пешиндан кейин туяларни ўтлатишга мен олиб кетишим керак эди. Туяларни ўтлатиб қайтаётганимда Расулуллоҳ соллаллоҳу алайҳи васалламни учратиб қолдим. Ул зот одамларга қараб хитоб қилаётган эдилар. Муборак сўзларидан шуларни эшитиб қолдим:
- Чиройли таҳорат олиб, кейин икки ракат намоз ўқиган ва намозга бутун руҳи ва ўзлиги билан юзланган ҳеч кимса йўқки, ўзига жаннат вожиб бўлмасин! (Бу сўзларни эшитганда ўзимни тута олмай:) "Қанчалар ажойиб сўзлар!" дедим. (Бу гапимни эшитган) ёнимда турган бир одам:
- Сал аввалроқ келганингда эди, бундан ҳам гўзал сўзларни эшитар эдинг! - деди. Ким экан дея ўгирилиб қарасам, у ҳазрат Умар ибн Хаттоб экан. У сўзида давом этиб: - Сени кўрдим, яқиндагина келдинг. Сен келмасингдан олдин ҳазрат Набий соллаллоҳу алайҳи васаллам: "Сиздан ким таҳоратини олиб, буни чиройли тарзда адо этса, сўнг: “Ашҳаду анла илаҳа иллаллоҳ ва ашҳаду анна Муҳаммадан абдуҳу ва Расулуҳу". (Маъноси: "Шаҳодат келтираманки, Аллоҳдан бошқа илоҳ йўқдир ва яна шаҳодат келтираманки, Муҳаммад Аллоҳнинг қули ва Расулидир”)”, деса ўзига жаннатнинг саккизта эшиги баравар очилади. У қайси биридан киришни истаса, шу эшикдан жаннатга киради", дея марҳамат қилдилар, - деди.

«Расулуллоҳ билан бир соат суҳбат» китобидан.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

ТИШГА ПЛОМБА ҚЎЙИШДАН ОЛДИН ТАҲОРАТ БЎЛИШИ ШАРТМИ?
#поклик

❓1538-CАВОЛ: Тишимни даволатдим. Таҳоратим бор эди, лекин шифокор тишимни тозалаётганда қон чиқиб кетди. Шундан кейин пломбалаб қўйди. Энди таҳоратларим чала бўлиб қолмайдими?

💬 ЖАВОБ: Бисмиллаҳир Роҳманир Роҳим. Уламолар зарурат туфайли тиш қоплатиш ва қоплама (пломба) қўйишни жоиз дейишган. Чунки буни даволаниш деб ҳисобланади. Бу ҳолатда бемор таҳоратли, пок бўлиши шарт қилинмаган. Тиш, қоплама қўйдиргандан кейин таҳорат ёки ғуслда оғзини чайқаганда қопланган тишнинг устини ювиш остини ювиш ўрнига ўтади. Чунки уламолар жароҳат устига бирор нарсани боғлаш вақтида таҳоратли бўлиш шарт эмас, дейишган. Қопланган тиш ва пломбалар ҳам мана шу ҳукмга тушади (“Ал-лубоб фи шарҳил китоб” китоби). Валлоҳу аълам.

Ўзбекистон мусулмонлари идораси
Фатво маркази.

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

#саждаи_саҳв_масалалари
🧎‍♂️ ФОТИҲА СУРАСИНИНГ ЎРНИГА ЗАМ СУРАНИ БОШЛАБ ЮБОРИШ

Агар киши биринчи ёки иккинчи ракъатда Фотиҳа сурасидан олдин зам сурани бошлаб юборса, ёдига тушиши билан зам сурани келган жойида тўхтатиб, аввал Фотиҳани, сўнг зам сурани ўқиб, намознинг охирида саждаи саҳв қилмоғи лозим бўлади. Худди шундай, агар Фотиҳадан илгари зам сурани мукаммал ўқиган бўлса ва буни, яъни Фотиҳани қолдириб кетганини зам сурани ўқиб бўлганидан сунг ёки рукуъда турганида ёхуд рукуъдан қайтганида билиб қолса, Фотиҳа ва зам сурани бошқатдан ўқиб, такроран рукуъни ҳам бажариб, намоз охирида саждаи саҳв қилмоғи вожиб бўлади. («Фатово Оламгирий», -ж, 65-б.)

ФОТИҲАДАН СЎНГ ЎҚИШНИ ИРОДА ҚИЛГАН СУРАНИНГ ЎРНИГА БОШҚАСИНИ ЎҚИШ
Киши Фотиҳадан сўнг бирор сурани ўқишни мўлжалласа, бироқ адашиб бошқасини ўқиб юборса, унга саждаи саҳв вожиб бўлмайди. («Фатово Оламгирий», 1-ж, 65-б.)

ФОТИҲА СУРАСИДАН СЎНГ ТАШАҲҲУД ЎҚИШ
Агар киши биринчи ракъатда Фотиҳа сурасидан сўнг ташаҳҳудни (аттаҳиётни) ўқиса, унга саждаи саҳв вожиб бўлади. Агар ташаҳҳудни Фотиҳа сурасидан олдин ўқиган бўлса, унга саждаи саҳв вожиб бўлмайди. («Фатово Оламгирий», 1-ж, 66-б.)
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

Борини фидо қилган онам

Онам менинг ўқишим учун узукларини сотдилар. Синглимни турмушга бериш учун билакузукларини сотдилар. Укамни даволатиш учун чиройли маржонларини сотдилар. Шу аснода устиларида бирор зийнатли буюм қолдирмадилар. Мен ўқишни битириб хорижга сафар қилдим. Онам билан ҳафтада икки маротаба телефонлашиб тураман. Йиғлайверганларидан овозларини деярли эшита олмасдим. Синглим бой инсонга турмушга чиқди. Бугун у орзулари амалга ошган ҳолда бахтиёр ҳаёт кечирмоқда. Укам нафақат соғайган, ҳозирда у машҳур футболчи. Доим сафарда бўлгани боис уйдан чиқиб кетганича ҳали қайтиб келмади. Орадан кўп йиллар ўтди. Ҳар сафар шамол дарвозани тебратганда ёки қўшнилар тақиллатганда бечора онам ялангоёқ ҳолда дарвоза томон югуради. Кўпинча дарвоза олдидан йиғлаган ҳолда қайтиб келади. Оёққа тақиладиган маржонини бизнинг касал бўлишимиздан қўрқиб, тақмасдан беркитиб қўйган эканлар. Онаизорим шу ҳолда вафот этдилар. Онам биз учун борларини бердилар. Биз эса етарлича вақт ҳам ажратa олмадик. Онангизни борида қадрига етинг...

🔗 Ота-она ўтиб кетгандан кейин уларга қандай яхшилик қиламан

"Она йиғламасин" китобидан.
@mehrob_uz

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi

#Chellenj
#Toshkent_tumani

✨Xalqning maʼnaviy-ruhiy tiklanishi – iqtisodiy islohotlarning ijtimoiy negizidir

✨Milliylik – muayyan xalqqa, millatga xos boʻlgan, uni boshqalardan farqini koʻrsatuvchi xususiyatlar majmui. Milliylik millatning tarixi, qadriyatlari, anʼanalari, madaniyati, yashash tarzida yaqqol namoyon boʻladi. Milliylikni bilish va anglash uchun millatlar oʻrtasidagi farq va tafovutlarni oʻrganish bilan birgalikda, ularni yaqinlashtiruvchi jihatlarga jiddiy eʼtibor berish zarur. Chunki boshqa millatlarning yutuq va ijobiy tajribasini oʻrganish, ularni oʻzlashtirish milliylikni boyitadi va rivojlantiradi.

💫Xalqning maʼnaviy-ruhiy tiklanishi – iqtisodiy islohotlarning ijtimoiy negizidir. Biz farzandlarimizning barkamol ruhiy dunyosi uchun, ularning maʼnaviy-axloqiy jihatdan yetuk, jismonan sogʻlom boʻlishi uchun doimo qaygʻurishimiz, kurashmogʻimiz darkor. Ana shu jarayonda xalqimizning milliylik qiyofasi, ruhiyati, dunyoqarashi, qadriyatlari, bir soʻz bilan aytganda milliyligi yaqqol namoyon boʻladi.

📹Videolavhada Masalboy hududi va hududda joylashgan 7-umumtaʼlim maktabidagi qadriyatlar koʻzgusi boʻlgan milliylik tadbirlaridan lavhalarni koʻrishingiz mumkin.

Дўстларингизга ҳам улашинг:
Каналга уланиш👇👇👇
https://t.me/hasan_ibn_sobit_masjidi