HAQIQAT ZARRASI

Azroil alayhissalomdan qochish

Bir kuni erta saharda Sulaymon payg'ambar qarshisiga bir kishi kelib uni arzini tinglashini yolvorib so'radi. Bechoraning og'ir ahvolda ekanligini ko'rga Hazrati Sulaymon uni qarshisiga chaqirdi va so'radi:
-"Nima bo'ldi? Nimadan buncha qo'rqding?" Talvasa ichidagi kishi unga javob berdi: "Ey Hazrati Payg'ambar alayhissalom, sen Allohning eng suyukli qulisan. Qushlaru hayvonlar sening izmingdadir. Menga yordam ber. Men bugun saharda Azroil alayhissalomni ko'rdim. U menga juda boshqa nazarla qaradi. Meni jonimni olgani kelganini payqadim. Shuning uchun meni uzoq Hindistonga jo'nat, shoyad Azroil alayhissalom meni u yerda topa olmasa". Sulaymon alayhissalom uning bu iltimosini qabul qildi va bir kun ichida Hindistonga yuvordi. Tushlik paytida esa Hazrati Sulaymon majlisga arkoni davlatni chaqirganlarida, ularning orasida Azroil a.s.ni ko'rib yonlariga chaqirdi va so'rdi: "Bugun bir kishiga g'alati tikilib uni qo'rqitmushsan. Nega bunday qilding? Uning jonini olmoqchimi eding? " Azroil alayhissalom javob berdi: "Allohi Taolo meni bir amr bilan Yerga yubordi, o'sha bandamni bugun Hindistonda jonini olasan deb. Men uni bu yerda ko'rib bir kunda Hindistonga qanday borishi mumkinligiga hayron qoldim. Unga g'alati tikilganimning boisi shu" dedi.


@haqiqatzarrasi

Hazrati Sulaymon va chumoli

Bir kun Sulaymon alayhissalom chumolidan bir yilda qancha bug'doy doni yeyishini so'radilar. Chumoli bir yilda bir dona bug'doy donini yeyishini aytdi. Hazrati Sulaymon alayhissalom chumolining gapi rost yoki yolg'onligini sinash uchun chumolini bir shisha idishga solib yoniga bir dona bug'doy donini qo'ydilar. Va bir yil o'tgach chumolining holini ko'rdilar. Chumoli bug'doyning yarmini yeb yarmini qoldirgan edi. Sulaymon alayhissalom buning sababini so'rganlarida chumoli shunday javob berdi: " Avvallari menga Allohim rizq ato etardi va Xudoyim har zamon men bilan ekanligiga inongan holda tanovvul qilardim. Shunday bo'ldiki, Allohim meni sen orqali rizqlantirdi. Men sening banda ekanligingni, bir kun kelib meni unutib yuborishing mumkunligini esga olib, donimning yarmini keyingi yil uchun olib qo'ygandim".


@haqiqatzarrasi