Bu faoliyatim(iz)dagi birinchi va oxirgi video.
"Ishni boshlayvering tarjimaga mana biz bor" deb aytgan barcha tanishlarimga kaaaaaaaaaaaaaaatta rahmat.
Ilm-fan bilan mashg'ul bo'lish, turli mavzularda bahslarda qatnashish, muhokamalarga qo'shilish qiziqarli bo'lishi mumkin. Ayniqsa, dunyo yaralishi va hokazo mavzular.
Lekin bularni barchasi absurd ekanini tushunishingizga yana qancha vaqt kerak? Xudo, din, ilm-fan, evolutsiya va hokazo narsalar haqidagi bahslardan bir tiyinlik foyda yo'q ekanini tushunish uchun yana qancha ko'tarib yurmoqchisiz bo'yningizni tepasidagini?
Masalan, shu oddiy vaqtlar aro sayohat haqidagi video, kimga foyda? Nima foyda? Nima qilib beradi? Javob topildi ham deylik, bizga nima?
Xullas, menga endi ilm-fan, dunyo yaralishi haqidagi ma'lumotlar, bahslarning zarracha qizig'i yo'q.
Noto'g'ri gumonga bormang, men johil bo'lmadim, men shunchaki bularni bari absurd ekanini tushunib yetdim.
Shunchaki yashamoqchiman. Insonga umr bir marta beriladi, har qalay meni e'tiqodimga ko'ra shunaqa.
Jannat, do'zox kabi narsalarga ishonmayman, dinni esa odamlar tomonidan manipulatsiya uchun o'ylab topilgan cho'pchak deb bilaman. Dinlarda keltirilgan ilohiy Xudolarga ham ishonmayman. Endi menga bularning umuman qizig'i yo'q. Lekin bir narsa aniq, yaratuvchi bor bo'lgan taqdirda ham u bizni hayotimizga aralashmaydi.
Agar hayot sinov bo'lgan taqdirda ham siz nimagadir ishonishingiz orqali baholanmaysiz, qilgan ishlaringiz bilan baholanasiz(agar sinovchi adolatli bo'lsa!)
Ko'nglim bilan sezyapmanki, dunyoda cheksizlikdan muhimroq nimadir bor, biz umuman tasavvur qila olmaydigan... Biz o'rgana olmaydigan... Biz oxiriga yeta olmaydigan...
Lekin ko'ngil bilan sezish - yaxshi holat emas.
Lekin shusiz hayot chiroyli bo'lmaydi, yana bilmadim, kimga qanaqa...
Xullas, endi bularning bari men uchun absurd.
Vaqtingizni ko'proq oilangiz bilan o'tkazing, esda qolarli yaxshi xotiralarni ko'paytirishga harakat qiling, yaqinlaringizni asrang.
Hurmat bilan, Isoqjon.
@uzevrika @haqiqatnoma