ХУДОЙИМ БИЗГА ҲАМ ЕТКАЗДИ...

Гоҳ қўлга қаламни тутқазди,
Гоҳ турли синовдан ўтказди,
Суйган бир бандаси қатори,
Худодан сўрадек, етказди!

Ғарибнинг бошини силай ман,
Сизга ҳам зўрларин тилай ман,
Сўрасам, мен ундан сўрай ман,
Худойим бизга ҳам етказди!

Отангнинг дуоси энг қиммат,
Онангнинг ризоси сер ҳиммат,
Худонинг бергани беминнат...
Худойим бизга ҳам етказди!

Кўрмадим на дўстдан каромат,
Барчаси бўлсинлар саломат,
Кимгадир туюлса маломат.
Худойим бизга ҳам етказди!

Бердилар ҳам тож-у, тахтимни,
Синдирмай, шижоат-шахтимни,
Кам қилмай омадим, бахтимни,
Худойим бизга ҳам етказди!

Бухтондан сақлайди шанимни,
Сўрасам тўлдирар камимни,
Минг шукр соғ қилган танимни,
Худойим бизга ҳам етказди!

Кутгандим келар деб фурсати,
Бандага аёнмас қисмати.
Ҳақдан-да бўлади рухсати,
Худойим бизга ҳам етказди!

Ортингда қоларкан мансаб, зар,
Келдими кетмоғи муқаррар.
Қайдан деб сиқилма биродар,
Худодан сўрадек, етказди!

Ҳамдам АЛЛАЁР.

Каналга аъзо бўлиш учун босинг 👉👉👉
@hamdamallayor