Gulnoz Kutubxonasi🇺🇿

Darsda mustahkamlash bosqichi qanday o'tkaziladi?

O‘rganilgan bilimlarni qayta ko‘rib chiqish juda muhim, aks holda ular unutiladi.

Shuning uchun eslatmalar, konspektlar, qo‘llanmalar yoki boshqa xotiranomalar kerak. Tushunmagan holatlarga oydinlik kiritish uchun esa savollar berilishi lozim.

Muayyan harakat mahoratini o‘zlashtirish quyidagi ketma-ketlikda amalga oshirilishi kerak:

🔹 Tushuntirish
O‘quvchilar u yoki bu harakat nima uchun amalga oshirilishini tushunishlari kerak. Ular ushbu harakat bilan bog‘liq har qanday maʼlumotni bilishlari lozim.

🔹 Faoliyat texnologiyasi
O‘quvchilar nimani qanday qilish kerakligini aniq tushunishlari lozim. Muayyan vaziyatni yechish (keys) yoki tahlil qilish mavzu mohiyatining tushunilishini osonlashtiradi.

Bu bilimni qabul qilish va vaziyatga moslashish mumkin bo‘lgan to‘g‘ri harakat qilish usulini ko‘rishga imkon beradi.

🔹 Amaliyot
Amaliyot o‘quvchilarning bilimlarni o‘zlashtirishida juda muhim.

🔹 Xatolarni tekshirish va to‘g‘rilash
O‘quvchilar bajargan ishining sifati, birinchi navbatda, o‘zlari, keyin esa, qoida tariqasida, o‘qituvchi tomonidan tekshirilishi va tuzatilishi kerak.

🔹 Eslab qolish uchun qaydlar
O‘quvchilarga u yoki bu shakldagi qaydlar zarur. Bu eslatmalar, konspektlar, kitob, ilova va boshqa ko‘rinishda bo‘lishi mumkin.

🔹 Qayta ko‘rib chiqish
Yangi tajriba unutilmasligi uchun mavjud tajriba qayta ko‘rib chiqilishi kerak.

🔹 Baholash
O‘quvchi va o‘qituvchilar muayyan faoliyatni o‘zlashtirishga ishonch hosil qilishi uchun olingan bilimlarni real sharoitlarda sinab koʼrishlari kerak.

🔹 Savol berish
O‘quvchilarga har doim savol berish imkoniyati berilishi kerak.

📌 Xulosa o‘rnida, qayta koʼrib chiqish va amaliyot elementlari biror mahorat o‘zlashtirilgunga qadar doimiy ravishda amalga oshiriladi.

Yaʼni, oʼrganilgan narsalarning umumiy ko‘rinishi xulosa sifatida xotirada muhrlanadi.

Дуо қилиб турайлик бир-биримизни

Етса раҳмат, етмаса узр дейдилар,
Яхши дуо дилга ҳузур дейдилар.
Еттининг биттаси Ҳизр дейдилар,
Дуо қилиб турайлик бир-биримизни.

Ўзидан ўзгага қилмасин муҳтож,
Топмасак ҳам ёрдам беришга илож.
Дуо учун ахир олинмайди бож,
Дуо қилиб турайлик бир-биримизни.

Қилингунча бору~йўқлигимиз ҳал,
Тўплагунимизгача кўп яхши амал.
Танисак ҳам бир-бирларимизни сал,
Дуо қилиб турайлик бир-биримизни.

Ўзимизга шу ишни айласак одат,
Бўлсакда меҳнатда, қилсак ибодат.
Шу сабаб айбимизни кечирса шояд,
Дуо қилиб турайлик бир-биримизни.

Ижобат дейдилар, кўпнинг дуоси,
Дуо қилганларнинг бўлай фидоси.
Сўзимнинг боши-ю, ҳам интиҳоси,
Дуо қилиб турайлик бир-биримизни!
ㅤㅤㅤㅤㅤㅤ