Yozish: O'z-o'zini tahlil qilish

Bu podcastni ko'rib o'zimni tahlil qildim. Uzun, manfaatli post yozmay qo'ydim. Hayotdan olgan xulosa, darslarimni tahlil qilmay qo'ydim. Nega yozmayabman? Axir yozganlarimdan insonlar ilhomlanayotgan ediku. Hech bo'lmasa fikrlarim tartiblanayotgan ediku. Ammo nima haqida yozishni bilmayabman. Xo'sh, nima haqida yozsam bo'ladi? Har kuni yozishim uchun nima qilsam bo'ladi? Menga nima yoqar edi? Topdim. Topdimu ko'zlarim charaqlab ketdi. Menga sarhisob qilish yoqadi. Faqat oy va yilni sarhisob qilmay, hafta va kunlarni ham sarhisob qilaman. Shunda ham yozish ko'nikmam oshadi, ham rivojlanaman, ham hayotdan olgan darslarimni auditoriyam bilan ulasha olaman.

P/s: Aslida bu postimni "aybnoma" deb atab, yozmay qo'yganim uchun o'zimni ayblayotgandim, lekin yoza turib yechim kelib qoldi. Yozishdagi kuchni his qildim. Menga faqat bir narsa yetishmayapti, bu sizning qo'llab-quvvatlashingiz. "Gulnavo sizga ishonamiz" yoki "Siz eplaysiz" deb yozib yuboring. Bu men uchun juda muhim.