Grammar Notes

📖Dars #118 Artikl qo'llashning aralash holatlari (III qism)

✳️ Ingliz tilida artikl ishlatishining aralash holatlarini o'rganishda davom etamiz.

1️⃣ Shaxs nomlari oldidan artikl qoʻllanilmasligini avvalgi darslardan bilamiz:
🔸 I'm ✖️Bond, ✖️James Bond.
⚠️ Ammo nazarda tutilayotgan shaxs bizga va tinglovchiga notanish ekanligini bildirmoqchi boʻlsak, shaxs nomlari oldidan noaniq artikl qoʻllanishi mumkin.
🔸 A Mr Brown is at the door. (Mr Brown ismli shaxs)
⚠️Shuningdek, shaxs nomlari mualliflikni bildirib, shu san’atkorga yoki yozuvchiga oid asarni bildirish uchun qoʻllanilganda birlikda noaniq artikl qoʻllaniladi.
🔸 I'm fond of painting, especially landscapes. A Levitan picture is hanging in my living-room.(Levitan qalamiga mansub)
⚠️ Agar bir nechta bir xil ismli shaxs mavjud boʻlib, ular orasidan bittasini ajratib koʻrsatmoqchi boʻlsak, shaxs nomlari oldidan aniq artikl qoʻllanishi mumkin.
🔸 The Mr. Brown who lives next door is very friendly.

2️⃣ Hafta kunlari va oy nomlari oldidan hech qanday artikl qoʻllanilmaydi.
🔸 I'll see you on ✖️Saturday.
⚠️ Ammo haftaning aniq kunini aytmoqchi boʻlsak, ular oldidan aniq artikl qoʻllanishi mumkin. Bunda aniqlovchi gap yoki birikma mavjud bo'ladi.
🔸 They arrived on the Saturday after my birthday party.

3️⃣ Tartib sonlar oldidan aniq artikl qoʻllanilishini bilamiz.
🔸 It is the third time Ann has been late this week.
🔸 She was the first person to know about it.
⚠️ Ammo tartib sonlari 'yana (bir)' degan ma'noda noaniq artikl bilan qoʻllaniladi
🔸 A third man entered the room. (Uchinchi (yana bir) odam xonaga kirdi)

⚠️ a first night - premera, a first prize - birinchi o'ringa mukofot iboralari ham noaniq artikl bilan qoʻllanadi.
⚠️ Ravish boʻlib kelgan first/at first iboralarida artikl qo'llanilmaydi.
🔸 ✖️First, you must shake the bottle well, then drink the water.

4️⃣ next soʻzi kelajak zamon payt ravishini bildiradigan birikmalarda artiklsiz qoʻllaniladi.
🔸 He is going to learn French ✖️next year.
⚠️ next soʻzi oʻtgan zamon payt ravishini bildiradigan birikmalar yoki ot bilan 'keyingi' degan ma'noda qoʻllanilganda har doim aniq artikl bilan qoʻllaniladi.
🔸 He suddenly arrived the next morning.
🔸 When is the next bus?

5️⃣ Undalmalarda nutq qaratilgan ot oldidan artikl qoʻllanilmaydi.
🔸 ✖️Students, hand in your tests!

❤️If you want to do some good to your friends 👉 just share this post @grammarnotes #2025 #newlessons
🔗 Kanalga qo'shiling 👇https://t.me/joinchat/AAAAAFe2P5bFTJKJKkwvyA

📖 Dars #117 Artikl qo'llashning aralash holatlari (II qism)

✳️ Ingliz tilida ba'zi so'zlar bilan artikl qo'llashning har xil qoidalari mavjud, bu ularning qaysi ma'noda yoki qanday so'z bilan qo'llanayotganiga bog'liq.

1️⃣ very - juda soʻzi sifat bilan birlikdagi ot oldidan kelganida uning oldidan noaniq artikl qoʻllaniladi. Bu yerda very daraja-miqdor ravishi hisoblanadi.
🔸Bill has bought a very expensive car.
⚠️very - naq, ayni, aynan oʻzi degan ma'nolarida kelganida aniq artikl bilan qoʻllaniladi. Bunday holatlarda very sifat so'z turkumi hisoblanadi va o'zidan keyin ot talab qiladi.
🔸You are the very person I need.

2️⃣ most - eng degan ma'noda sifatning orttirma darajasini hosil qilganda aniq artikl bilan qoʻllaniladi.
🔸That was the most boring film I've ever seen.
⚠️most soʻzi ba'zan juda (very) degan ma'noda ham keladi. Bunday hollarda birlikdagi otlar oldidan og'zaki nutqda noaniq artikl bilan qoʻllanishi mumkin.
🔸It was a most interesting story.
⚠️ most soʻzi koʻpchilik degan ma'noda ham keladi, bunday holatlarda bu soʻz umumiy ma'noda hech qanday artiklsiz qoʻllaniladi.
🔸✖️Most people learn to swim at an early age.

3️⃣ Ovqatlanish paytlarini bildiruvchi dinner/lunch/breakfast/supper soʻzlari bilan hech qanday artikl qoʻllanilmaydi.
🔸Tom has invited me to ✖️dinner on Thusday.
⚠️ Ammo, yuqoridagi soʻzlar oldidan sifat qatnashib, tasvirlash qoidasi qo'llanilsa noaniq artikl qoʻllaniladi.
🔸They had a nice dinner at the Red Lion.
🔸I usually have a big breakfast.
⚠️ Yuqoridagi soʻzlar bilan aniqlovchi ibora yoki gap qatnashgan hollarda ular oldidan aniq artikl qoʻllaniladi.
🔸The dinner we had yesterday was great. (we had yesterday - aniqlovchi gap)

4️⃣ Kun paytlarini bildiruvchi dawn/sunrise/sunset/dusk/midnight/night soʻzlari at predlogi bilan qoʻllanilganda hech qanday artikl qo'llanilmaydi.
✅ at dawn - erta tongda
✅ at sunrise - kun chiqqanda
✅ at noon - tushlikda
✅ at sunset - kun botganda
✅ at night - tunda

⚠️ morning/afternoon/evening/night soʻzlari in predlogi bilan qoʻllanilganda odatda aniq artikl bilan qoʻllaniladi.
✅ in the morning - ertalab
✅ in the afternoon - tush paytda
✅ in the evening - kechqurun
✅ in the night (during the night) - tunda, tun davomida

⚠️ Yuqoridagi soʻzlardan oldin sifat va on predlogi kelganda, ular oldidan birlikda noaniq artikl qoʻllanishi mumkin.
✅ on a rainy morning - yomg'irli tongda
✅ on a rainy night - yomg'irli tunda

5️⃣ Fasllar umumiy ma'noda qoʻllanilganda ular oldidan hech qanday artikl qoʻllanilmagani ma'qul.
🔸Birds migrate in ✖️autumn and in ✖️spring.

⚠️Agar joriy yilning yoki biror bir aniq yilning bahori/yozi/kuzi/qishi nazarda tutilgan hollarda fasllar nomlari oldidan aniq artikl qoʻllanadi.
🔸The winter was cold this year.
🔸I am going to have a long holiday in the summer. (this summer)
⚠️ Agar fasllar oldida sifat qatnashgan boʻlsa, birlikda noaniq artikl qoʻllaniladi.
🔸It was a cold winter.

❤️If you want to do some good to your friends 👉 just share this post @grammarnotes #2025 #newlessons
🔗 Kanalga qo'shiling 👇https://t.me/joinchat/AAAAAFe2P5bFTJKJKkwvyA

📖Dars #116 Artikl qo'llashning aralash holatlari (I qism)

✳️ Ingliz tilida ba'zi so'zlar bilan artikl qo'llashning har xil qoidalari mavjud, bu ularning qaysi ma'noda yoki vazifada qo'llanayotganiga bog'liq.

1️⃣Ingliz tilidagi quyidagi soʻzlar oʻz vazifasidan kelib chiqib qoʻllanilganda hech qanday artikl qoʻllanilmasligi lozim.
✅ university - universitet
✅ college - kollej
✅ school - maktab
✅ prison - turma
✅ hospital - kasalxona
✅ church - cherkov
✅ court - sud

✳️Masalan, quyidagi iboralarda bu soʻzlar oʻz vazifadan kelib chiqib qoʻllangan:
▪️go to ✖️school/✖️university/✖️college - maktab/universitet/kollejga oʻqishga bormoq
▪️be at ✖️school/✖️university/✖️college - maktab/universitet/kollejda oʻqishda boʻlmoq
▪️be in ✖️prison/be sent to ✖️prison - jinoyat qilganlik uchun qamoqda boʻlmoq/qamoqqa yuborilmoq
▪️go to ✖️church - ibodat uchun cherkovga bormoq va hakozolar.
🔸 Bill is ill in ✖️hospital.
🔸When I leave ✖️school, I want to study engineering at ✖️university.

⚠️ Yuqoridagi soʻzlar oʻz vazifasida emas, bino yoki joy sifatida qoʻllanilganda artiklning umumiy qoidasi qoʻllaniladi.
🔸Excuse me, how can I get to the university? (shahardagi universitet binosi)
🔸Sarah is a nurse. She works at the hospital. (kasalxona uning ish joyi)
🔸The workmen went to the church to repair the roof. (shahardagi cherkov binosi)

2️⃣ work -ish, home - uy, bed - yotoq soʻzlari ham odatiy, oʻz ma'nosida qoʻllanilganda artikl olmaydi. Quyidagi iboralarni yodlab oling:
✅ be at work
✅ start work
✅ finish work
✅ go to work
✅ be at home
✅ come home
✅ arrive home
✅ get home
✅ go to bed
✅ in bed
🔸I like reading books in ✖️bed.
🔸Is Tom at ✖️home? No, he is at ✖️work.

⚠️Yuqoridagi soʻzlardan bed soʻzi krovat (jihoz) sifatida tushunilganda, artiklning umumiy qoidasiga binoan qoʻllaniladi .
🔸 I enjoy sleeping on a soft bed. (tasvirlash qoidasi)
🔸He sat on the bed and began his story. (xonadagi aniq krovat)

3️⃣ Musiqa instrumentlari nomlari oldidan, agar ular oʻz vazifasida qoʻllanilganda, aniq artikl qoʻllaniladi.
▪️the piano/the guitar/the flute/the trumpet
🔸 Can you play the piano?

4️⃣ Axborot manbasi sifatida radio, Internet soʻzlari aniq artikl, television (TV) soʻzi hech qanday artiklsiz qoʻllaniladi.
✅ to listen to the radio - radio tinglamoq
✅ on the radio/Internet - radioda/Internetda
✅ to watch TV - televizor koʻrmoq
✅ on TV - televizorda
🔸I enjoy listening to the radio in the evenings.
🔸What's on ✖️TV today?

⚠️ Ammo bu otlar jihoz sifatida umumiy qoidaga koʻra qoʻllaniladi.
🔸Can you turn off the TV? (xonadagi televizor jihozi)

5️⃣ Quyidagi soʻzlar the...of+noun birikmalarida aniq artikl bilan qoʻllanadi:
▪️back/beginning/bottom/end/middle/side/top/front
🔸There was a table in the middle of the room.
🔸We are leaving for London at the beginning of July.

⚠️Biroq from ✖️beginning to ✖️end - boshidan oxirigacha, in ✖️front of - oldida iboralari artiklsiz qoʻllanadi.

❤️If you want to do some good to your friends 👉 just share this post @grammarnotes #2025 #newlessons
🔗 Kanalga qo'shiling 👇https://t.me/joinchat/AAAAAFe2P5bFTJKJKkwvyA