Геосиёсат | News

🇺🇸🇵🇸 Доналд Трампнинг Ғазо секторини босиб олиш режасига дунё давлатлари реакцияси

🇸🇦 Саудия Арабистони Ташқи ишлар вазирлиги: «Саудия Арабистони фаластинликларни ўз ерларидан сиқиб чиқаришга қаратилган ҳар қандай уринишни рад этади. Саудия Арабистони валиаҳд шаҳзодаси Муҳаммад бин Салмон қиролликнинг бу борадаги позициясини ҳеч қандай вазиятда талқинга ўрин қолдирмайдиган даражада «аниқ ва равшан тарзда» тасдиқлади»

🇩🇪 Германия ташқи ишлар вазири Анналена Бербок: Ғазо сектори фаластинликларга тегишли эканлигини ва уларни кўчириб юбориш номақбул ҳамда халқаро ҳуқуққа зид бўлишини таъкидлади.

🇬🇧 Буюк Британия ташқи ишлар вазири Девид Лемми: «Биз доимо икки давлат тамойилига интилиш кераклигини қатъий айтиб келганмиз. Биз фаластинликларнинг ўз ватани - Ғазо ва Ғарбий Соҳилда яшаб, ривожланишга қодир бўлишларини кўришимиз лозим.»

🇫🇷 Франция Ташқи ишлар вазирлиги расмий вакили Кристоф Лемуан: «Франсия яна бир бор Ғазодаги фаластин аҳолисининг мажбурий кўчирилишига қарши эканлигини билдиради, чунки бу халқаро ҳуқуқнинг жиддий бузилиши ҳисобланади»

🇪🇸 Испания ташқи ишлар вазири Албарес: “Мен бу масалага аниқлик киритмоқчиман: Ғазо - Ғазода яшовчи фаластинликлар ери ва улар Ғазода қолишлари шарт”.

🇪🇬 Миср ташқи ишлар вазири Бадр Абдулатти: Фаластин бош вазири Муҳаммад Мустафо билан Ғазони тиклаш лойиҳаларини фаластинликларни сектордан кўчирмасдан илгари суриш муҳимлигини муҳокама қилди.

🇷🇺 Кремл матбуот котиби Дмитрий Песков: «Россия Яқин Шарқдаги вазиятни фақат икки давлат тамойили асосида ҳал этиш мумкин, деб ҳисоблайди»

🇹🇷 Туркия ташқи ишлар вазири Ҳоқон Фидан: «АҚШ президенти Доналд Трампнинг Ғазони босиб олиш режаси ҳақидаги фикрларини қабул қилиб бўлмайди. Фаластинликларни четда қолдирадиган ҳар қандай режа яна-да кўпроқ можарога сабаб бўлади»

🇵🇸 ҲАМАС вакили Сами Абу Зуҳрий: «Ғазо секторидаги халқимиз бу режаларнинг амалга ошишига йўл қўймайди. Халқимизни ўз еридан ҳайдаб чиқариш ўрнига, (Исроил) босқинчилигига ва халқимизга қарши тажовузга чек қўйиш лозим»

🇵🇸 Фаластин президенти Маҳмуд Аббос: Фаластинликлар ўз ерлари, ҳуқуқлари ва муқаддас жойларидан воз кечмаслигини, Ғазо сектори Ғарбий Соҳил ва Шарқий Қуддус билан бир қаторда Фаластин давлати ҳудудларининг ажралмас қисми эканлигини таъкидлади.

🇮🇷 Эроннинг юқори мартабали амалдори: Эрон фаластинликларнинг ҳар қандай кўчирилишига қарши ва бу ҳақда турли каналлар орқали хабар берган деди.

👉 @Geosiyosatuz

🇺🇸🇷🇺 USAID ҳақиқий жиноий тармоққа айланган, айбдорлар жазоланиши керак – Володин

РФ Давлат думаси спикери АҚШ Халқаро тараққиёт агентлиги жавобгар бўлган инсониятга қарши жиноятларни санаб ўтди:

🔸Биологик қуроллар соҳасидаги тадқиқотларни молиялаштириш: биз АҚШ ва шахсан Байден ўғли билан оммавий қирғин қуролларини яратиш ва тарқатиш ортида тургани ҳақида 3 йил олдин гапирган эдик.

🔸Давлат тўнтаришларини тайёрлаш ва ташкил этиш: Украина, Грузия, Молдова, Арманистон, Қирғизистон, Куба, Никарагуа, Венесуэла – бу “демократияни ривожлантириш”да бундай ёрдамдан жабр кўрган мамлакатларнинг тўлиқ рўйхати эмас.

🔸Террорчи ташкилотларни молиялаштириш: Юз минглаб долларлар USAID томонидан жангарилар, жумладан, АҚШ ва Россияда тақиқланган “Ал-Қоида” билан алоқадор ташкилотларга ўтказилган.

🔸Гиёҳванд моддаларнинг дунё бўйлаб тарқалишига кўмаклашиш: USAID кўкнори етиштириш ва героин ишлаб чиқариш учун ишлатиладиган асбоб-ускуналар ва ўғитларга юзлаб миллион доллар сарфлаган.

👉 @Geosiyosatuz

Пирс Морган билан интервьюда Володимир Зеленский томонидан билдирилган бошқа фикрлар:

◾️ Учинчи жаҳон уруши аллақачон бошланган;

◾️ Путинга нисбатан муносабатим қандайлиги нимани ўзгартиради? Мен уни душман деб биламан, у ҳам мени шундай деб ҳисоблайди;

◾️ Агар бу Украина фуқароларига тинчлик ўрнатиш ва одамларнинг ҳаётини сақлаб қолишнинг ягона йўли бўлса, биз Путин билан учрашиш вариантини кўриб чиқамиз;

◾️ Зиддиятни ҳал қилишнинг дипломатик усулларидан фойдаланишга ўтишнинг энг тезкор йўли — Украинанинг NATO'га аъзо бўлишини кафолатлашдир;

◾️ Агар Украинанинг NATO'га қўшилиши кечиктирилса, ядровий қуролга эга бўлиш биз учун хавфсизликнинг етарли кафолатига айланиши мумкин;

◾️ Бизга ядро қуролларини беринг, ракета тизимларини етказинг, миллион кишилик армияни молиялаштиришга ёрдамлашинг. Ўз контингентингизни давлатимизнинг вазият барқарор бўлишини истаган қисмларига кўчиринг;

◾️ Мен аҳолининг 73 фоизи томонидан сайланганман ва мен ҳар доим сайлов ўтказишга очиқ эканлигимни айтиб келганман;

◾️ Уруш тугайди. Ҳарбий ҳолат бекор қилингач, албатта сайловлар бўлиб ўтади. Биз демократияни ҳимоя қиламиз;

◾️ Мен Украинада адолатли ва барқарор тинчлик ўрнатиш учун бизда етарлича ресурслар борлигини ҳис қиляпман;

◾️ Биз ҳаётимиз ва мавжудлигимиз учун курашяпмиз, бошқа чорамиз йўқ;

◾️ Ҳозирда биз барча ҳудудларимизни ўз назоратимизга қайтара олмаймиз. Биз адекват одамлармиз ва кафолатланмаган натижа учун миллионлаб одамларимизни йўқота олмаймиз;

◾️ Руслар урушни тугатишни хоҳламайдилар, шунинг учун мен уларга маъқул давлат раҳбари эмасман. Россия Украинада ҳокимият тепасига ўз “қўғирчоғини” қўйишни истайди;

◾️ Уруш бошланганда, Путин турли “воситачилар” орқали ўз ултиматумларини етказди. Унга кўра, Медведчук Украинани бошқариши,мен эса мамлакатдан кетишим керак эди. Шу сабабли биз Медведчукни ҳибсга олдик ва уни 200 нафар ҳарбий асирга алмаштирдик;

◾️ АҚШ Украина мудофаа эҳтиёжининг тахминан 30 фоизини таъминлайди. Агар Қўшма Штатларнинг ёрдами тўхтатилса, бу Европа етакчиларига таъсир қилади ва бутун коалицияни заифлаштиради. Агар биз бу кўмакни йўқотсак, нима бўлишини тасаввур қилинг. Бундай ҳолатда умумий ёрдам ҳажмининг камида 60 фоизини йўқотишимиз мумкин.

👉 @Geosiyosatuz