Геосиёсат

Ўзбекистон Республикаси Ташқи ишлар вазирлигининг баёноти

Ўзбекистон Республикаси дўст Озарбайжон Республикасининг суверенитети ва ҳудудий яхлитлигини қатъий қўллаб-қувватлайди, унинг ички ишларига ҳар қандай аралашувни қоралайди ва 2023 йил 9 сентябрь куни Қорабоғда ўтказилган қўштирноқ ичидаги президент сайловларини тан олмайди.

🇮🇷🇨🇳 Эрон ва Хитой Теҳроннинг Имом Хомайний номидаги халқаро аэропортини кенгайтириш бўйича 2,7 млрд долларлик шартнома имзолади.

Ўзбекистон Республикаси Президентининг тегишли фармонлари билан:

– Саида Шавкатовна Мирзиёева Ўзбекистон Республикаси Президентининг ёрдамчиси лавозимига;

– Азиз Юлдашевич Магрупов Ўзбекистон Республикаси Президентининг ёрдамчиси лавозимига;

– Равшан Аюбович Гулямов Ўзбекистон Республикаси Президентининг иқтисодий ривожланиш масалалари бўйича маслаҳатчиси лавозимига;

– Алишер Саидаббасович Султанов Ўзбекистон Республикаси Президентининг энергетика хавфсизлиги масалалари бўйича маслаҳатчиси лавозимига;

– Шухрат Мадаминович Ғаниев Ўзбекистон Республикаси Президентининг аграр ривожланиш масалалари бўйича маслаҳатчиси лавозимига;

– Музаффар Муротович Камилов Ўзбекистон Республикаси Президентининг дин ва миллатлараро муносабатлар масалалари бўйича маслаҳатчиси лавозимига;

– Ғофуржон Ғаниевич Мирзаев Ўзбекистон Республикаси Президентининг кадрлар сиёсати масалалари бўйича маслаҳатчиси – Ўзбекистон Республикаси Президенти ҳузуридаги Давлат хизматини ривожлантириш агентлиги директори лавозимига;

– Дониёр Бахтиёрович Кадиров Ўзбекистон Республикаси Президентининг ҳуқуқни муҳофаза қилувчи ва назорат органлари фаолиятини мувофиқлаштириш масалалари бўйича маслаҳатчиси лавозимига;

– Комил Исмоилович Алламжонов Ўзбекистон Республикаси Президенти Администрацияси Ахборот сиёсати департаментининг раҳбари лавозимига;

– Одил Қаландарович Абдурахманов Ўзбекистон Республикаси Президенти Администрацияси Ижтимоий ривожланиш департаментининг раҳбари лавозимига;

– Кахрамон Кучкарович Куранбаев Ўзбекистон Республикаси Президенти Администрацияси Ёшлар сиёсати департаментининг раҳбари лавозимига;

– Алишербек Азизович Пайгамов Ўзбекистон Республикаси Президенти Администрацияси Ташқи алоқалар департаментининг раҳбари лавозимига;

– Нодиржон Абдуқундузович Абдурахимов Ўзбекистон Республикаси Президенти Администрацияси Режалаштириш ва ахборот таъминоти департаментининг раҳбари лавозимига;

– Уткиржон Ғайратович Кодиров Ўзбекистон Республикаси Президенти Администрацияси Ҳудудлар билан ҳамкорлик қилиш ва таҳлилий материалларни тайёрлаш департаментининг раҳбари лавозимига;

– Улугбек Учкунович Курбанов Ўзбекистон Республикаси Президенти протоколининг раҳбари лавозимига;

– Шерзод Икромович Асадов Ўзбекистон Республикаси Президентининг Матбуот котиби лавозимига;

– Саидлазиз Саидасилович Саидкаримов Ўзбекистон Республикаси Президенти Администрацияси Назорат инспекциясининг бошлиғи лавозимига тайинланди.

🇬🇧 Буюк Британияга ишлаш ёки ўқиш учун келган хорижликлар сони июнь ойигача бўлган даврда 27 фоизга ошган, деб ҳисоблайди мамлакатнинг Меҳнат ва пенсиялар вазирлиги.
Вазирлик маълумотларига кўра, июнь ойигача бўлган 12 ой ичида миллий суғурта рақамини (NINo) олган вояга етган чет эл фуқаролари сони рекорд даражага - 1,112 миллионга етди, бу 2022 йилнинг июнигача бўлган даврдагига нисбатан 877 мингдан ортиқ. NINo олиш фуқарога Буюк Британияда ишлаш ва ўқиш имконини беради.
Янги NINo эгаларининг аксарияти - 961 мингтаси - Европа Иттифоқидан ташқаридаги мамлакатлардан. Шу билан бирга, сўнгги 20 йил ичида янги рўйхатга олинган суғурта рақамларининг асосий улуши кўпинча Европа Иттифоқи давлатлари вакилларига тўғри келди, дея таъкидлайди Financial Times.
Жорий йилнинг июнь ойигача бўлган даврда NINo олувчилар сони бўйича етакчи Ҳиндистон (279 минг), иккинчи ўринни Нигерия (133 минг), учинчи ўринни Украина (75 минг), тўртинчи ўринни Покистон (65 минг), бешинчисини эса Руминия (36 минг) эгаллаган.

🇮🇱🇸🇦 Исроил ва Саудия Арабистони 2024 йил бошида дипломатик муносабатлар ўрнатиш бўйича келишув имзолаши мумкин. Исроилнинг юқори мартабали мулозимининг Ynet нашрига маълум қилишича, томонлар шундай сценарийни муҳокама қилмоқда.
Исроил ва Саудия Арабистони ўртасида дипломатик алоқалар мавжуд эмас. 2005 йилда Саудия Арабистони Жаҳон Савдо Ташкилотига аъзо бўлгач, Исроилга нисбатан иқтисодий бойкотини бекор қилганди.

🇹🇯🇰🇿 Тожикистон президенти Эмомали Раҳмон 25-26 август кунлари амалий ташриф билан Қозоғистонда бўлади.
Ташриф доирасида олий даражадаги музокаралар ўтказилади, унда савдо-иқтисодий, транспорт-логистика ва сармоявий ҳамкорлик масалалари кўриб чиқилади.
Икки давлат раҳбарлари, шунингдек, Қозоғистонда Тожикистон маданият кунларининг очилиш маросимида ва Тожикистон қишлоқ хўжалиги маҳсулотлари кўргазмасида иштирок этишади.

🇺🇿 Ўзбекистон Статистика агентлигининг дастлабки маълумотларига кўра, 2023 йилнинг январь-июль ойларида Ўзбекистон экспортида юқори улушга эга бўлган давлатлар:
🇷🇺 Россия – 1,6 млрд,
🇨🇳 Хитой – 1,5 млрд,
🇹🇷 Туркия – 842 млн,
🇰🇿 Қозоғистон – 808 млн,
🇦🇫 Афғонистон – 467 млн,
🇰🇬 Қирғизистон – 464 млн,
🇹🇯 Тожикистон – 337 млн,
🇫🇷 Франция – 240 млн,
🇦🇪 БАА – 133 млн,
🇵🇰 Покистон – 122 млн АҚШ доллари.

🇰🇿 Бугун, 19 март куни Қозоғистонда мамлакат парламенти қуйи палатаси (Мажилис) ва ҳокимиятнинг барча минтақавий вакиллик органлари (маслиҳатлар)га сайловлар бўлиб ўтади.

🇺🇿 «Ўзбекистон Республикаси Конституцияси тўғрисида»ги Ўзбекистон Республикаси Конституциявий қонуни лойиҳаси матни эълон қилинди.