GENERAL MEDITSINA🩺UZB

Sun’iy nafas berish usullari va bajarish texnikasi.
SO’V qoidalari:

1. «Bemorning o’pkasi – reanimator o’pkasi» sistemasi germetikligini ta’minlash.

2. Ko’krak qafasiga puflaganda u ko’tarilib, sung pasayishini (eshitib ko’rish ham mumkin) nazorat qilish.

3. Nafas yo’llari normal o’tkazuvchanligini ta’minlash (kerak bo’lsa, havo o’tkazgichdan foydalaniladi).

4. Shaxsiy xavfsizlikni esdan chiqarmaslik (infeksiya va h.k).

SO’V ekspirator usullari – jabrlanuvchining o’pkasiga (uning og’zi yoki burnidan) reanimator tomonidan puflab havo berish. Bu usullardan har kanday holatda ham foydalanish mumkin. Bemor o’pkasiga reanimator o’pkasidan chiqayotgan havo kiradi, uning tarkibida 16-18% kislorod bo’ladi. Bu hyech narsadan ko’ra yaxshidir, bunda ko’krak kafasi ekskursiyasi ko’rinib turishi kerak.

Yurak to’xtagandan so’ng boshlangan havo bilan SO’V, bir necha minut keyingi kislorodli SO’V dan ko’prok foyda keltiradi.

P.Safarning uchlik usuli Niqob orqali SNO o’tkazish


Og’izdan-og’izga – bu usul bilan SO’V qilinganda, bir ko’l bilan bemorning boshini orqaga bukiladi (qayiriladi). Katta va ko’rsatkich barmoqlar bilan burun kataklari qisib berkitiladi. Ikkinchi qo’l bilan bo’yinni orqaga bukiladi (nafas yo’llari o’tkazuvchanligini ta’minlash). Chukur nafas olinib, lablarni bemorning lablariga yopishtiriladi va kuch bilan bemorning o’pkasiga havo puflanadi. Bunda bemorning ko’krak qafasi ko’tarilishi kerak. Og’izni og’izdan olinganda passiv nafas chiqarish sodir bo’ladi (ko’krak qafasi pasayishi hisobiga). Bemorning ko’krak qafasi pasayib, dastlabki holatiga kelgach, ikkinchi nafasni berish mumkin.

Agar og’izni ochishning imkoniyati bo’lmasa, yoki ayrim sabablarga ko’ra (og’iz sohasi shikasti) bu usulni ko’llashni iloji bo’lmasa, og’izdan burunga usulini ko’llash lozim.

BIRINChI BOSQICh IKKINChI BOSQICh

Og’izdan-burunga – bu usul ko’llanilganda bir qo’l bilan bemorning boshi orqaga qayiriladi, ikkinchisi bilan pastki jag’ni tortib oldinga siljitiladi. Og’iz yopiladi. Chuqur nafas olinib, lablar bilan burun qoplanadi va puflanadi. Bemorning o’pkasini har 5 soniyada shishirish kerak (1 minut da 12 marta). Yangi tug’ilgan chaqaloqlarda havoni bir vaktning o’zida og’iz va burunga puflanadi (gudakning yuzi juda kichkinaligi uchun). Puflash tezligi 1 minut da 20 marta bo’lishi kerak.

@General_Meditsina