G’ofurjon Abdurahmonov

25-mart kuni barcha hududlarda ehson dasturxonlari yozilib, iftorlik marosimi oʻtkazildi.

Prezident Shavkat Mirziyoyev Toshkent shahrida oʻtgan iftorlikda ishtirok etdi. Tadbir avvalida davlatimiz rahbari xalqimizni va jamiki musulmon ummatini muborak Ramazon oyi bilan yana bir bor tabrikladi.

Ushbu sharofatli oyda goʻzal diyorimizda Andijon shahrimizda ham Gʻofurjon Abdurahmonov boshchiligida mana shunday fayzli iftorlik marosim tashkil etildi.

Ushbu marosimda shahrimizning nuroniy otaxonu onaxonlari va mahalla raislari hamda jamoatchilik vakillari ishtirok etdilar.

Iftorlik samimiy va iliq muhitda oʻtib, Qurʼani karim tilovat qilindi, ezgu duolar qilindi. Tadbirda Ramazon oyining insoniylik, saxovat va birdamlik ramzi ekani taʼkidlanib, xalqimiz tinchligi va farovonligi uchun yaxshi niyatlar bildirildi.

🌐Telegram I 🌐Instagram I 🌐
Facebook

Bugun, an’anaga ko‘ra, Prezident Shavkat Mirziyoyev iftorlik tadbirida ishtirok etadi. Barcha hududlarda yoziladigan iftorlik dasturxonlariga nuroniylar, mehnat faxriylari, ulamolar va ziyolilar, turli din va konfessiyalar vakillari, nogironligi bor va ehtiyojmand yurtdoshlarimiz, jami 60 ming nafarga yaqin kishi taklif qilingan.

🌐Telegram I 🌐Instagram I 🌐
Facebook

💚 Navro‘z arafasida Andijon shaharda yangi ijtimoiy xizmatlar markazi ish boshladi

🧠 Andijon hududiy ijtimoiy xizmatlar markazi – yordamga muhtoj bolalar, yoshlar, nogironligi bor shaxslar va qariyalar uchun g‘amxo‘rlik va qo‘llab-quvvatlashni ta’minlovchi muhim maskan.

👫 Bu yerda bolalar uchun fizioterapiya bo‘limlari, yetim bolalar uchun kichik uylar, kunduzgi guruhlar, erta rivojlantirish va kasb-hunar o‘rgatish markazlari faoliyat yuritadi. Shuningdek, og‘ir hayotiy sharoitga tushgan yoshlar va kattalar uchun kompleks reabilitatsiya va ta’lim dasturlari amalga oshiriladi.

«Ushbu markaz – kelajak sari tashlangan muhim qadamimiz. Bu yerda har bir inson g‘amxo‘rlik va qo‘llab-quvvatlashni his qiladi. Shu maskanda yangi orzular paydo bo‘lishi, ertangi kunga ishonch mustahkamlanishi va ezgulik hayotga tatbiq etilishi nasib etsin!»
– Ijtimoiy himoya agentligi birinchi o‘rinbosari Shahnoza Mirziyoyeva

🌐Telegram I 🌐Instagram I 🌐
Facebook

Andijon shahrida Navroʻz bayrami munosabati bilan keng koʻlamli tantanali tadbirlar oʻtkazildi.

Markaziy bayram tadbiri shahrimizda joylashgan Nodirabegim istirohat bogʻida boʻlib oʻtdi va shahar hokimi barcha qatnashchilar va mehmonlarga Prezidentimiz nomidan bayram tabriklarini yetkazib oʻtdi.

Navroʻz sayli Andijon shahar hokimligi, Mahalla yettiligi, Maktabgacha va maktab ta'limi bo'limi, shahar obodonlashtirish boshqarmasi xodimlari, Madaniyat va sanʼat ustalari, talaba-yoshlar va keng jamoatchilik ishtirokida yuqori saviyada tashkil etilib bayram dasturxoni yozildi.

Tadbir doirasida, milliy taomlar festivali, xalq oʻyinlari, sport musobaqalari va madaniy-ijodiy chiqishlar namoyish etildi. Koʻplab sanʼatkorlar, folklor jamoalari va estrada ijodkorlari ishtirokida bayram konsert dasturi taqdim etildi.

🌐Telegram I 🌐Instagram I 🌐
Facebook