FUTGOL

U otasiga: “Dada, Kilian sizdan yaxshiroq” desa, Ronaldu o‘g‘liga: “Kim ko‘proq gol urgan?” deya javob beryapti ekan.

Tan olaman: Husanov va Marmushni bugungi o‘yinda “Siti” asosiy tarkibida ko‘rib hayron bo‘ldim.

Biroq ikki yangi o‘yinchisini raqobatchilaridan biriga qarshi o‘yinda asosiy tarkibda tushiryaptimi, demak, Pepning tarkib borasida muammolari jiddiy (ikkalasi hisobida hozir 2 ta o‘tkazilgan mashg‘ulot bor, 10 ta mashg‘ulotda ham aslida moslashib olish qiyin)…

Abduqodir uchun hozir eng asosiysi — o‘ziga kelib olish va o‘z o‘yinini ko‘rsatish.

Gvardiola shunchaki sadist. Jamoangga 20 yoshli bola keldi, u hali hech narsani tushungani yo‘q, atigi 1 marta mashg‘ulotda qatnashdi. Husanovda hali akklimatizatsiya yo‘q, u hali qayerda ekanligini ham anglab yetgani yo‘q. Pep esa uni darhol asosiy tarkibga, bo‘lganda ham “Chelsi”ga qarshi o‘yinda tashlayapti. Yana shunday mas’uliyatli pozitsiyaga.

Aslida bunday qilish umuman mumkin emas, u esa bolani “burdalab tashlash”ga yo‘l qo‘yib berdi. Shu boisdan uning jamoaga moslashuvi cho‘zilib ketishi va ruhiyati sinib qolishi mumkin.

Husanovning bu o‘yindagi xatolari — Gvardiolaning bitta katta xatosi natijasidir.