SUD AMALIYOTI || HUQUQIY BLOG

⚡️Nodavlat (xususiy) oliygohlardan davlat oliygohlariga imtihonsiz o‘qishni ko‘chirish

Prezident qarori (15.06.2022-y, PQ-279-son)ga asosan Respublikada faoliyat yuritayotgan nodavlat (xususiy) va xorijiy OTM filiallaridan davlat oliy ta'lim muassasalariga 2 xil yo‘l bilan o'qishni ko'chirishi mumkin.

➡️ Mos va turdosh ta'lim yo'nalishlariga o'qishni ko'chirganda alohida iqtidor talab etiladigan ta’lim yo‘nalishlari bo‘yicha kasbiy (ijodiy) imtihonlar, boshqa ta’lim yo‘nalishlari bo‘yicha test sinovlari asosida;

➡️ Davlat oliy ta’lim muassasalarining mos va turdosh bo‘lmagan ta’lim yo‘nalishlariga ko‘chirish o‘rnatilgan tartibda, tegishli bakalavriat ta’lim yo‘nalishi uchun belgilangan tabaqalashtirilgan to‘lov-kontraktning minimal miqdoriga teng bo‘lgan bir martalik to‘lov asosida amalga oshiriladi:

✔️ Ya'ni, nodavlat oliygohlardan davlat oliygohlarining noturdosh ta'lim yo'nalishlariga tabaqalashtirilgan to‘lov-kontraktning minimal miqdoriga teng bo‘lgan bir martalik to‘lov asosida imtihonsiz o‘qishni ko‘chirish mumkin.



Kanalga ulanish 👇
https://t.me/Fuqarolik_sud

❗️Maktabgacha va maktab ta’limi tashkilotlari xodimlarini kasbiy rivojlantirishning vertikal tizimi yo‘lga qo‘yiladi

✅ Qarorga ko‘ra, 2025 yil 1 yanvardan maktabgacha va maktab ta’limi tashkilotlari xodimlarini kasbiy rivojlantirishning quyidagi tartibi joriy etiladi, jumladan:

🔹maktabgacha va maktab ta’limi tashkilotlari xodimlarini kasbiy ehtiyojlari va malaka toifasidan kelib chiqib tabaqalashgan ta’lim dasturlari asosida uzluksiz kasbiy rivojlantirishning vertikal tizimi (vazirlik – malaka oshirish muassasasi – ta’lim tashkiloti) yo‘lga qo‘yiladi;

🔹maktabgacha va maktab ta’limi tashkilotlarining xodimlari uchun 5 yilda bir marotaba ishdan ajralgan holda o‘tkaziladigan malaka oshirish kurslari joriy qilinadi.

✔️ 2025 yil 1 yanvardan pedagog va mutaxassis kadrlar kasbiy rivojlanishining uzluksizligini ta’minlash maqsadida barcha umumiy o‘rta ta’lim muassasalarida malaka oshirishning “Kasbiy rivojlanish soati”, tayanch umumiy o‘rta ta’lim muassasalarida esa, shuningdek, “Kasbiy rivojlanish kuni” kabi shakllari bosqichma-bosqich joriy etiladi.

🗓 2024 yil 1 iyuldan maktabgacha va maktab ta’limi tashkilotlari xodimlarining xorijda malaka oshirish kurslarida o‘qiganligi yoki stajirovkadan o‘tganligi haqidagi hujjatlari (diplom, sertifikat, guvohnoma va boshqalar) milliy uzluksiz kasbiy rivojlantirish tizimida malaka oshirganlik to‘g‘risidagi hujjat sifatida tan olinadi.

📁 2025 yil 1 yanvargacha Institut va Hududiy markazlarga kamida bir nafardan nufuzli xorijiy oliy ta’lim tashkilotlarini bitirgan chet ellik mutaxassislar jalb qilinadi.



Kanalga ulanish 👇
https://t.me/Fuqarolik_sud

❗️Diqqat

⚡️2024 yil 1-apreldan boshlab birinchi farzanddan tashqari bolalarga "SUYUNCHI PULI" berilishi to‘xtatilgan

📄 Vazirlar Mahkamasining 04.03.2024 yil kungi 110-son "O‘zbekiston Respublikasi Hukumatining ayrim qarorlariga ba’zi ijtimoiy nafaqalarni to‘lash tartibini takomillashtirishga qaratilgan o‘zgartirish va qo‘shimchalar kiritish to‘g‘risida"gi qarori bilan, Hukumatning 2023 yildagi 550-son qaroriga tegishli o‘zgartirish kiritilgan.

❗️Kiritilgan o‘zgartirishga ko‘ra, 2024 yil 1-apreldan boshlab farzand tug‘ilganda beriladigan bir martalik nafaqa puli:

➖ birinchi farzandi uchun — barcha ayollarga;

➖ ikkinchi farzandi uchun — farzand tug‘ilgan paytda «Ijtimoiy himoya yagona reyestri» axborot tizimiga kiritilgan oilaning a’zosi bo‘lgan ayollarga rasmiylashtiriladi.

❗️Qolgan barcha holatlarda farzand tug‘ilganda beriladigan bir martalik nafaqa pulini rasmiylashtirish rad etiladi deb belgilangan.



Kanalga ulanish 👇
https://t.me/Fuqarolik_sud

#savol

⁉️ Ukam hozirgi kunda muddatli harbiy xizmatni o‘tamoqda. Eshitishim bo‘yicha muddatli harbiy xizmatga ketgan shaxslarning oila a’zolari bir yil davomida mol-mulk solig‘idan ozod qilingan ekan. Shu gap rostmi yoki qonunchilikda bunday norma yo‘qmi ?

‼️ Muddatli harbiy xizmatni o‘tayotgan shaxslarning oila a’zolari xizmatga ketgan shaxsning xizmatni o‘tash davrida mol-mulk solig‘idan ozod etilishi bo‘yicha norma qonunchilikda bundan ancha yillar avval bo‘lgan edi lekin, hozirda amalda bo‘lgan Soliq kodeksida bunday norma mavjud emas.

📄 Amaldagi Soliq kodeksining 421-moddasida kimlarga mol-mulk solig‘i bo‘yicha imtiyoz berilishi ko‘rsatib o‘tilgan bo‘lib, muddatli harbiy xizmatni o‘tayotgan shaxslarning oila a’zolari bu ro‘yxatga kiritilmagan.



Kanalga ulanish 👇
https://t.me/Fuqarolik_sud

‼️BUGUN QABULNING OXIRGI KUNI

O’rtoqlar, bugun davlat OTMlari uchun qabul tugaydi. Abituriyentlar my.uzbmb.uz sayti orqali soat 23:59 ga qadar ro’yxatdan o’tishlari mumkin.

Imkon qadar oxiriga taqamang, kun davomida ro’yxatdan o’ting. Kun oxiriga borib, serverga yuklama ko’paysa, kutilmagan texnik nosozlik bo’lishi ham mumkin.

❗️TO’LOVNI AMALGA OSHIRISHNI HAM UNUTMANG!

To’lov qilmaganlar testga kiritilmaydi.

Barchaga omad!


Kanalga ulanish 👇
https://t.me/Fuqarolik_sud

#bilasizmi

Xodim ishdan bo‘shayotganda ish beruvchi ishdan bo‘shatish nafaqasini to‘laydi.

Ko‘pchilik ish beruvchilar tomnidan xodim bilan mehnat shartnomasi bekor qilinganda unga ishdan bo‘shatish nafaqasini to‘laslik bilan bog‘lik holatlarning guvohi bo‘lamiz. Mazkur postda qachon ishdan bo‘shatish nafaqasi to‘lanishi va uning miqdorlari haqida gaplashamiz.

Mehnat kodeksning 173-moddasidaga asosan quyidagi asoslar bilan xodim bilan mehnat shartnomasi bekor qilinganda ish beruvchi unga ishdan bo‘shatish nafaqasini to‘lagsha majbur:

👉 Mehnat shartnomasi ish beruvchining tashabbusiga ko‘ra bekor qilinganda. Bundan shartnoma xodimning aybli harakatlari (harakatsizligi) bilan bog‘liq asoslar bo‘yicha bekor qilinganligi mustasno.

👉 Xodimning harbiy yoki muqobil xizmatga chaqirilganligi munosabati bilan mehnat shartnomasi bekor qilinganda.

👉 Shu ishni ilgari bajarib kelgan xodimning avvalgi ishga tiklanganligi munosabati bilan mehnat shartnomasi bekor qilinganda.

👉 Tashkilotni tugatish yoki ish beruvchi bo‘lgan yakka tartibdagi tadbirkor faoliyatini tugatish to‘g‘risidagi sud qarorining qonuniy kuchga kirganligi munosabati bilan mehnat shartnomasi bekor qilinganda.

👉 Ishga qabul qilishga doir belgilangan qoidalarning buzilganligi, agar yo‘l qo‘yilgan qoidabuzarlikni bartaraf etish imkoni bo‘lmasa va u ishni davom ettirishga to‘sqinlik qilgani munosabati bilan mehnat shartnomasi bekor qilinganda.

👉 Qonunchilikka muvofiq mehnatga oid munosabatlarni davom ettirishga monelik qiladigan holatlar yuzaga kelganligi munosabati bilan mehnat shartnomasi bekor qilinganda.

👉 Xodim yangi mehnat shartlarida ishni davom ettirishni rad etganligi munosabati bilan mehnat shartnomasi bekor qilinganda

👉 Xodim tibbiy xulosaga muvofiq sog‘lig‘ining holatiga ko‘ra o‘ziga qarshi ko‘rsatma bo‘lmagan boshqa ishga o‘tkazishni rad etganligi yoxud ish beruvchida tegishli ish bo‘lmaganligi munosabati bilan mehnat shartnomasi bekor qilinganda.

👉 Xodim ish beruvchi bilan birga boshqa joydagi ishga ko‘chishni rad etganligi munosabati bilan mehnat shartnomasi bekor qilinganda.

Ishdan bo‘shatish nafaqasi qancha miqdorda to‘lanadi?

Ishdan bo‘shatish nafaqasining miqdori mazkur ish beruvchidagi ish stajiga bog‘liq
👉 uch yilgacha ish stajiga ega bo‘lgan xodimlar uchun — o‘rtacha oylik ish haqining ellik foizidan;
👉 uch yildan besh yilgacha ish stajiga ega bo‘lgan xodimlar uchun — o‘rtacha oylik ish haqining yetmish besh foizidan;
👉 besh yildan o‘n yilgacha ish stajiga ega bo‘lgan xodimlar uchun — o‘rtacha oylik ish haqining yuz foizidan;
👉 o‘n yildan o‘n besh yilgacha ish stajiga ega bo‘lgan xodimlar uchun — o‘rtacha oylik ish haqining bir yuz ellik foizidan;
👉 o‘n besh yildan ortiq ish stajiga ega bo‘lgan xodimlar uchun — o‘rtacha oylik ish haqining ikki yuz foizidan kam bo‘lishi mumkin emas.


Kanalga ulanish 👇
https://t.me/Fuqarolik_sud

❗️O‘TGAN DAVR UCHUN PENSIYA TO‘LASH

📄 "Fuqarolarning davlat pensiya ta’minoti to‘g‘risida"gi Qonunning 59-moddasiga asosan,

➖ pensionerga hisoblab chiqarib qo‘yilgan, lekin uning tomonidan o‘z vaqtida talab qilib olinmagan pensiya puli pensiyani olish maqsadida murojaat etilganidan oldingi yigirma to‘rt oydan oshmagan davr uchun to‘lanadi.

❗️Pensiyani tayinlovchi yoki to‘lovchi organning aybi bilan o‘z vaqtida olinmay qolgan pensiya puli o‘tgan davr uchun muddati cheklanmagan holda to‘lanadi.


Kanalga ulanish 👇
https://t.me/Fuqarolik_sud

Mehnat ta’tili puli qachon to‘lanishi kerak?

Mehnat kodeksining 233-moddasiga aosan Har yilgi mehnat ta’tili vaqti uchun haq to‘lash jamoa shartnomasida, ichki hujjatlarda yoxud mehnat shartnomasida belgilangan muddatlarda, biroq ta’til boshlanguniga qadar oxirgi ish kunidan kechiktirmay amalga oshiriladi.

Kechiksa kompensatsiya to‘lanadimi?

Albatta to‘lanishi kerak. Mehnat kodeksining 333-moddasiga asosan Ish beruvchi ish haqini, ta’til to‘lovlarini, mehnat shartnomasi bekor qilingandagi to‘lovlarni va (yoki) xodimga to‘lanishi lozim bo‘lgan boshqa to‘lovlarni to‘lash muddatini buzgan taqdirda, ularni to‘lov muddatidan keyingi kundan e’tiboran to haqiqatda hisob-kitob qilingan kunni o‘z ichiga olgan muddatgacha har bir kechiktirilgan kun uchun O‘zbekiston Respublikasi Markaziy bankining o‘sha vaqtda amalda bo‘lgan qayta moliyalashtirish stavkasidan kelib chiqqan holda foizlar (pulli kompensatsiya) bilan birga to‘lashi shart.


Kanalga ulanish 👇
https://t.me/Fuqarolik_sud

❗️MEHNAT NIZOLARI BO‘YICHA SUDGA MUROJAAT QILISH MUDDATLARI

📄 Amaldagi Mehnat kodeksining 560-moddasiga asosan,

➖ yakka tartibdagi mehnat nizosining ko‘rib chiqilishi uchun sudga murojaat qilishning quyidagi muddatlari belgilanadi:

✅ ishga tiklash to‘g‘risidagi nizolar bo‘yicha — xodimga u bilan mehnat shartnomasi bekor qilinganligi haqidagi ish beruvchi buyrug‘ining ko‘chirma nusxasi topshirilgan kundan e’tiboran uch oy;

✅ xodim tomonidan ish beruvchiga yetkazilgan moddiy zararning o‘rnini qoplash to‘g‘risidagi nizolar bo‘yicha — ish beruvchi zarar yetkazilganligini aniqlagan kundan e’tiboran bir yil;

✅ boshqa mehnat nizolari bo‘yicha — xodim o‘zining huquqi buzilganligi to‘g‘risida bilgan yoki bilishi kerak bo‘lgan kundan e’tiboran olti oy.

❗️Xodimning hayotiga va sog‘lig‘iga yetkazilgan ziyonning o‘rnini qoplash to‘g‘risidagi nizolar bo‘yicha, shuningdek xodimga yetkazilgan ma’naviy ziyonni kompensatsiya qilish haqidagi nizolar bo‘yicha sudga murojaat etish muddati belgilanmaydi.



Kanalga ulanish 👇
https://t.me/Fuqarolik_sud

❗️YIRTILGAN, BO‘YALGAN, CHIZILGAN, TESHILGAN, KUYGAN PULLAR XAM YAROQSIZ XISOBLANMAYDI..

📄 O‘zbekiston Respublikasi Markaziy banki Boshqaruvining 29.06.2018 yil kungi 3028-son qarori bilan tasdiqlangan reglamentga ko‘ra, O‘zbekiston Respublikasi hududida qonuniy to‘lov vositasi hisoblangan va ularning haqiqiyligi shubha tug‘dirmaydigan, tegishli himoya belgilariga ega bo‘lgan hamda yetarli miqdorda o‘zining hajmini saqlab qolgan O‘zbekiston Respublikasi Markaziy bankining banknot va tangalari to‘lovga yaroqli hisoblanadi.

❗️Respublikamiz hududida quyidagi banknotlar hech qanday muammosiz to‘lovga qabul qilinishi va banklarga topshirilishi mumkin:

➖ yirtilib bo‘laklarga ajralgan va yelimlangan (✏️ skochlangan😃) pullar — agar pulning qismlari shubhasiz bitta banknotga tegishli bo‘lsa;

✏️ Bu degani yirtilib "skochlanayotgan" 100 mingtalik yarimta pulning ikkinchi yarmi boshqa yuz mingtalikni yarmi bo‘lmasligi kerak degani yoki yuz mingtalik yarimta pulga 50 mingtalikni yarmini ulab 150 minglik go‘sh bervoring deb magazinga borib o‘tirmang degani bu

➖ bo‘yoq moddalari yoki kislota to‘kilgan, tabiiy rangi o‘zgargan, kuygan, bo‘yalgan yoki chizilgan pullar;

➖ umumiy hajmining 55 foizidan kam bo‘lmagan qismini saqlab qolgan banknotlar.

✏️ Bitta pulni 100 foiz deb oladigan bo‘lsak, shuni yarmidan sal ko‘prog‘i, ya’ni 55 foizi omon qolgan pul muomalaga layoqatli pul xisoblanadi

➖ har qanday qismida teshik yoki yirtilish bo‘lgan, qog‘ozi siyqalangan (ishqalanish oqibatida yupqalashib, yumshoq qog‘oz ko‘rinishiga kelib qolgan) hamda dog‘lari bo‘lgan va turli rasm va yozuvlar yozilgan banknotlar.


Kanalga ulanish 👇
https://t.me/Fuqarolik_sud

⁉️ O‘qishga kirish uchun minimal o‘tish ballari qanchaga ko’tariladi?

Bu haqda oliy ta’lim, fan va innovatsiyalar vaziri Qo’ng’irotboy Sharipov ma’lum qildi.

Joriy yilda barcha yo’nalishlar uchun minimal o’tish bali oshiriladi, endi avvalgidek 56,7 ball bilan o’qishga kirish imkoni bo’lmaydi.

Keyingi yilda esa, o’tish bali yanada oshiriladi.

✅ Joriy yilgi, ya’ni 2024-2025- o’quv yili uchun o’tish ballari:

• sog‘liqni saqlash, huquq, biznes va boshqaruv yo‘nalishlari uchun – 75,6 ball;

• boshqa yo‘nalishlar uchun – 66,5 ball etib belgilanadi.

✳️ Kelasi yili, ya’ni 2025-2026- o’quv yili uchun o’tish ballari:

• sog‘liqni saqlash, huquq, biznes va boshqaruv yo‘nalishlari uchun – 94,5 ball;

• boshqa yo‘nalishlar uchun – 75,6 ball etib belgilanadi.



Kanalga ulanish 👇
https://t.me/Fuqarolik_sud

Mobil radardan kelgan jarima noqonuniy rasmiylashtirilgan bo‘lsa, to‘langan jarima pulini qaytarish mumkinmi?

✅ Bu holatda siz fuqarolik ishlari bo‘yicha sudga moddiy zararni qoplash bo‘yicha da’vo arizasi bilan murojaat qilishingiz lozim. Bunda jarimalarni bekor qilish haqidagi sudning qarorini asos qilishingiz lozim. Bu holatda sizning ortiqcha to‘lagan pul summangiz hamda ushbu jarimalarni bekor qilishga ketgan xarajatlaringiz zarar hisoblanadi.

Fuqarolik kodeksining 991-moddasi birinchi qismida:
qonunga xilof tarzda hukm etish, qonunga xilof tarzda jinoiy javobgarlikka tortish, ehtiyot chorasi sifatida qamoqqa olishni yoki munosib xulq-atvorda bo‘lish haqida tilxat olishni qonunga xilof qo‘llanish, qamoq tariqasidagi ma’muriy jazoni qonunga xilof tarzda berish, shuningdek har qanday qiynoqqa solish va boshqa shafqatsiz, g‘ayriinsoniy yoki qadr-qimmatni kamsituvchi muomala hamda jazo turlarini qo‘llash natijasida fuqaroga yetkazilgan zarar tergovga qadar tekshiruvni amalga oshiruvchi organlar, surishtiruv, dastlabki tergov, prokuratura organlari va sudning mansabdor shaxslari aybidan qat’i nazar, qonunda belgilangan tartibda davlat tomonidan to‘la hajmda to‘lanishi belgilangan.

☝️Aynan shu qoidaga muvofiq siz DYHXX organi qarorlarining noqonuniyligi oqibatida o‘zingizga yetkazilgan zararni undirishingiz mumkin.

❓Zarar qanday aniqlanadi?

Fuqarolik kodeksining 14-moddasi qoidalari qo‘llaniladi. Ushbu normaning birinchi qismida huquqi buzilgan shaxs o‘ziga yetkazilgan zararning to‘la qoplanishini talab qilishi mumkinligi belgilangan.

✅ Shunga ko‘ra sizdagi vaziyatda o‘zingizga yetkazilgan zararni to‘liq hajmda undirish huquqi mavjud.

Bunda ushbu norma ikkinchi qismiga binoan zarar deganda, huquqi buzilgan shaxsning buzilgan huquqini tiklash uchun qilgan yoki qilishi lozim bo‘lgan xarajatlari, uning mol-mulki yo‘qolishi yoki shikastlanishi (haqiqiy zarar), shuningdek bu shaxs o‘z huquqlari buzilmaganida odatdagi fuqarolik muomalasi sharoitida olishi mumkin bo‘lgan, lekin ololmay qolgan daromadlari (boy berilgan foyda) tushuniladi.

❗️Demak, siz ham o‘zingizga yetkazilgan zarar miqdorini isbotlab beradigan bo‘lsangiz, undirishingiz mumkin bo‘ladi. Yuqorida aytilganidek, buning uchun fuqarolik sudiga da’vo qilishingiz lozim.


Kanalga ulanish 👇
https://t.me/Fuqarolik_sud

#bilasizmi

MEHNAT SHARTNOMASINI BEKOR QILISH VAQTIDA XODIMNING MEHNAT TA’TILIDAN FOYDALANISH HUQUQI

⚖️Mehnat kodeksining 235-moddasiga asosan jamoa shartnomasida, boshqa ichki hujjatlarda, mehnat shartnomasida yoki xodim va ish beruvchi o‘rtasidagi kelishuvga ko‘ra mehnat shartnomasini bekor qilish chog‘ida (bundan mehnat shartnomasi xodimning aybli harakatlari (harakatsizligi) uchun bekor qilingan hollar mustasno) foydalanilmagan har yilgi mehnat ta’tillarini keyinchalik mehnatga oid munosabatlarni tugatgan holda xodimning yozma arizasi asosida berish nazarda tutilishi mumkin.

👉Mehnat shartnomasini uning muddati tugashi munosabati bilan bekor qilish chog‘ida keyinchalik mehnat shartnomasini bekor qilgan holdagi ta’til har yilgi mehnat ta’tilining vaqti ushbu shartnoma muddatining chegarasidan to‘liq yoki qisman chiqib ketganda ham berilishi mumkin bunda har yilgi mehnat ta’tilining oxirgi kuni mehnat shartnomasi bekor qilinadigan kun deb hisoblanadi.

👉Xodimning tashabbusiga ko‘ra keyinchalik mehnat shartnomasini bekor qilgan holda har yilgi mehnat ta’tilini berish chog‘ida ushbu xodim mehnat shartnomasini bekor qilish to‘g‘risidagi arizasini o‘zining mehnat ta’tili boshlanadigan kunga qadar chaqirib olish huquqiga ega.

⚠️Buni qo‘llashning to‘g‘ri va qonuniy yo‘li – masalan xodim MKning 160-moddasi talabiga ko‘ra 14 kalendar kun oldin ish beruvchi nomiga ariza yozib, unda mehnat ta’tilidan foydalangan so‘ng, mehnat shartnomasini bekor qilishni so‘rashi mumkin va shundagina ta’til boshlangunga qadar o‘z arizasini qaytarib olishi nazarda tutilmoqda.

🚫Agar shu joyda xodim tashabbusi emas, MKning 157-moddasi talabidan kelib chiqib, mehnat shartnomasini taraflarning kelishuviga ko‘ra bekor qilish haqida kelishuv tuzilib, unda avval ta’tildan foydalanib, so‘ng mehnat shartnomasini bekor qilish ko‘zda tutilgan bo‘lsa xodim bu holatda otrtga qaytish (ya’ni, arizani qaytarib olish) huquqidan mahrum bo‘ladi.

✔️Demak, yuqiridagilarga koʻra to‘rtta holatda ta’tillardan foydalanish mumkin bo‘lar ekan, ular:
➖jamoa shartnomasida belgilangan bo‘lsa;
➖boshqa ichki hujjatlar (masalan, ta’tillar jadvali va ish beruvchi tomonidan kasaba uyushmasi qo‘mitasi bilan kelishuvga ko‘ra qabul qilinadigan ichki hujjatlar)da;
➖mehnat shartnomasida;
➖xodim va ish beruvchi o‘rtasidagi kelishuvga ko‘ra.

👨‍💼Agar xodim ishga kirgunga qadar ta’tillar jadvali tasdiqlanib bo‘lgan bo‘lsa MKning 227-moddasiga ko‘ra birinchi ish yili uchun har yilgi mehnat ta’tilidan foydalanish huquqi xodimda u ushbu ish beruvchida uzluksiz ishlagan olti oy o‘tganidan keyin yuzaga keladi. Mehnat shartnomasi taraflarining kelishuviga ko‘ra xodimga ishlagan olti oy o‘tguniga qadar ham mehnat ta’tili berilishi mumkin.

🤝Demak xodim birinchi ish yili uchun ta’til olayotgan bo‘lsa, xodimda ta’til olish huquqi bo‘lsada, ish beruvchining roziligi talab etiladi, ya’ni ish beruvchi uchun majburiyat emas, taraflar o‘rtasidagi kelishuv bo‘lishi zarur.



Kanalga ulanish 👇
https://t.me/Fuqarolik_sud

❗️OZODLIKDAN MAHRUM ETILGAN SHAXS QONUNIY OILA QURISHI MUMKINMI ?

📄 Oila kodeksining 217-moddasida,

➖ tergov hibsxonalarida, ozodlikdan mahrum etish tariqasidagi jazoni ijro etuvchi muassasalarda saqlanayotgan shaxslar qonuniy tartibda nikohdan o‘tishlari mumkinligi belgilangan. Vazirlar mahkamasining 2023 yildagi 550-son qaroriga ilova qilib keltirilgan "Fuqarolik holati dalolatnomalarini yozish organlari to‘g‘risida"gi nizomga asosan, jazoni ijro etish muassasalarida jazoni o‘tayotgan shaxslar bilan nikohni qayd etish shu muassasa joylashgan hududdagi FHDYO organlari tomonidan amalga oshiriladi deb ko‘rsatilgan.

➖ Bunda mahkum bilan nikohga kirishni xohlovchi shaxs nikohga kirish haqidagi maxsus blankdagi arizaning o‘ziga taalluqli qismini to‘ldirib, doimiy yoki vaqtincha ro‘yxatdan o‘tgan joyidan qat’i nazar, FHDYO organiga  topshiradi. FHDYO organi ularga berilgan arizani tasdiqlab arizachiga qaytaradi. Shundan so‘ng mahkum bilan nikohga kirishni xohlovchi shaxs bu arizani mahkumga berishi uchun jazoni ijro etish muassasasi ma’muriyatiga topshiradi.

✅ Mahkum bilan nikohga kirish haqidagi arizani olgandan keyin jazoni ijro etish muassasasi ma’muriyati uni tegishli joyini to‘ldirish uchun mahkumga taqdim etadi. Mahkum arizani o‘ziga tegishli qismini to‘ldiradi va muassasaga topshiradi. Jazoni ijro etish muassasasi ma’muriyati mahkumning ma’lumotlari asosida arizani tasdiqlab, jazoni ijro etish muassasasi joylashgan mazkur hududdagi FHDYO organiga yuboradi.

✅ FHDYO organi nikohlanuvchilarni tibbiy tekshiruvdan o‘tishi uchun yo‘llanma va nikohni qayd etish vaqtini belgilash to‘g‘risidagi xabarnoma jazoni ijro etish muassasasi ma’muriyatiga yuboriladi.

✅ Mahkum bilan nikohni qayd etish FHDYO organi bilan kelishilgan holda jazoni ijro etish muassasasi ma’muriyati tomonidan ajratilgan binoda nikohga kiruvchi shaxslarning ishtirokida amalga oshiriladi.



Kanalga ulanish 👇
https://t.me/Fuqarolik_sud

👆 Ushbu yuqoridagi holat boʻyicha mutasaddi shaxslar qonunga asoslangan holda harakat qilishgan va bu vaziyat uchun adolatli qarorga kelishgan.

Chunki👇

Oʻzbekiston Respublikasi Maʼmuriy javobgarlik toʻgʻrisidagi kodeksning 184²-moddasiga muvofiq,
Jamoat joylarida shaxsini identifikatsiya qilish imkonini bermaydigan darajada yuzini to‘sgan holda bo‘lish, bundan tibbiy ko‘rsatmaga asosan yoki yo‘l-transport harakatida xavfsizlikni ta’minlash uchun kiyiladigan maxsus bosh kiyimda yoxud mehnat va xizmat faoliyati bilan bog‘liq hollarda yuzini to‘sgan holda bo‘lish yoki sport va madaniy tadbirlarni o‘tkazish vaqtida ushbu tadbirlar ishtirokchilarining yuzini to‘sgan holda bo‘lishi, shuningdek qonunchilikda to‘g‘ridan-to‘g‘ri ruxsat etilgan boshqa holatlarda yuzini to‘sgan holda bo‘lish mustasno, —
bazaviy hisoblash miqdorining o‘n baravaridan o‘n besh baravarigacha miqdorda jarima solishga sabab bo‘ladi.


Kanalga ulanish 👇
https://t.me/Fuqarolik_sud

❗️Yoshlarning xalqaro IT-sertifikatlarni olish xarajatlarini qoplab berish bo‘yicha davlat xizmati ko‘rsatiladi

📄 Hukumat 17.02.2024 yil kungi 95-son qarori bilan  “Yoshlarning xalqaro IT-sertifikatlarni olish xarajatlarini qoplab berish bo‘yicha davlat xizmatini ko‘rsatishning ma’muriy reglamenti” tasdiqlangan

➖ Unga ko‘ra, ariza beruvchi xalqaro IT-sertifikat berilgan sanadan 180 kalendar kun mobaynida mazkur sertifikatni olish xarajatlarini qoplab berishni so‘rab, YAIDXP (my.gov.uz) orqali murojaat qilishi lozim.

✅ Ariza beruvchining xalqaro IT-sertifikatlarni olish xarajatlarining 60 foizigacha bo‘lgan qismini qoplab berishda ingliz tilini bilish darajasini belgilovchi sertifikat talab etilmaydi.

✅ Xalqaro IT-sertifikatlar boshlang‘ich darajada bo‘lganda 30 foiz, o‘rta darajada bo‘lganda 40 foiz hamda professional darajada bo‘lganda 60 foiz miqdorda sarflangan xarajatlar qoplab beriladi.

✅ Ingliz tili bo‘yicha B2 va undan yuqori darajadagi hamda professional darajadagi xalqaro IT-sertifikatga ega bo‘lgan yoshlarning xalqaro IT-sertifikatni olish xarajatlari to‘liq qoplab beriladi.



Kanalga ulanish 👇
https://t.me/Fuqarolik_sud

❗️BOQUVCHISI BO‘LMAGAN KO‘P BOLALI OILALAR YER SOLIGʻI TO‘LAMAYDI.

✅ Ota va onadan biri yoki ota-onaning xar ikkisi vafot etgan ko‘p bolali oilalar soliq solishda boquvchisini yo‘qotgan ko‘p bolali oilalar xisoblanadi.

✅ Manashunday oilalar Soliq kodeksining 436-moddasiga asosan yer solig‘i to‘lashi shart bo‘lmagan oilalar toifasiga kiradi.

✅ Bu imtiyozdan foydalanish uchun oila a’zolaridan biri Byudjetdan tashqari Pensiya jamg‘armasi tuman (shahar) bo‘limiga murojaat qilib ular tomonidan boquvchisini yo‘qotganlik bo‘yicha beriladigan tegishli ma’lumotnomasini talab qilib olishi kerak bo‘ladi va olingan ma’lumotnoma asosida ular yuqoridagi imtiyozdan foydalanishi mumkin.


Kanalga ulanish 👇
https://t.me/Fuqarolik_sud

❗️NIKOH SHARTNOMASI NIMA ?

📄 Oila kodeksining 29-moddasiga asosan,

➖ nikohlanuvchi shaxslarning yoki er va xotinning nikohda bo‘lgan davrida yoki er va xotin nikohdan ajratilgan taqdirda ularning mulkiy huquq hamda majburiyatlarini belgilovchi kelishuvi nikoh shartnomasi deb hisoblanadi.

➖ Nikoh shartnomasi nikoh davlat ro‘yxatiga olinguniga qadar ham, shuningdek nikoh davrida ham tuzilishi mumkin.

❗️Nikoh davlat ro‘yxatiga olingunga qadar tuzilgan nikoh shartnomasi nikoh davlat ro‘yxatiga olingan kundan boshlab kuchga kiradi.

🟢 Nikoh shartnomasi yozma shaklda tuziladi va notarial tartibda tasdiqlanishi lozim.


Kanalga ulanish 👇
https://t.me/Fuqarolik_sud