Forish tumani hokimligi

RASMIY MUNOSABAT

Fuqaro Xudoyberdiyev Rustamning MTRK Jizzax telekanali va 2025-yil 17- va 19-fevral kunlaridagi videomurojaatlari yuzasidan rasmiy munosabat.

Forish tuman Obodonlashtirish boshqarmasi tomonidan taqdim etilgan ma’lumotda qayd etilishicha 2024-yilda “O‘zbekiston” mahallasidagi 11 ta ko‘chani afsaltlashtirish va piyodalar yo‘lagi qurish uchun 1571,0 million so‘m mablag‘ ajratilib, ishlar to‘liq bajarilmaganini izhor qilgan.

2024-yilda O‘zbekiston Respublikasi Prezidentining 8-9-aprel kunlari Jizzax viloyatiga tashrifi davomida belgilangan topshiriqlari to‘g‘risidagi, 2024-yil 06.05.2024-yildagi №23-sonli bayoni va Xalq deputatlari Jizzax viloyat Kengashining 2024-yil 29-iyuldagi V174-3-0-K/24-son qaroriga asosan Forish tumani “O‘zbekiston” mahallasi infratuzilmasini yaxshilash maqsadida Respublika byudjetidan 1563,0 mln. so‘m mablag‘ ajratilgan bo‘lib, ushbu ishlarni amalga oshirilishida bosh buyurtmachi qilib Jizzax viloyat hokimligi “Yagona buyurtmachi xizmati” injiniring kompaniyasi belgilangan.

Buyurtmachi va pudratchi Forish stroy mas’uliyati cheklangan jamiyati korxonasi quruvchilari tomonidan 2024-yil va 2025-yilning dastlabki oylarida Forish tuman “O‘zbekiston” mahallasi infratuzilmasini yaxshilash maqsadida ajratilgan 1563,0 mln. so‘m evaziga mahalla hududida bir qator ishlar amalga oshirilgan.

Jumladan, mahallaga 2 dona transformator punkti o‘rnatilgan. Yangidan 1,0 km. elektr havo tarmog‘i tortilgan.

Mahalla hududidagi 3-son davlat maktabgacha ta’lim tashkiloti aholi transformator punktlariga ulanganligi va bugungi kunda elektr quvvati pastligi sababli 3-son davlat maktabgacha ta’lim tashkilotiga alohida 1 ta transformator punkti o‘rnatilgan. Shuningdek, aholiga 1 km polietilen quvur orqali ichimlik suv tarmog‘i tortilib, 3 dona zadvishka o‘rnatilgan. 3-son davlat maktabgacha ta’lim tashkilotiga 0,3 km. ichimlik suv tarmog‘i tortilgan.

Bundan tashqari, mahallada 1,8 km piyodalar yo‘laklari bunyod etilib, tungi yoritgichlar o‘rnatilgan. Mahallaning 4,6 km. ichki yo‘llari shag‘allashtirilgan. Ixtisoslashtirilgan maktabga boruvchi yo‘lga ko‘prik qurilgan.

O‘zbekiston Respublikasi Vazirlar Mahkamasining 2024-yil 11-oktyabrdagi “Shaharlar va boshqa aholi punktlari ko‘chalari hamda ichki xo‘jalik yo‘llari infratuzilmasini yanada takomillashtirish to‘g‘risida”gi 665-sonli qarori asosida Forish tuman Obodonlashtirish boshqarmasiga 4,0 mlrd. so‘m mablag‘ ajratilgan bo‘lib, ushbu mablag‘lar evaziga boshqarma o‘z kuchi bilan qarorning 1-ilovasidagi “Nizom”ning 2 bobi, 3-xatboshisida belgilangan ishlarni, ya’ni faqat tuproq yo‘llarni shag‘allashtirish va mavjud asfalt qoplamali yo‘llarni joriy ta’mirlash (chuqarchalarni yamash) ishlarini amalga oshirish qat’iy belgilab qo‘yilgan.

Fuqaro murojaatida bayon qilingan ko‘chalar 2024-yilda hashar yo‘li bilan shag‘allashtirilgan bo‘lib, ushbu shag‘allashtirilgan yo‘llarga asfalt qoplama yotqizish ishlari respublika byudjeti mablag‘lari hisobidan 2025-yil yakuniga qadar amalga oshirilishi rejalashtirilgan.

Forish tuman hokimligi axborot xizmati.

YOSHLAR O‘RTASIDA JINOYATCHILIK VA HUQUQBUZARLIKLARNING OLDINI OLAYLIK

⚡️ Forish tuman “Mahalla markazi”da yoshlar tomonidan sodir etilgan jinoyatlarning kelib chiqish sabablari va shart-sharoitlarini muhokama qilish hamda kelgusidagi ustuvor vazifalar yuzasidan yig‘ilish o‘tkazildi.

⚡️ Yig‘ilishga tumandagi bir qator korxona, tashkilot, muassasalar rahbarlari, tumandagi barcha mahalla fuqarolar yig‘inlari raislari, “mahalla yettiligi” a’zolari, tuman huquqni muhofaza qiluvchi organlar xodimlari ishtirok etdi.

⚡️ Yig‘ilishni Forish tuman hokimining moliya, iqtisodiyot va kambag‘allikni qisqartirish masalalari bo‘yicha birinchi o‘rinbosari Shavkat Uzoqov kirish so‘zi bilan ochdi.

⚡️ Yig‘ilishda tuman ichki ishlar bo‘limi boshlig‘i o‘rinbosari Xolmurod Turdiboev tumanda yoshlar tomonidan sodir etilgan jinoyatlar, O‘zbekiston Respublikasi Prezidentining 2024-yil 15-yanvardagi “Jamoat xavfsizligini ta’minlash va jinoyatchilikka qarshi kurashish sohasini ilmiy tadqiq qilish faoliyatini sifat jihatidan yangi bosqichga ko‘tarish chora-tadbirlari to‘g‘risida”gi PF-10-sonli farmonida belgilangan vazifalar ijrosini ta’minlash yuzasidan so‘z yuritdi.

⚡️ Yig‘ilishda yoshlar o‘rtasida jinoyatchilikni oldini olish bo‘yicha muhokama etilgan masalalar yuzasidan tegishli chora-tadbirlar belgilab olindi.

Forish tuman hokimligi axborot xizmati.