FORISH AXBOROT-KUTUBXONA MARKAZI

FORISH TUMANIDAGI “O’XUM” MAHALLASIDA “VATAN YAGONADIR, VATAN BITTADIR” SHIORI OSTIDA MA’NAVIY-MA’RIFIY BAYRAM TADBIRLARI O‘TKAZILDI

🌺“Navro‘z” umumxalq bayramining shukuhi davom etayotgan ayni kunlarda viloyatimizning barcha mahallalarida, shu jumladan qo‘shni davlatlar bilan chegaradosh hududlardagi mahallalarda hamda qirg‘iz va tojik millatiga mansub aholi istiqomat qilib kelayotgan mahallalarda xalq sayllari shodu-xurramlik bilan o‘tmoqda.

🌼Jumladan, turli millat va elatlarning vakillari bilan birgalikda o‘tkazilayotgan ushbu tadbirlar do‘stlik va hamjihatlikni yanada mustahkamlashga xizmat qilayotir.

🌸Hayit bayrami munosabati bilan “Hayit oshi – tinchlik, do‘stlik va bag‘rikenglik oshi” ekanligining amaldagi ifodasi sifatida ehson tadbirlari ham o‘tkazilmoqda.

🌺Tadbirlar doirasida mahallalar hududida turli millat vakillari ishtirokida "Do‘stlik bog‘lari" barpo etildi hamda do‘stlik va hamjihatlikni tarannum etuvchi qo‘shiqlar ijro qilindi. Shuningdek, milliy taomlar — sumalak, halim va osh tayyorlash jarayonlari namoyish etildi.

🌼Tadbirlarda amaliy san’at va hunarmandchilik buyumlari ko‘rgazmalari tashkil etildi. "Jonli ustaxona" formatida gilamdo‘zlik, zargarlik, kulolchilik va yog‘och o‘ymakorligi kabi hunarmandchilik yo‘nalishlari namoyish qilinib, mehmonlarga o‘z qo‘llari bilan milliy bezaklar tayyorlash imkoniyati yaratildi.
Milliy o‘yinlar — "Oq terakmi – ko‘k terak", "Kuch sinash", "Arqon tortish", "Chillak", "Yurtim polvonlari" musobaqalari o‘tkazildi. Shuningdek, dorbozlar chiqishlari va "Varraklar sayli" tashkil qilindi.

🌸 "Adabiy ko‘prik" kompozitsiyasi doirasida qo‘shni davlatlarning buyuk ajdodlari adabiy merosini aks ettiruvchi kitoblar ko‘rgazmasi o‘tkazildi. Yoshlar o‘rtasida do‘stlik va hamjihatlikni, tinchlikni mustahkamlashga qaratilgan rasmlar tanlovi ham tashkil etildi. "Mehr-oqibat dasturxoni" shiori ostida turli millatlarning milliy taomlari ko‘rgazmasi namoyish etildi. Buyuk ajdodlarimiz hamda qo‘shni davlatlarning mutafakkirlari, yozuvchi va shoirlarining do‘stlik va hamjihatlik haqidagi asarlari bo‘yicha kitobxonlik tanlovlari o‘tkazildi.

🌺"Navro‘z uchun 10 000 tabassum" xayriya aksiyasi doirasida yetim bolalar, nogironligi bor insonlar va kam ta’minlangan oilalarga sovg‘alar topshirildi. Teatr vakillari tomonidan O‘zbekiston va qo‘shni davlatlarda yetishib chiqqan buyuk allomalar siymosi gavdalantirilgan sahna ko‘rinishlari namoyish etildi.

🌼"Hayit oshi – tinchlik, do‘stlik va bag‘rikenglik oshi" shiori ostida mahalla aholisi uchun ehson tadbirlari tashkil etildi. Uyidan chiqa olmaydigan bemorlar va keksa avlod vakillarining holidan xabar olindi.

Forish tuman hokimligi axborot xizmati.