Feruza Madrakhimova

#Zulfiyaxonim_tavalludi

🤩 UrDPIda Zulfiyaxonim tavalludining 110 yilligi munosabati bilan “Zulfiyaxonim — vafo va sadoqat kuychisi” mavzusida tadbir bo‘lib o'tdi

Tadbirda so‘zga chiqqan Xorazm viloyati hokimi o‘rinbosari Nigora Kutlimuratova, institut rektori Feruza Madraximovalar Xalqaro „Javoharlal Neru“ va „Nilufar“ mukofotlari sohibasi, dunyo adabiyot maydonida o‘zbek ayolining o‘lmas va betakror qiyofasiga o‘z ijodi bilan haykal qo‘yib ketgan shoira Zulfiyaxonim Isroilovaning bugungi kun yoshlari uchun o‘rnak bo‘ladigan ijod va umr yo‘llari haqida fikr-mulohazalarini bildirdilar.

Tadbir davomida O‘zbekiston xalq shoirasi Zulfiyaxonimning hayoti va xalqimizning yana bir suyukli shoiri, turmush o‘rtog‘i Hamid Olimjon bilan ijodiy bahslari, shoiraning eng durdona asarlari tahlili va betakror she’riyat bo‘stonidan namunalarni o‘zida jamlagan bir-biridan sermazmun chiqishlar namoyish qilindi. Zulfiyaxonim izdoshlari bo‘lgan ijodkor talaba-qizlar o‘z ijod namunalaridan ham go‘zal she’rlar o‘qidilar.

©️Urganch davlat pedagogika instituti matbuot xizmati
🌐Web-sayt ✅Telegram💬Facebook 🌐Instagram  🎞 YouTube

#xalqaro_hamkorlik

🇺🇿 🇹🇷 UrDPIga Turkiyaning Nejmettin Erbakan universitetidan vakillar keldilar

Bugun, 28-fevral kuni Urganch davlat pedagogika instituti rektori Feruza Madraximova institutga tashrif buyurgan Turkiyaning Necmettin Erbakan universitetining bir guruh vakillari Sheyma Akin, Jemile Dog‘an, Hayriye Ulash Taraflar bilan uchrashdi.

Uchrashuv davomida Erasmus grant loyihalarda ikkala OTMning hamkorligini ta'minlash hamda professor-o‘qituvchilarning o‘zaro ilmiy hamkorliklari kabi bir qator masalalar muhokama qilindi. Shundan soʼng, mehmonlar institut faoliyati bilan tanishdilar.

* 2024-yilda Urganch davlat pedagogika instituti rektori Feruza Madraximova Turkiyaga tashrifi chog‘ida, Konya shahridagi Nejmettin Erbakan universiteti bilan hamkorlik memorandumi imzolab kelgan edi.

©️Urganch davlat pedagogika instituti matbuot xizmati
🌐Web-sayt ✅Telegram💬Facebook 🌐Instagram  🎞 YouTube

Rektor sportchi yoshlar bilan uchrashdi 

Bugun 27-fevral kuni, Urganch davlat pedagogika instituti rektori Feruza Madraximova institutning sportchi yoshlari bilan uchrashdi. Ayni kunlarda bir guruh sportchi talabalarimiz xalqaro va Osiyo kubogi sport musobaqalarida ishtirok etish uchun xizmat safari bilan ketganlar.

Rektorning yoshlar bilan uchrashuvi ochiq muloqot tarzida va motivatsion ruhda boʼlib o‘tdi. Uchrashuvda rektor davlatimiz tomonidan yoshlarga sport sohasida yaratilayotgan imkoniyatlar haqida gapirib oʼtdi. Yoshlarini oʼz ustida ishlab tinimsiz mehnat qilishga, sport musoqalarida gʼolib boʼlishga, eng muhimi yurt ravnaqi yoʼlida maqsadga intilishga chaqirdi.

Ochiq muloqot davomida talabalar oʼzlarini qiziqtirgan savollar bo‘yicha erkin fikr-mulohazalarini bildirdilar, qator gʼoya, tashabbus va takliflar berdilar.

©️Urganch davlat pedagogika instituti matbuot xizmati
🌐 Sayt ✅ Telegram💬Facebook 🌐 Instagram 🎞 YouTube