Florensiya...

Men zamonaviy adabiyotga ishonmayman, demayman. Shunchaki, vaqt sinovidan o’tmagan asarlarga vaqtimni sarflagim kelmaydi. Hayot qisqa.

Xaruki Murakami
@florensiyam 🍂

Darhaqiqat, agar birovni yaxshi ko'rmasang, unga yomonlik tilashning nima keragi bor, to'g'rimi?

"Telba"
Dostoyevskiy

Bilmayman buni nima desa bo'ladi, lekin bu faqat Dostoyevskiyga xos odat. Parchaga diqqat qiling:

Umuman hamma bir-birining narsasini imonsizlarcha o'g'irlar edi. Deyarli har bir mahbusning podsholikka tegishli buyumlarni saqlash uchun ehtiyot-shart qulf-kalitli sandig'i bo'lardi. Bunga ruxsat berilardi, ammo sandiqlar ham yordam bermasdi. Men, qamoqxonada qanchalar mohir, ustasi farang o'g'rilar borligini tasavvur qilish mumkin, deb o'ylayman. Menga juda sodiq bir ariston katorgada yagona man etilmagan kitob - Tavrotimni o'g'irlab qo'ygan edi. Zero, u afsus yegani uchun emas, kitobni izlab, deyarli kun bo'yi parishonxotir yurganimni ko'rib azbaroyi menga achinganidan o'sha kuniyoq o'zi bo'yniga olgan edi.

Bunaqa uslubni oldin hech kimda uchratmaganman ochig'i, yozuvchi juda ham keng dunyoqarashga egaligi seziladi shunaqa joyda. Hammamiz eshitganda birinchi o'rinda nafrat tuyg'usini uyg'otadigan o'g'ri mahbusni bizga o'zimizga o'xshagan yaxshi xislatlardan hali butkul mosuvo bo'lmagan odam qiyofasiga qaytarib, oqlab ketyapti. Biz ko'pincha yomon odamlarni hech qanaqa yaxshi xislatlari bo'lmasa kerak deb o'ylaymiz. Bu dunyoqarashimiz torligidan menimcha.

@florensiyam 🌱

​Yaxshi yoki yomon odamlar mavjud emas. Chiroyli yoki xunuk odamlar ham mavjud emas. Faqat ikki xil odamlar bor: biz yoqtiradigan va biz yoqtirmaydigan.

Anton Chexov
@florensiyam ✨

Mamlakatning axloqiy yoki axloqsiz ekanligini dindorlar hal qiladi degan mantiqqa ishonadiganlarga!

Aslida, din haqida gapirishdan oldin o'sha inson o'zi sig'inadigan dinda qancha amallarni bajarayotganiga e'tibor berishi kerak emasmi? Mabodo dinsiz bo'lsa, din haqida ham, dinga sig'unuvchilarni ham malomat qilishga haqqi yo'q. Chunki, har ikki tomonni o'lchovlarni qaysidir nuqtada bir-biriga munosib bo'lmay qoladi.

Dindor degani bu komil inson degani emasligini tushunishni emas, qabul qilishni o'rganinglar. Kimdir soqol qo'ygani, ro'mol o'ragani (hijob umuman boshqa narsa) Umra safariga borib kelgani, masjid qurdirayotgani uchun uning amallaridan umumiy dinga hukm qilish uchun inson qaysi darajada ilmli bo'lishi kerak o'zi?!  Kimnidir soqoliga qarab axloqi belgilanadi degan me'zonni kim o'ylab chiqargan. Boshi yopiq rohibalar, boshqa din vakillarini ko'rmagan chala liberallargina ro'molfobiya yaratadi. Jamiyatning axloqlik darajasini nega faqat dindor, soqolli, ro'mol o'raganlar bilan o'lchayapsiz? Axir siz liberallarda ham korrupsiya jinoyat va yomon ish emasmi? Qani menga yaxshiroq birorta misol keltirib aytingchi, qaysi dinchi bo'lmagan, ro'mol o'ramagan, beligacha soqol qo'ymagan (siznikilar) dindorlardan kamroq xato qilyapti?! Jamiyat axloqini, tartib va bir-biriga bo'lgan munosabatini nega faqat dindorlar qilgan ba'zi xatolar orqali o'lchashga urinasiz?!

Nega dindor shaxs xato qilmaydi va u farishta, unga boshqa odamlar (jamiyatdagi ya'ni) qiladigan xatolarni takrorlashi mumkin emas, u dindorligi uchun hamma narsaga mas'ul degan yorliq yopishtirib olasiz va hukm chiqarasiz?! Jamiyatdagi har qaysi qatlamning bu jamiyatning o'sishi yoki tanazzulga yuz tutishida bir-biridan kam bo'lmagan ta'siri bo'lar, ehtimol. Lekin, ba'zilar uchun faqat dindorlargina bunga aybdor, faqat dindorlar xalqni axloqiga javob berishga mas'uldek ko'rinadi, chamamda.

Boshqa tomondan bir-necha o'n yillab dindan ayro qolgan jamiyat uchun endi ochilgan eshiklar sababidan paydo bo'layotgan imkoniyatlar orqali dinga qiziqishi paydo bo'lganlarni barini komil dindor darajasiga olib chiqib, mana dindorlarni ahvoli deyish boshqa bir absurd.

Bu mamkakat axloqi uchun har bitta fuqaro, har qaysi qatlam a'zosi javobgar. Faqat Islom diniga e'tiqod qiladiganlar emas. Unutib qo'ymang!

@florensiyam ☘