🇺🇿 FIZIKA O'QITUVCHILAR KANALI 🇺🇿

⚡️UY TA’LIMI UCHUN QANDAY HUJJATLAR YURITILADI.

O’quvchilarni uyda yakka tartibda ta’lim olishlarini tashkil qilish uchun quyidagi hujjatlar yuritiladi.

1-tibbiy hulosa
2-ota-onasining arizasi
3-pedagogik kengash qarori
4-MMTB ga maktab tomonidan so’rov xati
5-MMTB ning buyrug’i
6-maktabning buyrug’i
7-dars jadvali
8-jurnal (kundalik tizimida va daftarga qog’oz variyantda)
9-tashrif daftari (kelish-ketish)
10-o‘quvchining shaxsiy fayili.

🔹Pedagoglardan:

Ish reja, odatda ish reja o’quvchining kasallik turi va qiziqishlaridan kelib chiqib mavjud rejadan tanlab olinadi. Darsga tayyorgarlik, ko’rgazma, video, audio vositalar orqali.

🔹Psixologdan:

Suhbat daftari, turi xil psixolagik so’rovnomalar va psixolagik testlar. (Fotolavhalar tavsiya o’rnida)

🔹Raxbarlardan:

Uyda ta’lim olayotgan o’quvchining uyiga borish, shart sharoitlari bilan tanishish, darslarni nazorat qilish, tashrif daftarga imzo qo’yish.

🔹Sinf rahbaridan:

Dars mashg‘ulotlarining olib borilishini nazorat qilish, ota-onalar va o‘quvchining o‘qituvchilar bilan muntazam hamkorligini ta’minlash, o‘quvchining sog‘lig‘i holatini inobatga olib ota-onalar bilan kelishgan holda uni maktabda yoki sinfda o‘tkaziladigan ma’naviy-ma’rifiy tadbirlarga taklif etish. (Fotolavhalar tavsiya o’rnida)

❌ССВ янги ўқув йили арафасида мактаб ошхоналарида сотиш тақиқланган озиқ-овқатлар рўйхатини келтирди

Гамбургер, чизбургер, ҳот-дог, «кириешки», «хрустяшки», чипс, энергетик ва газланган ичимликлар... Жаҳон соғлиқни сақлаш ташкилоти бу турдаги маҳсулотларни кундалик таомномадан чиқаришни тавсия қилади. Қолаверса, улар Ўзбекистондаги умумтаълим муассасаларида рухсат этилмайдиган озиқ-овқат ва таомлар рўйхатига киритилган.

❓Кимлар синф раҳбарлигига тайинланади?

Мактабгача ва мактаб таълими вазирининг 2023-йил 27 июньдаги 190-сонли буйруғига кўра синф раҳбарлари ўқитувчилар орасидан таълим муассасаси директори томонидан тайинланади ва озод этилади.

Синф раҳбари қуйидаги мезонларга асосан танлаб олинади:

— камида 3 йиллик педагогик иш стажига эга бўлган;
— мактабда асосий ишчи сифатида фаолият олиб бораётган (умумтаълим муассасаларида меҳнатини соатбай (шу жумладан ўриндошлик) асосда фаолият олиб борувчи ўқитувчиларнинг синфга раҳбарлик қилишига йўл қўйилмайди);
— бошқарувчанлик қобилиятига эга бўлган;
— ўқувчилар билан ишлаш жараёнида масъулият билан ёндаша оладиган.

Бошланғич синфларда синф раҳбарлиги бошланғич синфга бириктирилган ўқитувчиларга юклатилади. Бошланғич синфга тайинланган синф раҳбари 1-синфдан бошлаб 4- синфгача ўқувчиларга ягона раҳбар ҳисобланади.

❗️Худди шундай тартиб 5- синфдан 11-синфга қадар ҳам қўлланилади.

Бир ўқитувчига фақатгина битта синф раҳбарлиги топширилади. Директор ўринбосарлари, психологлар ва бошқа синф раҳбари бўлиши мумкин эмас.

Синф раҳбарлари фаолиятини маънавий-маърифий ишлар бўйича директор ўринбосари назорат қилади ва мувофиқлаштиради.

Касбий сертификатлаш имтиҳонидан ўта олмаганлар ишлаши мумкин эмасми?

Кўпчилик касбий сертификатлаш имтиҳонидан ўта олмаган ўқитувчилар бизга мурожаат қилиб уларга энди ишлаш мумкин эмаслиги айтилаётганини ёзишмоқда. Бу фуқароларнинг Конституциявий ҳуқуқларини бузилиши. Ўзбекистон Республикаси Конституциясининг 42-моддасига асосан Ҳар ким муносиб меҳнат қилиш, касб ва фаолият турини эркин танлаш, хавфсизлик ва гигиена талабларига жавоб берадиган қулай меҳнат шароитларида ишлаш, меҳнати учун ҳеч қандай камситишларсиз ҳамда меҳнатга ҳақ тўлашнинг белгиланган энг кам миқдоридан кам бўлмаган тарзда адолатли ҳақ олиш, шунингдек ишсизликдан қонунда белгиланган тартибда ҳимояланиш ҳуқуқига эга.

Гап нима ҳақда кетмоқда? Вазирлар Маҳкамасининг 2024 йил 2 февралдаги 87-сон қарори билан тасдиқланган Давлат умумий ўрта таълим ташкилотлари педагог кадрларини касбий сертификатлаш бўйича давлат хизматларини кўрсатишнинг маъмурий регламентига асосан Педагогик касбга биринчи марта ишга қабул қилинадиган олий маълумотли талабгорлар стажёр-ўқитувчи сифатида фаолият юритади ва улар ишга қабул қилинган вақтдан бошлаб бир йил муддат давомида касбий сертификатга эга бўлиши талаб этилади.

Яъни ишга янги кирган педагоглар бир йилдан сўнг касбий сертификатлаш имтиҳонига кириши ва имтиҳондан ўтиши талаб қилинади. юқоридаги маъмурий регламентнинг Назорат синови натижаси бўйича 56 ва ундан юқори балл тўплаган талабгор назорат синовидан ўтган ҳисобланади. Биринчи маротаба назорат синовида иштирок этиб, ундан ўта олмаган талабгор учун навбатдан ташқари назорат синови ҳар йили янги ўқув йили бошлангунга қадар ташкил этилади. Низомнинг 35-банди талаби бўйича Навбатдан ташқари назорат синовида иштирок этиб, етарли балл тўплай олмаган талабгор билан тузилган меҳнат шартномаси меҳнат қонунчилигида белгиланган тартибда бекор қилиниши белгиланган. Бироқ бу ходимни қайта ишлаши мумкин эмас деган хулоса бермайди. Ходимнинг қўлида давлат томонидан берилган диплом бор у диплом билан бошқа таълим муассасасида бемалол ишлаши мумкин. Ёки қайта навбатдан ташқари касбий сертификатлаш имтиҳонида қатнашиши мумкин.

Саволингизни: @yuristgamurojaat гa қолдиринг

⚡️Метод кунлар қайта жорий қилинади

Ўзбекистон Республикаси Президентининг «Мактабгача ва мактаб таълими ташкилотлари ходимларини узлуксиз касбий ривожлантириш тизимини такомиллаштириш бўйича қўшимча чора-тадбирлар тўғрисида»ги қарори қабул қилинди.

Унга кўра, 2025 йил 1 январдан бошлаб педагог ва мутахассис кадрлар касбий ривожланишининг узлуксизлигини таъминлаш мақсадида барча умумий ўрта таълим муассасаларида малака оширишнинг «Касбий ривожланиш соати», таянч умумий ўрта таълим муассасаларида эса, шунингдек, «Касбий ривожланиш куни» каби шакллари босқичма-босқич жорий этилади.

Қуйидаги ҳафта кунлари ўқитувчиларга «Касбий ривожланиш кунлари» сифатида белгиланиши мумкин:

👉 Душанба — Аниқ фанлар (математика, информатика ва ахборот технологиялари) фани;

👉 Сешанба — Филология фанлари (Она тили ва адабиёт, Ўзбек тили/рус тили);

👉 Чоршанба — Табиий фанлар (физика ва астрономия, кимё, биология, география ва иқтисодиёт, табиий фан (Science);

👉 Пайшанба — Ижтимоий фанлар (тарих, давлат ва ҳуқуқ асослари, тарбия);

👉 Жума — Хорижий тиллар;

👉 Шанба — Амалий фанлар ва бошланғич таълим (тасвирий санъат, чизмачилик, мусиқа маданияти, технология, жисмоний тарбия, чақирувга қадар бошланғич тайёргарлик, бошланғич таълим).

❗️Синф хоналарга ўқув жиҳозларини жойлаштиришда қуйидаги талабларга риоя этилиши кeрак

Умумтаълим мактабларида мактабларни сақланиши ва ўқувчиларни ўқитилишига қўйиладиган санитар эпидемиологик талаблар (СанПиН № 0341-16) га мувофиқ синф хоналаридаги парта стол-стуллар қуйидаги тартибда жойлаштирилиши керак

👉 2 ўринли столлар қаторидаги масофа 60 см дан кам бўлмаслиги керак;

👉 Парта қаторлари билан ташқи девор орасидаги масофа 50-70 см;

👉 Парта қаторлари билан ички девор, тўсиқ, шкаф орасидаги масофа 50 см;

👉 Охирги парта билан девор ораси 70 см;

👉 Доска билан биринчи парта ораси 240 см;

👉 Доска билан охирги парта орасидаги масофа 860 см;

👉 Доскани пастки томони билан пол орасидаги масофа 70-90 см бўлиши керак.

⚡Бугун, 30 август куни барча ходимлар ишдан 1 соат олдин кетиш ҳуқуқига эга

Меҳнат кодексининг 187-моддасига мувофиқ, байрам (ишланмайдиган) кунлари арафасида кундалик иш (смена) муддати барча ходимлар учун камида бир соатга қисқартирилади.

Эслатиб ўтамиз, 31 август (шанба) куни қўшимча дам олиш куни. 1 ва 2 сентябрь дам олиш кунлари, 3 сентябрь қўшимча ишланмайдиган кун ҳисобланади.