07.03.2024 yildagi "Xotin-qizlar tadbirkorligini tashkil etish va rivojlantirishni qo‘llab-quvvatlash bo‘yicha qo‘shimcha chora-tadbirlar to‘g‘risida"gi PQ-122-son qarorga muvofiq, Tiklanish va taraqqiyot jamg‘armasi hisobidan xotin-qizlarni kasb-hunarga o‘qitish va bandligini ta’minlash, ularni tadbirkorlikka keng jalb etish uchun kredit resurslari ajratiladi.

Banklarda xotin-qizlar tadbirkorligini qo‘llab-quvvatlash tizimi yaratilgan bo‘lib, u quyidagilarni nazarda tutadi:

➖ tashabbuskor xotin-qizlarning biznes loyihalarini ishlab chiqishda ko‘maklashish;
➖ mahallalarda xotin-qizlarni tadbirkorlikka o‘qitish;
➖ xotin-qizlar tomonidan ishlab chiqarilgan mahsulotlarni sotish;
➖ kooperatsiya asosida loyihalarni amalga oshirishga ko‘maklashish;
➖ loyihalar amalga oshirilishi monitoringini olib borish va tadbirkor ayollar bilan muntazam muloqot o‘rnatish.

Muhim! Kredit berishda "Ijtimoiy himoya yagona reyestri" hamda "Ayollar daftari," "Yoshlar daftari" va "Temir daftar"ga kiritilgan xotin-qizlar tomonidan amalga oshirilishi tavsiya etilgan loyihalarga ustunlik berilishini inobatga olish lozim.

Imzolangan Qaror xotin-qizlarning ta’lim olishi, tadbirkorlikda ishtirok etishi va bandligini rivojlantirishga xizmat qiladi. Uchta bankda "Xalq banki," "Biznesni rivojlantirish banki" va "Mikrokreditbank" turli ijtimoiy reestrlarga kiritilgan xotin-qizlarning loyihalariga ustuvorlik berib, biznes-loyihalarni ishlab chiqish, o‘quv kurslarini o‘tkazish, mahsulotlarni targ‘ib qilish va loyihalarni monitoring qilishga ko‘maklashish ko‘zda tutilgan.

🌐@finlituzb | 🌐@finlituzb_ru