ЎЗБЕКИСТОН ҚЎЛ ЖАНГИ ФЕДЕРАЦИЯСИ

Qo'l jangi bo'yicha O'zbekiston chempionati

Barcha jang sanʼati muxlislari va professionallarini qoʻl jangi boʻyicha Oʻzbekiston chempionatiga taklif etamiz!

Chempionatdan ko‘zlangan maqsad Turkiyada bo‘lib o‘tadigan jahon chempionatida ishtirok etish uchun O‘zbekiston terma jamoasini shakllantirishdan iborat.

Musobaqada mamlakatimizning barcha viloyatlaridan eng yaxshi sportchilar, shuningdek, O‘zbekiston kuch tuzilmalari jamoalari ishtirok etadi.

Qiziqarli janglarni ko'rish va jangchilarimizni qo'llab-quvvatlash imkoniyatini qo'ldan boy bermang!

📍 O'tkazilish joyi: O'zbekiston Toshkent universal sport majmuasi
📅 Sana: 12-16 fevral


Sizni qo'l jangi olamidagi yilning asosiy voqeasida kutamiz!

Website |Telegram |Instagram | Facebook|Youtube

Sirdaryo viloyatida qoʻl jangi sport turi boʻyicha "Hokim kubogi" uchun musobaqa oʻtkazildi.

Joriy yilning 26-yanvar kuni Sirdaryo viloyatida kuch tuzilmalari oʻrtasida sportning qoʻl jangi turi boʻyicha "Hokim kubogi" sport musobaqasi tashkil etildi.
Musobaqa 12 ta juftlikda professional va 8 ta juftlikda havaskorlar belgilangan vazn toifalarida bellashishdi.
Yakuniy natijalarga koʻra, umumjamoa hisobida 1-oʻrinni Davlat xavfsizlik xizmati, 2-oʻrinni Ichki ishlar boshqarmasi va 3-oʻrinni Favquloddada vaziyatlar boshqarmasi egalladi.
Gʻolib ishtirokchilarga tashkilotchilar tomonidan medal, faxriy yorliq va esdalik sovgʻalar topshirildi.

Website |Telegram |Instagram | Facebook|Youtube

Qarshi shahrida yoshlar va o‘smirlar o‘rtasida qo'l jangi bo'yicha Milliy gvardiya Qashqadaryo viloyati bo‘yicha boshqarmasi boshlig‘i kubogi musobaqasi o‘tkazildi. Tadbir sportni ommalashtirish, yosh avlodni jismoniy tarbiya va sog‘lom turmush tarziga jalb qilish maqsadida tashkil etildi.

Musobaqada viloyatdagi ko‘plab yosh sportchilar turli vazn toifasida o‘z mahoratlarini namoyish etdilar.

Ushbu tadbir nafaqat sportchilar, balki tomoshabinlar orasida ham katta qiziqish uyg‘otib, sog‘lom raqobat muhitini yaratdi. Yaxshi natijalarga erishgan ishtirokchilar maxsus sovg‘alar va esdalik sovrinlari bilan taqdirlandi.

Bu kabi tadbirlar yoshlar orasida milliy g‘ururni oshirish va ularni ijobiy qadriyatlar asosida tarbiyalashga xizmat qiladi.

Website |Telegram |Instagram | Facebook|Youtube