"Қодиров пакети"нинг (ижтимоий тармоқларни жиловлашга қаратилган қонунчиликка ўзгартиришлар мажмуаси) илк қурбони жиззахлик блогер бўлди.
Прокуратуранинг хабар беришича, блогер "Youtube" ва "Facebook" чиқишларида Ўзбекистон Президенти раҳбарлигида амалга оширилаётган ислоҳотларни кенг жамоатчиликка нотўғри талқин қилганмиш. ДХХ шунингдек уни президентни интернет тармоқлари орқали ҳақоратлаб, давлат раҳбари обрўсига путур етказиш ва камситувчи маълумотларни тарқатиб, туҳмат қилганликда айбламоқда.
Блогернинг танқидий чиқишларни кўрмасдан бу баёнот ҳақида бирор нарса дейиш қийин. Балким, ростдан ҳам чиқишларда тухмат янграгандир, балким, ҳар доимгидек, кимдир погондаги навбатдаги юлдузча ҳаракатидадир.
Лекин мени ларзага келтирган жиҳат, ҳуқуқни қўллаш жараёнига ноҳуқуқий ғоялар кириб келганидир. Масалан, прокуратура баёнотидаги "Ўзбекистон Президенти раҳбарлигида амалга оширилаётган ислоҳотларни кенг жамоатчиликка нотўғри талқин этиш" ёки ТВда тез-тез янграшни бошлаган "Президент сиёсатига хиёнат қилиш" каби айбловлар ижтимоий-сиёсий вазият ўта қалтис вазиятда, жар ёқасига келиб қолганини англатади. Бу айбловларнинг муқобили бизнинг яқин тоталитар тарихимизда аллақачон бўлган, жуда кўп зиёлиларимизни бошини еб кетган.
НКВД қошида тузилган ОСО (Осо́бое совеща́ние при НКВД СССР) деган маъмурий орган на Конситуцияда, на Жиноят кодексида кўзда тутилган қуйдаги айбловлар билан 5 йилгача сургунга юбориш ҳуқуқига эга бўлган:
АСА — антисоветская агитация;
КРД — контрреволюционная деятельность;
СОЭ — социально опасный элемент;
СВЭ — социально вредный элемент;
ЧС — член семьи (врага народа);
ВАТ— восхваление американской техники;
ВАД — восхваление американской демократии;
ПЗ — преклонение перед Западом.
Мазмунан, аксил-совет агитацияси билан Ўзбекистон Президенти раҳбарлигида амалга оширилаётган ислоҳотларни кенг жамоатчиликка нотўғри талқин этиш бир нарса эканлигини кўриш учун кўп ақл керак эмас. Кейинги босқич нима бўлади? Aмалдаги сиёсатдан норозиларни СОЭ ва СВЭ, уларнинг оила аъзоларини эса ЧС деб эълон қилиш бўладими?
Сиёсатга, жамиятдаги жараёнларга ўз фикрини эркин ва тўсқинликсиз билдириш ҳар кимнинг Худо берган ҳуқуқидир, буни қандайдир амалдорлар олиб қўя олмайди.
Aмалдорларимиз, жумладан силовиклар ҳар қандай эътирозни "хиёнат" деб баҳолаверишдан воз кечиши керак. Жамият ҳам эркинликлар доирасини чеклашга ҳар қандай интилишга қарши огоҳ туриши керак. Aкс ҳолда, яна ўша "сталбани ҳам қамаш мумкин бўлган даврлар"га қайтамиз. Aгарда аллақачон ўша даврларда бўлмасак.
Сардор Салим
👉 @fayzboguz
Прокуратуранинг хабар беришича, блогер "Youtube" ва "Facebook" чиқишларида Ўзбекистон Президенти раҳбарлигида амалга оширилаётган ислоҳотларни кенг жамоатчиликка нотўғри талқин қилганмиш. ДХХ шунингдек уни президентни интернет тармоқлари орқали ҳақоратлаб, давлат раҳбари обрўсига путур етказиш ва камситувчи маълумотларни тарқатиб, туҳмат қилганликда айбламоқда.
Блогернинг танқидий чиқишларни кўрмасдан бу баёнот ҳақида бирор нарса дейиш қийин. Балким, ростдан ҳам чиқишларда тухмат янграгандир, балким, ҳар доимгидек, кимдир погондаги навбатдаги юлдузча ҳаракатидадир.
Лекин мени ларзага келтирган жиҳат, ҳуқуқни қўллаш жараёнига ноҳуқуқий ғоялар кириб келганидир. Масалан, прокуратура баёнотидаги "Ўзбекистон Президенти раҳбарлигида амалга оширилаётган ислоҳотларни кенг жамоатчиликка нотўғри талқин этиш" ёки ТВда тез-тез янграшни бошлаган "Президент сиёсатига хиёнат қилиш" каби айбловлар ижтимоий-сиёсий вазият ўта қалтис вазиятда, жар ёқасига келиб қолганини англатади. Бу айбловларнинг муқобили бизнинг яқин тоталитар тарихимизда аллақачон бўлган, жуда кўп зиёлиларимизни бошини еб кетган.
НКВД қошида тузилган ОСО (Осо́бое совеща́ние при НКВД СССР) деган маъмурий орган на Конситуцияда, на Жиноят кодексида кўзда тутилган қуйдаги айбловлар билан 5 йилгача сургунга юбориш ҳуқуқига эга бўлган:
АСА — антисоветская агитация;
КРД — контрреволюционная деятельность;
СОЭ — социально опасный элемент;
СВЭ — социально вредный элемент;
ЧС — член семьи (врага народа);
ВАТ— восхваление американской техники;
ВАД — восхваление американской демократии;
ПЗ — преклонение перед Западом.
Мазмунан, аксил-совет агитацияси билан Ўзбекистон Президенти раҳбарлигида амалга оширилаётган ислоҳотларни кенг жамоатчиликка нотўғри талқин этиш бир нарса эканлигини кўриш учун кўп ақл керак эмас. Кейинги босқич нима бўлади? Aмалдаги сиёсатдан норозиларни СОЭ ва СВЭ, уларнинг оила аъзоларини эса ЧС деб эълон қилиш бўладими?
Сиёсатга, жамиятдаги жараёнларга ўз фикрини эркин ва тўсқинликсиз билдириш ҳар кимнинг Худо берган ҳуқуқидир, буни қандайдир амалдорлар олиб қўя олмайди.
Aмалдорларимиз, жумладан силовиклар ҳар қандай эътирозни "хиёнат" деб баҳолаверишдан воз кечиши керак. Жамият ҳам эркинликлар доирасини чеклашга ҳар қандай интилишга қарши огоҳ туриши керак. Aкс ҳолда, яна ўша "сталбани ҳам қамаш мумкин бўлган даврлар"га қайтамиз. Aгарда аллақачон ўша даврларда бўлмасак.
Сардор Салим
👉 @fayzboguz