Farg'ona viloyati bojxona boshqarmasi rasmiy axborot kanali

#hamkasblarimiz_ijodidN

Ҳамкасбларимиз ижодидан

ОРЗУЛАР САРИ

Менинг дунёйимми бу дунё?
О, бегона дунё!
Келмадимми ахир ўзим истаб?
Йиғлаб қаршиламадимми сиқтаб?
Мана, ол не керак бўлса,
Ол!
Ахир эмасдирми йўлингга муштоқ
сенинг орзуларинг.
Ҳа, орзуларинг!
Мукаммал туйғуларинг.
Яна не сўроқ?
Ҳа-аа,
йироқ, сен кутган орзулар уммони,
ушалмасми они?!
Қайда эрур тайёр бозори.
Аммо, келадир барчаси бир кунмас бир кун.
Ўша кун!
Эҳ, орзулар, орзулар,
зоҳирон сирлар,
Қисмат, тақдирлар!
Шошма, ўзинг жиловла,
Ҳаёлларга тизгин бер.
Зинҳор ошиқма,
Қўрқма, қаддингни кер!
Ишончга қалбинг боғла.
Мана, сен суйган ўша Ер!
Шу она тупроқ
шу Ватан,
шу замин
қайноқ
кучингга муштоқ.
Ташла эрклик лангарин,
Ёрил, ваҳм-ла қани,
Портла вулқон сингари!
Қани, бўл!
Шижоатга тўл!
Бу борлиқ,
бу Ватан,
бу замин,
отанг, онанг,
ёр-у дўстларинг
сен ила бари
Олға орзулар сари...

Рамазон Боймирзаев (Рамазоний),
Миллий кинология маркази ходими

#donolar_bisotidan
#kun_hikmati

Донолар бисотидан

Қинғирликлар билан ошна тутинган одам ўша қинғирликларнинг асиридир.

Т. Драйзер

Д И Қ Қ А Т Э Ъ Л О Н !

Божхона қўмитаси ҳудудий бошқармалар божхона постларидаги бўш лавозимларга хизматга қабул қилиш бўйича танлов эълон қилади.

Мазкур лавозимларга танлов асосида Ўзбекистон Республикаси фуқаролари, ёши ўн еттидан кам бўлмаган ва ўттиздан ошмаган,
ўзининг шахсий, ишчанлик ва ахлоқий сифатлари, соғлиги ва жисмоний тайёргарлиги даражасига кўра божхона органи ходимининг хизмат вазифаларини бажаришга қодир, бўйи 165 см.дан кам бўлмаган олий маълумотга эга ЭРКАКЛАР (20 нафаргача) ҳамда бўйи 160 см.дан кам бўлмаган олий маълумотга эга ХОТИН-ҚИЗЛАР қабул қилинади.

Танловда иштирок этмоқчи бўлган хотин-қизлар Андижон, Наманган, Фарғона, Сирдарё ва Сурхондарё вилоятларида доимий яшашлари, эркак номзодлар эса муддатли ҳарбий хизматни ўтаган ёки сафарбарлик чақируви резервида хизмат қилган ёхуд олий таълим муассасаларида ҳарбий тайёргарликдан ўтган бўлишлари лозим.

Номзодлар чет тилларидан бирини мукаммал билиши лозим.

Ўзбекистон Республикасининг “Давлат божхона хизмати тўғрисида”ги Қонунининг 13-моддасига кўра, муомалага лаёқатсиз ёки муомала лаёқати чекланган деб топилган, хизматни ўташга монелик қиладиган касаллиги ёки жисмоний нуқсонлари бўлган, бошқа давлат органларидан салбий сабабларга кўра бўшатилган, содир этган жинояти учун илгари ҳукм қилинганлар, қўлланилган жазо туридан, судланганлик ҳолати тугатилганлигидан ёки олиб ташланганлигидан ва ўзига нисбатан амнистия акти ёки афв этиш қўлланилганлигидан қатъи назар ёхуд ярашув муносабати билан жиноий жавобгарликдан озод қилинган фуқаролар хизматга қабул қилинмайди.

Юқоридаги талабларга мос келмаган, саралаш босқичларидан ўта олмаган ёки ўзи ва яқин қариндошлари тўғрисида била туриб нотўғри маълумотлар берган, шунингдек белгиланган ҳужжатларни белгиланган муддатда тақдим этмаган номзодларни хизматга қабул қилиш рад этилади.

Танловда иштирок этиш аризалар жорий йилнинг 13 декабрига (шу куни ҳам) қадар https://customs.uz/uz/services/vacancy ҳаволаси орқали онлайн қабул қилинади.

Танлов бўйича қўшимча маълумотлар билан танишиш ҳаволаси: https://new.customs.uz/uz/services/vacancy/questions

Қўшимча маълумотлар учун ҳудудий бошқармаларнинг телефон рақамлари: https://new.customs.uz/public/docfiles/1690367527.pdf

3 декабрь – Халқаро ногиронлиги бўлган шахслар куни!

Ўзбекистон 2021 йилда Ногиронлиги бўлган шахслар ҳуқуқлари тўғрисидаги Конвенцияга қўшилган.

Давлатимиз Раҳбари томонидан илгари сурилган ташаббусга биноан ногиронлиги бўлган шахсларни ўзларининг меҳнат салоҳиятини тўлиқ рўёбга чиқишлари учун вазирликлар ва идораларга ишга қабул қилишга алоҳида эътибор қаратилмоқда.

Ҳозирда божхона органларининг эркин ёлланган ва техник ходимлари таркибида 25 нафар ногиронлиги бўлган шахслар меҳнат қилмоқда. Улардан 13 нафари жорий йилда ишга қабул қилинган.

Биз билан бир сафда меҳнат қилаётган ногиронлиги бўлган шахслар учун муносиб меҳнат шароитларини яратишга алоҳида эътибор қаратилмоқда.

Сиз ҳеч кимдан кам эмассиз!