5-Maktab Matbuot kanali

Hayot 3 nemat bilan go‘zaldir: Sabr, Shukur, Duo!
Sabr- bilan yo‘llar ochiladi.
Shukr- bilan ne’matlar ziyoda bo‘ladi.
Duo- bilan taqdiringiz go‘zallashadi.

Xayrli kun yaxshi odamlar.

@fargona_5_maktab 💕

Hurmatli vatanimiz himoyachilari, harbiylarimiz, harbiylikni niyyat qilgan o'g'lonlarimiz, onalarimizning ishongani, otalarimizning suyanganlari, aka-uka, opa-singillarining quvonchi, do'stlarini faxri bo'lgan yigitlar, jamiki "O'zbekiston" deb atalmish jannatmakon yurtning botir, qo'rqmas alpomishlari! Barchangizni 14-yanvar "Vatan himoyachilari" kuni bilan tabriklayman! Vatan himoyachilari sifatida biz faqat harbiylarni emas, balki har bir yigitlarimizni ko'rishimiz mumkin. Sizlar bor ekansiz bizning ko'nglimiz xotirjam, yurtimiz tinchligiga shubha yoʻq. Sizning mardligingiz, jasurligingiz va albatta shijoatingiz tahsinga loyiq! Sizlarga hurmatim cheksiz!! 🇺🇿👮‍♂👮🎉👏☺️🥳
Bayramingiz muborak bo'lsin! Omad, baxt, quvonch hamisha hamroxingiz bo'lsin!

@fargona_5_maktab 💕

​YAXSHI OTA-ONA BOʻLISH SIRI

Ota-ona boʻlish oson, lekin yaxshi ota-ona boʻlish hammaning ham qoʻlidan kelavermaydi. Quyidagi kichik maslahatlar yaxshi ota-ona boʻlish sari yetaklaydi:

✅ASABIYLASHMANG. Siz qanchalik muloyim va sokin boʻlsangiz, bolangiz ham shunchalik osuda boʻlib oʻsadi.

✅ALDAMANG. “Ovqat yesang, buvingnikiga olib boraman!” dedingizmi, olib boring yoki unday vaʼda bermang. Bolaga berilgan vaʼdaning ustida turish muhim. Shunda u sizga ishonadi va talablaringizni oson bajara oladi.

✅URMANG. Bolani urishdan yomoni yoʻq. Urmay turib ham jazolash mumkin, urmay turib ham ota-ona oʻz gapini oʻtkazishi mumkin. Urish darajasiga bordingizmi, demak, ayb sizda.

✅HAR NARSANI MAN QILAVERMANG.
“U mumkin emas, bu mumkin emas”, “Uni qilma, buni qilma” kabi gaplarni eshitavergan bola bora-bora bu gaplarga eʼtiborsiz boʻlib qoladi. Oʻzingiz uchun ajratib oling haqiqatdan mumkin boʻlmagan narsalar bilan sizga shunchaki noqulaylik keltiruvchi narsalarni. Masalan, qumda yangi kiyimda oʻynashi bu shunchaki sizga noqulaylik keltiruvchi narsa. Haqiqatdan mumkin boʻlmagan narsalarga yoʻl qoʻymang. Sizga noqulaylik keltiradigan narsalarga boʻlgan munosabatingizni oʻzgartiring.

✅OʻRNAK BOʻLING. Oʻzingiz xunuk soʻzlarni ishlata turib bolangizga “Xunuk gapirma!” deya olmaysiz. Xuddi shunday kuni bilan televizor yonida boʻlsangiz, bola ham dars qilmay, televizordan keta olmaganiga hayron boʻlmang. Oʻzgarishni oʻzingizdan boshlang.

 ✅AYBINGIZNI TAN OLISHNI BILING.
Biron ishda xato qilib qoʻysangiz, bolangiz oldida uni tan olishga odatlaning. Bundan bola xato qilishdan qoʻrqib yashamay, xatoni qanday qilib takrorlamaslikni oʻrgansin.

✅BOLANI ERKA QILISHDAN QOʻRQMANG. Yetti yoshgacha erka boʻlgan bola hayotda katta yutuqlarga erishadi. Faqat erkaligi yangi oʻyinchoqlar bilan emas, sizning mehringiz bilan qoplansin.

✅KECHIRIM SOʻRASHNI BILING.
Siz ham nohaq boʻlishingiz mumkin. Boladan kechirim soʻrashdan qoʻrqmang. Bundan u mehrliroq va sabrliroq boʻlishni oʻrganadi.

✅QUCHOQLANG! Bolani koʻproq quchoqlab oʻpishga odatlaning. Bola bunga ruhan ham jismonan zor boʻladi.

✅SABRLI BOʻLING. Bolaga ota-onaning jahli chiqishining eng asosiy sababi sabrsizlikdir. Bolaning qiliqlariga, ishiga, oʻqishiga, yurish-turishiga ozgina sabr bilan yondashsangiz, u sizni faqat suyuntirayotganini his qilasiz.

@fargona_5_maktab 💕