Farangiz Murodova

2024-yildagi badiiy asar mutolaam

Fevral oyida mutolaa qilgan asarlarim

1. Fyodor Dostayevskiy " Jinoyat va jazo"
2. M.Y. Lermontov " Zamonamiz qahramoni"
3. H. Hayne " Yoshlik iztiroblari"
4. Uyg'onish to'plamidan " Abu Rayhon Beruniy"
5. Abdulla Qahhor " Sinchalak"

Mart oyida mutolaa qilgan asarlarim

6. Lev Folstoy " Anna Karenina"
7. Gyote " Yosh Vorterning iztiroblari"
8. Cho'lpon " Qor qo'ynida lola" hikoyasi
9. Uyg'onish to'plamidan " Abu Ali ibn Sino"
10. Rashod Nuri Guntekin " Iztirob"
11. Abdulla Qodiriy " Mehrobdan chayon"
12. I. G'afurov " Iltijo" mansuralar

Aprel oyida mutolaa qilgan asarlarim

13. Jek London " Martin Iden"
14. Daniel Defo " R. Kruzoning sarguzashtlari"
15. Gi de Mopassan " Hayot"
16. Abdurauf Fitrat " Abulfayzxon"
17. Ernest Xeminguey " Chol va dengiz"

May oyida mutolaa qilgan asarlarim

18. E. Xeminguey " Alvido, qurol"
19. M.Tven " Shahzoda va gado"
20. Frans Kafka " Evrilish"
21. A. Kamyu " Bodom gullaganda" esse

Iyun oyida mutolaa qilgan asarlarim:

Asosan ilmiy kitoblar bo'lgan. Sabab sessiya edi)

Iyul oyida mutolaa qilgan asarlarim:

22. Nazar Eshonqul " Urush odamlari"
23.Frensis Skott Fitsjeral " Buyuk Getsbi"
24. Tillaniso " Qon"
25. Yevrepid " Medeya"

Avgust oyida mutolaa qilgan asarlarim:

26. Cho'lpon hikoyalari "Nonvoy qiz", "Oqposhshoning in'omi", "Kleopatra"
27. Gulnoz Mo'minova " Chalaxotin yoxud yer ostiga maktub"
28. Halima Ahmedova " Ichimdagi odam" (audio)
29. Luqmon Bo'rixon " Qorxat"
30. "Irq bitigi" (Ta'birnoma)

Sentabr oyida mutolaa qilgan asarlarim:

31. Jek London " Muhabbat va matonat" turkumiga kiritilgan hikoyalar
32. Jeyms Joys " Uliss sarguzashtlari"

Oktabr oyida mutolaa qilgan asarlarim:

33. G'afur G'ulom " Netay"
34. G'afur G'ulom " Yodgor"
35. Abdulla Qahhor hikoyalari
36. Mirzakalon Ismoiliy " Farg'ona tong otguncha"

Noyabr oyida mutolaa qilgan asarlarim:

37. N. Karimov " Oybek va Zarifa"
38. Shukur Xolmirzayev " Odam" hikoya

Dekabr oyida mutolaa qilgan asarlarim:

39. O'. Hoshimov " Bahor qaytmaydi", "Hurkitilgan tush"
40. N. Boqiy " Qizil Toshbo'ron"
41. A. Muxtor " Chinor"
42. Hamza Hakimzoda Niyoziy " Boy ila xizmatchi"
42. Tohir Malik " Alvido, bolalik" (2-bor o'qishim)

Bundan tashqari ko'pgina ijodkorlarning she'rlaridan yod oldim.

Ilmiy kitoblar:

43. D. M. Aromov " Yurak himoyaga muhtoj"
44. Hekimoğlu Ismail "Canım Allah' ım"
45.Shavkat Rahmatullayev Hozirgi o'zbek adabiy tili
46. "O'zbek adabiy tanqidchilik tarixi"
47. Nemis tilidagi gazetalar

Yanvar oyida sessiyani yaxshi topshiray deb jon-jahd bilan tayyorlanib, faqat ilmiy kitoblar o'qiganman. Ayni vaqtda nemis tilini ham shu vaqtda o'rganib, kurs ishini ham yozyotgan edim. Ammo, kam bo'lsa ham esda qolarli, mazmunli o'qiganligimdan xursand bo'laman. Bu asarlarni o'qib o'zimga kelishim oson bo'lgan emas. Hattoki hozir ham ba'zi asarlar ta'siridaman.

@farangizkhan_murodova

Ayamning Buxoroga ketyotganimda aytadigan gapi: " Yana shu kitoblaringni chamadoninga solib oldingmi?"

Sen mening ko'zimni shipshitib yana kitoblaringni solib olmasliging uchun ham, endi chamadoninga narslaringni men joylashtiraman.

@farangizkhan_murodova

Suad "Alanga ichidagi ayol"
Janr: qissa
Bet: 127

"Zamona ayollarining ko'zini ochadigan haqiqatlar"

Bilamizki, shu so'nggi uch yil davomida jamiyatimizda gender tengligi tushunchasi yuqori cho'qqiga ko'tarildi. Shu boisdan, har xil chellenjlar ham e'lon qilindi. Ayol kishi shunday yaratilganki, hamma vaqti ham ichidagi borini sirtiga chiqara olmaydi, chidash kerakligi va doimiy ravishda ayb erkakda bo'lsa-da o'zini ayblab keladi xuddi qissamiz qahramoni Suad kabi.

Chekka bir qishloqda orzu qilishga ham qo'rqadigan qizlar, hatto erkak qiladigan ishlarni ham xotin-qizlarning bajarishi, eng og'ir dala ishlariga jalb qilinishi-yu, 13 yoshdan turmushga uzatish Suad yashaydigan qishloqning eng katta qonunlaridan bittasi edi.

Ayol-qul, doimiy ravishda do'pposlanish, zulmga mahkum, ayol qiz tug'sa u oila a'zosi emas, o'g'il tug'ilgan uy bo'lsa, doimiy xalqning e'zozida etib sanalardi. Bundan og'ir qiynoqlarga chidab kelayotgan qishloq ayollari Ollohdan sog'lom farzand emas, balki tun-u kun o'g'il so'rashardi, zero ularning boshiga shu orqali kaltaklar kamayar edi.

Asardagi tugun bu- Suadning Fayozdan xomilador bo'lib qolishi bilan boshlanadi. Suad Fayozdan chin muhabbatni kutib, unga ishonch bergandi va bu Suadga qimmatga tushdi. U opasining turmush o'rtog'i Husayn tomonidan o't qo'yib yoqib yuboriladi. Xudoning marhamatini qarangki, uning ichidagi farzand nobud bo'lmaydi. Ammo Suadga qarab bo'lmas darajada kuyish bor edi.

Suad oila a'zolarini shunday eslab qolgan edi: kaltak ko'targan otam, stakan ushlagan onam, meva keltirgan ukam.

Asardagi tugun yechilishiliga sababchi esa, Jaklin " Insoniyat Kurrasi" nomli gumanitar tashkilotda ishlovchi ayol edi. Suadning 7 oylikda tug'ilgan farzandini asrab, tarbiya qilgan ham shu ayol edi.

Asar hayotiy voqea asosida yozilganligi bilan ham ahamiyatlidir. Agar o'qib chiqsangiz, hozirgi yashayotgan holingizga shukr qilishingiz tabiiy. Aslida ayolning ismi Suad emas, hozirgacha u ota- onasining kelib qolishidan yoki bu asar arab tiliga nashr qilinsa ular bilib qolishidan qo'rqqanligi sabab ismini o'zgartirib yozishga majbur bo'lgan.

Suad olovdan haliyam qo'rqardi. Ularning uyida gugurt yoqilmas, ikkinchi turmushi bilan farovon hayot kechirmoqda. Ikkita qiz farzandi bor va yaxshi bir ishda ishlaydi.

Afsuski, ayollarga qarshi zo'rovonlik holatlari haligacha barham topgan emas. Ayol o'z shaxsiy fikrini bildirmasligi, unga qul va oddiy inkubator sifatida qarash ayrim " erkak" larda haliyam saqlanib qolgan.

Asarning o'ndan birini sizlarga yetkazib bera oldim, xolos. Ammo diqqat bilan o'qisangiz, ko'zingizda yosh to'xtamaydi. Hattoki qishlog'idagi qizlar yozish, chizish va o'qishni bilmas edi Suad kabi. Bir-ikkita qiz shaharga borib o'qib kelishi mumkin bo'lgan.

Ularning hayoti, ertalabdan dala ishlash, og'ir mehnat qilish, har kungi kaltaklar va 14 yoshda oila qurish. Bu dahshat.

Xulosa shuki, bu kitobni faqat ayollar o'qishini emas, balki erkaklar o'qishini ham istardim. Negaki, ayol go'zal hilqat. Uning ham jamiyatda o'z o'rni va mavqeyi bor. Islomda ham hattoki, ayollaringizning yumushlariga yordamlashing, ularni qadrlang deyilgan.

Jamiyat uchun kerakli asarni tarjima qilganingiz va tabiiy holda yetkazganingiz uchun sizga alohida rahmat, Nodirabegim Ibrohimova!

@farangizkhan_murodova

Tugadi ✅

Naq 01:30 gacha tomosha qildik. Bu yerda faqat onani Makkaga olib borish emas, inson maqsadi uchun harakat qildimi unga har xil to'siqlar bo'lsa ham chin dildan kirishsang Yaratgan yordam beradi degan ma'noni anglash mumkin. Ba'zi joylarda ko'zimga yosh keldi.

Duoda gap katta deb bejizga aytishmaydi. Doim biz qilgan duolarni Yaratgan amalga oshiradi. Ona ham o'g'lining harakatlarini qo'llab-quvvatladi. Makkaga borishlariga ham shu quvvatlov tirgak bo'ldi desak adashmaymiz.

Asosiy nuqtalar, Suriyagi holatni aytish mumkin. Qarang qanday sabab bo'ldiki, ular omon qoldi.

Kino davomida Makka ko'z oldimda gavdalandi. Makkaning havosini, ruhiyatimda his qildim. Ota-onaning duosi, hamma vaqt insonni barcha xatarlardan asraydi.

Qirg'izlar tomonidan tabiiy holda yetkazib berilgan bu kino bekorga butun insonlarning qalbidan joy olgani bejizga emas. Ibratli kinolar ishlanaversa, baribir yaxshida.

Kino haqida judayam ko'p va xo'p gapirishim mumkin. Barchaning o'ziga yarasha qarashlari bor. Men ko'nglimga yaxshi bir niyatni tugib qo'ydim. Tushimda esa ajoyib hodisa guvohi bo'ldim✨

Tavsiya qilgan singlimga rahmat. Ketgan vaqtga arziydi. Oldi-qochdi filmlardan ming chandon ko'rishga arzigulik.

@farangizkhan_murodova

G'afur G'ulomni yomonlashdan oldin uning "Shum bola" asarini o'qing, Hamza Hakimzoda Niyoziyni hayosiz deb gapirmasdan "Boy ila xizmatchi" dramasini mutolaa qiling.

Biz ko'proq adiblarning shaxsiyatiga e'tibor beramizu, ular yozgan asar haqida mushohada qilishni unutib qo'yishimiz tabiiy.

Misol uchun, Dostayevskiy g'irt qimorboz edi, shu orqali buyuk asarlar ham yozdi, yoki Mopassan ayollarga suyagi yo'q edi. Ammo bizga unga e'tiborni emas, balki asarlari qiziqtirishi kerak deb o'ylayman. Bu mening o'lchovimda, yana bilmadim...

Chunki hammaning o'ziga yarasha qarashlari bor.

@farangizkhan_murodova

2025-yilni qaysi badiiy asar bilan boshlayapsiz?

@farangizkhan_murodova

Mening kichik yordamimga katta baho berganingiz uchun rahmat oilam❤️

Aslida yaxshilik ulashayotgan barchangiz qahramonsiz. Yaxshi yangiliklar bilan 2024-yilni ham tugatyapman.

Shu o'rinda men bir yangilikni e'lon qilmoqchiman. Men bir ukam Ulug'bek bilan Insoniyat mavjud @humanity_exists loyihasiga qo'l urdik. Bu yo'lda sizlar ham katta yordam berasiz degan umiddaman✨

@farangizkhan_murodova

Meni aksariyat ko'rgan insonlar shaharlik deb o'ylashadi. Lekin, chekka bir qishloqda katta bo'lgan, o'qish-izlanish orqali uzoq viloyatda bilim olib kelayotgan sizlar qatori talabaman.

Doim vaqtimni taqsimlashni, ko'proq bilim olib amaliyotda qo'llashni, atrofimdagilar bilan samimiy munosabatda bo'lishni yaxshi ko'raman. Mening hayotda o'zimni isloh qilishimga birgina gap yetarli bo'lgan : " Ilmli insonlar kamtar bo'ladi". Haqiqatdan ham shunday.

Ilmni egallagan ko'p professor o'qituvchilar ko'p fanlardan xabari bor bo'lsa-da, maqtanishdan yiroq. "Men mana shunchaaaa narsani bilaman" deyishmaydi. Chunki bilim dengiz, biz parchasini bilamiz xolos, ammo o'rganishda davom etsak o'tkirlanib boraveramiz.

Negaki inson hamma narsani 100% bila olish qobiliyatiga ega emas. Men bilganni siz bilmasligingiz mumkin, siz bilgan narsalarni esa men. Ammo bo'shliqni to'ldirish orqali, barchasi iziga tushib boraveradi.

Bo'shliq bekorchilikdan paydo bo'ladi. Bekorchilik esa o'qimaslik va uqmaslikdan. Shuning uchun kuniga hech bo'lmasa 20 bet bo'lsa ham badiiy asar o'qib mulohaza yuriting. Sizdagi qobiliyatlarni mutolaa yuzaga chiqaradi.

Inson bu dunyoga keldimi, kamtar va kamsuqum, dunyoning mansabiyu yutuqlariga erishgan bo'lsada ko'zi alanglamasligi kerak. Bu his unga faqat minusga ishlashi tabiiy.

O'xshamasa ham harakat, mehnat qiling. Siz erisha olmadingizmi, bunda boshqalarni ayblamang. U inson ham juda ko'p yiqilib keyin erishgan bo'lishi mumkin bu yutuqlarga.

Yutuqlarni kelib-ketuvchi karvon deb bilaman. Inson qiymati erishgan mukofotlari bilan emas, balki insoniyligi bilan o'lchanmog'i lozim.


Har kun bo'lmasa ham, haftada men o'zi kimman, nima uchun dunyoga keldim, kim bo'lib ketishim kerak degan savolni o'zingizga berib ko'ring. Javobini topganingiz on, yashashni boshlagan bo'lasiz.

p/s : ko'p aqllilik qilgan bo'lsam uzr)

@farangizkhan_murodova

Qaniydi insonlar, yangi modaga kirgan mashina-yu kiyimga emas, yangi nashrdan chiqqan kitobga navbatda turishganda...

"O'tkan kunlar" romanining gazetada chiqishni poylab o'tiradigan, "Jahon adabiyoti" jurnalining, hech bir qismini qoldirmasdan o'qiydigan xalq qayerga ketdi?

Farzandiga tunlari alla, lapar aytib beradigan, kichikligidan adabiyotga mehrini uyg'otadigan onalarchi?

Qo'shnining bir-biriga bo'lgan mehr-oqibatichi?

Odamlar uyiga kamera qo'yish tugul, hatto eshiklariga zulpak ham osishmasdi. Ishonch kuchli edi.

Qani, kashtalar tikilib, tuni bilan Nodira, Uvaysiy, Navoiy va Mashrabdan g'azallar aytuvchi qizlar...

Shunchaki oddiy o'qiladigan so'zlar emas bu. Aslida, har bir yozgan jumlamni hazm qilish bir qiyin. Yozyotgan vaqtimda tomog'imga nimadir tiqilib, meni o'yga toldirdi.

©Farangiz Murodiy

@farangizkhan_murodova

Hamma seni o'zicha shakllantirmoqchi bo'lganda, sen o'zingcha shakllan.

© Farangiz Murodiy

@farangizkhan_murodova

Umarali Normatovning shogirdlaridan biri kuchli munaqqid, adabiyotshunos Qozoqboy Yo'ldoshev bilan suhbat. Judayam arzirli va og'riqli gaplarni gapirgan. Ko'rishni tavsiya etaman.

Instagramda foydasiz reel tomosha qilgancha, shuni ko'ring. Miyangiz ochiladi, fikrlay boshlaysiz✨

Birovdan bir narsa olishniyam bilmaymiz,
Birovga bir narsa berishniyam bilmaymiz.

O'zbeklar juda unikal xalq.

Qozoqboy Yo'ldoshev

@farangizkhan_murodova