Boshim qo‘yay bugun sizning poyingizga
Qalbim to‘la mehr daryo soyingizga
Mehribonim, tanhoginam, jonajonim
Boringizga shukur deyman boringizga.

Neki bo‘lsa hammasidan ustunimsiz
Pok iymonim, yorug‘ yuzim, himmatimsiz
Duogo‘yim, mehri daryo Jannatimsiz
Boringizga shukur deyman boringizga

Baxtim sizsiz, ne qilay men humolarni
Rostligimsiz, yuzi qursin ro‘yolarni
Allangizga alishmayman dunyolarni
Boringizga shukur deyman boringizga

Uyalaman qilgan bari xatoyimdan
Ko‘nglingizga bilmay bergan ozorimdan
Umringizni so‘ray Qodir Xudoyimdan
Boringizga shukur ONAM, boringizga...❤