EskiObod_Uz

--- ∽❧❧۞🍃🕌🍃۞∽❧❧∽ ---

ЧУНКИ БИЗ ХУФТОН НАМОЗИНИ ЖАМОАТ БИЛАН ЎҚИДИК

     Убайдуллоҳ Қоваририй (Имом Бухорий ва Имом Муслимнинг устози) розияллоҳу анҳу айтади:
     «Мен ҳеч қачон хуфтон намозини жамоат билан ўқишни канда қилмаганман. Бир куни уйимга меҳмон келиб қолди ва шу сабаб машғул бўлиб қолдим.
    Хуфтонни жамоат билан ўқий олмадим. Басрадаги намоз ўқилаётган масжидларни қидириб кўчага чиқдим. Одамларнинг ҳаммаси намоз ўқиб бўлган ва масжидлар эшиги ёпилган эди. Уйимга қайтдим ва: «Ҳадисда келтирилишича, жамоат билан ўқилган намоз уйда ўқилган намоздан йигирма етти баробар устун бўлади», дедим ва хуфтонни йигирма етти марта ўқидим. Ухладим ва тушимда от устида кетаётган одамлар билан мен ҳам бирга эдим. Менда ҳам от бўлиб, биз мусобақалашаётган эдик. Мен отимни чоптиришимга қарамай уларга ета олмас эдим. Улардан бири менга ўгирилиб қаради ва: «Отингни чарчатма, сен бизга ета олмайсан», деди. Нима учун ета олмаслигимни сўрадим. Шунда у айтди: «Чунки биз хуфтон намозини жамоат билан ўқидик, сен эса ёлғиз ўқидинг». Уйқудан гамга ботган ва маҳзун ҳолда уйғондим».
    Абу Ҳурайра розияллоҳу анҳудан ривоят қилинади:
    «Расулуллоҳ соллаллоҳу алайҳи васаллам:
    «Ким эртами-кечми, масжид томон борса, Аллоҳ таоло унга ҳар эрта ва кеч юрганида жаннатдан манзил тайёрлайди», дедилар» (Имом Бухорий. Имом Муслим ва Имом Аҳмад ривояти).
      Бу мукофот масжидга эрта тонгда ёки кечаси намоз ёки уни кутиб туриш учун, илм ёки мажлисида қатнашиш ёки унда ўтириш учун борадиган инсонларга берилади. Шарти, у ғийбат, ёлғон ва унга ўхшаш нарсаларни сўзламаслик керак.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

ҲАР БИР АЪЗО УЧУН БИР ШУКР

Бир киши Абу Ҳозим раҳматуллоҳи алайҳдан сўради:
– Икки кўзнинг шукри нима?
– Икки кўзинг кўрган яхшиликни ошкор этиб, улар кўрган ёмонликни пинҳон тутмоғинг.
– Икки қулоқнинг шукри нима?
– Икки қулоғинг эшитган яхшиликни тушуниб-таниб, улар эшитган ёмонликни кўмиб кетмоғинг.
– Икки қўлнинг шукри нима?
– Икки қўлинг билан бировнинг ҳаққини олма, Аллоҳнинг улардаги ҳаққини адо этмасдан қолма.
– Қориннинг шукри нима?
– Ичингнинг туби таом, тепаси илм бўлсин.
– Фаржнинг шукри нима?
– Аллоҳ таоло бу масалада шундай деган: «Улар авратларини (ҳаромдан – зинодан) сақлагувчи, магар ўз жуфти ҳалолларидан ва қўлларидаги чўриларидангина (сақланмайдиган) кишилардир. Бас, улар маломат қилинмаслар» (Муъминун сураси, 5-6-оятлар.)
– Икки оёқнинг шукри нима?
– Сен бир марҳумни кўриб ҳавас қилсанг, икки оёғингни унинг амалига монанд ишлат. Агар марҳумнинг аҳволидан нафрат қилсанг, оёқларингни дарҳол тўхтатиб, Аллоҳга шукроналар айт. Фақат тили билан шукур қилиб, амалда ҳеч нарса қилмайдиган кимса кийимини киймасдан судраб юрган кимсага ўхшайди. Унинг кийими иссиқ-совуқ ва қор-ёмғирда фойда бермайди.

“Солиҳлар суҳбати”дан.


ДЎСТЛАРИНГИЗГА ҲАМ УЛАШИНГ!!!
@eskiobodmasjidi

РАСУЛУЛЛОҲ СОЛАЛЛОҲУ АЛАЙҲИ ВА САЛЛАМНИНГ ОИЛАЛАРИ

(Ҳамма билиш зарур)

Оталари Абдуллоҳ ибн Абдулмуттолиб пайғамбаримиз алайҳиссалом туғилмасларидан олдин оламдан ўтганлар.
Оналари Омина бинти Ваҳб пайғамбаримиз алайҳиссаломнинг 6 ёшликларида вафот қилганлар.
Боболари Абдулмуттолиб ибн Ҳошим пайғамбаримиз алайҳиссалом 8 ёшликларида дунёдан ўтган.
Амакилари: Расулуллоҳ солаллоҳу алайҳи ва салламнинг 9 та амакилари бўлган. Уларининг исмлари: Ҳорис, Зубайр, Ҳамза, Зирор, Абу Толиб (Абду¬маноф), Абу Лаҳаб (Абдулуззо), Абдулкаъба, Муғийра ва Навфал.
Аммалари: Умайма, Баро, Умму Ҳакийм, Сафия, Арво, Отика.
Аёллари: Хадийжа бинту Ҳавайлид, Савда бинту Замъа, Оиша бинту Абу Бакр, Ҳафса бинту Умар, Зайнаб бинту Ҳузайма, Умму Салама (Ҳинд бинту Абу Умайя), Зайнаб бинту Жаҳш, Маймуна бинту Ҳорис, Жувайрия бинту Ҳорис, Умму Ҳабиба (Рамла бинту Абу Суфён), Мория бинту Шамъун, София бинту Ҳуяй.
Ўғиллари: Расулуллоҳ солаллоҳу алайҳи ва салламнинг учта ўғиллари бўлган аммо улар ёшликларида вафот қилганлар. Улар: Қосим, Абдуллоҳ, Иброҳим.
Қизлари: Зайнаб, Фотима, Руқайя, Умму Кулсум розияллоҳ анҳунна.
Куёвлари:
Абул Осс ибн Робиъ розияллоҳу анҳу – Зайнаб бинту Муҳаммад алайҳиссаломнинг турмуш ўртоқлари.
Али ибн Абу Толиб розияллоҳу анҳу – Фотима бинту Муҳаммад алайҳиссаломнинг турмуш ўртоқлари.
Усмон ибн Аффон розияллоҳу анҳу – аввал Расулуллоҳ солаллоҳу алайҳи ва салламнинг Руқайя  исмли қизларига уйланадилар, бир қанча вақт ўтиб Руқайя розияллоҳу анҳо вафот этганларидан сўнг Расулуллоҳ соллаллоҳу алайҳи ва салламнинг кенжа қизлари Умму Кулсум розияллоҳу анҳога уйланадилар. Шу сабабли Усмон розияллоҳу анҳу «Зиннурайн» - икки нур соҳиби деган ном билан шарафланганлар.
Набиралари:
Абул Осс ибн Робиъ ва Зайнаб бинту Муҳаммад алайҳиссаломнинг фарзандлари: Али, Умома.
Али ибн Абу Толиб ва Фотима бинту Муҳаммад алайҳиссаломнинг фарзандлари: Ҳасан, Ҳусайн, Мухассин, Зайнаб, Умму Кулсум.
Усмон ибн Аффон ва Руқайя ибн Муҳаммад алайҳиссаломнинг фарзандлари: Абдуллоҳ.                                                                                                     

(Имом Термизий, «Шамоили Муҳаммадия»).

ДЎСТЛАРИНГИЗГА ҲАМ УЛАШИНГ!!!
@eskiobodmasjidi