Эшқувватов Сардор

Бугун.

Бугун менинг аяжонимнинг таваллуд кунлари.

Бугун муборак Рамазон ойининг илк куни.

Бугун баҳорнинг илк куни.

Хуллас, бугун "Хет-трик" байрам!

Менимча ҳаётда чин дўст топа олиш катта бахт.

Ҳамма ҳам дўстдек кўринаверади, лекин ҳамма ҳам дўст бўлавермайди.

Енди англаётгандекман дўст ҳақида қўшиқлар нима учун кўп эканлигини.

+1

Бугун 31-кун. Ўзимга берган ваъдамни яни инстаграмсиз бир ойлик ҳаётни яшаб кўрдим.

Нима учун бу қарорга келдим?

Сабаб 1 ой олдин ёнгил дафамин (реелс видеолар) "қарами"га айланиб қолганимни сездим ва бу ҳолатни қачондир ўзгартириш керак эди.

Шу сабаб ўзим учун кичик бир тажриба қилишни ният қилдим. Бу инстаграмсиз яшаб кўриш.

Бу жараёнда нималарга дуч келдим?

Дастлабки 2-3 кунда ҳаммаси жойида эди, лекин бу ҳолат 1 ҳафтадан кейин тамоман ўзгарди. Буёғига реелс видеолар "ҳуружи" бошлади. Инстаграмни титкилаб ўтирган инсонларни кўрганимда мен ҳам иловани қайта юклаб олиш хоҳиши қийнарди. Аммо шу вақт ўзимга берган ваъдам ва сизга билдириғим бу ҳолатдан тийилишимга сабаб бўлди.

Ҳозир ҳолат қандай, бундан кейинчи?

Реелс видеоларга эҳтиёж сезмай қўйдим. Бу ҳолат одат сифатида шаклланди. Буёғига ҳам шу тажрибада давомли бўлишга ҳаракат қиламан.

Нималарга эришдим?

Аввал айтганимдек вақт назорати, диққат ва унумдорлик ошди, стресс, дипрессияга мойиллигик камайди. Шубҳасиз, бу синов ҳаётимни яхши тарафга ўзгаришига, ўзимга, иродамга бўлган ишончим ортишига сабаб бўлди.

Албатта, инстаграмсиз бир ойлик ҳаёт орқали сизга ўзимни қанақадир ютуққа эришиб қўйган инсон сифатида кўрсатмоқчи эмасман. Чунки бу ҳеч қандай ютуқ эмас. Алсида норма! Ушбу гапларим орқали бу каби иловалардан фойдаланмасликни тарғиб қилмаяпман, шунчаки қарамлик даражасига етмаслик кераклигини ўз тажрибам орқали яна бир бор эслатмоқчиман.

Хулоса ўрнида шуни айтишим мумкинки шу кичик синов ортали ўзим учун катта тажриба олдим. Биз ўзимизни тарбиялашимиз учун ўзимизни нимагадир мажбурлашимиз кераклигини тушундим.

П.с/ Фикрлар субйектив, эътироз ва саволларингиз бўлиши табиий.

10.01.2024. Тошкент.

Биз..

ўзгаларга яхши томонга ўзгариши, инсонларга яхшилик улашиши кераклигини уқтирмоқчи бўламиз, лекин ўзимиз..

ўзгаларга ҳалол яшаши, ўзгалар ҳаққига хиёнат қилмаслиги кераклигини уқтирамоқчи бўламиз, лекин ўзимиз..

ўзгаларга ота-онасига меҳрибонроқ бўлиши, уларни қадрлаши, ғанимат билиши кераклигини уқтирмоқчи бўламиз, лекин ўзимиз..

ўзгаларга вақтининг қадрига етиши, бу ҳаётда нимадирга улгириб қолиши кераклигини уқтирмоқчи бўламиз, лекин ўзимиз..

ўзгаларга спорт билан доимий шуғилланиши, соғлом турмиш тарзига риоя қилиши кераклигини уқтирмоқчи бўламиз, лекин ўзимиз..

ўзгаларга доимий илм олиб, илм улашиши кераклигини уқтирмоқчи бўламиз, лекин ўзимиз..

..лекин ўзимиз уларга ҳар доим ҳам амал қила олмаймиз, баъзан бутунлай ёддан чиқариб қўямиз. ўзимиз касал бир ҳолатда, ўзгалар дардига даво бермоқчи бўламиз.

П.с/юқоридаги "биз" асли мендир.

23.12.2024.Тошкент.

Челленж.

09.12.2024. Ушбу санада кўп вақтимни беҳуда сарфлашимга сабабчи бўлётган инстаграмимни 30 кунга ўчириб ўзим учун челленж бошладим.

Бир ҳафта ўтди, шу вақт ҳақида нима дейишим мумкин?

Бу муддатда нимадир деб худоса қилиш бироз мушкул. Сабаби бизга одатлар шаклланиши учун 21 кун вақт керак бўлади.

Лекин бу вақтда ўзимда кичик ўзгаришчаларни сеза бошладим.

Вақт тасарруфи: Дарсларимга кўпроқ вақт топяпман. Зерика бошладим, биламизки зерикиш кўп ишларнинг бошланишига сабаб бўлади. Бу блогни юритишни бошлашимга сабаблардан бири ҳам айнан шудир балки.

Диққатни жамлаш: ўзим кузатадиган телеграм блоглардаги матнли постларни охиригача ўқишгага ҳафсала пайдо бўляпти, олдин ҳар доим ҳам ўқишга сабр ва диққатим етмасди.

Дипрессияга камайиши: Ҳа, дипрессияга кам тушяпман. Ўйлашимча бу ҳам енгил дафамин(реелс видео)дан чекланиш сабабли. Буни ўзим учун енг қувонарли янгилик деган бўлардим.

Хуллас, шу каби гаплар.

Неге челленж қилдим?

Ўзимни яхшироқ билиб олмоқчиман. Имкониятларимни, сабримни, иродамни.. Тажриба қилиб қўриб яхшиланмоқчиман.

П.с/ Бу постни нега ёздим? Челленж бошлаганимни сизга билдириб ўзимда масъулият ҳис қилиш ва челленжни 30 кун тўлиқ давом эттириш.

17.12.2024. Тошкент.

Инсонлар таъсири.

Ҳаммамиз эшитганмиз, атрофингда 4 та миллиардер ёки яна кимдир бўлса 5-си сен бўласан қабилидаги гапларни.

Нима учун бу гапни кўп эшитамиз? Ўзи бу гапда қанчалик жон бор?

Мен буни соддароқ қилиб бир абутуриент мисолида ўзим англаганимча тушунтиришга ҳаракат қиламан.

Квартирамизда бир абутуриент йигит бор. Яқин ўртоғимнинг укаси. Бир йил давлат имтиҳонидан йиқилган. Ўқимаган, буни унинг гап сўзларидан, берган саволларимизга жавобидан, кун тартибидан билиш мумкин. Лекин бунга нима сабаб бўлган бўиши мумкин?

Сабабини ўзи билан гаплашганимда гап сўзларидан билгандек бўлдим. Атрофидфги инсонлар ҳам шундай бўлган.

Албатта, бизни муваффакият ёинки муваффакиятсизлигимизга асосий жавобгар асли ўзимиз.Иродамиз, ҳарислигимиз, интилиш ва қадриятларимиздир.

Укамизнинг давлат имтиҳонидан йиқилишига сабаб фақат атрофидагилар дейишдан буткул йироқман.

Лекин, атрофимиздаги инсонлар таъсири йоқ ҳам деёлмайман.

Мақсадларимиз йўлида тосиқ бўлётган инсонлардан, одатлардан узоқлашмас, талаб этилса кечмас эканмиз, улар бизни мақсадларимиздан кечишимизга сабабчи бўлишади.

16.12.2024. Тошкент.

Ёзиш бизга нима учун керак?!

Блогимга илк постни ёзяпман :)
Лекин менинг миямда баъзи саволлар тинмасдан айланяпти.

"Қизиқ, нима ҳақида ёзишим керак? ёзганда ҳам ўзим эплай оладиган мавзу қайси? ўзи ёзиш менга нима учун керак? ёзиб нимага эришаман?"

Менимча бу саволлар блогига илк постларини ёзётганётган аксарият инсонларда учраган саволлар.

Ҳозир йуқоридаги саволларга ўз билганларимдан келиб чиқиб жавоб беришга ҳаракат қиламан.

Ёзиш бизга ўй-фикрларимизни тартибга солишга,ўзимизга бўлган ишончни орттиришга ёрдам беради.

Ёзиш бизга жамиятдаги воқеа ҳодисаларга ўз шахсий муносабатимизни билдириш имконини беради.

Ёзиш бизга ўзимиз каби фикрлайдиган, қадриятлари бизникига ўхшаш бўлган инсонлар билан танишиш, боғланиш имкониятини тақдим этади.

Ёзиш бизга нима учун ёзиш керклигини ўргатади.

Бу каби сабабларни санашни яна давом эттириш мумкин. Шундай экан ёзиш керак, қолгани жараёнда ўхшаб кетади.

15.12.2024. Тошкент.

Ассалому алайкум.

Бугун ўзим анча вақтдан буён ўйлаб юрган қарорни қабул қилдим. Бу шаҳсий блог юритиш ҳақида.

Бу қарорга Азиз Раҳимовнинг ёзиш тўғрисидаги пости яна бир бор туртки бўлди.

Блогда ўз шахсий қарашларимни, ўй-фикрларимни эркин ифода етишни мақсад қилганман. Ва шу орқали ёзма салоҳиятимни ошириш ниятидаман.

Йўлимизни берсин! 14.12.2024.